لاہور(سپورٹس رپورٹر)پی سی بی کے چیف آ پریٹنگ آ فیسر سبحان احمد کی میڈیا سے گفتگوپی ایس ایل کی چھٹی ٹیم کا معاہدہ منسوخ ہونا افسوس ناک ہے۔اس ماہ کے آ خر تک مکمل مالی نقصان کے حوالے سے پتہ چل جائے گا۔پی ایس ایل کی چھٹی ٹیم کے لیے جب مارکیٹ میں ا ٓگئے تو قیمت کا پتہ چلے گا۔اے سی سی اجلاس میں بھارت آ ئے یا نہ آ ئے اجلاس شیڈول کے مطابق لاہورمیں ہی ہو گا۔الجزیرہ کوخط لکھا ہوا ہے لیکن وہاں سے ابھی تک جواب نہیں ملا۔عمر اکمل کیساتھ پی سی بی اینٹی کرپشن یونٹ رابطے میں ہے پی سی بی کا اینٹی کرپشن یونٹ اس معاملے کو دیکھ رہا ہے۔ عمر اکمل ذاتی طور پر اینٹی کرپشن یونٹ کے سامنے پیش نہیں مگر فون پر رابطے پر ہیں۔کراچی اسٹیڈیم پی ایس ایل سے قبل مکمل تیار نہ بھی ہو پایا تو میچ کروانے کے قابل ضرور ہو جائے گا۔

دبئی (اے پی پی) سٹار پاکستانی بلے باز بابر اعظم انٹرنیشنل کرکٹ کونسل (آئی سی سی) کی تازہ ترین ٹی ٹونٹی پلیئرز رینکنگ میں ٹاپ پوزیشن مزید مستحکم ہو گئی، روہت شرما 3 درجے ترقی کے ساتھ ساتویں نمبر پر آ گئے، تجربہ کار بلے باز محمد حفیظ 16 درجے ترقی کر کے 53ویں نمبر پر آ گئے ہیں، شعیب ملک بھی ایک درجہ بہتری کے ساتھ 28ویں نمبر پر پہنچ گئے ہیں۔باﺅلرز میں راشد خان سرفہرست ہیں، شاداب خان دوسرے نمبر پر موجود ہیں، فہیم اشرف 14 درجے ترقی پا کر پہلی مرتبہ ٹاپ ٹین میں شامل ہو گئے، کلدیپ یادیو 14 درجے لمبی چھلانگ لگا کر کیریئر بہترین 23ویں نمبر پر آ گئے۔سب سے زیادہ ترقی شاہین شاہ آفریدی نے حاصل کی جو 41درجے ترقی کے ساتھ 78ویں نمبر پر آ گئے ہیں جبکہ محمد حفیظ نے بھی 20درجہ بہتری حاصل کی اور عالمی درجہ بندی میں 59ویں نمبر پر پہنچ گئے ہیں۔ٹیم رینکنگ میں پاکستان کی نمبر ون پوزیشن مزید مستحکم ہوگئی ہے اور پاکستان کے پوائنٹس136سے بڑھ کر 138 ہو گئے ۔ گزشتہ روز آئی سی سی کی طرف سے جاری کردہ تازہ ترین ٹی ٹونٹی پلیئرز رینکنگ کے تحت بلے بازوں میں پاکستان کے بابراعظم بدستور ٹاپ پوزیشن پر قبضہ جمائے ہوئے ہیں، ان کی پوزیشن مزید مستحکم ہو گئی ہے، سٹاربلے بازکے 858 ریٹنگ پوائنٹس ہوگئے۔فنچ دوسرے، منرو تیسرے نمبر پر موجود ہیں، فخر زمان کا پانچواں نمبر ہے۔، روہت شرما 3 سیڑھیاں چڑھ کر ساتویں نمبر پر آ گئے، شیکھر دھون ترقی کے ساتھ 16ویں نمبر پر آ گئے، باﺅلرز میں افغانستان کے راشد خان سرفہرست ہیں، شاداب خان دوسرے نمبر پر موجود ہیں، پاکستانی باﺅلرز فہیم اشرف 9 اور عماد وسیم 2 درجے بہتری کے ساتھ بالترتیب ساتویں اور آٹھویں نمبر پر آ گئے، کلدیپ یادیو 14 درجے چھلانگ لگا کر 23ویں نمبر پر آ گئے، آل راﺅنڈرز میں گلین میکسویل سرفہرست ہیں۔

