کراچی (ویب ڈیسک )سونے کی قیمت میں اضافے کا سلسلہ جاری ہے اور اب اس کی فی تولہ قیمت میں مزید 450 روپے کا اضافہ ہوگیا ہے۔آل سندھ صرافہ بازار ایسوسی ایشن کے مطابق ایک تولہ سونے کی قیمت میں 450 روپے کا اضافہ ہوگیا ہے جس کے بعد ایک تولہ سونے کی قیمت 60 ہزار روپے کی سطح پر پہنچ گئی ہے۔اس کے علاوہ 10 گرام سونے کی قیمت 386 روپے اضافے سے 51 ہزار 428 روپے ہوگئی ہے۔عالمی مارکیٹ میں سونا 6 ڈالر مہنگا ہو کر ایک ہزار 349 ڈالر فی اونس پر آگیاہے۔

اسلام آباد (ویب ڈیسک)چیئرمین تحریک انصاف عمران خان نے سینیٹ الیکشن میں ووٹ بیچنے والے 20پارٹی ارکان کو شوکاز نوٹس جاری کرنے کا اعلان کرتے ہوئے کہاہے کہ ہم نے ضمیرفروشوں کی شناخت کرلی ہے ‘اگران ارکان نے شوکازکا جواب نہ دیاتو پارٹی سے نکال دیں گے اوریہ افراد بیگناہ ثابت نہ ہوئے تومعاملہ نیب کوبھیج دینگے، تیس سے چالیس سال ووٹ بکتا رہا ہے ،ملکی تاریخمیں پہلی بار ایکشن لیا ہے‘کیا دوسری جماعتوں میں اتنی جرات اور اخلاقی طاقت ہے کہ اپنے ضمیر فروش ارکان کو نکالیں؟۔ نواز شریف کو ملک سے باہر نہیں جانے دینا چاہئے تھا، یہ کرپشن کی یونین ہے،ن لیگ جمہوریت کے پیچھے چھپ رہی ہے‘کونسی جمہوریت کرپشن کی اجازت دیتی ہے‘جنوبی پنجاب محاذ سے بات چیت چل رہی ہے، ٹکٹ دینے کیلئے کوئی پیسہ مانگ رہاہے تو بتائیں اس کیخلاف کارروائی ہوگی‘29 اپریل کو پتہ چل جائے گا عوام کس کے ساتھ ہیں۔ وہ بدھ کو بنی گالہ میں پارٹی کی مرکزی قیادت کے اجلاس کے بعد پریس کانفرنس کررہے تھے۔دوسری جانب ووٹ بیچنے کے الزام پر تحریک انصاف کے اراکین اسمبلی کا موقف بھی

اسلام آباد(ویب ڈیسک) پاکستان میں ہوابازی کے نگراں ادارے سول ایوی ایشن اتھارٹی (سی اے اے) نے اسلام آباد کے نئے بین الاقوامی ہوائی اڈے کے کمرشل آپریشن کے آغاز کی نئی تاریخ دے دی ہے۔ پہلے یہ ہوائی اڈہ جمعہ 20 اپریل کو کھلنا تھا مگر اب نئی تاریخ کے مطابق تین مئی کو یہاں سے کمرشل پروازوں کا آغاز ہو گا۔یاد رہے کہ سول ایوی ایشن اتھارٹی نے اس سے قبل جاری کیے گئے نوٹس میں اعلان کیا تھا کہ نیا ہوائی اڈہ 16 اپریل سے آپریشنل ہو گا جسے بعد میں تبدیل کر کے بیس اپریل کی تاریخ رکھی گئی تھی۔بدھ 18 اپریل کی دوپہر تک سول ایوی ایشن اور ایئرلائنز کے مختلف اہلکار اس بات پر م±صر تھے کہ ہوائی اڈہ 20 اپریل کو ہی کھلے گا مگر دوپہر کو نئے نوٹس کے اجرا کے بعد صورتحال اچانک سے بدل گئی۔

گجرات (ویب ڈیسک) یورنیورسٹی آف گجرات کی تین طالبات پر تیزاب پھینک دیا گیا، تیزاب گردی کا شکار ہونے والی طالبات میں 2 بہنیں بھی شامل ہیں۔ پولیس کا کہنا ہے کہ ماموں نے گھریلو تنازعے پر بھانجیوں پر تیزاب پھینکا جس کی زد میں ان کی سہیلی بھی آگئی۔ تیزاب گردی کا نشانہ بننے والی دونوں بہنوں کی حالت سخت تشویشناک ہے۔ یونیورسٹی آف گجرات کی 3 طالبات چنن گاﺅں کے قریب بس کے انتظا رمیں کھڑی تھیں کہ اسی دوران ایک موٹرسائیکل پر سوار تین ملزمان آئے اور ان پر تیزاب پھینک دیا۔ تیزاب کے باعث یونیورسٹی آف گجرات کی تین طالبات سائرہ عمر دراز، آسیہ عمر دراز اور ہما یونس جھلس گئیں جنہیں ہسپتال منتقل کردیا گیا ہے۔پولیس کا کہنا ہے کہ سائرہ اور آسیہ بہنیں جبکہ ہما ان کی سہیلی ہے اور تینوں یونیورسٹی آف گجرات میں ایم ایس سی کی طالبات تھیں۔ہسپتال ذرائع کا کہنا ہے کہ تیزاب گردی کا شکار ہونے والی 2 بہنوں کی حالت سخت تشویشناک ہے، ایک کے جسم کا 80 فیصد حصہ جھلس چکا ہے۔

اسلام آباد (آئی این پی )اسلام آباد کی انسداد دہشت گری عدالت نے پی ٹی وی اور پارلیمنٹ حملہ کیس میں پی ٹی آئی رہنما پرویز خٹک اور شوکت یوسفزئی کی عبوری ضمانت منظور کرلی۔تفصیلات کے مطابق اسلام آباد انسداد دہشت گردی میںپی ٹی وی اور پارلیمنٹ حملہ کیس کی سماعت کی گئی۔پرویز خٹک اور شوکت یوسفزئی عالت میں پیش ہوئے۔درخواست ضمانت میں لکھا گیا کہ مقدمے بے بنیاد ہیں ،ضمانت منظور کی جائے۔ عدالت نے پرویز خٹک اور شوکت یوسفزئی کی پی ٹی وی پارلیمنٹ حملہ کیس میں عبوری ضمانت منظورکر لی۔دونوں کو عدالت کی جانب سے ایک ،ایک لاکھ روپے کے ضمانتی مچلکے جمع کرانے کا حکم دیا گیا ہے۔