اسلام آباد (ویب ڈیسک) نجی ٹی وی چینل کے پروگرام میں بات کرتے ہوئے معروف صحافی رﺅف کلاسرا نے کہا کہ لاہور گندا ترین شہر بن چکا ہے۔ سابق وزیراعلیٰ پنجاب شہباز شریف نے تو جو لاہور کو گندا کیا وہ کیا لیکن اب رہی سہی کسر پاکستان تحریک انصاف کی حکومت نے پوری کر دی ہے۔ وزیراعلیٰ پنجاب عثمان بزدار اور گورنر پنجاب چودھری سرور کو چاہئیے کہ وہ اب لاہور کی طرف تھوڑی توجہ دیں اور لاہور کو صاف کروائیں کیونکہ لاہور سیاحتی اعتبار سے بہت زیادہ اہمیت کا حامل ہے۔یہاں دوسرے ملکوں سے سیاح آتے ہیں۔ لاہور کو ہم پسند کریں یا نہ کریں لیکن لاہور ہماری ثقافتی شناخت ہے اور یہ سچ ہے۔ عمران خان کو بھی چاہئیے کہ وہ لاہور کو صاف کرنے کے حوالے سے ایک مہم کا آغاز کریں اور لاہور کو صاف کروا لیں۔رﺅف کلاسرا نے کہا کہ ہم امن کے خواہشمند ہیں۔ کرتار پور بارڈر کھلنے سے پاکستان میں سرمایہ کاری آئے گی اور سرمایہ کاری آنے سے نوکریاں ملیں گی۔انہوں نے کہا کہ اس بارڈر سے جو لوگ پاکستان میں آئیں گے وہ غیر ملکی کرنسی لائیں گے ، ہو سکتا ہے کہ ہندوﺅں اور سکھوں کے ساتھ ساتھ بدھ مت مذہب سے تعلق رکھنے والے لوگ بھی پاکستان کا دورہ کریں ، ایسے ہی پاکستان کی معیشت پر بھی مثبت اثر پڑے گا۔ واضح رہے کہ وزیراعظم عمران خان آج نارووال کے قریب کرتارپور راہداری کا سنگ بنیاد رکھیں گے۔ کرتار پور بارڈر پر اس راہداری کی تعمیر کے بعد سکھ یاتریوں کو کرتارپور آنے کے لیے ویزے کی ضرورت نہیں پڑے گی۔راہداری کا سنگ بنیاد رکھنے کی تقریب آج ہو گی جس کے لیے تمام انتظامات مکمل کر لیے گئے ہیں۔ اس موقع پر بھارت کے سابق کرکٹر اور سیاستدان نوجوت سنگھ سدھو کو بھی اس تقریب میں شرکت کے لیے خصوصی دعوت دی گئی جسے قبول کرتے ہوئے نوجوت سنگھ سدھو گذشتہ روز پاکستان پہنچے۔

اسلام آباد(ویب ڈیسک)وزیر خارجہ شاہ محمود قریشی کا کہنا ہے کہ پاکستان اور بھارت دو ایٹمی طاقتیں ہیں اور آپس میں لڑائی کرنا خودکشی کے مترادف ہوگا۔برطانوی نشریاتی ادارے کو انٹرویو دیتے ہوئے شاہ محمود قریشی نے کہا کہ کرتارپور راہداری بھارت اور پاکستان کے درمیان مذاکرات کا راستہ ہے، اس سے دونوں ملکوں کو مل بیٹھنے کا موقع ملے گا، دوریاں اور فاصلوں میں کمی ہوگی۔شاہ محمود قریشی نے کہا کہ پاکستان پر کرتار پور راہداری بنانے کے لیے کوئی دباو¿ نہیں تھا، وزیراعظم عمران خان کی پہلے دن سے خواہش تھی کہ ہمارے خطے میں امن ہو۔انہوں نے کہا کہ وزیراعظم کی سوچ ہے ہمارے بھارت سے تاریخی مسائل ہیں تو ان کا حل کیا ہے، جنگ تو مسائل کا حل نہیں اور دو ایٹمی طاقتوں کے درمیان لڑائی کی تو گنجائش نہیں، تو پھر راستہ کیا ہے۔وزیر خارجہ نے کا کہنا تھا کہ کرتار پور راہداری فاصلہ مٹانے کی ایک زبردست کاوش ہے، لوگ واہگہ کے ذریعے آتے تھے، جو 400 کلو میٹر کا راستہ تھا جو ہم 4 کلومیٹر پر لے آئے ہیں۔شاہ محمود قریشی نے کہا کہ جب راستے کم ہوں گے اور آمد و رفت میں اضافہ ہوگا، تو تعلقات میں بہتری آئے گی، پاکستان، بھارت اور جنوبی ایشیا کے باہر سکھ برادری خوشی سے پھولے نہیں سما رہی۔