ممبئی(شوبزڈیسک) بالی وڈ اداکارہ نیہا دھوپیا نے کہا ہے کہ ان کی فیشن کی سمجھ بوجھ کئی سالوں کے تجربے اور مشاہدے پر محیط ہے اور اب وہ بہتر سمجھتی ہیں کہ ان کے لئے کیا بہتر ہے۔ بھارتی ذرائع ابلاغ کے مطابق اداکارہ نیہا دھوپیا نے کہا ہے کہ ان کے لئے فیشن وہ ہے جو آپ نظر آتے ہیں اور جو پہنتے ہیں ،اس میں خود کو آرام دہ محسوس کریں۔ انہوں نے کہا کہ میری فیشن کی سمجھ بوجھ کئی سالوں کے مشاہدے اور تجربے پر محیط ہے اور مجھے مختلف سٹائلز اپنانے اور ان کے ساتھ تجربات کرنا پسند ہے چاہے وہ گلیمرس ہو یا نہ ہو، میں اب بہتر سمجھتی ہوں کہ میرے لئے کیا بہتر ہے اور اس کے لئے میں بہترین ڈیزائنرز کے ساتھ منسلک ہوں جو میرے خیالات کو زندگی بخشتے ہیں۔

لاہور(شوبزڈیسک) اداکارہ وماڈل حیا سہگل نے کہا ہے کہ بطور فنکار جو اپنے کام سے انصاف نہیں کرتے ان کی منزل کچھ ہی عرصہ بعد ختم ہوجاتی ہے اوروہ فن کی لمبی ریس سے باہرہوجاتے ہیں۔میڈیا سے گفتگوکرتے ہوئے حیا سہگل نے کہا کہ میرے نزدیک ایک طرف تو کردارکی ڈیمانڈ کوانتہائی محنت، لگن اور ایمانداری کے ساتھ پورا کرنے والا ہی ورسٹائل فنکارمانا جاتا ہے اوردوسری جانب یہی انداز اسے دوسرے فنکاروں سے منفرد بھی بناتا ہے۔ یہی وجہ ہے کہ میں نے اسٹارز کے پیچھے بھاگنے سے بہتر سمجھا کہ اپنی فنکارانہ صلاحیتوں کے ذریعہ اپنی خود کی پہچان بنا ﺅں۔اداکارہ نے مزید کہا کہ میں نے پاکستان میں ٹی وی انڈسٹری کیلئے بہت سے اہم کردارنبھائے ہیں اورمزید پروجیکٹس میں بھی کام کررہی ہوں لیکن میری اصل منزل بڑی اسکرین ہی ہے۔ بڑی اسکرین کے جادونے مجھے ہمیشہ متاثر کیا ہے۔ یہی وجہ ہے کہ میں ٹی وی کے ساتھ ساتھ اس وقت فلم کے شعبے میں بھی کام کر رہی ہوں۔

ممبئی (شوبزڈیسک)بالی وڈ اداکارہ پرینیتی چوپڑا ایک بار پھر گانے مجھے تم میں اپنی آواز کا جادو جگائیں گی۔ بھارتی ذرائع ابلاغ اداکارہ پرینیتی چوپڑا امل ملک کے ساتھ مل کر گانامجھے تم گائیں گی۔یہ گانا کسی پرانے گانے کا نیا ورژن نہیں ہے بلکہ پرینیتی کے پہلے گانے مانا کہ ہم یار نہیں سے ملتا جلتا ہے لیکن اس کے نوٹس اس سے بلکل مختلف ہیں ۔اداکارہ ان دنوں ویپل شا کی فلم نمستے انگلینڈ پر کام کر رہی ہیں ۔ گانے کی ریکارڈنگ پرینیتی کی آسٹریلیا سے واپسی پر کی جائے گی ۔
جبکہ گانے کی وڈیو کی عکسبندی فلم کے مکمل ہونے کے بعد شروع کی جائے گی۔

