لاہور (خصوصی رپورٹ) تجزیہ کار ارشاد عاف نے کہا ہے نواز شریف کے پاس وہی آپشن ہیں یا تو عدالتی فیصلوں کے بعد جیل چلے جائیں یا پھر ملک سے باہر چلے جائیں۔ نجی ٹی وی سے گفتگو انہوں نے کہا سب سیاسی جماعتوں کے جو دعوے تھے ان کے خلاف سینٹ کے ٹکٹ دیئے جا رہے ہیں۔ ن لیگ ایسے لوگوں کو ٹکٹ دیئے جا رہے ہیں جن کو ن لیگ والے بھی نہیں جانتے۔ جب پارٹیاں ٹکٹ بیچ رہی ہیں تو پھر اراکین اسمبلی اپنی وفاداریوں کیوں نہیں بیچیں گے۔ عابد باکسر خود مان رہا ہے کہ وہ جرائم کرتا رہا لیکن اس کو یہ ثبوت دینا پڑے گا کہ وہ کسی کے کہنے پر یہ سب کچھ کر رہا تھا لیکن بد قسمتی یہ ہے کہ عابد باکسر کے ایک ساتھی سینٹ کا ٹکٹ دیا جا رہا ہے۔ میری اطلاع ہے کہ عدلیہ ہی نہیں فوج پر بھی چیک رکھنے کا طریقہ تلاش کیا جا رہا ہے۔ نواز شریف مذاکرات کی بجائے دیوا کو ٹکر مار کر نکلنا چاہتے ہیں۔ دفاعی تجزیہ کار امجد شعیب نے کہا ہماری تاریخ ہے سینٹ اتنخابات میں پیسہ استعمال ہوتا رہا اور وقت کے ساتھ ساتھ پیسے کا استعمال بڑھتا گیا۔ اس وقت پچاس کروڑ تک ریٹ جا چکا ہے۔ یہ ملک کے لئے اچھا شگون نہیں ہے جو لوگ پچاس کروڑ دے کر آئیں گے تو پہلے تو وہ اپنا پیسہ ریکور کریں گے۔ ججز کو پارلیمنٹ کے کنٹرول میں دینے کا سوچا بھی نہیں جا سکتا۔ نواز شریف کا گھناﺅنا کردار ہے وہ عوام کو عدلیہ چڑھائی کے لئے اکسا رہے ہیں۔ گرگٹ نے اتنے رنگ نہیں بدلے جتنے نواز شریف نے بدلے ہیں۔ تجزیہ کار انصار عباسی نے کہا الیکشن کوئی بھی ہو اکثریت پیسے کی بنیاد پر اوپر آتی ہے۔ اگر مقصد یہ ہے کہ عدلیہ ان کے کنٹرول میں آجائے تو یہ بہت ہی بری بات ہے ایسا ہرگز نہیں ہونا چاہئے۔ بہتر یہ ہو گا کہ ججز خود سسٹم کی ری وائیو کریں۔ تجزیہ کار عامر ضیا نے کہا ہے ہمارے ملک میں سیاست پیسے والوں کا کھیل ہے۔ ایماندار لوگوں کے بجائے داغدار لوگوں کو سینٹ میں لایا جا رہا ہے۔

لاہور (ویب ڈیسک)چیف جسٹس آف پاکستان نے سیکیورٹی کے نام پر سڑکوں کی بندش پر ازخود نوٹس کی سماعت کے دوران جاتی امرا، ماڈل ٹاﺅن میں وزیراعلیٰ کیمپ آفس، طاہر القادری کی رہائش گاہ، گورنر ہاﺅس، آئی جی آفس، پاسپورٹس آفس، ایبٹ روڈ، گارڈن آفس، چوبر جی میں جامعہ قدسیہ کے سامنے سے رکاوٹیں ہٹانے کا حکم دے دیا۔تفصیلات کے مطابق سپریم کورٹ آف پاکستان لاہور رجسٹری میں چیف جسٹس آف پاکستان کی سربراہی میں تین رکنی بینچ نے مختلف کیسز کی سماعت کی۔ پنجاب میں صاف پانی سے متعلق کیس کی سماعت ہوئی۔ سماعت کے دوران عدالتی حکم پر وزیراعلیٰ پنجاب شہباز شریف بھی موجود تھے۔سماعت کے آغاز میں ایڈووکیٹ جنرل نے بند کی گئی سڑکوں کی تفصیلات عدالت میں بتائیں ، چیف جسٹس نے استفسار کرتے ہوئے کہا کہ سڑکیں کس قانون کے تحت بند کیں؟ اس موقع پر چیف جسٹس نے بند کی گئی سڑکوں کو کھولنے کا حکم دیتے ہوئے آئی جی پنجاب کو سڑکیں کھول کر شام تک رپورٹ دینے کی ہدایت کردی۔ چیف جسٹس آف پاکستان نے سیکیورٹی کے نام پر سڑکوں کی بندش پر ازخود نوٹس کی سماعت کے دوران جاتی امرا، ماڈل ٹا?ن میں وزیراعلیٰ کیمپ آفس، طاہر القادری کی رہائش گاہ، گورنر ہا?س، آئی جی آفس، پاسپورٹس آفس، ایبٹ روڈ، گارڈن آفس، چوبر جی میں جامعہ قدسیہ کے سامنے سے رکاوٹیں ہٹانے کا حکم دے دیا۔سماعت میں چیف جسٹس نے وزیراعلیٰ پنجاب کو روسٹرم پر بلالیا اور خادم اعلیٰ کو مخاطب کرتے ہوئے کہا کہ اس میں سیاست نہیں، آپ کے آنے کا شکریہ، جس کے بعد چیف جسٹسں نے عدالتی معاون کو رپورٹ پڑھنے کی ہدایت کی۔ چیف جسٹس نے کہا کہ ہم نے ڈر کر نہیں چلنا، وزیراعلیٰ کو ڈرا کر مت بٹھائیں، سیاستدان تو عوامی آدمی ہیں۔سماعت کے دوران چیف جسٹس نے آئی جی پنجاب سے پولیس مقابلوں کی تفصیل ایک ہفتے میں طلب کرلی۔ سماعت کے دوران چیف جسٹس نے ریمارکس دیتے ہوئے وزیراعلیٰ سے استفسار کرتے ہوئے کہا کہ دریاو¿ں میں گند جا رہا ہے اور حکومت نے ٹریٹمنٹ پلانٹ نہیں لگائے، جو ہوگیا وہ ہوگیا ، آگے کیا کرنا ہے۔زس پر شہباز شریف نے کہا کہ ہم نے آزاد عدلیہ کی تحریک چلائی، آزاد عدلیہ کا وجود انتہائی ضروری ہے، چیف جسٹس نے کہا کہ خواہش ہے کہ یہی سوچ آپ کی پارٹی کی سطح پر بھی نظر آئے، جس پر شہباز شریف نے کہا کہ آزاد عدلیہ جمہوریت اور ملکی بقاء کیلئے ضروری ہے، میں بھی انسان ہوں،غلطی کرسکتا ہوں، صوبے کے عوام کی خدمت کیلئے پوری کوشش کر رہا ہوں۔اس موقع پر چیف جسٹس نے کہا کہ 2دن ان کیسوں کی سماعت کی، لیکن ماحولیات اور صحت کے معاملے پر ہم مطمئن نہیں ہیں، اسپتال ویسٹ پر بڑا کام کیا، ہمارا نظام بہت اچھا ہے، چیف جسٹس نے کہا کہ اسے آو¿ٹ سورس کرنا صحیح نہیں لگتا، جس پر شہباز شریف نے کہا کہ ہم نے کئی منصوبوں پر عوام کے پیسے بچائے، 3ہفتے دیں ہم پلان کے ساتھ آئیں گے۔