لاہور(آئی این پی)سابق کوچ محمد ثقلین نے پاکستان ہاکی ٹیم کو ورلڈکپ کے لیے فیورٹ قرار دے دیا۔ قومی ہاکی ٹیم کے سابق کوچ محمد ثقلین کا کہنا ہے کہ اس وقت عماد شکیل بٹ ، محمد عرفان سینئر، رضوان سینئر، راشد محمود، تصورعباس، توثیق احمد، عمر بھٹہ اور علی شان ایسے پلیئر ہے جو دنیا کی کسی بھی ٹیم کو ہرانے کی بھرپور اہلیت رکھتے ہیں، انہی پلیئرز نے اپنی اہلیت کو ثابت بھی کیا۔سابق کوچ کا کہنا تھا کہ ان کھلاڑیوں پر مشتمل پاکستانی ٹیم نے چیمپئنز ٹرافی میں ارجنٹائن کو زیر کیا، آسٹریلیا کے خلاف زبردست کھیل کا مظاہرہ کیا، موجودہ پاکستانی ٹیم میں بھی بڑے اچھے کھلاڑی موجود ہیں، یہ پلیئرز صرف اپنی گیم پر فوکس کریں، گرانڈز کے باہر کے ایشوز کو بالکل نظر انداز کریں تو کوئی وجہ نہیں کہ پاکستانی ٹیم ابتدائی مرحلے میں ٹاپ 8 میں جگہ بنانے میں کامیاب نہ ہو۔محمد ثقلین نے کہا کہ ورلڈکپ کے دوران پاکستان کو گروپ ڈی میں رکھا گیا ہے جس میں پاکستان کے ساتھ جرمنی ہالینڈ اور ملائشیا کی ٹیمیں شامل ہیں، اگرچہ یہ تینوں مضبوط حریف ہیں تاہم پاکستانی ٹیم ان سائیڈز کو زیر کرنے کی بھرپور صلاحیت رکھتی ہے، میری اور پوری قوم کی دعائیں اور نیک خواہشات پاکستان ٹیم کے ساتھ ہیں ،امید کرتا ہوں کہ گرین شرٹس بھارت میں ورلڈ کپ کے دوران عمدہ کارکردگی دکھانے کے بعد وطن واپس لوٹیں گے۔ ایک سوال پر محمد ثقلین کا کہنا تھا کہ ملکی ہاکی مشکل ترین دور میں بھی زندہ رہی اور مستقبل میں بھی اپنی عمدہ کارکردگی سے ملک و قوم کا نام روشن کرتی رہے گی۔ث

لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ میرے خیال میں چیئرمین پی سی بی احسان مانی کو پختگی کا مظاہرہ کرنا چاہئے ماضی میںجو ہو چکا اس پر بلاجواز تنقید سے کرکٹ بورڈ کا ہی ماحول خراب ہو گا۔ بھرتیاں بہرحال میرٹ پر ہی ہونی چاہئیں۔چینل فائیو کے پروگرام گگلی میں گفتگو کرتے ہوئے انہوں نے کہا کہ پاکستان میں یہ روایت رہی ہے جو بھی حکومت آتی ہے وہ اپنی مرضی کی کچھ نہ کچھ بھرتیاں کرتی ہے۔ سپورٹس تجزیہ کارراجہ اسد علی نے کہا کہ محسن خان کے حوالے سے جو بات کی گئی وہ درست نہیں۔جو شخص بھی آتا ہے اگر اپنی ٹیم لے کر آتا ہے اس میں برائی نہیں۔اب سب کو مل کر کرکٹ کی بہتری کے لئے کام کرنا چاہئے کھلاڑیوں کو بھی چاہئے تنقید سے بچیں۔چھوٹی چھوٹی باتوں کونظر انداز کرنا چاہئے تاکہ ملک کی بدنامی نہ ہو۔