لاہور (کورٹ رپورٹ) ڈائریکٹر جنرل قومی احتساب بیورو ( نیب ) لاہور سلیم شہزاد نے کہا ہے کہ سعد رفیق کی اراضی کے لین دین میں شکوک و شبہات موجود ہیں اور چند روز میں دونوں بھائیوں کیخلاف انکوائری میں پیشرفت متوقع ہے، احدچیمہ کاپیراگون سٹی سے گہراتعلق ہے، اراضی احدچیمہ اور ان کا خاندان خریدرہا تھا جبکہ ادائیگی پیراگون کررہاتھا، ،انکی فیملی ممبران کے بینک بیلنس میں حیران کن اضافہ ہوا،سب لوگ کہتے ہیں کہ احتساب کریں مگر دوسروں کا،چیئرمین نیب کی ہدایت پر چہرہ دیکھے بغیر ایمانداری سے کام کررہے ہیں۔ان خیالات کا اظہار انہوں نے گزشتہ روز لاہور ہائیکورٹ کے احاطہ میں میڈیا سے گفتگو کرتے ہوئے کیا ۔ ڈی جی نیب سلیم شہزاد نے کہا کہ خواجہ سعدرفیق کی اراضی لین دین میں شکوک شبہات ہیں، نیب کی تحقیقات جاری ہیں اور چند روز میں دونوں بھائیوں کے حوالے سے اہم انکشافات سامنے آنے کی امید ہے۔انہوں نے کہا کہ خواجہ صاحب ٹی وی پرجو کہتے ہیں اس کے ثبوت بھی پیش کریں، جب کرپشن نہیں کی تو ڈرنا کیسا۔ایک سوال کے جواب میں انہوں نے کہا کہ سعدرفیق قابل عزت سیاستدان ہیں، نیب نے خواجہ سعدرفیق کی کوئی دستاویزات لیک نہیں کیں، نیب اپنی تحقیقات میں سچ سامنے لائے گااور انکے کیس میں میرٹ پرفیصلہ کرینگے۔انہوں نے کہا کہ سب لوگ کہتے ہیں احتساب کریں مگردوسروں کا، چیئرمین نیب کی ہدایت پر چہرہ دیکھے بغیر ایمانداری سے فرائض انجام دے رہے ہیں۔احد چیمہ کے حوالے سے سلیم شہزاد نے کہا کہ احدچیمہ کاپیراگون سٹی سے گہراتعلق ہے، احدچیمہ براہ راست پیراگون کے معاملات میں ملوث رہا، اراضی احدچیمہ اور ان کا خاندان خریدرہا تھا جبکہ ادائیگی پیراگون کررہاتھا، یہ کیا اتفاق ہے۔ انہوں نے کہا کہ احدچیمہ نے بطور ڈی جی پیرا گون سٹی سے فوائدحاصل کیے، احد چیمہ نے ایل ڈی اے سٹی میں بھی پلاٹ لیا، احد چیمہ سرکاری کام کر رہے تھے اور فائدہ فیملی والے اٹھا رہے تھے۔ڈی جی نیب لاہور نے مزید کہا کہ پیراگون نے کیوں ایک بیورو کریٹ کو فائدے پہنچائے، احد چیمہ کے فیملی ممبرز کے اکانٹس میں غیر معمولی اضافہ ہوا۔

اسلام آباد( مانیٹرنگ ڈیسک) تحریک انصاف کے ممبران صوبائی اسمبلی جن پر سینٹ الیکشن میں پیسے لیکر ووٹ دینے کا الزام سامنے آیا، میڈیا پراپنی صفائیاں اور مو¿قف دینے لگے، نجی ٹی وی سے گفتگو کرتے ہوئے ایم پی اے نگینہ خان نے کہا کمہ یہ کیسی شخصیات ہیں کہ کسی ے ہمیں بلایا نہ کوئی سوال پوچھا، طریقہ کار تو یہ ہے کہ پہلے شوکاز نوٹس جاری ہوتا ہے، یہاں ہمیں پہلے نکالا جارہا ہے اور پھر پوچھا جائے گا،2008 ءسے پارٹی میں ہوں میں نے کسی کی اپنا ووٹ نہیں بیچا، دل کے ساتھ تریک انصاف میں شامل ہوں، تحقیقات میں کلیئر ہوجاو¿ں گی، امجد آفریدی نے کہا کہ عمران خان اصل میں الزام خان ہیں،مجھے تو