کراچی (ویب ڈیسک ) کراچی کے صنعتکاروں نے گیس بحران کے سبب فیکٹریاں بند کرنے کا اعلان کردیا۔ صورتحال پر قابو پانے کے لیے سوئی سدرن گیس کمپنی (ایس ایس جی سی) نے اہم اجلاس طلب کرلیا جس میں صنعتکاروں کو بھی مدعو کیا گیا ہے جہاں کراچی کے صنعتکاروں کو گیس صورتحال سے آگاہ کیا جائے گا۔خیال رہے کراچی میں بدترین گیس بحران کے باعث صنعتکاروں نے صنعتیں بند کرنے کا اعلان کررکھا ہے اور معاملات حل نہ ہونے پر یکم جنوری سے گورنر ہاو¿س کے باہر احتجاج کرنے کی دھمکی بھی دے رکھی ہے۔ایک ہفتہ قبل بھی کراچی سمیت سندھ بھر میں گیس کا بدترین بحران دیکھنے میں آیا تھا جہاں 7 دن کے لیے سی این جی اسٹیشنز بند رہے تھے جب کہ سوئی سدرن کمپنی نے آج بھی سندھ بھر میں سی این جی اسٹیشنز کو گیس سپلائی نہ کرنے کا اعلان کررکھا ہے۔واضح رہے سندھ میں گیس کے بدترین بحران کے بعد وزیراعظم عمران خان نے نوٹس لیتے ہوئے سوئی سدرن و ناردرن کمپنی کے بورڈ آف ڈائریکٹرز کو تحلیل کردیا تھا۔

لاہو ر (ویب ڈیسک ) چیف جسٹس آف پاکستان جسٹس ثاقب نثار نے پیشہ ورانہ زندگی میں خلوص نیت سے کام کرنے کو اصل خدمت قرار دیتے ہوئے کہا ہے کہ ان کا امتحان شروع ہوچکا ہے، جس کا نتیجہ ان کی ریٹائرمنٹ پر نکلے گا۔لاہور میں سروسز انسٹیٹیوٹ آف میڈیکل سائنسز کی کانووکیشن تقریب سے خطاب میں چیف جسٹس نے کہا کہ میں نے اپنی پوری زندگی انصاف کے حصول کے لیے کام کیا ہے، میری زندگی کا مقصد ہمیشہ اپنے پیشے سے مخلص رہنا ہے۔ان کا مزید کہنا تھا کہ پیشہ ورانہ زندگی میں خلوص نیت سے ذمہ داری نبھانا ہی اصل خدمت ہے، میرا امتحان شروع ہوچکا ہے، جس کا نتیجہ میری ریٹائرمنٹ پر نکلے گا۔چیف جسٹس نے کہا کہ زندگی بامقصد ہونی چاہیے، کیڑے مکوڑے کی طرح بےمقصد نہیں۔طب کا شعبہ سب سے زیادہ ذمہ دارجسٹس ثاقب نثار کا کہنا تھا کہ’ہر شخص کو زندہ رہنے کا حق ہے اور طب کا شعبہ سب سے زیادہ ذمہ دار ہے، لہذا ڈاکٹر حضرات کو چاہیے کہ اپنے حلف کی صحیح پاسداری کریں۔ساتھ ہی چیف جسٹس نے واضح کیا کہ اسپتالوں کو چلانا میرا یا عدالتوں کا کام نہیں تھا لیکن وہاں پر غلطیاں ہو رہی تھیں، اداروں کی غلطیوں کا سدباب کرنا عدلیہ کی قانونی ذمہ داری ہے۔اس موقع پر چیف جسٹس نے ماضی کی یادوں کو کھنگالتے ہوئے بتایا کہ میں 8 برس کی عمر میں اپنی والدہ کو تانگے پر بٹھا کر ڈاکٹر کے پاس لےکر جاتا تھا اور کئی کئی گھنٹے تک ڈاکٹروں کے پاس جا کر بیٹھا رہتا تھا۔انہوں نے بتایا کہ والدہ نے مجھے اور میرے بھائی کو انسانیت کی خدمت کی نصیحت کی اور دعا کی اے اللہ! جو تکلیفیں تھیں تونے مجھے دے دیں، میری اولاد کو محفوظ رکھنا۔چیف جسٹس نے کہا کہ جو شخص کسی عذاب سے گزرتا ہے، اسے دوسرے کی تکلیفوں کا احساس ہوتا ہے، میں نے بھی والدہ کی نصیحت کو پلے سے باندھ کر اپنی زندگی کا مشن شروع کیا۔