لاہور (ویب ڈیسک) پاکستان کے سابق مایہ ناز کپتان اور شاندار بلے باز شاہد آفریدی کے بارے میں اگر یہ کہا جائے کہ ان جیسی شہرت کسی کھلاڑی کو نہیں ملی تو غلط نہ ہو گا ،شاہد آفریدی سے محبت کرنے والے اور ان کے مداح پاکستان سمیت پوری دنیا میں ہیں اور یہی وجہ ہے کہ وہ چاہے پی ایس ایل میں کھیلیں یا کسی اور لیگ میں توجہ کا مرکز لازمی رہتے ہیں۔پاکستان ٹی 20 کرکٹ ٹیم کے سابق کپتان اور بوم بوم کے نام سے شہرت پانے والے شاہد آفریدی جو کہ اپنی جارحانہ بلے بازی کی وجہ سے جانے جاتے ہیں نے اپنی کزن سے شادی کی۔نادیہ آفریدی اور شاہد آفریدی کی چار بیٹیاں ہیں جن کے نام انشائ آفریدی،اجواءآفریدی،اقصیٰ آفریدی اور اسمارا آفریدی ہیں۔دوسری جانب شہنشاہ قوال اور موسیقی کے بے تاج بادشاہ لیجنڈری استاد نصرت فتح علی خان مرحوم بھی ان شخصیات کی فہرست میں شامل ہیں جنہوں نے اپنوں میں شادی کرنے کو ترجیح دی۔اپنی آواز سے لوگوں کے دلوں میں ہمیشہ کیلئے امر ہوجانے والے نصرت فتح علی خان نے اپنے چچا کی پوتی کو جیون ساتھی بنایا۔نصرت فتح علی اور ناہید نصرت کی ایک بیٹی ہے جس کا نام انہوں نے ندا فتح علی خان رکھا۔

نئی دہلی (ویب ڈیسک)بھارتی معروف فلم سٹار امیتابھ بچن کی طبیعت ناساز ہو گئی ہے جس کے باعث انہیں ہسپتال میں داخل کر لیا گیاہے۔تفصیلات کے مطابق امتیابھ بچن کو کچھ دنوں سے کندھے اور کمر میں درد تھی جس کے باعث ہو معمول کے چیک اپ کیلئے ہسپتال آئے جہاں انہیں داخل کر لیا گیاہے اور ان کے مختلف ٹیسٹ کیے جا رہے ہیں۔امیتابھ بچن آج شام 6 بج کر 30 منٹ ہسپتال آئے تھے۔تاہم ڈاکٹر کی ٹیم ان کا مسلسل معائنہ جاری رکھے ہوئے ہے اور ابھی تک کسی قسم کی تازہ صورتحال سامنے نہیں آ سکی ہے۔

لاہور (خصوصی رپورٹ) بالی ووڈ کے معروف اداکار 75سالہ جیتندراپر اپنی ہی کزن نے جنسی طور پر ہراساں کرنے کا مقدمہ درج کرادیا۔ اداکارہ کے خلاف مقدمہ درج کرانے والی خاتون بھی اس وقت 65برس کی ہیں اور وہ جیتندرا کے چچا کی بیٹی ہیں۔

بالی وڈ(ویب ڈیسک) اداکارہ دپیکا پڈوکون اور رنویر سنگھ رواں سال جون یا جولائی میں شادی کے بندھن میں بندھ جائیں گے۔سلور اسکرین پر دپیکا پڈوکون اور رنویر سنگھ کی جوڑی شہرت کی بلندیوں پر پہنچ چکی ہے اور دونوں کی جوڑی نے متعدد بلاک بسٹر فلمیں دی ہیں جس میں ’رام لیلا‘، ’باجی راو¿ مستانی‘ اور ’پدماوت‘ شامل ہیں۔دونوں اداکاروں کے درمیان طویل عرصے سے قربتوں کا سلسلہ جاری ہے اور کئی اہم تقریبات سمیت متعدد بین الاقوامی پروگراموں میں بھی انہیں ایک ساتھ دیکھا گیا ہے لیکن دونوں نے اپنے تعلق کے حوالے سے آج تک خاموشی اختیار کر رکھی ہے۔رنویر سنگھ پڈوکون فیملی سے بھی مل چکے ہیں جس کے بعد دونوں کی منگنی کی خبریں سامنے آئیں تھی اور پھر رنویر کے گھر والوں کی جانب سے ڈمپل گرل کے لیے ساڑھی کے تحفے نے ان خبروں میں مزید جان ڈال دی تھی۔لیکن اب ایک نئی چونکا دینے والی خبر سامنے آئی ہے کہ سلور اسکرین کی کامیاب جوڑی جلد ہی شادی کے بندھن میں بندھ جائے گی۔بھارتی میڈیا رپورٹس کے مطابق رنویر سنگھ اور دپیکا پڈوکون رواں سال جون یا جولائی میں رشتہ ازدواج میں منسلک ہو جائیں گے اور اس حوالے سے دونوں کے گھر والوں نے تیاریاں بھی شروع کر دی ہیں۔اداکارہ دپیکا پڈوکون کو ساحل سمندر پر زیادہ سے زیادہ وقت گزارنا پسند ہے اس لیے ان کی شادی کی تقریب بھی کسی ساحلی شہر میں ہو گی اور جوڑے نے اپنی شادی کو یادگار بنانے کے کسی اچھے مقام کی تلاش بھی شروع کر دی ہے۔رپورٹ کے مطابق شادی کے بعد ممبئی اور بینگلورو میں استقبالیے ہوں گے جس میں ان کے دونوں اداکاروں کے دوست اور خاندان کے افراد شریک ہوں گے۔یاد رہے کہ گزشتہ سال کی طرح اس سال بھی اداکارہ دپیکا پڈوکون اپنی سالگرہ منانے رنویر سنگھ کے ساتھ سری لنکا گئیں تھیں۔

لاہور (خصوصی رپورٹ) ماضی کی معروف اداکارہ نگار سلطانہ گنگارام ہسپتال میں کسمپرسی کی حالت میں انتقال کرگئیں۔ وہ کچھ دن سے گنگارام میں زیرعلاج تھیں۔ ان کو پھیپھڑوں کا عارضہ لاحق تھا۔ آخری دنوں میں وہ سانس میں تکلیف کی وجہ سے انتہائی نگہداشت وارڈ میں زیرعلاج رہیں۔ انہوں نے پسماندگان میں ایک بیٹا اور بیٹی چھوڑے ہیں۔ ان کا بیٹا کسی کمپنی کا سیل مین ہے جبکہ چھوٹی بیٹی ان کی دیکھ بھال کے لئے آخری دم تک ہسپتال میں ان کے ساتھ رہیں۔ ان کی نماز جنازہ آج صبح دس بجے ادا کردی گئی۔