اسلام آباد (ویب ڈیسک)وزیر اعظم شاہد خاقان عباسی نے کہا ہے کہ اقوام متحدہ کے سیکریٹری جنرل سے ملاقات میں کشمیر کا مقدمہ رکھا اور انہیں بتایا کہ سات لاکھ بھارتی فوجی کشمیر میں ظلم و ستم ڈھار ہےہیں۔مظفر آباد میں نیلم جہلم ہائیڈرو پاور منصوبے کے پہلے یونٹ کی افتتاحی تقریب سے خطاب کرتے ہوئے وزیر اعظم شاہد خاقان عباسی نے کہا کہ کشمیر کا مسئلہ اقوام متحدہ کی قرار دادوں کے مطابق حل ہونا چاہیے، لائن آف کنٹرول کے معاملات کسی سے ڈھکے چھپے نہیں۔ان کا کہنا تھا کہ ہم پوری دنیا سے توقع رکھتے ہیں کشمیر کے مسئلے کو حل کرنے میں اپنا کردار ادا کرے گی۔وزیر اعظم شاہد خاقان عباسی نے نیلم جہلم پروجیکٹ کے حوالے سے کہا کہ مشکلات پر قابو پالیا گیا اور ا?ج نیلم جہلم پروجیکٹ بجلی پیدا کررہا ہے، اگر میاں نواز شریف اس منصوبے میں دلچسپی نہ لیتے یہ کبھی مکمل نہ ہوتا۔انہوں نے کہا کہ ہماری حکومت کو بے پناہ مسائل وراثت میں ملے، جب ہماری حکومت ا?ئی تو توانائی کا بہت بڑا بحران تھا، چیلنجز ا?ج بھی موجود ہیں ، ہماری حکومت نے سپلائی اور ڈیمانڈ کا فرق پورا کردیا ہے۔وزیر اعظم کا کہنا تھا کہ لوڈ شیڈنگ وہاں ضرور ہوگی جہاں بجلی چوری ہورہی ہے، جوبجلی چوری ہوتی ہے اس کا بل ان لوگوں پر پڑتا ہے جو بل ادا کرتے ہیں۔

اسلام آباد (ویب ڈیسک)سپریم کورٹ کی جانب سے تاحیات نااہل قرار پانے والے جہانگیر ترین نے سپریم کورٹ کے فیصلے پر رد عمل دیتے ہوئے کہا ہے کہ میرا معاملہ بالکل الگ اور سادہ ہے۔انہوں نے کہا کہ مجھے یقین ہےکہ آرٹیکل 62ون ایف کے تحت نااہلی تاحیات ہی بنتی ہے لیکن یہ میرا کیس نہیں، میرے معاملے میں اس کا یوں اطلاق نہیں ہوتا،میرا معاملہ بالکل الگ اور سادہ ہے۔جہانگیر ترین نے مزید کہا کہ منی ٹریل فراہم کرچکا ہوں اور وکیل کی رائے پر بچوں کے اثاثوں کے خانے میں پوری جائیداد بھی ظاہر کر چکا ہوں۔انہوں نے کہا کہ میرے فیصلے کے خلاف نظرثانی اپیل زیر التوا ہے، انشائ اللہ انصاف کا بول بالا ہوگا۔

اسلام آباد (ویب ڈیسک)سپریم کورٹ نے اپنی روایت کو برقرار رکھتے ہوئے اس اہم مقدمے کا فیصلہ بھی جمعے کو سنایا ہے اس سے قبل بھی انتہائی اہم فیصلے بروز جمعہ سنائے گئے ہیں۔ عدالت عظمیٰ نے پرویز مشرف کو فوجی وردی میں صدرمنتخب ہونے کا فیصلہ بھی جمعہ 28 ستمبر2007 ءکو سنایا جبکہ سابق چیف جسٹس افتخار محمد چوہدری کی پرویزمشرف کی طرف سے معطلی کےخلاف جولائی کا فیصلہ، 3نومبر2007ءکی ایمرجنسی کے خلاف 31 جولائی 2009ءکا فیصلہ، پانامالیکس کیس میں سابق وزیراعظم نواز شریف کی نااہلی کا28 جولائی2017 ءکا فیصلہ، حدیبیہ پیپرملز کیس میں نیب کی اپیل مسترد کیے جانے کا فیصلہ بھی جمعے کے روز سنایا گیا۔علاوہ ازیں جہانگیرترین کی نااہلی اور عمران خان کو اہل قرار دینے کا فیصلہ بھی جمعے کو سنایاگیاتھا

لاہو ر (ویب ڈیسک)نیب لاہور نے وزیراعلیٰ پنجاب شہباز شریف کے داماد بارے بھی بڑا اقدا م اٹھالیا جس کے مطابق علی عمران کو پیر کے روز دوپہر 2 بجے ریکارڈ کے ہمراہ طلب کرلیا ہے، ذرائع کے مطابق علی عمران کو آمدن سے زائد اثاثے اور صاف پانی پراجیکٹ کی تحقیقات کے لیے طلب کیا گیا ہے، نیب تحقیقات کے مطابق صاف پانی کمپنی میں کروڑوں روپے مبینہ طور پر علی عمران کے اکاو¿نٹ میں منتقل ہوئے ہیں۔

