لاہور(این این آئی)قومی کرکٹ ٹیم کے بلے باز اظہر علی نے کہا ہے کہ نیوزی لینڈ میں اپنی صلاحیتوں سے کم کھیلے جس کی وجہ سے ون ڈے سیریز ہار ے،ہمارااگلا ٹارگٹ ورلڈ کپ ہے۔ میڈیا سے گفتگو کرتے ہوئے قومی کر کٹ ٹیم کے کھلاڑی اظہر علی نے کہا کہ پی ایس ایل کرکٹ کے فروغ کے لیے بہترین ذریعہ ہے، اس ٹورنامنٹ میں بہتر ٹیلنٹ سامنے آئے گا۔انہوں نے کہا کہ کرکٹ ٹیم کا ٹارگٹ اگلا ورلڈ کپ ہے جس کے لیے اجتماعی اور انفرادی تیاریاں شروع کردی گئیں ہیںاورانگلینڈ سے ہونے والی سیریز میں بہتر کارکردگی دکھائیں گے۔
کراچی(آن لائن) پاکستان سپر لیگ(پی ایس ایل)تھری کے شیڈول فائنل کے میزبان نیشنل اسٹیڈیم کراچی میں فل ڈریس ریہرسل کا جائزہ لینے کیلئے غیرملکی سیکیورٹی ماہرین ریگ ڈکسن اوربریگیڈیئر رچرڈ ڈینس ہفتے کو کراچی میں پہنچے گے۔سکیورٹی ماہرین کے کراچی پہنچنے کے بعد پی سی بی آفیشلز کی آئی جی سندھ سے ملاقات شیڈول ہے، پاکستان سپرلیگ (پی ایس ایل) سیزن 3 کے انتظامات کو مکمل کرنے کیلئے تیاریاں شروع کردی گئی ہیں۔چھے ٹیموں میں ملتان سلطانز ،کراچی کنگز ،پشاور زلمی ، لاہور قلندر اسلام آباد یونائیٹڈ اور کوئٹہ گلیڈی ایٹرز شامل ہیںلیگ کے چار وینیوز میں مجموعی طور پر 34 میچز کھیلے جائیں گے۔تمام لیگ میچز اور ایک پلے آف دوبئی اور شارجہ میں منعقد ہوں گے جبکہ دو پلے آف لاہور میں فائنل کے کراچی میں انعقاد کیلئے تیاریاں کی جارہی ہیں۔ انٹرنیشنل کرکٹرز کی نمائندہ تنظیم کے ایگزیکٹیو چیئرمین ٹونی آئرش نے کہاکہ کہاں ٹی ٹوئنٹی لیگز کھیلنی ہیں یہ کھلاڑیوں کا انفرادی فیصلہ ہوتا ہے، ہم انھیں ماہرانہ مشاورت فراہم کرتے ہیں تاکہ فیصلے سے قبل معلومات کے حصول میں مدد ملے، ہمارے سیکیورٹی ماہرین ان دنوں اس حوالے سے نئی رپورٹ تیارکر رہے ہیں۔تفصیلات کے مطابق پی سی بی نے پی ایس ایل فائنل کا انعقاد25 مارچ کو نیشنل اسٹیڈیم کراچی میں کرنے کا اعلان کیا،ان دنوں اسٹیڈیم میں تعمیراتی کام جاری ہے، شہرقائد میں کئی برسوں بعد پہلے بڑے میچ سے قبل اتوار کو فل ڈریس ریہرسل ہونی ہے، اس کا جائزہ لینے کیلئے سیکیورٹی کنسلٹنٹ ریگ ڈکسن اوربریگیڈیئر رچرڈ ڈینس ہفتے کو کراچی پہنچ رہے ہیں۔ورلڈالیون کے لاہور میں میچز سے قبل بھی ڈکسن نے سیکیورٹی پر مشاورت فراہم کی تھی۔ پی سی بی کے کرنل (ر)اعظم اور ارشد خان کی سیکیورٹی معاملات پر آئی جی سندھ سے بھی ملاقات ہونی ہے۔ دوسری جانب فیڈریشن آف انٹرنیشنل کرکٹرز ایسوسی ایشن (فیکا)کے ایگزیکٹیو چیئرمین ٹونی آئرش نے کراچی میں فائنل پر کہنا ہے کہ کہاں ٹی ٹوئنٹی لیگز کھیلنی ہیں یہ کھلاڑیوں کا انفرادی فیصلہ ہوتا ہے،فیکا انھیں ماہرانہ مشاورت فراہم کرتی ہے تاکہ فیصلے سے قبل معلومات کے حصول میں مدد ملے،ہمارے سیکیورٹی ماہرین ان دنوں اس حوالے سے نئی رپورٹ تیار کر رہے ہیں۔