انہوں نے کہا کہ لندن میں ایک ہی محلے میں بھارتی اور پاکستانی اکھٹے رہتے ہیں، کیا وہاں وہ ایک دوسرے کی شادیوں میں شرکت نہیں کرتے، کیا وہاں ایک دوسرے کے تہواروں میں نہیں جاتے اور کیا وہاں ایک دوسرے کی خوشی میں شامل نہیں ہوتے اور کیا لندن میں پاکستانی اور بھارتی اکھٹے دفتروں میں کام نہیں کرتے۔شاہ محمود قریشی کا کہنا تھا کہ لوگوں سے لوگوں کے روابط بڑھنے سے تاثرات تبدیل ہوتے ہیں، یہ خطہ غربت میں جکڑا ہوا ہے اور جہالت کی نظر ہوا۔انہوں نے کہا کہ تحریک انصاف حکومت کی ترجیح ہے کہ پاکستان کو معاشی طور پر مستحکم کریں، حکمرانی اور کرپشن کے مسائل حل کریں، ہم کابل اور نئی دلی سے کہہ رہے ہیں آو¿ بیٹھو، ملو اور مل کر مسائل کو حل کرتے ہیں۔وزیر خارجہ نے کہا کہ جو 2 بھارتی وزرا بھیجے گئے ہیں اس کو مثبت قدم سمجھتا ہوں، ہم اس معاملے کو سیاست کی نظر نہیں کرنا چاہتے، اس خطے میں بے پناہ مواقع ہیں جنھیں ہم استعمال نہیں کر سکے۔یاتریوں کی آمد و رفت کے حوالے سے شاہ محمود قریشی نے کاہ کہ سیکیورٹی اور احتیاط کے لیے راہداری کے دونوں طرف باڑ لگائی جائے گی، ہم چاہیں گے جو آئیں خیریت سے آئیں اور خیریت سے واپس جائیں، اگر یاتریوں کی تعداد بڑھی اور حالات مزید بہتر ہوتے ہیں تو اس کے گرد و نواح میں بازار، ہوٹل بنیں گے۔شاہ محمود قریشی کا مزید کہنا تھا کہ آنے والوں کو کوئی پاسپورٹ کسی ویزہ کی ضرورت نہیں ہوگی، یہ آئیں گے اپنا اندراج کروائیں گے انھیں پرمٹ ملے گا، جو چھوٹی موٹی فیس ہوگی ادا کریں گے۔

اسلام آباد (ویب ڈیسک ) وزیر مملکت برائے داخلہ سے وزارت واپس لیے جانے کا امکان، سعودی عرب سے متعلق متنازعہ بیان دینے پر وزیراعظم کا اظہار برہمی، وزیر مملکت کو سعودی سفیر سے ملاقات کرکے بیان پر معافی مانگنا پڑی۔ تفصیلات کے مطابق وزیراعظم عمران خان نے اقتدار میں آنے کے بعد وفاقی کابینہ میں پہلی بڑی تبدیلی کا فیصلہ کیا ہے۔ذرائع کے مطابق وزیراعظم عمران خان وزیر مملکت برائے داخلہ شہریار آفریدی سے نالاں دکھائی دیتے ہیں۔ حال ہی میں وزیر مملکت برائے داخلہ شہریار آفریدی کی جانب سے سعودی عرب سے متعلق ایک متنازعہ بیان دیا گیا تھا۔ وزیر مملکت شہریار آفریدی نے سعودی عرب میں پاکستانیوں کی حالت زار سے متعلق سعودی حکومت کو شدید تنقید کا نشانہ بنایا تھا۔اسی باعث سعودی عرب سے وزیر مملکت شہریار آفریدی کی باقاعدہ شکایت کیے جانے کا بھی دعویٰ کیا گیا ہے۔اسی باعث وزیراعظم عمران خان نے وزیر مملکت شہریار آفریدی کو خوب جھاڑ پلائی۔ بعد ازاں وزیراعظم کے حکم پر وزیر مملکت شہریار آفریدی نے سعودی سفارت خانے کا دورہ کیا اور سعودی سفیر سے خصوصی ملاقات کی۔ ملاقات کے دوران شہریار آفریدی کی جانب سے سعودی سفیر سے اپنے بیان کی معافی مانگی۔ تاہم ذرائع کا کہنا ہے کہ اس معافی تلافی کے باوجود وزیراعظم شہریار آفریدی سے تاحال ناراض ہیں، اسی باعث امکان ہے کہ شہریار آفریدی سے وزیر مملکت برائے داخلہ کا قلمدان واپس لے لیا جائے گا۔تاہم اس حوالے سے نہ وزارت داخلہ اور نہ ہی وزیراعظم ہاوس کی جانب سے کسی قسم کی تصدیق یا تردید کی گئی ہے۔ اگر شہریار آفریدی سے وزیر مملکت برائے داخلہ کا قلمدان واپس لیا جاتا ہے، تو یہ موجودہ حکومت کی کابینہ میں کی جانے والی پہلی تبدیلی ہوگی۔