انہوں نے کہا کہ صحت کے شعبے میں خیبرپختونخوا میں جو کرنا چاہ رہا تھا، نہیں کرسکا لیکن پنجاب اور سندھ میں صحت کے شعبوں میں تبدیلیاں آئی ہیں۔جسٹس ثاقب نثار نے کہا کہ نجی اسپتال تعلیم گاہیں نہیں، بزنس سینٹر بن چکے ہیں، ساتھ ہی انہوں نے واضح کیا کہ وہ تمام نجی اسپتالوں کی نہیں، مخصوص اداروں کی بات کر رہے ہیں۔انہوں نے مزید کہا کہ مجھے ملک کے ہر کالج، ہر اسپتال کے ساتھ محبت ہے، میری محبت یکطرفہ نہیں، دوطرفہ ہے۔چیف جسٹس نے بتایا کہ انہوں نے نجی میڈیکل کالجوں کی لاکھوں روپے فیس میں سے 726 ملین روپے بچوں کو واپس دلوائے۔ہمیں اپنے وسائل کو تعلیم پر لگانا چاہیے اپنے خطاب کے دوران چیف جسٹس نے تعلیم کی اہمیت اجاگر کرتے ہوئے کہا کہ کسی بھی قوم یا معاشرے کی ترقی وخوشحالی کے لیے تعلیم بنیادی درجہ رکھتی ہے اور میری ہمیشہ سےکو شش رہی کہ تعلیم کے فروغ کے لیے اپنی ذمہ داریاں پوری کروں۔ جسٹس ثاقب نثار نے کہا کہ میں ہمیشہ اس بات پر زور دیتا ہوں کہ ہمیں اپنے وسائل کو تعلیم پر لگانا چاہیے۔پیدا ہونے والا ہر بچہ ایک لاکھ، 21 ہزار روپے کا مقروض کانووکیشن سے خطاب کے دوران چیف جسٹس کا مزید کہنا تھا کہ ملک کی آبادی بڑھ رہی ہے اور وسائل کم ہوتے جا رہے ہیں، آج پاکستان میں پیدا ہونے والا ہر بچہ ایک لاکھ، 21 ہزار روپے کا مقروض ہے۔واضح رہے کہ چیف جسٹس نے گذشتہ ماہ مانچسٹر میں ایک تقریب سے خطاب کے دوران آبادی پر کنٹرول کے لیے 2بچے ہی اچھے مہم شروع کرنے کا اعلان کیا تھا۔چیف جسٹس نے کہا تھا کہ میں اس کی شروعات اپنے گھر سے کروں گا اور اپنے بچوں کو بھی اس کی تلقین کروں گا۔خطاب کے دوران چیف جسٹس نے سوال کیا کہ کیا پانی کی کمیابی کے معاملے پر بات کرنا غلط ہے؟ کیا صاف پانی کے مسئلے پر ازخود نوٹس لینا میرے دائرہ اختیار میں نہیں آتا؟آخر میں چیف جسٹس نے کہا کہ ‘پانی سے لےکر ادویات کی حد تک ہمیں کوشش کرنا ہوگی کہ بہتری لائیں۔

گھوٹکی(این این آئی، صباح نیوز) پاکستان پیپلزپارٹی کے شریک چیئرمین سابق صدرآصف علی زرداری نے جے آئی ٹی رپورٹ میں نام آنے اور ای سی ایل میں نام ڈالے جانے پر اپنے شدید رد عمل کا اظہار کرتے ہوئے کہاہے کہ کسی چیز سے گھبرانے کی کوئی بات نہیں  جس قوم میں ایکا ہو اور اس نے اپنے حقوق سمجھ لیے ہوں تو اس قوم کو کوئی بھی جھکا نہیں سکتااگر ہم نے 18 ویں ترمیم میں قدرتی وسائل میں صوبوں کو حق دیا ہے تو گھوٹکی کا کیا قصور ہے ؟۔ جمعہ کو جلسے سے خطاب کرتے ہوئے آصف علی زرداری نے کہا کہ اردو میں اس لیے بات کرتا ہوں کہ اسلام آباد میں بہرے، گونگے اور اندھے لوگ رہتے ہیں۔