اسلام آباد(ویب ڈیسک)سپریم کورٹ نے آئین کے آرٹیکل 62 ون ایف کے تحت ارکان پارلیمنٹ کی نااہلی کی مدت کی تشریح سے متعلق کیس کا فیصلہ سنا دیا، جس کے تحت یہ نااہلی تاحیات ہوگی۔چیف جسٹس آف پاکستان جسٹس ثاقب نثار کی سربراہی میں جسٹس عظمت سعید شیخ، جسٹس عمر عطاء بندیال، جسٹس اعجاز الاحسن اورسجا د علیشاہ نے اس فیصلہ کو 14فروری کو محفوظ کیا تھا،نجی ٹی وی کی رپورٹ کے مطابق جسٹس عمر عطا ءبندیال نے فیصلہ سنایا۔جبکہ اسے لکھا بھی انہو ں نے خو د تھا۔جسٹس شیخ عظمت سعید نے اس پر اضا فی نو ٹ لکھا تھا۔اس فیصلہ کی کسی جج نے مخا لفت نہیں کی ۔تما م جج اس پر متفق تھے۔،

اسلام آباد (ویب ڈیسک) وزیر مملکت برائے اطلاعات مریم اورنگزیب کا کہنا ہےکہ سپریم کورٹ کے فیصلے سے نوازشریف کی سیاست کا وہ دور شروع ہوا ہے جس سے ہمارے مخالفین کو ڈرنا چاہیے۔اسلام آباد میں سپریم کورٹ کے باہر میڈیا سے گفتگو کرتے ہوئے مریم اورنگزیب نے کہا کہ یہ وہی فیصلہ ہے جس سے شہید بھٹو کو پھانسی چڑھایا گیا اور بےنظیر بھٹو کو شہید کیا گیا، آج پھر پاکستان کے تیسری مرتبہ منتخب وزیراعظم کو تاحیات نااہل کیا گیا۔انہوں نے کہا کہ سپریم کورٹ کے جس فیصلے میں نوازشریف کو ایک اقامے پر نااہل کیا گیا اس کا ٹرائل ہورہا ہے، منتخب وزیراعظم کو نااہل کیا جاتا ہے اور فیصلے پر ٹرائل بعد میں آتے ہیں، جو ٹرائل مکمل نہیں ہوا اس پر منتخب وزیراعظم کو تاحیات نااہل کردیا گیا، یہ وہی مذاق ہے جو پاکستان میں 17 وزرائے اعظم کے ساتھ ہوتا چلا آیا ہے۔

آج یہاں سپریم کورٹ کی طرف سے سابق وزیراعظم پاکستان محمد نواز شریف کے خلاف تاحیات نا اہلی کے فیصلے پر اپنے خیالات کا اظہار کرتے ہوئے محمد شہباز شریف نے کہا کہ نواز شریف محض ایک فرد کا نام نہیں۔یہ ایک نظریے اور فلسفے کا نام ہے جس کی بنیادیں پاکستانی عوام کی خدمت ، آئین کی سربلندی اور ووٹ کی حرمت پر استوار ہیں۔پاکستان مسلم لیگ(ن) کے صدراوروزیراعلیٰ محمد شہبازشریف نے مزید کہا کہ میں سمجھتا ہوں کہ محمدنواز شریف جیسے رہنما اپنی جماعت اور اپنی عوام کی رہنمائی کیلئے کسی روایتی عہدے اور منصب کے مرہون منت نہیں ہوتے ۔ اس فیصلے کے باوجودمحمد نوازشریف کی جماعت ان کی رہنمائی میں ملک کی سب سے بڑی سیاسی جماعت کے طور پر زندہ ہے اور زندہ رہے گی ۔

اسلام آباد (ویب ڈیسک) سپریم کورٹ آف پاکستان نے ارکان پارلیمینٹ کی نااہلی کی مدت کے تعین سے متعلق درخواستوں پر فیصلہ سناتے ہوئے آرٹیکل 62 ون ایف کے تحت نااہلی کو تاحیات قرار دیدیا ہے اور اس فیصلے نے مسلم لیگ (ن) کے رہنماءخواجہ آصف کو بھی ”گھما“ کر رکھ دیا ہے۔خواجہ آصف کا اقامہ سامنے آنے کے بعد ان کیخلاف بھی آرٹیکل 62 اور 63 کے تحت کیس کی سماعت اسلام آباد ہائیکورٹ میں ہوئی تھی جس کا فیصلہ محفوظ ہے اور اگر انہیں اس کیس میں نااہل قرار دیدیا گیا ہے تو وہ بھی سابق وزیراعظم نواز شریف اور پاکستان تحریک انصاف کے رہنمائ جہانگیر ترین کی طرح تاحیات نااہل ہو جائیں گے۔