لاہور (نیا اخبار رپورٹ) گلوکارہ میشا شفیع کے بعد مزید تین خواتین نے بھی اداکار و گلوگار علی ظفر پر جنسی ہراساں کیے جانے کا الزام عائد کردیا۔لاہور کی ایخاتون لیکچرار ماہم جاوید نے علی ظفر پر الزام لگایا کہ کئی سال قبل گلوکار نے زبردستی ان کی کزن کے قریب آنے کی کوششاسے اپنے ساتھ ریسٹ روم میں لے جانا چاہا لیکن ان کی کزن کی دوستوں نے ایسا ہونے نہ دیا۔ماہم جاوید نے مزید لکھا کہ یہ 2004-05ءکا واقعہ ہے، لیکن مجھے یہ اچھی طرح سے یاد ہے۔ اس وقت اس طرح کے واقعات پر بات نہیں کی جاتی تھی۔شوبز سے وابستہ ایک میک اپ آرٹسٹ لینا غنی نے دعویٰ کیا کہ کئی مواقعوں پر علی ظفر نے حد سے تجاوز کیا اور اخلاق سے گری گفتگو کی۔لینا نے لکھا کہ انہوں نے علی ظفر کی ان حرکات کو نظرانداز کرنے کی کوشش کی لیکن اب انہیں لگتا ہے کہ انہیں سچائی سب کے سامنے لے آنی چاہیے۔ایک خاتون بلاگر حمنہ رضا نے بھی اپنے سوشل میڈیا اکاﺅنٹ پر الزام عائد کیا کہ ایک تقریب کے دوران علی ظفر نے سیلفی لیتے ہوئے ان سے غیر اخلاقی حرکت کی تھی۔خاتون نے لکھا کہ ڈیڑھ سال قبل وہ اپنے شوہر اور دوستوں کے ساتھ ایک تقریب میں گئیں، جہاں علی ظفر کو دیکھ کر وہ پرجوش ہوگئیں اور اکیلی ان کے ساتھ سیلفی لینے چلی گئیں۔ان کا کہنا تھا کہ ”میں نے علی ظفر سے پوچھا کہ کیا آپ میرے ساتھ سیلفی لیں گے؟ جس پر انہوں نے مجھے قریب آنے کو کہا، میں ان کے برابر میں کھڑی ہوگئی اور سیلفی لینے ہی لگی تھی کہ میں نے محسوس کیا کہ انہوں نے اپنے ہاتھ سے میری کمر کو چھوا۔“ کوک سٹوڈیو سے شہرت پانے والی مومنہ مستحسن بھی میدان میں آ گئی ہے اور انہوں نے پیغام جاری کر تے ہوئے کہاہے کہ مجھے بھی ہراسگی کا سامنا کرنا پڑاہے اور یہ مسئلہ علی ظفر کے مسئلے سے بھی بڑا ہے ، مومنہ کا کہناتھا کہ میں علی ظفر اور دیگر مردوں سے یہی سوال پوچھنا چاہتی ہوں کہ اگر آپ نے کبھی نہ چاہتے ہوئے بھی ایسی حرکت کی ہے تو آپ غیر مشروط معافی مانگیں اور اپنی غلطیوں سے سیکھتے ہوئے بہتر انسان بنیں۔دوسری طرف گلوکار علی ظفر کی والدہ ڈاکٹر کنول امین نے کہا ہے کہ اب قانونی طریقے سے بات ہوگی۔ بات کرتے ہوئے علی ظفر کی والدہ ڈاکٹر کنول نے کہا کہ میرے نزدیک مرد اور عورت دونوں محترم ہیں اور عورت کی طرح ایک مرد کی بھی عزت ہوتی ہے۔ڈاکٹر کنول نے کہا کہ یہ یاد رکھنا چاہیے کہ مرد کی بھی فیملی ہوتی ہے، میڈیا پر آکر بات نہیں کرناچاہتی اور اب قانونی طریقے سے ہی بات ہوگی۔ اداکارہ ماہرہ خان نے اس معاملے پر اپنی رائے کا اظہار کیا ہے تاہم انہوں نے میشا شفیع یا علی ظفر کا نام لیے بغیر سوشل میڈیا پر جنسی ہراسانی جیسے سنجیدہ معاملے پر تبصرے کرنے والے لوگوں کو آڑے ہاتھوں لیتے ہوئے کہا کہ بیمار ذہنیت والے اس معاملے پر تبصرہ کررہے ہیں جس سے ظاہر ہے کہ مسئلہ دراصل ان کے دماغوں میں ہے۔ اگر ہم اس معاملے کو تبصرے کرکے کمزور کرتے رہیں گے تو یہ سلسلہ اسی طرح جاری رہے گا۔نامور پاکستانی اداکارہ مایا علی نے علی ظفر کے خلاف سوشل میڈیا پر گردش کرنے والی تمام خبروں کی تردید کرتے ہوئے کہا کہ مجھے نہیں معلوم کون صحیح ہے اور کون غلط، میں علی ظفر کو زیادہ عرصے سے نہیں جانتی، ہم پچھلے ایک سال سے ساتھ کام کررہے ہیں۔لاہور میں اپنی فلم کی شوٹنگ کے علاوہ ہم پولینڈ بھی ساتھ گئے لیکن میں نے کبھی بھی علی ظفر کے بارے میں کوئی منفی بات نہیں سنی۔ علی ظفر ہمیشہ اپنی بیوی اوربچوں کے بارے میں بات کرتے نظر آئے اور ان کی اسی چیز نے مجھے ان کا مداح بنادیاکیونکہ وہ کہیں بھی ہوں ہمیشہ اپنی بیوی سے رابطے میں رہتے ہیں اوراچھی بری تمام باتیں ان سے شیئر کرتے ہیں۔ جب ہم فلم کے سیٹ پر ہوتے ہیں یاکسی ریسٹورنٹ میں ہوتے ہیں علی اس جگہ کی تمام باتیں اپنی بیوی سے شیئر کرتے ہیں۔ مایا علی نے کہا کہ میں کسی کی طرف سے کوئی وضاحت نہیں دے رہی ہوں۔ ہم کہانی کا ایک رخ دیکھ کر فیصلہ نہیں کرسکتے میں علی ظفر کی بہت عزت کرتی ہوں اور چاہتی ہوں کہ سچ باہرآئے۔

