نیویارک (ویب ڈیسک)اگرچہ بازار میں ایسے زیورات اور پہناوے دستیاب ہیں جو کسی حملے کی صورت میں اطراف کو خبردار کرتے ہیں لیکن اس کے لیے کسی نہ کسی طرح بریسلٹ میں لگے بٹن کو دبانا پڑتا ہے تاہم اب ایک اسمارٹ کنگن تیار کرلیا گیا ہے جس میں بٹن دبانے کی بھی ضرورت نہیں کیونکہ اپنے جدید سنسر کی بدولت یہ ازخود خطرے کی نشاندہی کرتا ہے اور مدد کے لیے پکارتا ہے۔اگرچہ ابھی یہ پروٹوٹائپ کے مرحلے میں ہے لیکن اس میں جائرو اسکوپ، ایسلرو میٹر، ٹمپریچر اور پریشر سنسر، جی پی ایس اور مائیکروفون تک موجود ہے۔ اسے یونیورسٹی اف الباما کی کمپیوٹنگ لیب کے ایک طالب علم جایون پٹیل اور ان کے ساتھیوں نے تیار کیا ہے۔جایون پٹیل کہتے ہیں کہ ’بریسلٹ میں لگے سنسر اپنے پہننے والے کا اہم جسمانی ڈیٹا مسلسل نوٹ کرتے رہتے ہیں، جائرو اسکوپ کے ذریعے وہ پہننے والے کی سمت اور پوزیشن پر نظر رکھتے ہیں خواہ وہ بیٹھا ہوا ہو یا لیٹا ہو اس طرح اگر کوئی شخص اچانک اپنی پوزیشن بدلتا ہے تو سنسر اسے بھانپ لیتے ہیں‘۔کسی ہنگامی صورتحال میں یہ زیور زوردار سیٹی نما اواز اور سرخ روشنی خارج کرتا ہے تاکہ قریب سے گزرنے والے بھی اس سے آگاہ ہوسکیں۔ علاوہ ازیں یہ بلیوٹوتھ کے ذریعے فون سے جڑا ہوتا ہے اور پولیس یا پہلے سے منتخب شدہ افراد کو میسج بھی بھیج سکتا ہے۔ اس میسج میں مقام کی جی پی ایس کے ذریعے نشاندہی بھی شامل ہوتی ہے۔اچھی بات یہ ہے کہ اسمارٹ کنگن کی قیمت صرف چار ہزار روپے ہے اور تجارتی پیمانے پر بڑی تعداد میں تیاری پر اس کا خرچ مزید کم ہوجائے گا، اب پٹیل اور اس کے ساتھی کسی کمپنی کی تلاش میں ہیں جو اسے بڑے پیمانے پر بناسکیں۔ اس کے علاوہ وہ بوڑھے افراد کے گرنے اور حادثے کی صورت میں خبردار کرنے والے جوتے اور کانوں میں پہننے والے بندوں پر بھی کام کررہے ہیں۔

اسٹاک ہوم(ویب ڈیسک )سویڈن میں ماہرین نے دنیا کی پہلی ’الیکٹرک سڑک‘ تیار کر لی ہے جس میں صرف ایک کیبل کی مدد سے عام گاڑی کو الیکٹرک کار میں تبدیل کیا جا سکے گا جب کہ بجلی سے چلنے والی گاڑیوں کی بیٹریوں کو بھی چارج کیا جاسکے گا۔بین الاقوامی خبر رساں ایجنسی کے مطابق سویڈن کے دارالحکومت اسٹاک ہوم میں دو کلو میٹر طویل الیکٹرک سڑک کو آزمائشی بنیادوں پر کھول دیا گیا ہے۔ الیکٹرک سڑک ائیرپورٹ کے قریب بنائی گئی ہے۔ سڑک پر گاڑی چلانے کے لیے اسے الیکٹرک کیبل سے منسلک کیا جاتا ہے جب کہ کیبل کا دوسرا سرا سڑک پر لگے الیکٹرک سسٹم سے جوڑ دیا جاتا ہے جس کے بعد ایک عام گاڑی مکمل طور پر الیکٹرک کار میں تبدیل ہوجاتی ہے۔سویڈن میں 2030ءتک فیول سے نجات حاصل کرنے اور ٹرانسپورٹ سیکٹر میں تیل کے استعمال میں 70 فیصد تک کمی لانے کے لیے توانائی کے دیگر ذرائع پر کام کیا جا رہا ہے۔ منصوبے کے تحت الیکٹرک سڑک کی تعمیر کا فیصلہ کیا گیا جو سڑک پر گزرنے والی گاڑیوں کی بیٹریوں کو چارج بھی کر سکے گی اور گاڑیوں کی روانی کے لیے تیل کے بجائے برقی توانائی کو استعمال کیا جائے گا۔ electric road ماہرین آئندہ چند سال کے دوران یہ منصوبہ دیگر شہروں تک پھیلانا چاہتے ہیں جس کے لیے سویڈن حکومت نے عظیم الشان قومی منصوبہ تیار کرلیا ہے جس کا کامیاب تجربہ اسٹاک ہوم میں کیا گیا۔ سویڈن حکومت اس منصوبے کی کامیابی سے تیل کے بحران پر متبادل ذرائع کے ذریعے سے قابو پانے کے لیے پ±ر امید ہے۔عظیم الشان منصوبے پر کام کرنے والے افسر کا کہنا ہے کہ اگر قومی شاہراوں کو 20 ہزار کلو میٹر تک برقی سڑک میں تبدیل کرلیا گیا تو ہم توانائی کے بحران سے نکل پائیں گے کیوں کہ سویڈن میں ایک ہائی وے سے دوسرے ہائی وے کے درمیان فاصلہ 45 کلومیٹر ہے اور یہ فاصلہ الیکٹرک کار بغیر چارج ہوئے بھی طے کر سکتی ہے۔

بیجنگ( ویب ڈیسک)بین الاقوامی نشریاتی ادارے کے مطابق 30 سالہ شخص کو چین کے شہر نن چنگ میں معروف گلوکار جیکی چیونگ کے کنسرٹ سے گرفتار کیا گیا جس کے لیے سی سی ٹی کیمروں کی جدید ٹیکنالوجی کا سہارا لیا گیا۔ اس ٹیکنالوجی نے حیرت انگیز طور پر اپنے ڈیٹا میں محفوظ ملزم کی تصویر سے 60 ہزار تماشائیوں کے درمیان شناخت کرلیا۔کنسرٹ کے داخلی دروازے پر نصب سی سی ٹی وی کیمرے نے ملزم اے او کو شناخت کر کے پولیس نظام کو اپ ڈیٹ کیا جس پر پولیس نے کارروائی کرتے ہوئے ملزم کو حراست میں لے لیا۔ اپنی اہلیہ اور بچوں کے ساتھ میوزیکل کنسرٹ دیکھنے میں مصروف ملزم اپنی گرفتاری کے عمل سے حیران ہوگیا جس کا سہرا جدید ٹیکنالوجی کے سر جاتا ہے۔چہرے کے نقوش کو باریک بینی سے جانچنے والے یہ نظام Facial Recognition System ملزمان اور مطلوبہ افراد کی تصاویر کو محفوظ کر کے اس کا سائنسی تجزیہ کرتا ہے اور چہرے کی ہڈیوں کی بناوٹ، آنکھوں کی پتلی کی ساخت، بھنووں کا انداز اور ہونٹ، ناک کی بناوٹ کو علیحدہ علیحدہ بھی محفوظ کرلیتا ہے اور یکساں نقوش رکھنے والے شخص کے کیمرے کے سامنے آتے ہی پولیس کو خبردار کردیتا ہے۔facial2چین میں 170 ملین سی سی ٹی وی کیمرے ہمہ وقت نگرانی کے لیے سیکیورٹی کے نظام سے منسلک ہیں۔ یہ سی سی ٹی وی کیمرے اپنے ڈیٹا میں محفوظ تصاویر اور معلومات کی بنیاد پر مطلوبہ شخص کو ہزاروں لوگوں کی درمیان بھی پہچان سکتے ہیں جس کے لیے Facial Recognition System کو استعمال کیا جاتا ہے۔واضح رہے کہ گزشتہ سال اگست میں بھی چین کی پولیس نے 25 ملزمان کو Facial Recognition System کے ذریعے ایک فیسٹیول کے درمیان گرفتار کیا تھا۔ ملزمان کا خیال تھا کہ ہزاروں لوگوں کی موجودگی میں پولیس ان ملزمان کو پہچان نہیں سکے گی لیکن شاید انہیں علم نہیں تھا کہ چینی حکومت سرویلیئنس کا جدید ترین نظام رکھتی ہے۔