کراچی(ویب ڈیسک)متحدہ قومی موومنٹ پاکستان شدید تنظیمی بحران سے دوچار ہے جب کہ رابطہ کمیٹی نے پارٹی سربراہ فاروق ستار سے مذاکرات کے لئے 3 رکنی وفد ان کے گھر بھیج دیا۔ایم کیو ایم رابطہ کمیٹی کے ڈپٹی کنوینئر کامران ٹیسوری کا نام سینیٹ کے امیدوار کے طور پر سامنے آیا تو دیگر ارکان کی جانب سے اس کی شدید مخالفت کی گئی۔ گزشتہ روز پارٹی کے ایک دھڑے نے اجلاس بلا کر کامران ٹیسوری کی رکنیت معطل کی جس کے بعد اور مخالف دھڑے کو ہی معطل کرتے ہوئے ان کے فیصلے کو غیرآئینی قرار دیا۔ڈاکٹر فاروق ستار اور عامر خان نے ا?ج الگ الگ ورکرز اجلاس طلب کر رکھے ہیں تاہم رابطہ کمیٹی نے پارٹی سربراہ سے مذاکرات کے لئے 3 رکنی وفد ان کے گھر بھیج دیا۔وفد میں سید سردار، رو¿ف صدیقی اور جاوید حنیف پر مشتمل ہے جس کے حوالے سے میڈیا سے بات کرتے ہوئے فیصل سبزواری کا کہنا تھا کہ رابطہ کمیٹی نے وفد کو مکمل مینڈیٹ دیا ہے۔

اسلام آباد(ویب ڈیسک)سابق وزیراعظم نواز شریف نے آئین کے آرٹیکل 62 ون ایف کے تحت نااہلی کی مدت کی تشریح کے لیے عدالتی کارروائی میں حصہ نہ لینے کا فیصلہ کیا ہے۔واضح رہے کہ مذکورہ کیس کی 31 جنوری کو ہونے والی سماعت کے دوران سابق وزیراعظم نواز شریف کے وکیل نے تیاری کے لیے سپریم کورٹ سے مہلت طلب کی تھی، جس پر عدالت عظمیٰ نے آئندہ ہفتے تک کا وقت دیا تھا۔
سابق وزیراعظم نواز شریف نے آج اپنے وکیل ایڈووکیٹ اعظم نذیر تارڑ کے توسط سے اپنا جواب داخل کروایا۔نواز شریف نے عدالتی کارروائی کا حصہ نہ بننے کا فیصلہ کرتے ہوئے اپنے جواب میں کہا کہ وہ درخواست گزار یا مقدمے میں فریق نہیں ہیں۔

اسلام آباد(ویب ڈیسک) پاک سر زمین پارٹی کے رہنما رضا ہارون نے فاروق ستار کو متحدہ قومی موومنٹ (ایم کیو ایم) میں ‘بارہواں کھلاڑی’ قرار دیتے ہوئے کہا ہے کہ آج کی ایم کیو ایم کون سی ہے اس کا پتہ لگانا باقی ہے۔الیکشن کمیشن کے باہر میڈیا سے گفتگو میں رضا ہارون کا کہنا تھا کہ ‘ملک میں کہیں بھی جہموریت نظر نہیں آرہی، فاروق ستار جس ایم کیو ایم کی بات کرتے ہیں، اس کا کردار مشکوک ہے’۔رضا ہارون نے کہا کہ ‘کل کی ایم کیو ایم کی پریس کانفرنس نومبر کی لینڈکروزر کی طرح تھی، اگر کراچی کے مسائل پر آپس میں لڑتے تو اچھی بات تھی’۔ان کا کہنا تھا کہ ‘سندھ مسائل کا شکار ہے اور کراچی کے لوگ زہریلا پانی پینے پر مجبور ہیں، ایم کیو ایم نے کارکردگی نہیں دکھائی لیکن سینیٹ کے ٹکٹ پر لڑ رہی ہے’۔رضا ہارون نے مزید کہا کہ ‘آگے تو عام انتخابات ہیں، کل کو تو یہ ایک دوسرے کے گھر پر حملے کریں گے۔پی ایس پی رہنما نے کہا کہ ‘ایم کیو ایم کے موجودہ رہنما قیادت کے اہل نہیں، پاک سرزمین پارٹی کے دروازے کھلے ہیں، ایم کیو ایم سے جو آنا چاہے آجائے’۔ان کا مزید کہنا تھا کہ ‘ایم کیو ایم کی متبادل جماعت کراچی میں آچکی ہے’۔رضا ہارون نے یہ بیان ایک ایسے وقت میں دیا ہے جب گذشتہ روز ایم کیو ایم پاکستان کی رابطہ کمیٹی نے کامران ٹیسوری کو ڈپٹی کنوینر کے عہدے سے فارغ کرتے ہوئے انہیں 6 ماہ کے لیے معطل کردیا تھا تاہم اس فیصلے کی پارٹی کنوینر فاروق ستار نے مخالفت کرتے ہوئے اس اقدام کو ’غیر آئینی‘ قرار دے دیا تھا۔رابطہ کمیٹی کے رکن خالد مقبول صدیقی نے میڈیا سے گفتگو کرتے ہوئے کامران ٹیسوری کو معطل کرنے اور رابطہ کمیٹی سے خارج کرنے کا اعلان کرتے ہوئے کہا تھا کہ فاروق ستار ہر حال میں کامران ٹیسوری کو سینیٹ کی رکینیت کا امیدوار بنانا چاہتے تھے۔تاہم اس فیصلے کو مسترد کرتے ہوئے فاروق ستار کا کہنا تھا کہ ‘کامران ٹیسوری کا تو صرف بہانہ ہے اصل مسئلہ میری قیادت کا ہے، انھیں کمزور سربراہ چاہیے اور میں اس طرح پارٹی نہیں چلا سکتا’۔جس کے بعد ایم کیو ایم پاکستان دو دھڑوں میں تبدیل ہوگئی اور دونوں گروپوں نے آج علیحدہ علیحدہ اجلاس بلا لیے۔عامر خان کی جانب سے رابطہ کمیٹی کے اجلاس کے لیے دوپہر 2 بجے کی کال دی گئی ہے جبکہ فاروق ستار نے سہ پہر 3 بجے جنرل ورکرز اجلاس پی آئی بی کالونی میں طلب کر رکھا ہے۔