ممبئی (شوبز ڈیسک) بالی وڈ اداکارہ انوشکا شرما کی فلم ”پری“ کا نیا پوسٹر جاری کر دیا گیا ہے۔ بھارتی ذرائع ابلاغ کے مطابق انوشکا شرما کی ہوم پروڈکشن فلم ”پری“ کا پوسٹر جاری کر دیا گیا ہے ۔پوسٹر میں انوشکا شرما پارامبرتا چیٹرجی کے کندھے پرخون سے بھرے ناخنوں والا ہاتھ رکھے ان کے پیچھے کھڑی دکھائی دے رہی ہیں۔
فلم 2 مارچ کو نمائش کے لئے پیش کی جائے گی۔
ممبئی(شوبزڈےسک) بالی ووڈ کی متنازع فلم ’پدماوت‘ کے بعد کنگنا رناوت کی فلم ±مانی کارنیکا؛ کوئین آف جھانسی‘ بھی انتہا پسندوں کے نشانے پر آگئی۔ بالی ووڈ تاریخ کی سب سے متنازع سمجھے جانے والی فلم’ پدماوت ‘ کو ابتداء سے آخر تک ہندو انتہا پسندجماعت کرنی سینا کی جانب سے مشکلات کا سامنا کرنا پڑا تاہم بھارتی سپریم کورٹ نے انتہاپسندوں کی جانب سے فلم میں تاریخی حقائق مسخ کرنے کے الزام کو مسترد کرتے ہوئے فلم کو ریلیز کرنے کا حکم دیا جو کامیابی سے 2 سو کروڑ سے زائد کا بزنس کرچکی ہے لیکن اب انتہاپسندوں نے اداکارہ کنگنا رناوت کے خلاف محاذ کھڑا کردیا ہے۔بھارتی میڈیا رپورٹس کے مطابق جے پور میں ہندو انتہا پسند تنظیم سروا برہمن مہاسبا کے صدر مشرا نے فلم میں حقائق کو مسخ کرنے کا الزام عائد کیا، ان کا کہنا تھا کہ ہمیں معلوم ہوا ہے کہ راجھستان کے مختلف شہروں میں فلم ’مانی کرنیکا؛ دی کوئن آف جھانسی‘ کی شوٹنگ کی جارہی ہے۔
جس کی کہانی ?غیر ملکی مصنف کی کتاب پر مبنی ہے اور اس میں مہارانی لکشمی بائی کی ساکھ کو متاثر کرنے کی کوشش کی جارہی ہے جب کہ فلم کے پروڈیوسر کو جانچ پڑتال کے لئے خط بھی لکھا تھا لیکن ا±ن کی جانب سے اب تک کوئی جواب موصول نہیں ہوا۔انتہا پسند تنظیم کے صدر کا کہنا ہے کہ کوئی تصور بھی نہیں کرسکتا کہ مہارانی لکشمی بائی کا کسی سے معاشقہ ہو سکتا ہے لیکن فلم کی شوٹنگ کے دوران ایسا دکھایا جارہا ہے جب کہ انہوں نے کم عمری میں برطانوی سامراجوں سے لڑتے ہوئے جان گنوائی تھی اگر فلم ا±ن کی زندگی پر بنائی جارہی ہے تو یہ صرف ا±ن کی مثبت زندگی پر مبنی ہونی چاہئے۔واضح رہے کہ کرش کی ہدایت کاری میں بننی والی فلم ’مانی کرنیکا؛ دی کوئن آف جھانسی‘ میں کنگنا رناوت مرکزی کردار ادا کررہی ہیں جبکہ فلم جون 2018 میں سینما گھروں کی زینت بنے گی۔
