لاہور (ویب ڈیسک ) سپریم کورٹ نے میرٹ کے برعکس پنجاب کی مختلف سرکاری یونیورسٹیز کے متعدد وائس چانسلرز کو استعفے دینے کی ہدایت کردی جب کہ چیف جسٹس پاکستان نے ریمارکس دیے کہ نظام تعلیم کا بیڑا غرق کر کے رکھ دیا، یہ ہے پنجاب حکومت کی کارکردگی۔چیف جسٹس پاکستان کی سربراہی میں 2 رکنی بینچ نے سپریم کورٹ لاہور رجسٹری میں وائس چانسلر لاہور کالج فار ویمن یونیورسٹی کی تعیناتی سے متعلق ازخود نوٹس کی سماعت کی۔چیف جسٹس پاکستان نے استفسار کیا کہ سینئرز کو کیسے نظر انداز کردیا گیا، عدالت کے علم میں ہے کہ احسن اقبال کا لاہور کالج فار ویمن یونیورسٹی کی وائس چانسلر کی تعیناتی میں کیا کردار ہے۔اس موقع پر وزیر ہائر ایجوکیشن علی رضا گیلانی نے کہا کہ عظمیٰ قریشی کی تعیناتی میرے دور میں نہیں ہوئی اور تعیناتی سے متعلق انکوائری میرے پاس آئی تھی۔لاہور کالج یونیورسٹی کی وائس چانسلر عظمیٰ قریشی نے اس موقع پر کہا کہ احسن اقبال میرے والد کے شاگرد ہیں، حلفاً کہتی ہوں احسن اقبال کا تعیناتی میں کوئی کردار نہیں۔چیف جسٹس نے میرٹ کے برعکس سرکاری یونیورسٹیز کے متعدد وائس چانسلرز کو استعفے دینے کی ہدایت کرتے ہوئے نئی سرچ کمیٹیاں قائم کر کے وائس چانسلرز کی جلد تعیناتیاں کرنے کے احکامات جاری کردیے۔

لاہور / اسلام آباد / پشاور( ویب ڈیسک ) بارش برسانے والے بادل پاکستان سے نکل گئے جس کے بعد پھر سے خشک موسم شروع ہوگیا جب کہ خشک موسم سے گرمی کی شدت مزید بڑھ جائے گی۔
محکمہ موسمیات کے مطابق ا?ج ملک کے بیشتر علاقوں میں موسم خشک رہنے کا امکان ہے تاہم گلگت بلتستان میں بعض مقامات پر ہلکی بارش متوقع ہے، ہفتے کے روز ریکارڈ کیے گئے گرم ترین مقامات کے درجہ حرارت کے مطابق سبی، تربت، مٹھی40، میرپورخاص اور چھور میں 39 جبکہ لاہور میں زیادہ سے زیادہ درجہ حرارت 35 ڈگری سینٹی گریڈ ریکارڈ کیا گیا۔ادھر پی ڈی ایم اے کے مطابق پشاور سمیت خیبرپختونخوا کے مختلف اضلاع میں حالیہ بارشوں کے سلسلے کے دوران 3افراد جاں بحق جبکہ 3زخمی ہوئے، جاں بحق افرادکاتعلق نوشہرہ، دیربالااورہنگو سے ہے، بارشوں کے دوران 12مکانات مکمل اور جزوی طور پر تباہ ہوئے۔

