ملتان(سپیشل رپورٹر) چیف ایڈیٹر روزنامہ خبریں جناب ضیاشاہد نے گزشتہ رات بہاءالدین زکریا یونیورسٹی کے وائس چانسلر ڈاکٹر طاہر امین سے ان کی سرکاری رہائش گاہ پر ملاقات کی۔ اس ملاقات میں ریذیڈنٹ ایڈیٹر ”خبریں“ ملتان غفار احمد میاں اور ایجوکیشن رپورٹر ”خبریں“ فرید ملک، یونیورسٹی کے ڈاکٹر عبدالقدوس صہیب اور ڈاکٹر مقرب اکبر بھی موجود تھے۔ اس ملاقات کی دعوت وائس چانسلر ڈاکٹر طاہر امین کی طرف سے دی گئی تھی۔ ملاقات میں وائس چانسلر نے یونیورسٹی کے سرائیکی ڈیپارٹمنٹ کی طالبہ مرجان زیادتی کیس اور اس میں سرائیکی ڈیپارٹمنٹ کے پروفیسر اجمل مہار کا نام آنے کے حوالے سے بریفنگ دی اور بتایا کہ یونیورسٹی انتظامیہ نے ازخود پروفیسراجمل مہار کو پولیس کے حوالے کیا اور یونیورسٹی انتظامیہ سے ہرطرح تعاون کررہی ہے۔ جناب ضیاشاہد نے کہا کہ اس کیس کے حوالے سے والدین اور سوسائٹی کے تمام طبقات میں شدید تشویش پائی جاتی ہے اور یہاں آنے سے قبل وہ ایک تقریب میں تھے، جہاں شہر بھر سے مختلف مکتبہ فکر کے لوگ موجود تھے اور ان سب میں اس معاملے پر ناصرف تشویش پائی جاتی تھی بلکہ عام تاثر یہی ہے کہ اس قسم کے گندے انڈوں کو اساتذہ کی تنظیمیں بچا لیتی ہیں اور پشت پناہی کرتی ہیں۔ انہوںنے وائس چانسلر سے کہا کہ آپ کو ایسی کالی بھیڑوں کے خلاف سخت اورفوری ایکشن لینا چاہےے اور انہیں نکال باہر کریں۔ چند مکروہ کردار کے حامل افراد کی وجہ سے یونیورسٹی کا تقدس اورپوزیشن خراب کیوں ہو۔انہوں نے کہا کہ ہم سب اس یونیورسٹی کی بہتری کے لئے دعاگو ہیں۔ چیف ایڈیٹر ”خبریں“ نے کہاکہ عمومی تاثر یہ بھی ہے کہ سمسٹر سسٹم کی وجہ سے اساتذہ طالب علموں سے تو رشوت لیتے ہیں جبکہ طالبات پر دباﺅ ڈال کر انہیں ہراساں کرتے ہیں۔ انہوںنے کہا کہ مجھے بہت سے فون موصول ہوئے ہیں اور اس حوالے سے ایک کالم کے جواب میں دو دن میں تین کالم بھی اُسی موضوع پر لوگوں کی طرف سے ہی موصول ہوئے ہیں۔ انہوں نے کہاکہ یونیورسٹی انتظامیہ کا ماحول بہتر بنانے کے لئے سخت اقدامات کرنے ہونگے جس کے جواب میں وائس چانسلرڈاکٹر طاہرامین نے کہا کہ انہوںنے پہلے بھی رعایت نہیں کی اور اب وہ مزید سخت ایکشن لینے کا فیصلہ کرچکے ہیں۔
ضیاشاہد

لاہور (آن لائن) وزیرقانون پنجاب راناثناءاللہ نے پیرحمیدالدین سیالوی کی تشکیل کردہ کمیٹی کے سامنے پیش ہوکر ختم نبوت سے متعلق اپنے عقیدے اور موقف کو واضح کیا ہے۔ رانا ثناءاللہ لاہور میں ختم نبوت سے متعلق بنائی گئی کمیٹی کے اجلاس میں پیش ہوئے،اجلاس کی صدارت نظام الدین سیالوی نے کی جب کہ اجلاس میں ن لیگ کے رہنما ضعیم قادری، مولانا رحمت اللہ اور دیگر علما نے شرکت کی۔وزیرقانون راناثنائ اللہ نے ختم نبوت سے متعلق اپنے عقیدے کو واضح کرتے ہوئے کہا کہ ختم نبوت ہرمسلمان کے ایمان کا حصہ اور لازمی جز± ہے، ختم نبوت اور مقام نبی کے برخلاف عقیدہ رکھنے والا کوئی شخص مسلمان ہو ہی نہیں سکتا۔کمیٹی نے وزیرقانون کا موقف سننے کے بعد ان کے عقیدہ ختم نبوت پر اطمینان کا اظہار کرتے ہوئے کہا ہے کہ وہ راناثنائ اللہ کے بیان کردہ موقف کو آستانہ عالیہ سیال شریف کے سجادہ نشین پیرحمیدالدین سیالوی کے سامنے رکھیں گے جب کہ کمیٹی کے جو ممبران اجلاس میں شرکت نہیں کرسکے انہیں بھی تفصیلات سے آگاہ کریں گے۔ سیال شریف کے پیر نظام الدین سیالوی نے کہا ہے کہ رانا ثنائ اللہ نے ہمیں کافی حد تک مطمئن کردیا ہے۔ جبکہ سجادہ نشین سیال شریف پیر حمید الدین سیالوی کے اپنے بھتیجے پیر نظام الدین سیالوی سے راستے جدا ہو گئے ہیں،پیر حمید الدین سیالوی کے صاحبزادے قاسم سیالوی کا کہنا ہے کہ رانا ثنائ اللہ کے ساتھ وزیر اعلیٰ ہاﺅس میں ہونے والے اجلاس کی کوئی حیثیت نہیں ،رانا ثنا اللہ کے استعفیٰ تک جدو جہد جاری رکھیں گے، 5 فروری کو ختم نبوت کانفرنس میں اہم اعلان کریں گے۔ میڈییا رپورٹ کے مطابق وزیر اعلیٰ ہاﺅس میں صوبائی وزیر قانون رانا ثنائ اللہ کے ساتھ ہونے والے اجلاس کے حوالے سے نیا تنازعہ سامنے آگیا ہے ،پیر حمید الدین سیالوی نے اپنے بھتیجے اور ممبر پنجاب اسمبلی پیر نظام الدین سیالوی سے اپنے راستے جدا کر لیئے ہیں اور ان کے صاحبزادے قاسم سیالوی نے اعلان کیا ہے کہ وزیر اعلیٰ ہاﺅس میں ہونے والے اجلاس کی کوئی حیثیت نہیں جبکہ اجلاس میں شامل ہونے والوں کا درگاہ سیال شریف سے بھی کوئی تعلق نہیں ،ہم اس سرکاری کمیٹی کو نہیں مانتے۔انہوں نے کہا کہ وزیر اعلیٰ شہباز شریف اور پیر حمید الدین سیالوی کی مشاورت سے بنائی گئی کمیٹی کے علاوہ کسی کمیٹی کو نہیں مانتے ،وزیر اعلیٰ ہاﺅس میں ہونے والے اجلاس میں ہمارا کوئی بھی نمائندہ شامل نہیں ،حکومتی اجلاس میں شامل ہونے والے افراد نے عزت ناموس رسالت سے زیادہ نون لیگ کو زیادہ اہمیت اور ترجیح دی ہے ،ان لوگوں کی کوئی سیاسی مجبوریاں ہو سکتی ہیں۔ سیال شریف کی مذاکراتی کمیٹی کے سربراہ سید شمس الرحمن مشہدی کا کہنا تھا کہ ہمارے دو اعتراضات ہیں ، ایک تو کمیٹی ہی غلط بنائی گئی ،دوسرا وزیر اعلیٰ ہاﺅس میں اجلاس نہیں ہونا چاہئے تھا ،کمیٹی نے رانا ثنا اللہ کو وضاحت کے لئے اکیلے بلایا گیا تھا ،رانا ثنا اللہ کو کمیٹی کے سامنے داتا دربار ،بادشاہی مسجد یا پھر کسی تیسرے مقام پر پیش ہونا چاہئے تھا۔انہوں نے کہا کہ حکومت نے اپنی مرضی کی مذاکراتی کمیٹی بنا کر معاملے کی خلاف ورزی کی ہے ، ہم 5 فروری کو جھنگ میں ہونے والی ختم نبوت کانفرنس میں اہم اعلان کریں گے۔

لاہور (مانیٹرنگ ڈیسک) عمران خان کی سینیٹ الیکشن پر مشاورت کیلئے لاہور آمد کے موقعے پرنیب میں پیش ہونے کے سوال پر کپتان برہم ہوگئے اور کہا کہ وہ بہت خطرناک اور برے ہیں۔ گزشتہ روز چیئرمین نیب جسٹس (ر) جاوید اقبال نے عمران خان کے سرکاری ہیلی کاپٹر استعمال کرنے کا نوٹس لیا اور ڈی جی نیب خیبرپختونخوا کو انکوائری کا حکم دیتے ہوئے رپورٹ طلب کر لی تھی۔ ترجمان نیب کے مطابق، عمران خان نے 2 حکومتی ہیلی کاپٹر استعمال کیے، ہیلی کاپٹر غیر سرکاری دوروں کیلئے استعمال کیے گئے، وزیراعلیٰ خیبرپختونخوانے مبینہ طور پر اختیارات کا نا جائز استعمال کیا۔ رپورٹ کے مطابق عمران خان نے ایم آئی 17 ہیلی کاپٹر پر 22 گھنٹے جبکہ ایکیوریل ہیلی کاپٹر پر 52 گھنٹے پرواز کی۔ ترجمان نیب کے مطابق اوسطاً فی گھنٹہ 28 ہزار کے حساب سے 21 لاکھ 7 ہزار 181 روپے خرچ ہوئے، رپورٹ کے مطابق نجی ایم آئی 17 ہیلی کاپٹر کا کرایہ 10 سے 12 لاکھ روپے فی گھنٹہ ہے جبکہ نجی ایکیوریل ہیلی کاپٹرز کا فی گھنٹہ خرچ 5 سے 6 لاکھ روپے ہے۔