ممبئی(شوبزڈےسک)بھارت کی معروف اداکارہ اور رئیلٹی شو بگ باس سیزن 4 کی فاتح شویتا تیواری کی بیٹی کی انتہائی خوبصورت تصاویر نے سوشل میڈیا پر دھوم مچادی۔تفصیلات کے مطابق شویتا تیواری کی بیٹی ابھی صرف 17 سال کی ہیں اور ان کا نام پلک تیواری ہے ،پلک نے اپنی نئی تصاویر انسٹا گرام پر شیئر کی تو دھوم مچ گئی ،تصاویر میں وہ انتہائی دلکش نظر آ رہی ہیں۔
اور امید کی جارہی ہے اب وہ کسی پروڈیوسر کی نظر میں آ ہی جائیں گی ۔پلک نے کالے رنگ کے کپڑوں میں کروائے گئے فوٹو شوٹ کی تصاویر شیئر کی تو سوشل میڈیا پر صارفین نے اسے بہت تیزی کے ساتھ شیئر کرتے ہوئے وائرل کر دیا تاہم بھارتی میڈیا کا کہناہے کہ 17 سالہ پلک جلد ہی بالی ووڈ میں ڈبیو کرنے جارہی ہیں ۔پلک کی والدہ شویتا تیواری کو اداکاری کی دنیا میں شہرت ایکتا کپور کے ڈرامے ’کسوٹی زندگی کی ‘میں بطور ’پریرنا‘ کا کردارا دا کرنے پر ملی تاہم ان کی شہرت کو چار چاند بگ باس سیز 4 میں کامیابی نے لگا دیئے ۔شویتا نے کچھ بالی ووڈ فلمز میں بھی اداکاری کے جوہر دکھائے ہیں جن میں 2004 میں ریلیز ہونے والی فلم ’مدھوشی ‘اور 2011 میں ریلیز کی گئی فلم ’بن بلائے باراتی ‘شامل ہے ۔
اسلام آباد(ویب ڈیسک )وزیر خارجہ خواجہ آصف نے نجی کمپنی سے تنخواہ لینے کا اعتراف کر لیا۔تفصیلات کے مطابق تحریک انصاف کی جانب سے وزیر خارجہ خواجہ آصف کے خلاف سپری کورٹ میں اپیل دائر کی گئی ہے۔اپیل میں اقامے اور خواجہ آصف کا نجی کمپنی سے منسلک ہونے کو بنیاد بنایا گیا ہے۔گو کہ خواجہ آصف پہلے دن سے ہی تحریک انصاف کے الزامات کی تردید کر رہے تھے لیکن بالآخر نجی ٹی وی چینل میں بات چیت کرتے ہوئے وزیر خارجہ خواجہ آصف نے نجی کمپنی سے منسلک ہونے کا اعتراف کر لیا انکا کہنا تھا کہ وہ ابھی بھی ایک نجی کمپنی سے تنخواہ وصول کر رہے ہیں جبکہ اقامے کے حوالے سے انکا کہنا تھا کہ اقامے کا معاملہ عدالت پر چھوڑ دیا ہے۔
لاہور (نیااخبار رپورٹ) لاہور ہائیکورٹ نے سابق وزیراعظم نوازشریف اور مریم نواز کے خلاف توہین عدالت کیس میں نوازشریف اور دیگر فریقین کو نوٹس جاری کرتے ہوئے جواب طلب کر لیا۔ جسٹس شاہد کریم نے شہری آمنہ ملک کے وکیل اظہر صدیق ایڈووکیٹ کی
متفرق درخواست پر سماعت کی۔ درخواست گزار وکیل کی جانب سے مو¿قف اختیار کیا گیا کہ نوازشریف اور مریم نواز عدلیہ مخالف تقاریر کر رہے ہیں‘ نوازشریف اور مریم نواز نے پشاور اور مظفرآباد میں خطاب کرتے ہوئے توہین عدالت کی ہے۔ درخواست گزار نے کہا کہ پانامہ فیصلہ کے بعد ن لیگ کے سربراہ اور دیگر مسلسل توہین عدالت کے مرتکب ہو رہے ہیں۔ عدالت نوازشریف اور مریم نواز کے خلاف توہین عدالت کی کارروائی کا حکم دے۔ عدالت نے فریقین کو نوٹس جاری کرتے ہوئے سماعت 14فروری تک ملتوی کر دی۔
نوٹس جاری
