لاہور (ویب ڈیسک)چیف جسٹس پاکستان جسٹس ثاقب نثار نے کہاہے کہ پاکستان جمہوری ملک ہے اور کس میں ہمت ہے مارشل لاء لگائے، سپریم کورٹ کے 17 ججز مارشل لاءنہیں لگنے دیں گے۔لاہور میں یوم اقبال کی تقریب سے خطاب کرتے ہوئے چیف جسٹس پاکستان جسٹس میاں ثاقب نثار نے کہا کہ ’پاکستان ہمیں خیرات یا تحفے میں نہیں ملا، یہ ملک مستقل جدوجہد اور قربانیوں سے حاصل ہوا ہے‘۔
انہوں نے کہا کہ ’میری نظر میں سب سے اہم چیز تعلیم ہے، تعلیم سے متعلق کسی چیز پر سمجھوتا نہیں کروں گا، قوم کی بقا کے لیے تعلیم بہت ضروری ہے، کیا ہم نے ایسے موقع پیدا کیے جو بچہ ڈاکٹر بن کے ملک کی خدمت کرنا چاہتا ہے اسے بلا سفارش یا ایسا تعلیمی نظام میسر ہو جہاں جاکر وہ تعلیم حاصل کرسکے‘۔چیف جسٹس کا کہنا تھا کہ ’پاکستان میں تعلیمی ادارے قائم کرنے کے بجائے تباہ کیے جارہے ہیں ، پنجاب یونیورسٹی کی 80 ایکڑ زمین حکومت کوکیوں دی، ہمارے ملک میں یہ تعلیم کا عالم ہے، بلوچستان میں 6 ہزار پرائمری اسکول پانی اور بیت الخلائ کے بغیر چل رہےہیں، بچیاں حاجت کے لیے فصلوں میں جاتی ہیں، پینے کے لیے پانی میسر نہیں، پنجاب میں اسی طرح کی صورتحال ہے، کے پی میں بتایا گیا وہاں بہت اسکول ہیں جہاں پانی اور چار دیواری تعمیر نہیں ہوسکی، یہ کون دے گا؟ ہمارا ٹیکس کا پیسہ تعلیم پر خرچ نہیں ہوتا تو کہاں ہوتا ہے۔

لاہور (ویب ڈیسک) تحریک انصاف نے لاہور جلسے کیلئے ٹکٹ کے خواہشمندوں کو 2 سے 4 لاکھ روپے کا پارٹی فنڈ دینے کی ہدایت کردی اس کے علاوہ تحریک انصاف کی علاقائی قیادت کو زیادہ سے زیادہ بندے لانے کا ٹاسک بھی سونپا گیا ہے۔ایک ویب سائٹ کے مطابق تحریک انصاف نے 29 اپریل کو مینار پاکستان پر سب سے بڑے جلسے کا اعلان کر رکھا ہے، اس حوالے سے سوشل میڈیا پر ’ ایک نہیں دو؟‘ کے نام سے مہم بھی زوروشور سے جاری ہے تاہم اب یہ دعویٰ سامنے آیا ہے کہ جلسے کیلئے پی ٹی آئی نے پارٹی ٹکٹ کے خواہشمندوں کو 4 لاکھ روپے کا فنڈز دینے کا حکم دیا ہے ، اس کے علاوہ پارٹی قیادت نے پارٹی عہدیداران کو زیادہ سے زیادہ بندے لانے کا خصوصی ٹاسک بھی دے دیا ہے۔تحریک انصاف کی قیادت کی جانب سے قومی اسمبلی کے ٹکٹ کے ہر امیدوار سے پارٹی فنڈ میں 4 لاکھ روپے اور صوبائی اسمبلی کے امیدواروں سے پارٹی فنڈکیلئے 2 لاکھ روپے مانگے گئے ۔تحریک انصاف کی طرف سے اعلان کیا گیا ہے کہ وہ 29 اپریل کو نہ صرف اکتوبر 2011 کے جلسے کی یاد تازہ کردیں گے۔اگر پی ٹی آئی اپنے اس دعویٰ پر قائم رہی تو اسے گرا?نڈ بھرنے کیلئے کم از کم 5 لاکھ بندے درکار ہوں گے ورنہ یہ جلسہ ناکام تصور کیا جائے گا۔ الیکشن سے کچھ عرصہ پہلے ایک ناکام جلسہ پی ٹی آئی کیلئے بڑا سیٹ بیک ہوسکتا ہے۔

