فیصل آباد (ویب ڈیسک) مسلم لیگ ن کی رہنما مریم نواز نے مبینہ طور پر فیصل آباد سے ن لیگ کے رہنما فاروق خان کا پارٹی ٹکٹ رکوادیا جس کی وجہ سے فاروق خان کے ٹیکس چوری فراڈ و دھوکہ دہی سے بنک سے غیر قانونی قرضہ لینا ہے، مسلم لیگ ن کے رہنما فاروق خان سینیٹ الیکشن میں امیدوار بننا چاہتے تھے۔ اس کے لئے وہ کافی عرصہ سے لابنگ کررہے تھے۔انہوں نے سینیٹ الیکشن کے لئے کاغذات نامزدگی بھی حاصل کرلئے تھے اور پارٹی ٹکٹ کے لئے مسلم لیگ ن کی قیادت کو باضابطہ درخواست بھی دے دی تھی۔ میاں نواز شریف پرانے تعلقات کی بنا پر فاروق خان کو سینیٹ کا ٹکٹ دینا بھی چاہتے تھے ان کا نام فائنل امیدواروں میں لیا جارہا تھا مگر عین آخری لمحات میں مریم نواز نے فاروق خان کا ٹکٹ رکوادیا اور دیگر نام فائنل کروالئے۔روزنامہ خبریں کے مطابق مریم نواز نے میاں نواز شریف سے اسرار کرکے فاروق خان کا ٹکٹ رکوایا اور ان کی جگہ دوسرے نام کو فائنل کروایا۔ فاروق خان آکری لمحات تک کوشش کرتے رہے کہ انہیں پارٹی کنفرم کردے تو وہ کاغذات جمع کروائیں، ان کے کاغذات الیاس انصاری اور را? کاشف رحیم نے تصدیق و تائید کئے تھے۔ کاغذات تیار تھے مگر پارٹی کے امیدوار فائنل کرنے پر انہیں کاغذات جمع کروانے کی مہلت نہ دی۔ اخبار کے مطابق مریم نواز ٹیکس چوری، بنک فراڈ جیسے معاملات میں ان کا نام آنے او ران کی وجہ سے پارٹی کی بدنامی سے نالاں ہیں۔فاروق خان کا ٹکٹ کینسل کروانے میں فیصل آباد سے تعلق رکھنے والے بعض وزرائ کا ہاتھ بھی بتایا جاتا ہے۔ اخبار کے مطابق فاروق خان کا ٹکٹ مریم نواز سے کنفرم کروانے کیلئے طلال چوہدری بھی کافی سرگرم رہے، مگر مریم نواز نے انہیں بھی فاروق خان کے اندرون خانہ معاملات بارے تفصیل سنا کر خاموش کروادیا۔

