ممبئی (ویب ڈیسک) بالی ووڈ کے دبنگ ہیرو سلمان خان کی کالا ہرن شکار کیس میں مشکلات ابھی ختم نہیں ہوئیں، بھارت کے ’ وائلڈ لائف کرائم کنٹرول بیورو‘ نے اداکار کو اپنی ویب سائٹ پر مجرموں کی فہرست میں شامل کرلیا ہے۔ فہرست کے آخر میں سلمان خان کا نام شامل کیا گیا ہے۔تفصیلات کے مطابق کچھ روز بھارتی ریاست راجھستان میں کالا ہرن شکار کے 20 سال پرانے کیس میں سلمان خان کو مجرم قرار دے کر 5 سال قید اور10 ہزار روپے جرمانہ سنایا گیا۔ اس کیس میں سلمان خان نے 2 راتیں گزاریں تاہم انہیں جودھپور ہائی کورٹ کی جانب سے ضمانت پر رہا کردیا گیا تھا۔ جیل سے رہائی ملنے کے باوجود لگتا ہے کہ سلو میاں کی مشکلات کم نہیں ہوئیں کیونکہ بھارت کے ’ وائلڈ لائف کرائم کنٹرول بیورو‘ نے اداکار کو اپنی ویب سائٹ پر مجرموں کی فہرست میں شامل کرلیا ہے۔

ممبئی(شوبزڈیسک )نامور پاکستانی اداکارہ صبا قمر اور عرفان خان کی فلم ہندی میڈیم نے چین میں صرف 11 دن میں 184 کروڑ کمالیے۔گزشتہ برس ریلیز کی گئی انگریزی اور ہندی معیار تعلیم جیسےسنجیدہ اور سماجی مسئلے پر مبنی فلم ”ہندی میڈیم “بھارت سمیت پاکستان میں بھی بے حد پسند کی گئی تھی۔ فلم میں پاکستانی اداکارہ صباقمر اور عرفان خان نے مرکزی کردار اداکیا تھا۔ فلم کی پسندیدگی کو مدنظر رکھتے ہوئے اسے چین میں بھی ریلیز کیا گیا۔ اپنے جاندار موضوع کے باعث ہندی میڈیم نے چائنیز باکس آفس پر کمال کردیا اور ریلیز کے صرف 11 دنوں میں 184 کروڑ کا بزنس کرکے سب کو حیران کردیا۔بھارتی فلمی تجزیہ کاروں کا کہنا ہے کہ فلم چین میں بے حد پسند کی جارہی ہے اورآنے والے دنوں میں 200 کروڑ کمانے میں کامیاب ہوجائے گی۔
ہندی میڈیم اب تک دنیا بھر سے 292 کروڑ55لاکھ کا بزنس کرچکی ہے اور اداکار عرفان خان کی اب تک کی سب سے زیادہ بزنس کرنے والی فلم ہے۔ساکت چوہدری کی زیر ہدایت بننے والی فلم کی کہانی معاشرے میں رائج انگریزی معیار تعلیم کے گرد گھومتی ہے۔ فلم میں صبا قمر اور عرفان خان نے ایسے والدین کا کردار ادا کیا تھا جو اپنی بیٹی کو انگلش میڈیم اسکول میں داخل کروانے کی ہر ممکن کوشش کرتے ہیں اور اس کوشش میں انہیں کن مسائل کا سامنا کرنا پڑتا ہے اور کیسے وہ مزاحیہ انداز میں ان مشکلات کا حل نکالتے ہیں، ان کی یہی کوشش شائقین کو بھا گئی۔واضح رہے کہ ہندی میڈیم سے قبل عامر خان کی فلمیں سیکریٹ سپر اسٹار، دنگلاور سلمان خان کی فلم بجرنگی بھائی جان بھی چائنیز باکس آفس پر کمال کرچکی ہیں۔

\

لاہور(شوبزڈیسک)نامور گلوکارہ حدیقہ کیانی کا کہنا ہے کہ پاکستان میں ٹیلنٹ کی کوئی کمی نہیں، حدیقہ کیانی کا کہنا تھا کہ ہمارے ملک میں ٹیلنٹ تو بہت زیادہ ہے لیکن کوئی مناسب پلیٹ فارم موجود نہیں ہے جہاں اس ٹیلنٹ کو مواقع فراہم کرکے ان کے فن میں مزید نکھار پیدا کیا جا سکے۔گلوکارہ کا کہنا تھا کہ اب حالات ایسے نہیں رہے کہ کوئی بھی گلوکار اپنی البم نکال سکے جب ملک کے حالات ہی نامناسب ہوں تو پھر کوئی فنکار بھی ایسا چانس نہیں لے گا جس میں پیسہ ضائع ہونے کا خطرہ ہو۔

ممبئی (شوبزڈیسک)بالی وڈ فلموں میں ٹکراو¿ آنا کوئی نئی بات نہیں۔ وقتاًفوقتاً ایک سنیما گھر میں دو بڑی فلمیں ایک ہی دن ریلیز کی جاتی ہے جس کی وجہ سے دونوں فلموں کی مارکیٹ میں ٹکراو¿ پیدا ہوجاتا ہے۔زرائع کے مطابق اس بار بھی کچھ ایسا ہی ہونے جارہا ہے۔ سلمان خان کی نئی فلم ”ریس 3“ عید میں ریلیز ہونے والی واحد بڑی فلم نہیں ہوگی بلکہ رپورٹ کے مطابق رجنی کانتھ کی نئی فلم ”کالا“ بھی عید کے موقع پر ہی ریلیز کی جائے گی۔ساو¿تھ فلم انڈسٹری پر ہونے والی ہڑتال کی وجہ سے رجنی کانتھ کی نئی فلم 27 اپریل کو ریلیز نہیں ہوسکے گی اور اب یہ فلم عید کے موقع پر 5 جون کو ریلیز کرنے کا سوچا جا رہا ہے ۔
واضح رہے کہ سلمان خان کی فلم ”ریس 3“ بھی 5 جون کو ہی ریلیز کی جانے والی ہے۔

لاہور(شوبزڈیسک) بین الاقوامی شہرت یافتہ گلوکار راحت فتح علی خان ،مزاحیہ فنکارحسن عباس کی عیادت کیلئے انکے گھرفتح گڑھ پہنچ گئے ۔انہوں نے حسن عباس کو پھول پیش کئے اورنیک تمناﺅں کا اظہار کیا۔ واضح رہے حسن عباس، راحت فتح علی خان کیساتھ ملک و بیرون ملک بے شمار شوزمیں پرفارم کرچکے ہیں۔ حسن عباس نے راحت فتح کی گھرآمد پر انکا شکریہ ادا کیا۔بی این پی سے گفتگوکرتے ہوئے انکاکہناتھا میں تمام فنکاروں اور دوستوں کاشکرگزارہوں جنہوں نے میری عیادت کی۔