لیبیا(ویب ڈیسک )چند روز قبل میں پیش آنے والے کشتی حادثے میں بچ جانے والے 28 پاکستانیوں کو وطن واپس لانے کے لیے کوششیں شروع کر دی گئی ہیں۔ایف آئی اے حکام کے مطابق لیبیا میں پیش آنے والے کشتی حادثے میں بچ جانے والے 28 پاکستانی ضلع زاویہ کے ایک سیف ہاو¿س میں موجود ہیں۔ایف آئی اے حکام کے مطابق سیف ہاو¿س میں موجود کچھ پاکستانیوں نے اپنے اہلخانہ سے رابطہ بھی کیا ہے۔حکام کے مطابق پاکستانیوں کی بحفاظت وطن واپسی کے لیے کوششیں شروع کر دی گئی ہیں۔دوسری جانب غیر ملکی خبر رساں ایجنسی کی رپورٹ کے مطابق کشتی حادثے میں جاں بحق ہونے والے 12 پاکستانیوں کی لاشیں سرد خانے میں موجود ہیں۔خیال رہے کہ چند روز قبل روز گار کی خاطر سمندری راستے کے ذریعے بذریعہ افریقا یورپ جانے والی ایک کشتی کو لیبیا میں حادثہ پیش آیا تھا جس میں 16 پاکستانیوں کی ہلاکت کی تصدیق ہوئی تھی۔

اسلام آباد (ویب ڈیسک)محکمہ موسمیات نے کہا ہے کہ جمعہ سے ملک بھر کے مختلف علاقوں میں بارشوں اور برف باری کا نیا سلسلہ شروع ہو جائیگا۔محکمہ موسمیات نے پیشگوئی کی ہے کہ آئندہ جمعہ سے ملک بھر میں موسم میں تبدیلی کا امکان ہے اورفروری سے 13 فروری تک پاکستان کے مختلف علاقوں میں بارشیں اور برفباری ہو سکتی ہے۔ 9 فروری سے ہواﺅں کا سلسلہ ملک کے مغربی علاقوں میں داخل ہو جائے گا جس کے باعث بارشوں کا امکان بڑھ گیا۔محکمہ موسمیات کے مطابق پیر اور منگل کومری وگلیات میں شدید برفباری ہوگی اورجمعہ سے منگل تک بلوچستان کے بیشتر علاقوں میں موسلادھار بارشیں اورکوئٹہ اور قلات میں برفباری کا امکان ہے۔

کراچی (ویب ڈیسک )صوبائی الیکشن کمیشن کے دفتر میں متحدہ قومی موومنٹ کے دونوں دھڑوں سے تعلق رکھنے والے رہنما سینیٹ الیکشن کے لیے کاغذات نامزدگی جمع کرانے کے لیے پہنچے تو وہاں انتہائی رقت آمیز منا ظر دیکھنے میں آئے۔اس موقع پر فاروق ستار نے وسیم اختر ،امین الحق اور دیگر رہنماﺅں سے ہاتھ ملائے جبکہ قریب کھڑے فیصل سبزواری فاروق ستار کو دیکھ کر رو پڑے جس پر فاروق ستار آگے بڑھے اور انہیں اپنے گلے لگا یا۔فاروق ستار نے فاروق ستار کو مسلسل دلاسے دیتے رہے اورایک رہنما نے اپنی جیب سے روما ل نکال کر ان کے آنسو بھی صاف کیے۔اس دوران متحدہ کے رہنماﺅں نے نعرے لگائے کہ ہم ایک ہیں۔فاروق ستار کا کہنا تھا کہ میں غصے میں نہیں صدمے میں ہوں ،صورتحال کو کنٹرول کرنے کی کوشش کر رہا ہوں۔واضح رہے کہ متحدہ قومی موومنٹ پاکستان میں اختلافات شدت اختیار کرگئے اور ایم کیو ایم کے ڈپٹی کنوینر کامران ٹیسوری کو سینیٹ کا ٹکٹ دینے پر پارٹی میں پھوٹ پڑگئی ہے۔ ایم کیو ایم کے سربراہ فاروق ستار نے کامران ٹیسوری، احمد چنائے، فرحان چشتی، جسٹس (ر) حسن فیروز، نگہت شکیل مرزا، منگلا شرما صاحبہ، سنجے پروانی، خواجہ سہیل منصور، قمر منصور، علی رضا عابدی اور شاہد پاشا کو سینیٹ کا ٹکٹ دینے کا اعلان کیا۔دوسری جانب سینیٹر نسرین جلیل نے سینیٹ الیکشن کے لیے اپنا، فروغ نسیم، امین الحق، عبدالقادر خانزادہ، کشور زہرا اور عامر چشتی کے ناموں کا اعلان کردیا۔میڈیا سے گفتگو کرتے ہوئے فاروق ستار نے کہا کہ رابطہ کمیٹی سے کوئی اختلافات نہیں، میں نے رابطہ کمیٹی سے کہا ہے کہ اپنی اپنی مرضی کے امیدواروں کے کاغذات نامزدگی جمع کرادیتے ہیں، بعد میں 4 حتمی ناموں پر غور کرلیں گے، آخر میں 4 پہلوان ہی اکھاڑے میں اتریں گے اور پہلوانی کریں گے، صورتحال کو بہترکرنے کی کوشش کر رہے ہیں۔

لاہور(ویب ڈیسک) عمران خان نے کہا ہے کہ میرا جینا اور مرنا پاکستان کے ساتھ ہے، میری بیرون ملک کوئی پراپرٹی یابینک اکاﺅنٹ نہیں، 20 سال بیرون ملک کمائی کی اورساراپیسہ پاکستان لایا،لاہور میں تقریب سے خطاب کرتے ہوئے عمران خان نے کہا کہ ایک سال عدالت کویہ بتاتے گزراکہ سارا پیسہ پاکستان لایا،بیرون ملک پراپرٹی لینے والے پاکستان کا پیسہ وہاں لے کرجاتے ہیں،چاہتا تو ساری پراپرٹی باہر رکھ سکتا تھا۔ خیبرپختونخوا کو پورا وقت نہیں دے سکے،جدوجہد میں لگے رہے،پہلے شفاف الیکشن اورپھرپاناماکیلئے جدوجہد کی ،عمران خان کا کہناتھا کہ پاکستان کاسب سے بڑامسئلہ بےروزگاری ہے،پاکستان کی برآمدات 25 ارب ڈالرسے کم ہوگئیں،چیئرمین تحریک انصاف نے کہاکہ قرض لینے سے پاکستان کی خودمختاری متاثر ہو گی،پاکستان نے امریکا کی جنگ لڑی،حکمرانوں نے امداد کا سوچا اس لیے امریکی جنگ میں شامل ہوئے،ان کا کہناتھا کہ قرضوں سے خارجہ پالیسی بھی متاثر ہوتی ہے،پاکستان میں ٹیکس اکٹھا نہیں ہو رہا ،سب پر یکساں ٹیکس سے غربت میں مزید اضافہ ہو رہا ہے۔عمران خان نے کہا کہ بجلی پر ٹیکسوں کی وجہ سے انڈسٹری کو فروغ نہیں مل رہا،خیبرپختونخوا پولیس 4 سال میں کرائم اور دہشتگردی کونیچے لے آئی،ہم نے خیبرپختونخوا پولیس سے سیاسی دباﺅ ختم کیا ،ان کا کہناتھا کہ جب تک ادارے مضبوط نہیں کریں گے ملک ترقی نہیں کرے گا، ہمیں امداد دینے والوں نے ایران سے گیس لینے سے روک دیا۔