لاہور (ویب ڈیسک ) وفاقی وزیر ریلوے خواجہ سعد رفیق کے حلقہ انتخاب این اے125کے شہریوں نے ایکسپریس نیوز کے پروگرام ٹو ڈی پوائنٹ میں میزبان منصور علی خان سے گفتگو کرتے ہوئے کہا ہے کہ ٹیکس لاکھوں میں لیا جاتا ہے لیکن بارش ہونے پر دو دو فٹ پانی کھڑا ہو جاتا ہے۔حلقہ این اے 125 کے ایک شہری نے کہا کہ حلقے میں کوئی کام نہیں ہوا پرائز بانڈ ان کے نکلتے ہیں، دھاندلی ہوتی ہم نے خود دیکھی ہے، آر او خود ٹھپے لگا رہے تھے، ایک اور شہری کا کہناتھا سعد رفیق نے بہت کام کیا ہے ، سڑکیں اس نے بنائی ہیں، لوگوں نے کہا کہ ان کے دور میں پٹرول سستا ہوا اور گیس بھی مہنگی نہیں ہوئی، کوئی بھی کھڑا ہو ووٹ شیر ووٹ کو دیں گے انہوں نے لاہور کا نقشہ بدل دیا ہے۔ایک اور شہری نے کہا کہ سڑکیں بنانے سے ملک کی ترقی نہیں ہوتی ہم عمران خان کو ووٹ دیں گے جس نے عوام کو شعور دیا ، سڑکیں بنانے سے قوم کا قرض نہیں اترے گا ، عوام کو تعلیم اور شعورہوگا تو ملک ترقی کرے گا، ایک اور شہری نے کہا کہ سعد رفیق نے کام کروانے کی بہت کوشش کی ہے لیکن یہاں ووٹ پی ٹی آئی کا ہے کیونکہ(ن) لیگ کرپٹ ہے، ایک اور شہری نے کہا کہ خواجہ سعد رفیق نے کام کروائے ہیں، ایک بچہ سڑک پر مرا تو اس نے پول بنوادیا اور لڑکیوں کیلئے کالج بنوایا ہم تو (ن) لیگ کو ووٹ دیں گے۔

لندن ( ویب ڈیسک ) سابق وزیراعظم نواز شریف اور ان کی صاحبزادی مریم نواز لندن ہیتھرو ائیرپورٹ سے وطن واپسی کے لیے روانہ ہوگئے ہیں۔لندن میں اہلیہ کلثوم نواز کی عیادت کے لیے موجود سابق وزیراعظم نواز شریف اور صاحبزادی مریم نواز ہیتھرو ائیرپورٹ سے اسلام آباد کے لیے روانہ ہوگئے ہیں، نواز شریف غیرملکی ائیرلائن کی پرواز کیو آر 632 سے رات ایک بج کر پینتالیس منٹ پر بینظیر ایئرپورٹ پہنچیں گے۔سماجی رابطے کی سائٹ ٹوئٹر پر مریم نواز نے ٹوئٹ کرتے ہوئے کہا کہ ہیتھرو ائیرپورٹ پہنچ گئے ہیں اور کچھ ہی دیر میں اسلام آباد کیلئے روانہ ہوں گے جب کہ وطن پہنچ کر عدالت میں پیش ہوں گے۔

لاہور( ویب ڈیسک )پاکستان سمیت دنیا کے مخلتف ممالک میں زمین سے محبت کا اظہار کرنے کے لیے آج ’ارتھ ڈے‘ منایا جارہا ہے۔ارتھ ڈے نیٹ ورک کے مطابق یہ دن ہر سال 22 اپریل کو دنیا کے 192 ممالک میں منایا جاتا ہے جس کی ابتدا 48 برس قبل 1970 میں امریکی سینیٹر گیرولڈ نیلسن نے کی، جن کا عزم ماحول کو صاف ستھرا رکھنا تھا۔ارتھ ڈے منانے کا مقصد ماحولیاتی آلودگی سے زمین کو پہنچنے والے نقصان سے محفوظ بنانا اور لوگوں میں آگہی اور زمین سے محبت کا شعور اجاگر کرنا ہے۔ماہر ماحولیات ڈاکٹر معظم کے مطابق فضائی آلودگی کا خاتمہ درخت لگا کر کیا جاسکتا ہے کیوں کہ درخت ا±ٓکسیجن فراہم کرتے ہیں۔زمین سے محبت کے اظہار کیلئے پاکستان سمیت دنیا بھرمیں ارتھ آور منایا گیا۔عالمی ادارہ صحت 2012 کی رپورٹ کے مطابق فضائی آلودگی صحت کے لیے ایک بڑا خطرہ بن گیا ہے جس کی روک تھام کے لیے مناسب اقدامات کی ضرورت ہے۔