شہباز شریف کی درخواست پر چیف جسٹس نے کہا کہ ہم یہاں ہیں، آزاد الیکشن ہوں گے، آپ کی پارٹی جیتی تو ہم آپ کو وزیراعظم دیکھنا چاہتے ہیں، اس پر شہباز شریف نے برجستہ جواب دیتے ہوئے کہا کہ یہ تو آپ میرے پیچھے پڑگئے ہیں، جس پر کمرا عدالت میں قہقہے گونج اٹھے۔اس موقع پر چیف جسٹس آف پاکستان نے وزیراعلیٰ ہاو¿س، طاہر القادری، گورنر ہاو¿س ، ا?ئی جی ا?فس، نادرا ا?فس ایبٹ روڈ ، گارڈن اور ٹاو¿ن ا?فس کے باہر سے رکاوٹیں ہٹانے کا حکم دیا۔

کراچی (ویب ڈیسک )متحدہ قومی موومنٹ پاکستان کے سربراہ فاروق ستار کا کہنا ہے کہ میرے بغیر ہونے والے اجلاس چیلنج ہوسکتے ہیں۔ایم کیو ایم رابطہ کمیٹی کی جانب سے سینیٹ امیدواروں کے ٹکٹ جاری کرنے پر فاروق ستار نے شدید ناراضگی کا اظہار کیا۔ الیکشن کمیشن کے دفتر کے باہر میڈیا سے بات کرتے ہوئے فاروق ستار کا کہنا تھا کہ مجھے اطلاع دیئے بغیر پارٹی کی میٹنگ بلائی گئی تاہم میں ان تمام اجلاسوں کی تفصیلات طلب کرسکتا ہوں اور پارٹی آئین کی شق 7 سی سے خالد مقبول کو محدود کرسکتا ہوں۔فاروق ستار نے کہا کہ کاغذات نامزدگی منظور کرنے پر مجھے تحفظات ہیں، پارٹی آئین کے تحت مجھے یہ پوچھنے کا اختیار ہے، ریٹرنگ افسر سے پوچھا کہ سربراہ کا خط کہاں ہے۔خیال رہے کہ خالد مقبول صدیقی کی جانب سے جاری کردہ ٹکٹس پر الیکشن کمیشن نے رابطہ کمیٹی کے امیدواروں کے کاغذات نامزدگی منظور کر لئے۔

اسلام آباد(صباح نیوز)الیکشن کمیشن آف پاکستان نے لودھراں میں ضمنی انتخابات کے جلسہ سے خطاب پر تحریک انصاف کے چیرمین عمران خان سمیت متعلقہ چار اراکین قومی اسمبلی کونوٹسز جاری کر دیئے ۔ ضابطہ اخلاق کی خلاف ورزی پر این اے-154 لودھراں میں جہانگیرترین کے بیٹے تحریک انصاف کے امیدوارعلی ترین کو طلب کرلیا ہے۔ شاہ محمود قریشی، شیخ رشیداحمد اور مراد سعید نے بھی ضابطہ اخلاق کی خلاف ورزی کی ۔ہفتہ کو ای سی پی سے جاری نوٹس میں کہا گیا ہے کہ احکامات کے باوجود جلسہ کرکے ضابطہ اخلاق کی سنگین خلاف ورزی کی گئی ہے۔جہانگیر ترین کی سپریم کورٹ کے فیصلے کی روشنی میں نااہلی کے بعد خالی ہونے والی قومی اسمبلی کی نشست کے لیے ضمنی الیکشن کی مہم کے سلسلے میں ہونے والے جلسے میں عمران خان سمیت پارٹی کی سینیئر قیادت نے شرکت کی تھی۔ ضمنی انتخاب میں جہانگیر ترین کے بیٹے علی ترین امید وار ہیں جن کو الیکشن کمیشن نے آج 11 فروری کو ضلعی الیکشن کمیشن میں پیش ہونے کا حکم دیا ہے۔ ای سی پی کی جانب سے اراکین قومی اسمبلی عمران خان شاہ محمود قریشی، شیخ رشیداحمد اور مراد سعید کی کی شرکت کا نوٹس لیا ہے واضح رہے کہ ای سی پی نے عمران خان کو جلسے میں شرکت سے روکتے ہوئے کہا تھا کہ رکن اسمبلی ضمنی انتخاب کی مہم میں شرکت نہیں کرسکتا ہے تاہم عمران خان کے علاوہ شیخ رشید اور دیگر نے نہ صرف جلسے میں شرکت کی بلکہ حکومت سمیت مخالف سیاسی جماعتوں کے خلاف دھواں دھار تقاریر کیں

واشنگٹن(صباح نیوز)پاکستان پیپلز پارٹی کے چیئرمین بلاول بھٹو زرداری نے کہا ہے کہ آئندہ انتخابات پیپلزپارٹی تنہا لڑے گی، الیکشن کے بعد اتحاد کی بات ہو سکتی ہے، دہشت گردی اور انتہا پسندی کا اسلام سے کوئی تعلق نہیں، امریکا کے اسکولوں میں بھی دہشت گردی کے واقعات ہوتے ہیں، دہشت گردی اور انتہا پسندی عالمی مسئلہ ہے، ہمیں مل کر انتہا پسندی اور دہشت گردی کو ختم کرنا ہوگا، یہ ایک طویل مدتی جنگ ہے ، امریکا بتائے اس کا کیا منصوبہ، کیا حکمت عملی ہے؟ کیا امریکا ہمیشہ افغانستان میں رہے گا؟ اور کیا افغانستان پرامن ہوگا تو پاکستان پرامن ہوگا، موجودہ صورتحال بہت خطرناک ہے اور نیشنل ایکشن پلان پر اس کی روح کے مطابق عمل نہیں ہورہا، کراچی میں تھوڑی بہتری آئی ہے مزید بھی آجائےگی۔واشنگٹن میں میڈیا سے گفتگو کرتے ہوئے بلاول کا کہنا تھا کہ سندھ حکومت نے اپنے وسائل سے انڈرپاسز، سڑکیں بنائیں، وفاق بھی کراچی پر توجہ دے جبکہ مشرف دور میں کراچی کو خصوصی پیکج دیا جاتا تھا۔انہوں نے مزید کہا کہ امریکا ہمیں بتائے کہ اس کا کیا منصوبہ، کیا حکمت عملی ہے؟ کیا امریکا ہمیشہ افغانستان میں رہے گا؟ اور کیا افغانستان پرامن ہوگا تو پاکستان پرامن ہوگا، اپنی کوتاہیوں کو چھپانے کے لیے الزام تراشی نہ کی جائے۔ان کا کہنا تھا کہ 4 سال سے پاکستان کا کوئی وزیر خارجہ نہیں تھا، جس کی و جہ سے دنیا کے سامنے اپنا موقف موثر انداز میں پیش نہیں ہو سکا۔بلاول نے کہا کہ دہشت گردی اور انتہا پسندی کا اسلام سے کوئی تعلق نہیں جبکہ امریکا کے اسکولوں میں بھی دہشت گردی کے واقعات ہوتے ہیں۔انہوں نے بتایا کہ دہشت گردی اور انتہا پسندی عالمی مسئلہ ہے، ہمیں مل کر انتہا پسندی اور دہشت گردی کو ختم کرنا ہوگا، یہ ایک طویل مدتی جنگ ہے جبکہ موجودہ صورتحال بہت خطرناک ہے اور نیشنل ایکشن پلان پر اس کی روح کے مطابق عمل نہیں ہورہا۔