ملتان(ویب ڈیسک )کالعدم جماعت الدعوہ کے امیر حافظ محمد سعید کا کہنا ہے کہ مسئلہ کشمیر کے حل میں بڑی رکاوٹ اسلام آباد کی حکومت ہے۔ حافظ سعید کا کہنا تھا کہ کشمیرکا مسئلہ 70 سال سے الجھا ہوا ہے اور کشمیری پاکستان کے جھنڈے میں دفن ہورہے ہیں لیکن مسئلہ کشمیر کے حل میں بڑی رکاوٹ اسلام آباد کی حکومت ہے۔حافظ سعید کا نواز شریف پر تنقید کرتے ہوئے کہنا تھا کہ جو کہتا ہے مجھے کیوں نکالا ا±س کے دستخط پرمجھے گرفتارکیا گیا اور نوازشریف کے جانے کی ایک بنیادی وجہ اس خون سے غداری ہے جواس نے کی لیکن نواز شریف یہودیوں کوپسند آنے والے بیان دے رہے ہیں،میں اب بھی کہتا ہوں توبہ کرلو۔حافظ سعید کا کہنا تھا کہ پاکستان مسئلہ کشمیر کے حل میں رکاوٹ کوختم کرے اور اس ضمن میں سینٹ کے لوگ جاکراقوام متحدہ کے سامنے دھرنا دیں جب کہ تحریک کشمیرنتیجہ خیز مرحلے تک پہنچ چکی ہے اور انشااللہ 2018 کشمیرکے نام ہوگا۔

سوات(ویب ڈیسک )آرمی چیف جنرل قمر جاوید باجوہ نے سوات دھماکے کے 11 شہداءکی پشاور میں نماز جنازہ میں شرکت کی۔پاک فوج کے تعلقات عامہ (آئی ایس پی آر) کے مطابق شہداءکی نماز جنازہ پشاور گیریڑن میں ادا کی گئی جس میں گورنرخیبر پختونخوا اقبال ظفر جھگڑا، کور کمانڈر پشاور اور دیگر حکام نے بھی شرکت کی۔نماز جنازہ کے بعد آرمی چیف نے سی ایم ایچ کا بھی دورہ کیا جہاں انہوں نے دھماکے میں زخمی ہونے والے جوانوں کی عیادت کی۔خیال رہے کہ گزشتہ روز سوات کی تحصیل کبل میں آرمی یونٹ میں ہونے والے خود کش حملے کے نتیجے میں ایک افسر سمیت 11 سیکیورٹی اہلکار شہید اور 13 زخمی ہو گئے تھے۔آئی ایس پی آر کے مطابق خود کش حملہ تحصیل کبل کے علاقے شریف آباد میں واقع آرمی یونٹ کے اسپورٹس ایریا میں ہوا۔خیال رہے کہ وادی سوات میں 2007 سے 2009 کے درمیان طالبان نے مکمل طور پر کنٹرول حاصل کر لیا تھا لیکن پھر سیکیورٹی فورسز کی جانب سے متعدد آپریشنز کے بعد اسے واپس حکومتی کنٹرول میں لایا گیا۔سیکیورٹی فورسز نے سوات سے مقامی اور غیر ملکی دہشت گردوں کے خاتمے کے لیے 2007، 2008 اور 2009 میں آپریشن راہ نجات کے نام سے کارروائیاں کیں۔اس کے علاوہ آرمی نے سوات کے سب سے بڑے شہر مینگورہ کا کنٹرول حاصل کرنے کے لیے 2009 میں راہ راست کے نام سے آپریشن بھی کیا تھا۔