تحریک انصاف نے2015 میں پارٹی سے نکال دیا تھا، میں آزاد رکن ہوں جس کو چاہے ووٹ دوں، یہ کیسے پوچھ سکتے ہیں، ایم پی اے سمیع اللہ نے کہا کہ آزاد حیثیت سے تحریک انصاف میں شامل ہوا تھا، عمران خان سے محبت پارٹی میں لائی، پارٹی اور عمران خان کے سامنے پیش ہوکر صفائی دو نگا اور سرخرو ہونگا، ووٹ بیچا یہ تاثر پہلے دن ہی یہ بات سامنے آجاتی، عمران خان نے ہمیشہ مجھے عزت دی، الزام پر افسوس ہوا ہے، سینٹ الیکشن میں جو ممبران بکے ہیں ان کو سب جانتے ہیں، ہم ایوب آفریدی کے پینل میں تھے اور وہ کامیاب ہوئے۔ خاتون رکن اسمبلی نرگس علی نے کہا کہ مجھ پر جو الزام لگایا گیا اس کی تردید کرتی ہوں، فدا محمد کو12 میں سے12 ووٹ ہی پڑے، پی اے گروپ میں12 ارکان تھے جنہوں نے صحیح ووٹ کاسٹ کئے، کچھ لوگوں کو بچانے کیلئے ہمیں قربانی کا بکرا بنایا جارہا ہے، شوکاز نوٹس پر پارٹی کو مطمئن کرونگی اور انہیں صفائی پیش کرونگی۔ پاکستان تحریک انصاف چھوڑ کر مسلم لیگ (ق) میں شامل ہونے والے رہنما جاوید نسیم نے کہا ہے کہ میں پی ٹی آئی کا ممبر نہیں اس لئے جواب دینے کا پابند نہیں ہوں، میں عمران خان کے خلاف ہتک عزت کا دعویٰ دائر کروں گا اور عدالت میں جاﺅں گا، جبکہ پی ٹی آئی کی فوزیہ بی بی نے کہا ہے کہ ہم انصاف کیلئے عدالت کا دروازہ کھٹکھٹائیں گے، میں تحقیقات کیلئے تیار ہوں، میں چاہتی ہوں کہ سینٹ میں جو ڈرامہ ہوا وہ کھل کر سامنے آئے، وزیر اعلیٰ خیبر پختونخوا پرویز خٹک کو اس بات کا علم ہی نہیں ہے کہ کس نے کس کو ووٹ دیا ۔ عمران خان کی جانب سے لگائے گئے الزامات پر ردعمل دیتے ہوئے تحریک انصاف کے رہنما جاوید نسیم نے کہا کہ میں پی ٹی آئی میں نہیں ہوں اس لیئے میں جواب دینے کا پابند نہیں ، میں 3سال قبل (پی ٹی آئی) چھوڑ چکا ہوں یہ مجھے متنازع کرنا چاہ رہے ہیں، الزام تراشی کرنا عمران خان کی عادت ہے میں عمران خان کے خلاف ہتک عزت کا دعویٰ دائر کروں گا اور عدالت میں جاﺅں گا۔ فوزیہ بی بی نے کہا کہ یہ پریس کانفرنس میرے لیئے حیران کن ہے، میں نے پارٹی میں بات کی تھی کہ ایس طریقہ کار اپنائیں جس پتہ لگ سکے کہ کس نے ووٹ دیا ہے اور کس نے نہیں، ہم نے کرپشن کے خلاف مہم پر عمران خان کا ساتھ دیا، تحقیقات کے بغیر الزام لگانا درست نہیں، ہم انصاف کیلئے عدالت کا دروازہ کھٹکھٹائیں گے، دس مرتبہ پارٹیاں تبدیل کرنے والوں کی مرضی نہیں چلے گی، الزامات لگا کر لوگوں کو پارتی سے نکالنے کی کوشش کی جاری ہے۔ میں پریس کانفرنس کروں گی اور عدالت جاﺅں گی، میں تحقیقات کیلئے تیار ہوں، میں چاہتی ہوں کہ سینٹ میں جو ڈرامہ ہوا وہ کھل کر سامنے آئے، عمران خان نے بے بنیاد الزام لگارہے ہیں۔ انہوں نے کہا کہ وزیر اعلیٰ خیبر پختونخوا پرویز خٹک کو اس بات کا علم ہی نہیں ہے کہ کس نے کس کو ووٹ دیا ۔