انہوں نے کہا کہ اگر ہم نے 18 ویں ترمیم میں قدرتی وسائل میں صوبوں کو حق دیا ہے تو گھوٹکی کا کیا قصور اس کا حق ان کو نہیں ملتا یہ چھوٹی بات نہیں اگر یہ بات نکلے گی تو دور تک جائے گی۔سابق صدر نے کہا کہ میری گیس فیلڈز یا کوئلے کی کانیں نہیں ہیں، ہم نے ان کو پبلک پرائیوٹ پارٹنر شپ میں غریبوں کی ملکیت بنادیا کیونکہ پیپلزپارٹی کی فلاسفی ہے کہ پہلا حق غریب اور مقامی لوگوں کا ہے۔آصف زرداری نے کہا کہ آپ کے کہنے سے پاکستان مضبوط نہیں ہوتا، ملک تب مضبوط ہوتا ہے جب عوام خوش ہوں، ہم نے کیا گناہ کیا، ہم نے جو کام کیے وہ آنے والی تاریخ لکھے گی۔پیپلزپارٹی کے صدر نے کہا کہ آپ کو اگر اس بات کی تکلیف ہے کہ اتنی دھاندلی سندھ میں نہ کراسکے جتنی کہیں اور کرائی تو کوشش کرکے دیکھ لیں ہم اس کا بھی مقابلہ کریں گے ہم نے الیکشن جیت کر بھی اپوزیشن میں بیٹھ کر دیکھا ہے، ہم لوگوں کی خدمت کرنے آتے ہیں، اپنی خدمت کرنے نہیں آتے۔انہوں نے کہا کہ کسی چیز سے گھبرانے کی کوئی بات نہیں، جس قوم میں ایکا ہو اور اس نے اپنے حقوق سمجھ لیے ہوں تو اس قوم کو کوئی بھی جھکا نہیں سکتا، نہ آپ کی قیادت کو اور ورکروں کو کوئی ڈراسکتا ہے اور نہ جھکا سکتا ہے۔ سابق صدر آصف علی زرداری نے کہا ہے گیس فیلڈز اور کول مائن میری نہیں عوام کی ہے، کول مائننگ جو کی وہ پبلک پرائیویٹ پارٹنر شپ کے تحت کی گئی۔ کول مائننگ پر پہلا حق وہاں کے لوگوں کا ہے۔سابق صدر اور پیپلز پارٹی کے شریک چیئرمین آصف علی زرداری نے گھوٹکی میں جلسے سے خطاب کرتے ہوئے کہا کہ ہم نے 18 ویں ترمیم میں بنیادی صوبائی ریسورسز کو ان کا حق دیا ہے۔ اضلاع کو ان کا حق نہیں ملے گا تو یہ بات بہت دور تک جائے گی۔آصف زرداری نے کہا کہ گیس فیلڈز اور کول مائن میری نہیں عوام کی ہے، کول مائننگ جو کی وہ پبلک پرائیویٹ پارٹنر شپ کے تحت کی گئی۔ کول مائننگ پر پہلا حق وہاں کے لوگوں کا ہے۔انہوں نے کہا کہ پختونخوا اور پنجاب میں یہ طریقہ کار اپنایا جائے تو لوگ جڑتے جائیں گے، لوگوں کو جوڑنے سے ہی مضبوط پاکستان بنے گا۔ پاکستان کو مضبوط کرنا ہے تو عوام کو مضبوط کرنا ہوگا۔سابق صدر نے کہا کہ ہم نے کیا گناہ کیا، آنے والی تاریخ لکھے گی یہ کام ہم نے کیسے کیا۔ پنجاب، پختونخواہ اور بلوچستان جتنا ہی حق سندھ کو بھی حاصل ہے۔ جس قوم نے اپنا حق لینا خود سیکھ لیا ہو اسے کوئی جدا نہیں کرسکتا۔ قیادت، لیڈر شپ، ورکرز کو کوئی جھکا نہیں سکتا اور نہ ہی ڈرا سکتا ہے۔ آصف علی زرداری نے کہا کہ اردو میں اس لیے بات کرتا ہوں کہ اسلام آباد میں بہرے، گونگے اور اندھے لوگ رہتے ہیں۔انہوں نے کہا کہ اگر ہم نے 18 ویں ترمیم میں قدرتی وسائل میں صوبوں کو حق دیا ہے تو گھوٹکی کا کیا قصور اس کا حق ان کو نہیں ملتا، یہ چھوٹی بات نہیں، اگر یہ بات نکلے گی تو دور تک جائے گی۔