ؒٓلاہور (ویب ڈیسک) ہیواوے کی ذیلی کمپنی آنر نے اپنا نیا فلیگ شپ فون متعارف کرادیا ہے جس میں آئی فون ایکس جیسا نوچ اور ڈوئل رئیر کیمرہ سیٹ اپ دیا گیا ہے۔آنر 10 کے نام سے متعارف کرایا گیا یہ فون قیمت کے لحاظ سے درمیانے درجے کا لگتا ہے تاہم فیچرز کے لحاظ سے کسی بڑی کمپنی کے فلیگ شپ فون سے کم نہیں۔چین میں ایک ایونٹ کے دوران اس نئے فون کو متعارف کرایا گیا جس کے 2 اسٹوریج آپشن صارفین کے لیے دستیاب ہوں گے۔ایک ورڑن سکس جی بی ریم اور 64 جی بی اسٹوریج جبکہ دوسرا سکس جی بی ریم اور 128 جی بی اسٹوریج کے ساتھ ہوگا۔اس فون میں کمپنی نے ایک دلچسپ چیز اس کی باڈی میں رنگوں کے بدلنے کا ایفیکٹ دینا ہے، ویسے یہ فینٹوم بلیو اور میراج پرپل رنگوں میں دستیاب ہوگا۔

لاہور (ویب ڈیسک )کراچی حیدرآباد ایم نائن موٹروے پر کار کے خوفناک حادثے میں ایک ہی خاندان کے 7 افراد جھلس کر جاں بحق ہو گئے، جن میں ایک نوبیاہتا جوڑا بھی شامل تھا جبکہ ایک بچی معجزانہ طور پر محفوظ رہی۔پولیس کے مطابق کراچی سے جیکب آباد جانے والی کار ایم نائن موٹروے پر لونی کوٹ کے قریب آگے چلنے والی گاڑی سے ٹکرا گئی۔حادثے کے نتیجے میں آگ لگنے سے کار میں سوار ریٹائرڈ ٹیچر علی شیر کے گھر کے 7 افراد موقع پر ہی جھلس کر جاں بحق ہوگئے۔واقعے میں جاں بحق ہونے والوں کی شناخت 22 سالہ صدف، سچل تھانہ کا کانسٹیبل علی حسن، 24 سالہ افروز، 40 سالہ عبدالحفیظ، رفعت، 1 سالہ محمد علی اور علی شیر کے نام سے ہوئی، جو جیکب آباد کے رہائشی تھے۔علی حسن اور صدف کی دو روز قبل ہی شادی ہوئی تھی جبکہ کار میں سوار افراد میں سے 3 سالہ شفاءمعجزانہ طور پر محفوظ رہی۔حادثے کے بعد پولیس اور ریسکیو ٹیموں نے لاشیں سول اسپتال حیدرآباد منتقل کیں جہاں سے لاشیں ورثاءکے حوالے کر دی گئیں۔

پشاور (ویب ڈیسک) خیبرپختونخوا میں ایک ہزار 769 افراد سے پولیس سیکیورٹی واپس لے لی گئی جس کی رپورٹ آئی جی نے سپریم کورٹ میں جمع کرادی۔چیف جسٹس پاکستان نےگزشتہ روز انسپکٹر جنرل پولیس خیبرپختونخوا صلاح الدین محسود کو غیر متعلقہ افراد سے سیکیورٹی واپس لینے کا حکم دیا تھا۔چیف جسٹس کا تمام صوبوں میں استحقاق نہ رکھنے والوں سے سیکیورٹی واپس لینے کا حکم چیف جسٹس پاکستان کی سربراہی میں پشاور رجسٹری میں سیکیورٹی سے متعلق کیس کی سماعت ہوئی جس دوران آئی جی خیبرپختونخوا نے سپریم کورٹ کے احکامات پر عملدرآمد سے متعلق رپورٹ عدالت میں جمع کرائی۔

لاہور (ویب ڈیسک) پنجاب کے مختلف شہروں سمیت بالائی علاقوں میں بارش کے بعد موسم خوشگوار ہوگیا جب کہ کوئٹہ شہر کے گرد و نواح میں پہاڑوں پر برفباری کے بعد موسم سرد ہوگیا۔اسلام آباد، لاہور، ملتان اور ساہیوال سمیت پنجاب کے مختلف حصوں اور بالائی خیبر پختونخوا میں بارش ہوئی جب کہ چمن اور زیارت سمیت شمالی بلوچستان میں بارش کا سلسلہ وقفے وقفے سے جاری ہے۔کوئٹہ شہر کے گرد و نواح میں پہاڑوں پر گزشتہ رات برفباری ہوئی جب کہ وادی ہنہ اور اوڑک کے پہاڑی سلسلے میں بھی برف پڑی، پہاڑوں پر برفباری اور بارش کے بعد شہر کا موسم سرد ہوگیا اور آئندہ 24 گھنٹے تک سردی کی لہر برقرار رہنے کا امکان ہے۔محکمہ موسمیات نے آج راولپنڈی اور پشاور میں آندھی اور ڑالہ باری کی پیش گوئی کی ہے جب کہ فیصل آباد، گوجرانوالہ، کوہاٹ، مری اور مالاکنڈ میں بھی بارش کا امکان ظاہر کیا گیا ہے۔

پشاور (ویب ڈیسک) چیف جسٹس آف پاکستان جسٹس ثاقب نثار نے خیبرپختونخوا میں اتائیوں کے کلینک ایک ہفتے کے اندر بند کرنے کا حکم دے دیا۔چیف جسٹس ثاقب نثار کی سربراہی میں سپریم کورٹ کے 3 رکنی بینچ نے پشاور رجسٹری میں صحت کی سہولیات سے متعلق کیس کی سماعت کی۔سماعت کے دوران چیئرمین ہیلتھ کیئر کمیشن عدالت میں پیش ہوئے اور بتایا کہ خیبرپختونخوا میں 15 ہزار اتائی ڈاکٹر ہیں۔چیف جسٹس نے استفسار کیا کہ آپ نے کتنے اتائیوں کے خلاف کارروائی کی اور کتنے اتائیوں پر پابندی لگائی گئی ہے؟جسٹس ثاقب نثار نے مزید استفسار کیا کہ وہ اتائی کہاں ہے جو اسپتال میں کام کرتے ہوئے گرفتار ہوا؟چیف جسٹس نے ریمارکس دیئے کہ اتائی لوگوں کی زندگیاں تباہ کر رہے ہیں۔
ساتھ ہی چیف جسٹس نے ہیلتھ کیئر کمیشن کے سربراہ سے استفسار کہ آپ کی اپنی تنخواہ کتنی ہے؟سربراہ ہیلتھ کیئر کمیشن نے بتایا کہ ان کی تنخواہ 5 لاکھ ہے۔جسٹس ثاقب نثار نے ریمارکس دیئے کہ یہ کیسا صوبہ ہے جہاں چیف سیکریٹری 1 لاکھ 80 ہزار اور آپ 5 لاکھ روپے تنخوا لے رہے ہیں۔