کراچی (ویب ڈیسک ) انسداد دہشت گردی کی عدالت نے نقیب اللہ قتل کیس میں نامزد معطل ایس ایس پی راو¿ انوار کو 2 مئی تک عدالتی ریمانڈ پر جیل بھیجنے کا حکم دے دیا۔پولیس نے معطل ایس ایس پی ملیر راو¿ انوار کو 30 روز کا جسمانی ریمانڈ مکمل ہونے پر عدالت میں پیش کیا جہاں ملزم کو انتہائی سخت سیکیورٹی میں انسداد دہشت گردی کی عدالت لایا گیا۔نقیب قتل کیس: راو¿ انوار 30 روزہ جسمانی ریمانڈ پر پولیس کے حوالےپولیس کی جانب سے مجموعی طور پر کیس کے 12 ملزمان کو عدالت میں پیش کیا گیا۔کیس کی کارروائی کے آغاز پر تفتیشی افسر ڈاکٹر رضوان نے عدالت کو بتایا کہ ملزم سے ابھی تفتیش مکمل نہیں ہوئی، تفتیش کے لیےجے آئی ٹی تشکیل دے دی گئی ہے، جے آئی ٹی کی سفارشات کےبعد ہی حتمی رپورٹ پیش کی جائے گی۔ڈاکٹر رضوان نے راو¿ انور کو جوڈیشل ریمانڈ پر جیل بھیجنے کی استدعا کرتے ہوئے حتمی چالان پیش کرنے کے لیے ایک ہفتے کی مہلت طلب کی۔عدالت نے تفتیشی افسرا کی استدعا پر ملزم راو¿ انوار اور شکیل کو 2 مئی تک عدالتی ریمانڈ پر جیل بھیجنے کا حکم دیا جب کہ ڈی ایس پی قمر احمد سمیت دیگر 10 ملزمان کےعدالت ریمانڈ میں توسیع کردی۔

لاہور/ اسلام آباد (ویب ڈیسک) پی آئی اے 400 ارب کے خسارے میں ہے، طیارے زمین پر ہیں لیکن عملہ ہواوں میں اڑ رہا ہے اور اس کے پاوں زمین پر نہیں ٹک رہے۔ پیپلز یونٹی نے سی بی اے الیکشن جیتا تو بھارتی گانوں پرمخلوط رقص کرکے جشن منایا۔پی آئی اے ریفرنڈم میں ن لیگ کی حمایت یافتہ سی بی اے یونین ایئر لیگ کو بری طرح شکست کا سامنا کرنا پڑا جبکہ اپوزیشن جماعتوں کا اتحاد کام دکھا گیا اور پی آئی اے ریفرنڈم میں بھی سینیٹ الیکشن جیسی صورت حال دیکھنے میں آئی۔پیپلز یونٹی 4 ہزار 28 ووٹ حاصل کر کے کامیاب قرار پائی جبکہ سویپ ایئر لیگ نے صرف ایک ہزار 797ووٹ حاصل کیے، الیکشن میں مجموعی طور پر 6 ہزار ووٹ کاسٹ کیے گئے۔اپوزیشن جماعتوں کی حمایت یافتہ یونین انصاف فرنٹ، پیاسی یونائٹڈ ورکرز فرنٹ اور سکائی ویز نے پیپلز یونٹی کا ریفرنڈم میں بھرپور ساتھ دیا علاوہ ازیں پی آئی اے میں منعقد ہونے والے ریفرنڈم میں گرینڈ الائنس نے بھی بھرپور کردار ادا کیا۔

پاکستان تحریک انصاف کے مرکزی ڈپٹی سیکریٹری اطلاعات و رکن خیبر پختونخوا اسمبلی شوکت یوسفزئی کا کہنا ہے کہ ان کے اتحادی جماعت اسلامی کے وزراءآستین کے سانپ ہیں اور وہی پشاور کی ترقی میں بڑی رکاوٹ رہے ہیں۔شوکت یوسف زئی کا کہنا تھا کہ امیر جماعت اسلامی سراج الحق کے بیان پر افسوس ہوا، وہ سادہ نہ بنیں، 5 سال اقتدار کے مزے لیے ہیں تو ذمہ داری بھی لیں۔انہوں نے کہا کہ بی آر ٹی پشاور کی ترقی کا مںصوبہ ہے، پی ٹی آئی اس کی ذمہ داری لیتی ہے۔ان کا کہنا تھا کہ یہ منصوبہ ایشیائی ترقیاتی بینک کی نگرانی میں بن رہا ہے اور یہ شفاف منصوبہ ہے، کیڑے نکالنے کی کوشش نہ کریں۔ان کا کہنا ہے کہ 5 سال جماعت اسلامی نے بھی اقتدار کے مزے لوٹے ہیں، اگر کوئی خرابی تھی تو امیر جماعت اسلامی کیوں خاموش تھے؟شوکت یوسفزئی نے کہا کہ جاتے جاتے ملبہ دوسروں پر ڈالنے کی عادت جماعت اسلامی سے نہیں گئی ہے۔

اسلام آباد (ویب ڈیسک) پیپلز پارٹی اور مسلم لیگ (ن) نے نگران وزیراعظم کا نام فائنل کرلیا، نام کا اعلان مئی کے وسط تک نہ کرنے پر اتفاق کیا گیا ہے۔ ایک نجی ٹی وی نے ذرائع کے حوالے سے دعویٰ کیا ہے کہ دونوں سیاسی جماعتیں سندھ ،پنجاب اور بلوچستان کے نگران وزرائے اعلی پر بھی مشاورت کر رہی ہیں۔اس حوالے سے جب خورشید شاہ سے پوچھا گیا کہ نگراں وزیر اعظم کس صوبے اور کون سے شعبے سے ہو گا؟ تو خورشید شاہ کا کہنا تھا کہ ابھی کچھ بھی کہنا تمام حکمت عملی پر کلہاڑا مارنے کے مترادف ہو گا۔