سابق صدر کا کہنا تھاکہ میری گیس فیلڈز یا کوئلے کی کانیں نہیں ہیں، ہم نے ان کو پبلک پرائیوٹ پارٹنر شپ میں غریبوں کی ملکیت بنادیا کیونکہ پیپلزپارٹی کی فلاسفی ہے کہ پہلا حق غریب اور مقامی لوگوں کا ہے۔آصف زرداری نے مزید کہا کہ آپ کے کہنے سے پاکستان مضبوط نہیں ہوتا، ملک تب مضبوط ہوتا ہے جب عوام خوش ہوں، ہم نے کیا گناہ کیا، ہم نے جو کام کیے وہ آنے والی تاریخ لکھے گی۔پیپلزپارٹی کے صدر کا کہنا تھاکہ آپ کو اگر اس بات کی تکلیف ہے کہ اتنی دھاندلی سندھ میں نہ کراسکے جتنی کہیں اور کرائی تو کوشش کرکے دیکھ لیں ہم اس کا بھی مقابلہ کریں گے، ہم نے الیکشن جیت کر بھی اپوزیشن میں بیٹھ کر دیکھا ہے، ہم لوگوں کی خدمت کرنے آتے ہیں، اپنی خدمت کرنے نہیں آتے۔انہوں نے کہا کہ کسی چیز سے گھبرانے کی کوئی بات نہیں، جس قوم میں ایکا ہو اور اس نے اپنے حقوق سمجھ لیے ہوں تو اس قوم کو کوئی بھی جھکا نہیں سکتا، نہ آپ کی قیادت کو اور ورکروں کو کوئی ڈراسکتا ہے اور نہ جھکا سکتا ہے۔

لاہور(خبر نگار) صوبائی وزیر اطلاعات و ثقافت فیاض الحسن چوہان نے کہا ہے کہ ملک کو لوٹنے والے کسی رعائت کے مستحق نہیں۔ چور اور لٹیرے بڑے خشوع و خضوع کے ساتھ ملک کو لوٹ رہے تھے مگر اب علی بابا جاگ گیا ہے 40 چوروں کی خیر نہیں ہے۔ کرپشن کی بندر بانٹ کرنے والوں کا احتساب جاری رہے گا۔ پیپلز پارٹی ای سی ایل میں نام آنے پر چیخیں مار رہی ہے۔ ان خیالات کا اظہار صوبائی وزیر اطلاعات و ثقافت فیاض الحسن چوہان نے میڈیا سے گفتگو کرتے ہوئے کیا۔ ان کا کہنا تھا کہ آصف زرداری اور ان کے حواری قومی خزانے کو مال مفت دل بے رحم سمجھ کے اڑاتے رہے ہیں آج جب ان سے اس لوٹ مار کی پوچھ گچھ ہو رہی ہے تو اینٹ سے اینٹ بجانے کی دھمکیاں دی جا رہی ہیں۔ یہ ہی زرداری صاحب تھے جن کی سالگرہ کا کیک بھی کرپشن کے پیسوں سے آتا تھا۔ لیکن اب ان کو احساس و گیا ہے کہ یہ نواز شریف کی حکومت نہیں ہے کہ کرپٹ عناصر کو کسی قسم کی چھوٹ مل جائے بلکہ اب تو ہر بددیانت انسان کو اس کی لوٹ مار کا حساب دینا پڑے گا۔انہوں نے مزید کہا کہ زرداری صاحب پر مقدمات پچھلے سال بھی تھے مگر اس وقت وہ جلسے میں مائیکل جیکسن کی طرح ڈانس کر رہے تھے تب انہیںکسی قسم کا کوئی غم نہیں تھا۔ گزشتہ روز جلسے میں آہ و بکا عروج پر تھی کیونکہ ان کو اندازہ ہو گیا ہے کہ کسی قسم کی بندر بانٹ یا مفاہمت اس حکومت میں تو نہیں ہو گی۔ زرداری صاحب اور آل شریف کا یہ ماننا تھا کہ حکومت ان کی جیب میں ہے لیکن عمران خان کی قیادت میں پی ٹی آئی کا یہ عزم ہے کہ اب غریب عوام کا پیسہ لوٹنے والے کسی شخص کو معافی نہیں ملے گی۔ عدلیہ، نیب سمیت تمام تحقیقاتی ادارے آزاد اور خودمختار ہیں۔ اداروں کی تزلیل کی ناکام کوشش کرنے والے تمام کرپٹ سیاستدان جان لیں کہ احتساب کا کدو کٹے گا تو سب میں بٹے گا۔