(ویب ڈیسک )خیبر پختو نخوا، فاٹا، پنجاب، بلوچستان، اسلام آباد اورکشمیر میں کہیں کہیں تیز ہواوٰ ں اور گرج چمک کے ساتھ بار ش ہوئی۔تاہم سب سے زیادہ بارش خیبر پختونخوا : مالم جبہ 23، بنوں 19، دیر 14، ڈی آئی خان 11، پشاور( ائیرپورٹ 10، سٹی 06)، کوہاٹ10، چراٹ، لوئیر دیر، میرکھانی 08، سیدو شریف 07، پٹن 06، کالام 04، دوروش، بالاکوٹ 03، چترال02، ایپٹ آباد 01، فاٹا:پارہ چنار07،کشمیر:راولاکوٹ 20، گڑھی دوپٹہ،کوٹلی 08، مظفرآباد 04، پنجاب:سیالکوٹ(ائیر پورٹ 17، سٹی 16)،جہلم ،منگلا 15،لیہ 14، بھکر 12، اسلام آباد 10، راولپنڈی(چکلالہ 09،شمس آباد 08، گجرات،کامرہ 09، گوجرانوالہ07، مری، جوہرآباد، قصور 06، لاہور(پنجاب یونیورسٹی 10، ائیرپورٹ 07، سٹی 06)، چکوال، کوٹ اددو، منڈی بہاو?الدین 05،سرگودھا(ائیرپورٹ 05، سٹی 02)،فیصل آباد، بہاولنگر،ساہیوال، شورکوٹ 04، نورپور تھل، ملتان 03، بہاولپور(سٹی 02)،جھنگ، ٹوبہ ٹیک سنگھ 01، بلوچستان:ڑوب16،قلات 08،کوئٹہ( پی بی او 04،سمنگلی 02)، لسبیلا 03، بارکھان 02،سندھ:لاڑکانہ میں 01 ملی میٹر بارش ریکارڈ کی گئی۔برفباری : مالم جبہ 11، مری، زیارت 03، کالام02، راولاکوٹ میں 01 انچ برفباری ریکارڈ کی گئی۔آج ریکارڈ کیے گئے سرد ترین مقامات کے درجہ حرارت: سکردو، پارہ چنار منفی 05، مالم جبہ منفی 04، مری، زیارت اور استور میں منفی 03 ریکارڈ کیا گیا۔آئندہ 12گھنٹوں کا موسم (دورانیہ: 12فروری صبح 0800سے 12فروری صبح2000 تک)خیبر پختونخواہ، فاٹا، بالائی پنجاب (راولپنڈی، سرگودھا، گوجرانوالہ،فیصل آباد، لاہور ڈویڑن)،اسلام آباد،کشمیر اورگلگت بلتستان میں کہیں کہیں پرگرج چمک کے ساتھ مزید بارش اور پہاڑوں پر برفباری کا امکان ہے۔آئندہ 24گھنٹوں کا موسم (دورانیہ: 12فروری رات 2000سے 13فروری رات 2000 تک)راولپنڈی،گوجرانوالہ،مالاکنڈ، ہزارہ، پشاور، مردان ڈویڑن،بالائی فاٹا،اسلام آباد،کشمیر اورگلگت بلتستان میں چند مقامات پر گرج چمک کے ساتھ مزید بارش اور پہاڑوں پر برفباری کا امکان ہے۔ملک کے دیگر علاقوں میں موسم سرد اور خشک رہے گا۔آئندہ 48گھنٹوں کا موسم (دورانیہ: 13فروری رات 2000سے 14فروری رات 2000تک)ملک کے بیشتر علاقوں میں موسم سرد اور خشک رہے گا۔ جبکہ مالاکنڈ ڈویڑن اور گلگت بلتستان میں چند مقامات پر گرج چمک کے ساتھ مزید بارش اور پہاڑوں پر برفباری کا امکان ہے۔

لاہور (ویب ڈیسک) پاکستان سمیت دنیا بھر میں پرسوں 14فروری کو محبت کرنے والو ں کا دن ( ویلنٹائن ڈے) منایا جارہا ہے صوبائیدارالحکومت میں اس دن کو منانے کیلئے سبھییاریاں مکمل کرلی گئیں۔روزنامہ ایکسپریس کے مطابق لاہور میں مختلف مقامات پر موجود پھول مارکیٹوں میںپھول بیچنے والوں صدیق ،اصغر ،بشیر اور عالم نے بتایا کہ ہر سال کی طرح اس مرتبہ بھی ویلنٹائن ڈے جوش و خروش سے منایا جائے گا،لاکھوں روپے کے پھولوں کے آرڈر دے دیے گئے ہیں ،کئی من پھول ایک دن پہلے 13فروری کو لاہور پہنچ جائیں گے ،دل کی شکل کے غبارے اور گلدستے بھی بڑی تعداد میں فروخت کئے جائیں گے۔اس مرتبہ بیرونی ممالک سے بھی گلاب کے پھول منگوائے گئے ہیں۔حکومت کی جانب سے نئے ٹیکس لگادئیے ہیں اس لئے پھول مہنگے دام فروخت کئے جائیں گے،لاہور کی بڑی مارکیٹوں شاپنگ پلازوں کو ویلنٹائن ڈے کے حوالے سے بنادٹ سجاوٹ کی جارہی ہے جس میں رنگ برنگی جھنڈیوں ،دل والے بڑے بڑے غبارے لگائے جارہے ہیں ،شاپنگ سنٹر میں ویلنٹائن ڈے کے حوالے سے گفٹ پیک بھی رکھے گئے ہیں جو کہ دھڑا دھڑ فروخت ہورہے ہیں۔لاہور کی لبرٹی مارکیٹ ،پیس پلازہ اور شاپنگ مالز کی معروف دکانداروں شاہد، پرویز،جلیل ،عادل مختار اور سرور چوہدری نے بتایا کہ ویلنٹائن ڈے پر پرفیومز ،میک اپ کٹس کف لنک اورموبائل فون کی مانگ میں اضافہ ہوگیا ہے۔نوجوان لڑکے لڑکیاں گفٹ پیک خرید رہی ہیں ،حکومت کی جانب سے اگر ویلنٹائن ڈے پر پابندی نہ لگی تو یہ دن عید کے تہوار کی طرح پر جوش طریقے سے منایا جائے گا،شدید مہنگائی ہونے کے باوجود لوگ اپنے پیاروں کو گفٹ ضرور دیں گے اس کیلئے وہ کوئی سمجھوتا نہیں کرتے۔