پشاور(ویب ڈیسک) پاکستان مسلم لیگ (ن) کی رہنما مریم نواز کا کہنا ہے کہ آج پشاور نے نواز شریف کے حق میں فیصلہ دیدیا ہے اور بتادیا ہے کہ صادق اور امین کون ہے۔پشاور میں جلسہ عام سے خطاب کرتے ہوئے پاکستان مسلم لیگ (ن) کی رہنما مریم نواز کا کہنا تھا کہ آج پشاور نے نواز شریف کے حق میں فیصلہ دے کر بتادیا ہے کہ صادق اور امین کون ہے، ا?ج مسلم لیگ (ن) کا سیلاب آیا ہوا ہے۔ ان کا کہنا تھا کہ خیبرپختون خوا کے عوام بہادر ہیں لہذا ان کا لیڈربھی بہادر ہونا چاہیے جب کہ کیا 5 سال سازشیں کرنے والا، کنٹینر پر چڑھ کر بیٹھے رہنے والا اور الزام لگانے والا لیڈر ہوسکتا ہے۔مریم نواز نے کہا کہ عمران خان نے اگر 5 سال خدمت کی ہوتی تو آج کے جلسے میں بھی خالی کرسیاں ہوتیں جیسی کہ عمران خان کے جلسے میں تھیں، پشاور کے عوام نے 2013 میں عمران خان کو ووٹ دیا لیکن وہ جواب میں کینٹینر لے آئے اور پھر اس سے نیچے نہیں اترے۔ ان کا کہنا تھا کہ عمران خان کا تعلیمی نظام کہاں ہے جس کا انہوں نے وعدہ کیا تھا، وہ نظام تعلیم جس میں انہوں نے کہا تھا کہ امیر اور غریب کو ایک جیسی تعلیم ملے گی جب کہ پشاور میں بین الاقوامی معیار کا ایک بھی اسپتال نہیں، لوگ علاج کے لیے پنجاب ا?تے ہیں۔مریم نواز کا کہنا تھا کہ جب پشاور میں ڈینگی ا?یا، لوگ اسپتالوں میں جانیں دے رہے تھے لیکن خیبر پختونخوا کا لیڈر پہاڑوں پر چڑھ کر بیٹھا تھا، آج کے پی کے کا جم غفیر پوچھ رہا ہے کہ عاصمہ کا قاتل کہاں ہے، عمران خان جہاں جاتے ہیں پنجاب پولیس کو گالی دیتے ہیں لیکن ہم کے پی کے پولیس کو کچھ نہیں کہیں گے، خیبر پختونخوا کی پولیس نااہل نہیں عمران خان نا اہل ہیں۔رہنما مسلم لیگ(ن) مریم نواز نے کہا کہ 2018 کے الیکشن میں بھی پشاور سمیت پورے خیبر پختونخوا میں شیر دھاڑے گا، خیبر پختونخوا کے عوام وعدہ کریں کہ اپنے ووٹ کی توہین کا بدلہ مسلم لیگ (ن) کو ووٹ دیکر لیں گے۔مریم نواز نے کہا کہ گزشتہ روز سوات خود کش حملے میں شہید ہونے والے پاکستان کے بہادر بیٹوں کو سلام پیش کرتے ہیں اور زخمیوں کو اللہ تعالیٰ جلدی صحت یاب کرے۔

چترال(ویب ڈیسک) وزیراعظم شاہد خاقان عباسی کا کہنا ہے کہ جولائی میں عوام نے درست فیصلہ کرنا ہے اور اگر درست فیصلہ کیا تو ترقی کا سفر چلتا رہے گا۔چترال میں گولن گول ہائیڈرو پاور پروجیکٹ کی افتتاحی تقریب سے خطاب کرتے ہوئے وزیراعظم نے کہا کہ گولن گول منصوبے کے بعد چترال میں کبھی لوڈشیڈنگ نہیں ہوگی اور یہ منصوبہ اتنی بجلی پیدا کرے گا کہ چترال کی بجلی کی ضرورت پوری ہوجائے گی۔وزیراعظم نے کہا کہ ماضی میں حکومتی وسائل کبھی یہاں تک نہیں پہنچے لیکن آج چترال سی پیک منصوبے میں شامل ہونے جارہا ہے جہاں اربوں روپے کی سڑکیں بنائی جارہی ہیں اور یہاں گیس کا مسئلہ بھی حل کیا جائےگا۔وزیراعظم کا کہنا تھا کہ پاکستان کو ایک درست سمت پر ڈال دیا گیا ہے،نواز شریف کی پالیسی کی وجہ سے پاکستان کی ڈوبتی معیشت بحال ہوئی، جولائی میں عوام نے درست فیصلہ کرنا ہے اور اگر درست فیصلہ کیا گیا تو ترقی کا سفر چلتا رہے گا۔