لاہور(ویب ڈیسک ) وزیراعظم کے معاون خصوصی زلفی بخاری کا کہنا ہے کہ اگر مجھ پر کوئی نیب ریفرنس فائل ہوا تو میں مستعفی ہو جاﺅں گا۔ تفصیلات کے مطابق وزیراعظم کے معاون خصوصی برائے اوورسیز پاکستانی زلفی بخاری نے امیگرینٹس آفس کی آن لائن رجسٹریشن کا افتتاح کردیا۔ زلفی بخاری کا تقریب سے خطاب کرتے ہوئے کہنا تھا کہ وزارت سمندر پار پاکستانیوں کی پہلی وزارت ہوگی جو پیپر لیس گورننس متعارف کروائے گی۔انہوں نے کہا کہ سمندر پار پاکستانیوں کو ہر ممکن سہولیات فراہم کرنے کی کوشش کر رہے ہیں۔ زلفی بخاری نے کہاکہ پاکستان میں جو سرمایہ کار آنا چاہتے ہیں ہم انہیں رشوت مانگ مانگ کر مایوس کر دیتے ہیں۔ پانامہ لیکس میں آپ کا نام آگیا ہے تو اس کا مطلب نہیں ہے کہ کرپشن کی ہے۔انکوائری کو پبلک نہیں ہونا چاہئیے۔ ان کا مزید کہنا تھا کہ اگر علیم خان یا مجھ پر نیب کا ریفرنس فائل ہوا تو ہم بھی بابراعوان کی طرح اپنے عہدے سے استعفیٰ دے دیں گے۔واضح رہے کہ پاکستان تحریک انصاف کی حکومت آنے کے بعد عمران خان کے قریبی دوست زلفی بخاری کو وزارت اوورسیز پاکستان کا منسٹر انچارج تعینات کر دیا گیا۔ جس کے تحت عمران خان کے قریبی ساتھی زلفی بخاری اوورسیز پاکستانیوں سے متعلق وزیراعظم عمران خان کی معاونت کرتے ہیں۔ یاد رہے کہ عام انتخابات 2018ءمیں زلفی بخاری عمران خان کی این اے 53 میں چلائی جانے والی انتخابی مہم کے انچارج بھی تھے۔زلفی بخاری کی بطور معاون خصوصی برائے وزیر اعظم تعیناتی پر عمران خان اور پاکستان تحریک انصاف کو تنقید کا نشانہ بنایا گیا تھا۔ اس معاملے پر بعد ازاں سپریم کورٹ سے بھی رجوع کیا گیا جس میں درخواستگزار نے زلفی بخاری کی نا اہلی کی استدعا کی تھی۔ زلفی بخاری کی نااہلی کے دائر درخواستیں سپریم کورٹ آف پاکستان میں زیر سماعت ہیں۔

راولپنڈی (ویب ڈیسک )بھارتی میڈ یا نے سکھ رہنما گوپال چاولہ کی آرمی چیف جنرل قمر جاوید باجوہ سے ملاقات پر واویلا کھڑا کردیا جس پر پاک فوج نے بھارتی میڈ یا کے جھوٹے پراپیگنڈے کا منہ توڑ جواب دے دیا۔تفصیل کے مطابق کرتار پور راہداری کی سنگ بنیاد رکھنے کی افتتاحی تقریب میں آرمی چیف نے بھی شرکت کی او ر اس موقع پر وہاں موجود سکھ بھائیوں سے بھی ملاقات کی جس پر بھارتی میڈ یا نے منفی پراپیگنڈہ شروع کردیا اور ایک سکھ رہنما کو خالصتان تحریک کا رہنما بتا کر پاکستان کے مثبت قدم ناکام کرنے کی سازش کی جس پر پاک فوج نے کرارا جواب دے دیا۔مائیکرو بلاگنگ ویب سائٹ ٹوئٹر پر ڈی جی آئی ایس پی آر میجر جنرل آصف غفور باجوہ نے بھارتی میڈ یا کے منفی پراپیگنڈے کی تصاویر شیئر کرتے ہوئے کہا کہ آرمی چیف بلا شناخت موقع پر موجود تمام مہمانوں سے ملے ،بھارتی میڈ یا کا گوپال چاولہ کی آرمی چیف سے دور سے لی گئی تصویر دکھانا تنگ نظری ہے۔