لاہور(ویب ڈیسک) معروف سکالر زاہد حامد نے حکومت کو خبردار کیا ہے کہ عاصمہ جہانگیر کی کسی بھی طورپر ریاستی سطح پر تدفین نہیں ہونی چاہیے اور نہ ہی سیاسی حکومت کی طرف سے قومی پرچم سرنگوں ہونا چاہیے۔سوشل میڈیا پر اپنے ایک بیان میں زاہد حامد کاکہناتھاکہ ” ہم مسلم لیگ ن کی حکومت کو خبردارکررہے ہیں“۔سوشل میڈیا پر اپنے بیان میں زاہد حامد نے کہاہے کہ پاک فوج نے عاصمہ جہانگیر کی موت پر کچھ نہیں کہا۔۔۔اگرچہ افسران خوش ہیںلیکن نہ ہی اس کی ریاستی سطح پر تدفین ہونی چاہیے ،وہ ہمارے سبزپرچم کی توہین کرنے کیلئے زندہ تھیںاور ہماری مسلح افواج کی ہمیشہ تضحیک کی۔ ایک اور ٹوئیٹ میں زاہد حامد نے لکھاکہ ”مجھے بتائیں ، آپ کے جذبات کیا ہوں گے اگرآپ سنیں کہ الطاف حسین مرگیا؟خوشی ، سکون ، اطمینان کہ ایک غدار اور بہت سے قتل کا ذمہ دارجہنم میں چلاگیا،ایسا ہی عاصمہ جہانگیر کیلئے۔وہ الطاف کا نسوانی ورڑن تھی،کیاہمیں شبہ ہے کہ اللہ تعالیٰ الطاف حسین سے کیاسلوک کریں گے؟ نہیں“۔یادرہے کہ حکومت سندھ نے وزیراعظم پاکستان شاہد خاقان عباسی سے عاصمہ جہانگیر کے انتقال کو قومی نقصان قراردیتے ہوئے اپیل کی تھی کہ سرکاری سطح پر تدفین کا اہتمام کیاجائے اور قومی پرچم کو سرنگوں رکھاجائے۔

راولپنڈی (ویب ڈہسک)آرمی چیف جنرل قمر جاوید باجوہ سے ترک سفیر اصحان مصطفی نے ملاقات کی جس میں باہمی دلچسپی کے امور اور خطے کی سکیورٹی صورتحال پر بات چیت ہوئی۔آئی ایس پی آر کے مطابق آرمی چیف سے نئے ترک سفیر نے ملاقات کی جس میں برادر ممالک کے درمیان تعلق مزید مضبوط بنانے پر اتفاق کیا ،آئی ایس پی آر کے مطابق ترک سفیر نے خطے میں امن اور استحکام کیلئے پاکستان کی کوششوں کو سراہا۔

ماسکو(ویب ڈیسک )اقوام متحدہ میں پاکستان کی مستقل مندوب ملیحہ لودھی کو دنیا کی 5 کامیاب خواتین سفارت کاروں کی فہرست میں شامل کرلیا گیا ہے۔سفارتکاروں کے عالمی دن کے موقع پر روس کی سرکاری ویب سائٹ نے 5 کامیاب خواتین سفارت کاروں کی فہرست جاری کی جس میں اقوام متحدہ میں پاکستان کی مستقل مندوب ملیحہ لودھی بھی شامل ہیں۔ اس فہرست میں کرغیزستان کی خاتون سفارت کار روزا اتن بائیوا، روس کی الیانورا مترافونوا، سوئیڈن کی ایلوا ماڈال اور ہالینڈ کی رینے جونزبوس شامل ہیں۔واضح رہے کہ ملیحہ لودھی برطانیہ میں پاکستانی ہائی کمشنر اور 2 مرتبہ امریکا میں پاکستان کی سفیر کے عہدے پر بھی تعینات رہ چکی ہیں جب کہ اس وقت وہ اقوامِ متحدہ میں پاکستان کی مستقل مندوب ہیں۔