مردان(ویب ڈیسک ) پولیس نے مردان میں اسماءقتل کیس میں رشتہ دارعبد القادراورنبی گل کوگرفتارکرلیا ہے،دونوں رشتہ داروں کوفرانزک رپورٹ موصول ہونے کے بعد حراست میں لیا گیا ہے، فرانزک رپورٹ کے بعد پولیس نے اب تک تین رشتہ داروں کوحراست میں لیا ہے۔ میڈیا رپورٹس کے مطابق خیبرپختونخواہ پولیس نے اسماءقتل کیس کی فرانزک رپورٹ ملتے ہیں ملزمان کی گرفتاری کاسلسلہ شروع کردیا ہے۔نجی ٹی وی کا کہنا ہے کہ پولیس نے گوجر گڑھی میں کاروائی کرتے ہوئے اسماء کے قتل میں ملوث ان کے تین قریبی رشتہ داروں کوبھی حراست میں لیا ہے۔ تاہم ابھی معلوم نہیں ہوسکا کہ یہ رشتہ دار وہی ملزم ہیں جنہوں نے اسماء کوقتل کرنے کے بعد لاش کھیتوں میں پھینک دی تھی۔ان 2 رشتہ داروں میں ا یک کانام عبدالقادر ہے اور اس کی عمر 24سال ہے۔عبدالقادرشادی شدہ اور اسماء کا چچا زاد بھائی ہے۔اسی طرح دوسرے ملزم کا نام نبی گل ہے۔ابھی یہ کہنا بھی قبل ازوقت ہے کہ ان افراد کورپورٹ کی روشنی میں ہی حراست میں لیا گیا ہے۔ اسماءقتل کیس کے سلسلے میں پولیس نے200 سے زائد افراد کوگرفتارکیا اور 145افراد کے ڈی این اے بھی کروائے گئے۔ یاد رہے کہ مردان کی 4 سالہ بچی اسمائ کی لاش 15 جنوری کو گھر کے قریب کھیتوں سے برآمد ہوئی۔ پوسٹ مارٹم رپورٹ میں بچی کو زیادتی کے بعد قتل کرنے کی تصدیق ہوئی تھی۔

اسلا م ٓابا د(ویب ڈیسک )تحریک انصاف کے چیئر مین عمران کی سابقہ اہلیہ ریحام خان کی جانب سے بھارتی ٹی وی چینل کو انٹر ویو دئیے جانے کے بعد ایک بار پھرانہیں شدید تنقید کا نشانہ بنا یا جا رہا ہے اور اس حوالے سے سوشل میڈ یا پر ان پر طرح طرح کے الزامات لگائے جا رہے ہیں۔سوشل میڈ یا پر بد ترین تنقید کا نشانہ بننے والی ریحام خان نے بھی اس حوالے سے اپنی تشویش کا اظہار کیا ہے اور کہا ہے کہ ایک خاتون کو سوشل میڈ یا پر تنقید کا نشانہ بنا نا مناسب نہیں۔ سوشل میڈ یا پر ایک تصویر گرد ش کر رہی ہے جس میں ریحام خان نے بھارتی جھنڈے کے رنگ والے کپڑے پہن رکھے ہیں اور اس تصویر کے حوالے سے سوشل میڈ یا پر مہم چل رہی ہے کہ یہ کپڑے ریحام خان نے اس وقت زیب تن کیے جب وہ بھارتی چینل کو انٹر ویو دے رہی تھیں ،تاہم اب اس حوالے سے اصل حقیقت بھی سامنے آگئی ہے۔مائیکر و بلاگنگ ویب سائٹ ٹوئٹر پر نیوز کاسٹر محمد جنید نے بتا یا کہ یہ تصویر 23مئی2015کو لاہورکے ایک ہوٹل میں لی گئی جہاں وویمن لیڈرشپ سمٹ میں ریحام خان سپیکر کے طور پر گئی تھیں اور وہ اس وقت عمران خان کی اہلیہ تھیں۔اس سمٹ میں 500افراد تھے جن میں تحریک انصاف کے رہنما بھی شامل تھے۔

ملتان: (ویب ڈیسک) ملتان میں سیزنل انفلوئنزا کے شبے میں مزید 2 افراد نشتر اسپتال میں داخل ہونے سے زیر علاج مریضوں کی تعداد 8 ہوگئی جبکہ گزشتہ 7 ہفتوں کے دوران رپورٹ ہونے والے مریضوں کی تعداد 274 تک پہنچ گئی ہے اور 45 افراد زندگی کی بازی ہار گئے۔تفصیلات کے مطابق نشتر اسپتال میں سیزنل انفلوئنزا کے شبے میں مزید 2 افراد داخل ہوگئے جن کے خون کے نمونے تجزیے کے لیبارٹری بھجوا دئیے گئے ہیں۔ نشتر اسپتال میں اسوقت زیر علاج مریضوں کی تعداد 8 ہوگئی ہے جن میں سے 4 مریضوں میں وائرس کی تصدیق ہوگئی ہے جبکہ 3 افراد کو آئی سی یو میں رکھا گیا ہے اور انکے ٹیسٹ بھی مثبت آگئے ہیں۔گزشتہ 7 ہفتوں کے دوران نشتر اسپتال میں رپورٹ ہونے والوں مریضوں کی تعداد 274 تک جا پہنچی ہے جبکہ اب تک 45 افراد مرض کے ہاتھوں اپنی جان کی بازی ہار چکے ہیں۔

لاہور(ویب ڈیسک) مردان میں زیادتی کے بعد قتل ہونیوالی تین سالہ اسماءکے جسم سے لیاگیا ڈی این اے میچ کرگیاجس سے حکومت پنجاب نے خیبرپختونخوا حکومت آگاہ کردیاہے۔ خیبرپختونخوا حکومت نے 145افراد کے ڈی این اے صوبائی حکومت کو بھجوائے تھے جن میں سے ایک ڈی این اے سیمپل مقتولہ اسمائ کے ڈی این اے سے میچ کرگیا۔ ذرائع نے بتایاکہ ڈی این اے کی رپورٹ کے بعد پنجاب نے خیبرپختونخوا حکومت سے رابطہ کرلیا ہے تاہم میچ کرنیوالے ملزم کا نام ابھی ظاہر نہیں کیاگیا۔ ذرائع نے مزید بتایا کہ نام سامنے آنے پر ملزم کے روپوش ہونے کا خدشہ ہے جس کی وجہ سے قانونی کارروائی میں مشکلات درپیش ہوسکتی ہیں لہٰذا ابتدائی طورپر نام خفیہ رکھاگیا اور قوی امکان ہے کہ گرفتاری کے بعد خود خیبرپختونخوا حکومت یہ نام سامنے لائے گی۔