ممبئی(شوبزڈیسک) نامور بالی ووڈ اداکارہ پریانکا چوپڑا نے شاہ رخ خان کے ساتھ تعلقات اور کرینہ کپور کے ساتھ دشمنی کی افواہوں سے متعلق خاموشی توڑ دی۔ اداکارہ پریانکا چوپڑا کا شمار بالی ووڈ کی صف اول کی اداکاراو¿ں میں ہوتا ہے، پریانکا نے بالی ووڈ کے ساتھ ہالی ووڈ میں بھی اپنی اداکاری کا سکہ جمایا ہے تاہم اپنے کیریئر کے دوران انہیں کئی اسکینڈلز کا سامنا بھی رہا ہے، جس کے بارے میں پریانکا عام طور پر بات کرنا پسند نہیں کرتیں۔ کیریئر کی ابتدا ہی میں پریانکا چوپڑا اور کرینہ کپور ایک دوسرے کی سخت حریف بن گئی تھیں۔ فلم ”اعتراض“ کے بعد دونوں کی دشمنی میں مزید اضافہ ہوگیا تھا۔اور دونوں نے ایک دوسرے کے ساتھ کام کرنے سے انکار کردیا تھا۔فلم”ہیروئن“کی ریلیز کے بعد کرینہ نے پریانکا پر طنز کرتے ہوئے کہا تھا کہ ان کی فلم پریانکا کی فلم”فیشن“سے کہیں زیادہ بہتر ہے کیا ہوا اگراس نے نیشنل ایوارڈ نہیں جیتا جس پر پریانکا نے کرینہ کو کرارا جواب دیتے ہوئے کہا تھا کرینہ پر انگور کھٹے ہیں والی مثال فٹ بیٹھتی ہے کیونکہ جب کسی کو کوئی چیز نہیں ملتی تو وہ ایسا ہی کہتا ہے۔ایک شو کے دوران پریانکا نے کرینہ کے ساتھ اپنی دشمنی کے بارے میں بات کرتے ہوئے کہا تھا میں بہت ایمان دار ہوں اور مجھے معلوم ہے کون میرا دوست ہے اور کون نہیں جو لوگ میرے دوست ہیں انہیں میں خود سے قریب رکھتی ہوں۔اسی شوکے دوران انہوں نے بالی ووڈ کنگ شاہ رخ خان کے ساتھ تعلقات کے بارے میں بات کرتے ہوئے کہا تھا کہ میں ان تمام افواہوں کی تصدیق یا تردید نہیں کروں گی جو میرے اور شاہ رخ خان کے متعلق میڈیا میں گردش کرتی رہتی ہیں، کیونکہ ہم عوامی شخصیات ہیں اور یہ تمام افواہیں اور اسکینڈلز ہماری زندگی کا حصہ ہیں۔ ہماری زندگیوں میں کیا چل رہا ہے لوگوں کو یہ جاننے کا حق ہے۔ چاہے وہ ان افواہوں پر یقین کرتے ہیں یا نہیں، میرے تردید کرنے سے یہ افواہیں غلط ثابت نہیں ہوجائیں گی۔

ممبئی(شوبزڈیسک) با لی وڈ اداکارہ کریتی سینن کو” داداصاحب پھالکے ایوارڈ“ سے نوازا جائے گا۔بھارتی ذرائع ابلاغ کے مطابق اداکارہ کریتی سینن کوفلم ” بریلی کی برفی“میں بہترین اداکاری پر بالی وڈ کا یہ اہم ایوارڈ پیش کیاجائے گا۔ واضح رہے کہ فلم ” بریلی کی برفی“ کریتی سینن کی اب تک کی بہترین فلم مانی جاتی ہے اس فلم میں اداکارہ نے چھوٹے سے گاﺅں کی ” بٹی“ نامی ایک عام لڑکی کا کردار نبھایاتھا فلم نے بہترین بزنس کیا اور ان کے کردار کو کافی شہرت حاصل ہوئی تھی۔