لاہور (خصوصی رپورٹ) گلوکارہ میشا شفیع اور مشہور اداکارہ گلوکار علی ظفر کے درمیان لڑائی کی اصل وجہ سامنے آگئی ہے۔ میڈیا رپورٹ کے مطابق مشہور گلوکار علی ظفر اور میشا شفیع میں ایک نجی ٹی وی شو کے معاوضہ پر لڑائی ہوئی۔ ذرائع کے مطابق نجی ٹی وی چینل نے شو میں علی ظفر اور میشا شفیع کو بطور جج سائن کیا‘ میشا شفیع نے نجی ٹی وی کے پروڈیوسر سے علی ظفر کے برابر معاوضہ طلب کیا جس پر پروڈیوسر نے علی ظفر کو راک اسٹار کہتے ہوئے برابر معاوضہ دینے سے انکار کر دیا۔ ذرائع کے مطابق پروڈیوسر کی جانب سے علی ظفر کے برابر معاوضہ دینے سے انکار پر شو کی 8 اقساط کے بعد میشا شفیع غصہ میں شو چھوڑ کر چلی گئیں اور س کے کچھ دن بعد انہوں نے علی ظفر پر جنسی ہراساں کا الزام لگایا۔ واضح رہے کہ گزشتہ روز گلوکارہ میشا شفیع نے مشہور گلوکارو اداکار علی ظفر پر جنسی ہراسانی کا الزام عائد کرتے ہوئے کہا کہ انہیں کسی اور نے نہیں بلکہ انڈسٹری سے تعلق رکھنے والے مشہور گلوکار علی ظفر نے ایک سے زائد بار جنسی طور پر ہراساں کیا۔

لاہور(خصوصی رپورٹ) اداکارہ وگلوکارہ میشا شفیع کے بعد اداکارہ میرا بھی میدان میں آ گئیں۔ فلم انڈسٹری میں جنسی ہراساں کرنے کے معاملے پر کتاب لکھنے کا عندیہ دیدیا۔ میشا شفیع کی جانب سے ایک روز قبل گلوکار و اداکار علی ظفر پر جنسی ہراساں کرنے کا الزام عائد کیا گیا تھا جس کے بعد دیگر کچھ خواتین نے بھی اسی طرح کے الزامات عائد کئے۔ لالی ووڈ سٹار میرا کا کہنا ہے کہ جنسی ہراسگی معمول کی بات ہے، بالی ووڈ اور لالی ووڈ میں اداکاراﺅں کے ساتھ جنسی زیادتیاں ہوئیں۔ فلم انڈسٹری میں میرے ساتھ بھی بہت کچھ ہوا اور میں سب کے پول کھولوں گی۔

لاہور (ویب ڈیسک)گلو کارہ میشا شفیع نے علی ظفر پر جنسی ہراسگی کا نشانہ بنانے کا الزام عائد کیا تو اس پر شوبز کی دوسری شخصیات بھی میدان میں آئیں اور انہوں نے اپنے اپنے خیالات کا اظہار کیا تاہم اب کوک سٹیڈیو سے شہرت پانے والی مومنہ مستحسن بھی میدان میں آ گئی ہے اور انہوں نے پیغام جاری کر تے ہوئے کہاہے کہ مجھے بھی ہراسگی کا سامنا کرنا پڑاہے اور یہ مسئلہ علی ظفر کے مسئلے سے بھی بڑا ہے ، مومنہ کا کہناتھا کہ میں علی ظفر اور دیگر مردوں سے یہی سوال پوچھنا چاہتی ہوں کہ اگر آپ نے کبھی نا چاہتے ہوئے بھی ایسی حرکت کی ہے تو آپ غیر مشروط معافی مانگیں اور اپنی غلطیوں سے سیکھتے ہوئے بہتر انسان بنیں۔ مومنہ مستحسن کا کہناتھا کہ اکثر اوقات جیسا کہ ہم دیکھتے ہیں کہ خواتین کو انہیں مردوں کی جانب سے ایسی خلاف ورزی کا سامنا کرنا پڑتاہے جنہیں وہ عام طور پر جانتی ہوں ،جس پر اعتبار کرتی ہوں یا پھر جن کے ساتھ کام کرتی ہوں ، اس بات کو کہنے کیلئے بہت زیادہ حوصلے کی ضرورت ہوتی ہے ، لیکن یہ مسئلہ کسی بھی مرد یا عورت سے بڑھ کر ہے ، یہ انسانیت ، عظمت ، برابری اور عزت کا مسئلہ ہے ،میری دعا ہے کہ لوگ ان خواتین کے ساتھ کھڑے ہوں جو کہ اس سے متاثر ہوتی ہیں۔