سری نگر(ویب ڈیسک )مقبوضہ کشمیر اسمبلی میں پاکستان زندہ باد کی صدائیں بلند ہوگئیں۔بھارتی میڈیا کے مطابق نیشنل کانفرنس کے رکن اسمبلی اکبر لون نے بھارت میں حکمران جماعت بی جے پی کے ارکان کی جانب سے پاکستان مخالف تقاریر کے ردعمل میں ’پاکستان زندہ باد‘ کے نعرے لگادیے۔اکبر لون کا کہنا ہے کہ میں نے اسمبلی میں پاکستان زندہ باد کے نعرے لگائے، یہ میرے ذاتی خیالات ہیں اور اس سے کسی کو کوئی مسئلہ نہیں ہونا چاہیے۔ ان کا کہنا تھا کہ انہوں نے اسمبلی میں ’پاکستان زندہ باد‘ کے نعرے بی جے پی ارکان کی جانب سے اشتعال دلانے پر لگائے۔دوسری جانب نیشنل کانفرنس کے ترجمان کا کہنا ہے کہ پارٹی کے سربراہ فاروق عبداللہ کا کہنا ہے کہ وہ اکبر لون کے نعروں کی مذمت کرتے ہیں اور رکن اسمبلی کا یہ رویہ کسی صورت قابل قبول نہیں۔واضح رہے کہ گزشتہ روز مقبوضہ کشمیر کے علاقے سنجوان میں بھارتی فوجی اڈے پر مسلح افراد کے حملے میں 2 اہلکار اور 4 زخمی ہوگئے تھے۔

لکھنو(خصوصی رپورٹ ) بھارت کی ریاستی اسمبلی میں سماج وادی پارٹی کے رکن کسانوں کی خستہ حالی پر انوکھا احتجا ج کرتے ہوئے آلو کا ہار پہن کر اسمبلی میں پہنچ گئے۔بھارتی میڈیا کے مطابق اترپردیش اسمبلی میں سماج وادی پارٹی کے رکن سنجے لاٹھرآلو کا ہار پہن کر اسمبلی پہنچے تو سبھی لوگ ان کی طرف متوجہ ہوگئے۔ سماج وادی پارٹی کے صدر اور سابق وزیر اعلی اکھلیش یادو اور وہاں موجود ارکان مسکراتے رہے۔لاٹھرنے اپنی اس حرکت سے کسانوں کی خستہ حالی کا پیغام حکومت کو پہنچانے کی کوشش کی۔ایس پی کے رکن نے ایوان کے باہر میڈیا کے نمائندوں کو بتایا کہ آلو کی کاشت کرنے والے کسانوں کی حالت انتہائی ناگفتہ بہ ہوگئی ہے۔عوام اور حکومت کی توجہ کسانوں کی طرف مبذول کرانے کیلئے آلو کا ہار پہن کربطور احتجاج اسمبلی پہنچا۔سنجے لاٹھر نے کہا کہ لکھنو کی سڑکوں پر آلو پھینک کر اپنا احتجاج درج کرانے والے کسانوں کو حکومت جیل بھجوا رہی ہے۔

سری نگر(ویب ڈیسک )مقبوضہ کشمیر میں بھارتی فوجی چھاو¿نی پر حملے میں 2 فوجی اہلکار ہلاک اور متعدد زخمی ہوگئے۔بھارتی میڈیا کے مطابق مقبوضہ کشمیر میں جموں شہر کے مضافات میں قائم بھارتی فوجی چھاو¿نی ’سنجوان‘ پر مسلح افراد نے دھاوا بول دیا۔ حملہ آوروں نے اندر گھس کر فائرنگ کردی جس کے نتیجے میں 2 فوجی ہلاک اور 4 زخمی ہوگئے۔ ہلاک ہونے والوں میں بھارتی فوج کا ایک جے سی او مدن لال بھی شامل ہے۔واقعے کی اطلاع ملنے پر بھارتی فوج کی بھاری نفری موقع پر پہنچ گئی اور حملہ آوروں سے کئی گھنٹے تک فائرنگ کا تبادلہ جاری رہا تاہم کسی حملہ ا?ور کے مارے جانے کی خبر نہیں ملی۔ بھارتی حکام کے مطابق حملہ آوروں کی تعداد 3 تھی جو چھاو¿نی میں فوجیوں کے رہائشی کوارٹرز کی جانب موجود تھے اور اس بات کا بھی امکان ہے کہ وہ فرار ہونے میں کامیاب ہوگئے ہوں۔واضح رہے کہ مقبوضہ کشمیر میں گزشتہ روز حریت رہنما افضل گرو کی پانچویں برسی تھی جس کے موقع پر مکمل شٹر ڈاﺅن ہڑتال کی گئی۔