کراچی(ویب ڈیسک)بھارتی فلم دیکھ کر اے ٹی ایم سے رقم چوری کرنے کی کوشش کرنے والاپھل فروش رنگے ہاتھوں پکڑا گیا۔
عزیزآباد پولیس نے کریم آباد پر بینک کیاے ٹی ایم سے رقم لوٹنے کی کوشش کرنے والے ملزم کورنگے ہاتھوں گرفتارکرکے اس کے قبضے سے گیس سلنڈر ،ہتھوڑا اور اوزار برآمد کرلیے، ملزم کی شناخت نثار شیخ کے نام سے کرلی گئی ہے جوسبزی منڈی پرپھل فروخت کرتااورجنجال گوٹھ کارہائشی ہے ،ایس ایچ او جمال لغاری نے بتایا کہ بینک کی جانب سے ون فائیو پر اطلاع ملی تھی کہ کوئی شخص اے ٹی ایم میں گھسا ہوا ہے اورمشین کے ساتھ زورا?زمائی کر رہا ہے اطلاع ملنے پرپولیس بروقت پہنچ گئی بینک کوگھیرے میں لیکر اے ٹی ایم سے نثارشیخ کوگرفتا ر کرلیا جبکہ اسکا بھانجاالارم بجنے کے بعد فرارہوگیا تھا جس کے گرفتاری کے لیے چھاپے مارے جارہے ہیں۔ملزم نثارنے بتایا کہ کاروبارمیں نقصان کے باعث اس پر3لاکھ روپے کاقرض تھا جسے اتارنے کے لیے اس کے ذہن میں اے ٹی ایم سے رقم چوری کرنے کا خیال آیاتھاجس کے بعد اس نے اے ٹی ایم کوتوڑنے کیلیے شیرشاہ اور صدرسے ہتھوڑا، گیس سلنڈر اور اورزار10ہزارروپے میں خریدے، واردات سے قبل وہ اور اس کا بھانجا موسی کالونی کے ہوٹل پرجاکر بیٹھ گئے اوررش کم ہونے کاانتظار کرنے لگے اورپھررات کواے ٹی ایم میں گھس کر کارروائی شروع کی مگرسی سی ٹی وی کیمرے کو توڑنے پر اس کاالارم بج گیا جس کے بعد بینک کے گارڈ نے کال کرکے پولیس کو بلوالیا جس نے اسے گرفتار کر لیا۔ملزم نے مزید بتایا کہ اے ٹی ایم سے رقم لوٹنے کا خیال اس کے دماغ میں بھارتی فلم دیکھ کر آیا تھا اور اس نے کئی روز تک اس کام کے لیے منصوبہ بندی کی اوربینک کھلنے اوربند ہونے کی اوقات کاربھی نوٹ کرتا رہا۔پولیس نے بتایاکہ ملزم کے کرمنل ریکارڈکی چھان بین بھی شروع کردی گئی ہے تاکہ اس بات کا پتہ چلایا جاسکے کہ وہ اکیلاہی واردات کرنے ا?یا تھایا اس کاتعلق کسی گروہ سے ہے۔