لاہور(آئی این پی ) پاکستان مسلم لیگ (ن) کے صدر وزیراعلی پنجاب شہباز شریف سے چند روز کے دوران چوہدری نثار نے تیسری ملاقات کر کےپارٹی کے مختلف امور پر تبادلہ خیال کیا، شہباز شریف نے دورہ کراچی اور پشاور پر چوہدری نثار سے تبادلہ خیال،مسلم لیگ (ن)کو مضبوط بنانے اور آئندہ الیکشن کے بارے گفتگو کی ۔ اتوار کو مسلم لیگ(ن)کے ناراض رہنما چوہدری نثار علی خان اور وزیراعلی پنجاب شہباز شریف کے درمیان ہونے والی ملاقات کے دوران پارٹی کے مختلف امور پر تبادلہ خیال کیا گیا۔ ملاقات میں شہباز شریف نے دورہ کراچی اور پشاور پر چوہدری نثار سے تبادلہ خیال کیا جب کہ اس موقع پر مسلم لیگ (ن)کو مضبوط بنانے اور آئندہ الیکشن کے بارے میں بھی گفتگو ہوئی۔ اس موقع پرشہبازشریف نے چوہدری نثار کے تحفظات دور کرنے کی یقین دہانی کراتے ہوئے کہا کہ جماعت کو ان کی ضرورت ہے، ہم نے مل کر عوام کی خدمت کرنی ہے، پہلے بھی عوامی ترقی کے لئے منصوبے لگائے گئے اور یہ سفر آئندہ بھی جاری رہے گا جس کے لئے ضروری ہے کہ ہم آپس کے اختلاف اور دوریوں کو ختم کریں۔

لاہور (مانیٹرنگ ڈیسک) پاکستان مسلم لیگ ن کی رہنما ماروی میمن نے لیگی قیادت پر تنقید کرتے ہوئے کہا ہے کہ ہم امید کرتے ہیں ہماری جماعتیں جمہوریتپسند ہوں، بدقسمتی سے اس جماعت میں صرف جی حضوری چل رہی ہے، جو اس وقت جی حضوری کے بغیر کام کررہے تھے ان کو سائیڈ پر کردیا گیا۔ ان کا کہنا تھا کہ کوئی خلاف مرضی اواز اٹھاتا ہے تو اسے سائیڈ پر کردیا جاتا ہے، رائے کے مخالف جانے والے کو باغی کہہ دیا جاتا ہے۔مائیکرو بلاگنگ ویب سائٹ ٹوئٹر پر پیغام دیتے ہوئے انہوں نے کہا کہ جن کی وجہ سے دھرنے ہوئے وہ اب بھی کامیاب ہیں جبکہ مشکل میں پارٹی کو ان کی ضرورت ہوتی ہے جو آپ کو کڑوا سچ بتائیں، ایک کامیاب پارٹی کس کی وجہ سے مشکل میں آئی کیونکہ وہ اس وقت اندھا دھند مائنس کی ڈیبیٹ میں پھنسے ہیں۔

تہران (اے این این) مقبوضہ کشمیر پر بھارتی مظالم کے خلاف ایرانی سپریم لیڈرآیت اللہ خا منہ ای کا سخت ردعمل سامنے آیا ہے۔ آیت اللہ خا منہ ای کا کہنا ہہ امید ہے کشمیری عوام تشدد کے ذریعے حکومت کرنیوالوں کوپیچھے دھکیل دیں گے،مستقبل قریب میں دشمن کونیچادکھادیں گے۔تہران میں شب معراج کی تقریب سے خطاب میں آیت اللہ خا منہ ای نے کہا کہ تحریک حریت اور عزم و استقلال کے نتیجے میں قابضین کا پسپا ہونا قدرت کی نشانی ہے۔انہوں نے کہا کہ کشمیر، عراق، افغانستان، شام ، فلسطین، میانمار کے عوام اپنی جدوجہد کے نتیجے میں جلد دشمنوں کو پیچھے دھکیل دیں گے۔

اسلام آباد (ویب ڈیسک)چیف جسٹس میاں ثاقب نثار نے اینکر حامد میر سے استفسار کرتے ہوئے کہا کہ حامدصاحب بارہ ہزار روپے سے گھر کا بجٹ چلانے والے رپورٹرزکے لیے بھی آواز اٹھائیںمیڈیاکمیشن کیس کی سماعت چیف جسٹس کی سربراہی میں تین رکنی بینچ کررہاہے، چیف جسٹس نے ریمارکس دیئے کہ میر شکیل بتائیں کہ تنخواہیں کیوں ادا نہیں ہوئیں، مالک کوکفالت کاحق ادا کرناہے۔چیف جسٹس نے اینکر حامد میر سے استفسار کیا کہ اپ کتنی تنخواہ لے رہے ہیں، جس پر حامد میر نے عدالت کو بتایا کہ تین ماہ سے تنخواہ نہیں ملی۔ چیف جسٹس نے کہا کہ تنخواہ نہ ملی توحامد میر کی مرسڈیز گاڑی کیسے چلے گی۔چیف جسٹس نے اینکر حامد میر کو کہا کہ اینکروں کو لاکھوں روپیے تنخواہ ملتی ہے، رپورٹرز کو رتنخواہ نہیں ملتی۔ رپورٹرز کی خبروں پر آپ لوگ پروگرام کرتے ہیں۔ کیا بارہ ہزار روپے سے کسی گھر کا بجٹ بن سکتا ہے۔ حامد صاحب آپ ان رپورٹرز کے لیے بھی آواز اٹھائیں۔ انہوں نے مزید کہا کہ اینکرز سے پیار ہے مگر رپورٹرز کے لیے کوئی پروگرام کریں۔