لاہور (ویب ڈیسک)ریحام خان کے پہلے شوہر ڈاکٹر اعجاز نے ریحام خان سے متعلق بڑا دعوی کر دیا اور کہا کہ ریحام خان کو پڑھنے کا بلکل بھی شوق نہیں تھا اور وہ ہمارے خاندان میں سب سے کم تعلیم یافتہ تھیں۔تفصیلات کے مطابق ریحام خان کے پہلے شوہر ڈاکٹر اعجاز نے نجی چینل کو انٹر ویو دیا جس میں معروف اینکر و صحافی مبشر لقمان نے ان سے ریحام خان کی ڈگری سے متعلق سوال کیا جس کا جواب دیتے ہوئے ریحام خان کے پہلے شوہر نے کہا کہ میری سامنے تو وہ بلکل بھی نہیں پڑھتی تھی۔اور نہ ہی میرے سامنے کوئی ڈگری لی۔اور نہ ہی ریحام خان کو پڑھنے کا شوق تھا۔ریحام خان کے پہلے شوہر نے کہا کہ میری اپنی فیملی بہت اعلی تعلیم یافتہ ہے اور ہماری فیملی میں کوئی بھی ایسا شخص نہیں ہے جو معمولی سا پڑھا ہوا ہو بلکہ تمام لوگ بہت پڑھے لکھے ہیں اور ان میں انجینئرز اور ڈاکٹرز شامل ہیں۔ ریحام خان ہماری فیملی میں سب سے کم تعلیم یافتہ تھیں۔ڈاکٹر اعجاز نے کہا کہ ریحام خان نے یہ بھی کہا کہ میں نے ان کو پڑھنے سے روکا اور وہ چھپ چھپ کر پڑھتی تھی۔لیکن میں نے اسے کیوں روکنا ہے اگر ایسی بات ہوتی تو میں کسی ان پڑھ سے شادی کر لیتا۔میری دوسری بیوی بہت پڑھی لکھی ہے اور میں نے اس کو مکمل آزادی دی ہے اور زندگی کے ہر اسٹیج پر سپورٹ کیا ہے۔