اسلام آباد(آن لائن ) وزیر خزانہ اسد عمر نے جنوری کے وسط میں منی بجٹ لانے کا اعلان کردیا۔ وزیراعظم ہاو¿س میں صحافیوں سے گفتگو کرتے ہوئے اسد عمر نے کہا کہ منی بل ریونیو پیدا کرنے کیلئے نہیں لارہے۔ آئی ایم ایف کی شرائط سے متعلق وزیر خزانہ نے بتایا کہ آئی ایم ایف کی شرائط سے زیادہ اصلاحات کی رفتار اور سمت اہم ہے، وزارت خزانہ نے اب تک جو بھی فیصلے کئے، ان کا آئی ایم ایف کی شرائط سے کوئی تعلق نہیں۔اسد عمر کا کہنا تھا کہ پی آئی اے اور اسٹیل مل کی بحالی کیلئے جنوری کے آخر تک پلان سامنے آجائے گا، یہ طے ہوجائے گا کہ دونوں اداروں کو کیسے بحال کیا جائے، ان اداروں کی بحالی کیلئے گرینڈ حکمت عملی بنا رہے ہیں۔

لاہور(آئی این پی ) پنجاب کابینہ کا چھٹا اجلاس وزیر اعلی پنجاب عثمان بزدار کی زیر صدارت آج بہاولپور میں ہو گا، اجلاس صبح دس بج کر 30 منٹ پر شروع ہو گا، اجلاس کے ایجنڈے میں محکمہ صحت، تعلیم، نئی بھرتیوں پر پابندیوں کی چھوٹ سمیت اہم امور زیر غور آئیں گے، اجلاس میں غیر ترقیاتی اسکیموں اورخصوصی افراد کے تین فیصد کوٹے میں بھرتیوں پر پابندی کو ختم کرنے اور راولپنڈی ویسٹ منیجمنٹ کمپنی کے لیے فنڈز کی منظوری دی جائے گی۔ تفصیلات کے مطابق پنجاب کابینہ کا چھٹا اجلاس وزیر اعلی پنجاب عثمان بزدار کی زیر صدارت (آج ) اسلامیہ کالج بہاولپور کے کانفرنس ہال میں ہو گا،وزیراعلی پنجاب بہاولپور پہنچ گئے ہیں۔ کابینہ اجلاس کے ایجنڈے میں محکمہ صحت، تعلیم، نئی بھرتیوں پر پابندیوں کی چھوٹ سمیت اہم امور زیر غور آئیں گے۔کابینہ اجلاس میں محکمہ صحت کے لیے وینٹی لیٹرز اور آئی سی یو بیڈز کی خریداری سے متعلق تجاویز پر غور ہو گا، میڈیکل کالجز میں کنٹریکٹ پر بھرتیاں اور اسٹنٹ پروفیسرز کو مستقل کرنے کی منظوری بھی ایجنڈے میں شامل ہیں۔

اسلام آباد (مانیٹرنگ ڈیسک) یکم جنوری سے پٹرولیم مصنوعات کی قیمتوں میں 15 روپے تک کی کمی کا امکان پیدا ہوگیا ہے۔ نجی ٹی وی نے ذرائع کے حوالے سے دعویٰ کیا ہے کہ اوگرا کی جانب سے پٹرولیم مصنوعات کی قیمتوں میں کمی کی سمری وزارت خزانہ کو ارسال کردی گئی ہے ۔ وزارت خزانہ کو پٹرولیم مصنوعات کی قیمتوں میں 15 روپے تک کمی کی تجویز دی گئی ہے۔ وزارت خزانہ وزیر اعظم سے مشاورت کے بعد 31 دسمبر کو فیصلہ کرے گی اور پٹرولیم مصنوعات کی نئی قیمتوں پر عملدرآمد یکم جنوری سے ہوگا۔ ذرائع نے بتایا کہ یکم جنوری سے پٹرول کی قیمت میں ساڑھے 9 روپے فی لٹر کمی کا امکان ہے جبکہ ہائی سپیڈڈیزل کی قیمت میں 15 روپے فی لٹر تک کمی ہوسکتی ہے۔ مٹی کے تیل کی قیمت میں 25 پیسے اور لائٹ ڈیزل کی قیمت میں 2 روپے فی لٹر کمی کا امکان ہے۔