کوئٹہ، اسلام آباد، ڈیرہ بگٹی (مانیٹرنگ ڈیسک، ایجنسیاں) بلوچستان میں مسلم لیگ ن کی اتحادی حکومت بیچ منجدھارکے ہچکولے ،کھانے لگی مسلم لیگی حلقے سرجوڑ کر بیٹھ گئے، اقتدار کی ہما جمیعت علمائے اسلا م (ف )کی حمایت سے مشروط کردی گئی ۔تفصیلات کے مطابق بلوچستان اسمبلی کے کل ارکان کی تعداد 65ہے، حکومت بنانے کے لیے سادہ اکثریت کے لیے 33ارکان کی حمایت درکارہے،ثنااللہ زہری کی اتحادی حکومت میں 53ارکان شامل تھے،مسلم لیگ ن اوران کی اتحادی جماعتوں کے 28ارکان نے زہری حکومت کے خلاف علم بغاوت بلندکردیاہے،باغی ارکان کا دعوی ہے کہ انہیں 38ارکان کی حمایت حاصل ہے۔بلوچستان میں پارٹی پوزیشن ک لحاظ سے ن لیگ کے20ارکان ،پشتونخوا ملی عوامی پارٹی کے14،نیشنل پارٹی کے 11،جے یوآئی کے 8،ق لیگ کے 5 اوربلوچستان نیشنل پارٹی کے 2ارکان ہیں،جب کہ 2 آزاد ارکان اسمبلی بھی ہیں ۔بی این پی عوامی،اے این پی اورمجلس وحدت مسلمین کا ایک ایک رکن ہے۔بلوچستان اسمبلی میں ن لیگ کے زیادہ ترارکان حکومت مخالف کیمپ میں چلے گئے ہیں،خیال ہے کہ ثنااللہ زہری کے ساتھ صرف دویاتین پارٹی ارکان ہی ہیں،جے یوآئی کے 8ارکان نے بھی تحریک عدم اعتماد پردستخط کیے ہیںتاہم مولانا فضل الرحمان کی وزیراعظم سے ملاقات کے بعد حالات میں تبدیلی کے اشارے ملے ہیں،نیشنل پارٹی کے ایک رکن نے بھی پارٹی پالیسی کے برعکس ثنااللہ زہری کے خلاف علم بغاوت بلندکردیا ہے۔ وزیراعلیٰ بلوچستان کےخلاف تحریک عدم اعتماد جمع کرائے جانے کے بعد غیر یقینی اور اگر مگر کی صورتحال بدستور قائم ،وزیراعلیٰ بلوچستان کےخلاف ن لیگ سے تعلق رکھنے والے صوبائی وزیر محنت وافرادی قوت راحت جمالی اور صوبائی مشیر ایکسائز عبدالماجد ابڑو نے بھی عہدوں سے مستعفی ہونے کااعلان کردیاہے ،جس کے بعد اب تک مستعفی ہونے والے وزراء،معاونین خصوصی کی تعداد5ہوگئی ہیں ۔رواح ہفتے کے دوران مسلم لیگ (ن) سے تعلق رکھنے والے سابق صوبائی وزیر داخلہ میرسرفرازاحمد بگٹی ،پاکستان مسلم لیگ(ق) کے میر عبدالقدوس بزنجو ،پرنس احمد علی ،مجلس وحدت المسلمین کے آغا رضا سمیت دیگر نے تحریک عدم اعتماد جمع کی اوردعویٰ کیاکہ ان کے پاس تحریک عدم اعتماد کو کامیاب کرانے کیلئے مطلوبہ اکثریت حاصل ہے جب سابقہ ٹرائیکا کے سرگرم ہونے اور تحریک عدم اعتماد کی خبریں میڈیا کی زینت بنی تو حکومت میں شامل اہم اتحادی جماعت پشتونخوامیپ کے سربراہ محمود خان اچکزئی کو اپنی جماعت کے اراکین اسمبلی کے ساتھ ہنگامی پریس کانفرنس کرناپڑی جس میں انہوں نے اس بات کااعادہ کیاکہ ان کی جماعت ن لیگ کے ساتھ اتحادی ہے اور وہ موجودہ وزیراعلیٰ بلوچستان نواب ثناءاللہ زہری کے خلاف تحریک عدم اعتماد کو ناکام بنائینگے۔ صوبائی وزیر راحت بی بی نے ناراض گروپ کی حمایت کر دی۔ دوسری جانب بلوچستان اسمبلی نے تحریک عدم اعتماد کے ارکان کی درخواست پر 9 تاریخ کو اسمبلی کا اجلاس طلب کرنے کے لئے وزیراعلی بلوچستان کو اجلاس کا پرپوزل ارسال کر دیا ہے۔ سرکاری ذرائع کے مطابق بلوچستان اسمبلی کا اجلاس 9 جنوری کو ہوگا۔ سابق صوبائی وزیر داخلہ میر سرفراز بگٹی کے حمایت میں ڈیرہ بگٹی سوئی اور پیرکوہ میں ان کے حمایت میں ریلیاں نکالی گئیں ریلیوں میں قبائلی عمائدین اور شہریوں کی بڑی تعداد نے شرکت کی سوئی میں ریلی کی قیادت سابق صوبائی وزیرداخلہ سرفراز بگٹی کے بڑے بھائی میر جان محمد بگٹی جبکہ ڈیرہ بگٹی میں ڈسٹرکٹ چیئرمین میر غلام نبی بگٹی نے کی سوئی میں ریلی پاکستان ہاوس سے شروع ہوکر اللہ والی چوک پر اختتام پذیر ہوگئی ریلی کے شرکا نے سابق صوبائی وزیرداخلہ میر سرفراز بگٹی سے اپنے والہانہ محبت کا اظہار کیا ریلی کے شرکا سے خطاب کرتے ہوئے قبائلی رہنما میر جان محمد بگٹی نے میر سرفراز بگٹی کو عہدے سے ہٹانے اور ناروا سلوک کی شدید مذمت کرتے ہوئے کہا کہ ڈیرہ بگٹی کے عوام کو نواب ثنا اللہ زہری کا یہ فیصلہ ہرگز قبول نہیں جبکہ ڈیرہ بگٹی میں ریلی سنگسیلہ موڑ سے شروع ہوکر چلڈرن پارک سول ہسپتال میں اختتام پذیر ہوگئی ریلی میں سینکڑوں موٹر سائکلیں اور گاڑیاں بھی شامل تھیں۔

لاہور (مانیٹرنگ ڈیسک) سابق وفاقی وزیر اطلاعات و نشریات پرویز رشید نے کہا ہے کہ سعودی حکمرانوں اور شریف برادران کے تعلقات سے ہر خاص و عام واقف ہے۔ مخالفین جس قسم کے الزامات لگا رہے ہیں۔ وہ اخلاقیات اور ڈپلومیسی کے دائرہ کار سے باہر ہیں۔ انہیں یہ سوچنا چاہئے کہ اس طرح ہمارے دوسرے ممالک کے ساتھ تعلقات بھی متاثر ہوتے ہیں۔ نوازشریف صاحب کے پاس سعودی عرب کے علاوہ بھی کئی ممالک سے دوروں کی دعوتیں موجود ہیں جو وقت آنے پر وہ ضرور کریں گے۔ نوازشریف صاحب کے دھماکہ خیز اعلانات کی ضرورت میڈیا کی سکرین کو ہوتی ہے جنہوں نے ”نیوز الرٹ“چلانا ہوتے ہیں۔ سیاست دان مناسب وقت پر بات کتے ہیں۔ نوازشریف صاحب نے یہ نہیں کہا کہ کوٹ مومن کے جلسے میں انکشافات کروں گا راز کی کوئی ایسی خاص بات نہیں ہے ہماری عوام بہت کچھ جانتے ہیں ملکی تاریخ میں مارشل لا بھی لگے۔ عدالتوں نے پی سی او کے تحت حلف بھی اٹھائے۔ عدالتوں نے ایسے فیصلے بھی کئے جن پر آج تنقید ماضی سے بڑھ کر ہو رہی ہے۔ جسٹس منیر کے فیصلے سے لے کر آج تک بہت سے فیصلوں پر تنقید ہو رہی ہے۔ ہاں نوازشریف صاحب کے پاس واقعات اور افراد کے نام ضرور ہو سکتے ہیں لیکن پاکستان آج جس دور سے گزر رہا ہے اس میں جتنا انہوں نے کہہ دیا وہ کافی ہے اور یہ ان لوگوں کیلئے ہے جو شرارتوں سے باز نہیں آتے۔ جناب ضیا صاحب آپ کی مجھ سے محبت بہت پرانی ہے۔ میں اس وقت وزیر بھی نہیں تھا۔ جب سے آپ کی، میری محبت چلی آ رہی ہے۔ ایک سیاسی کارکن کی حیثیت سے آپ سے محبت رہی ہے اور رہے گی۔ میں نے خود وزارت لینے سے انکار کر دیا ہوا ہے۔ اخبارات میں بھی خبر چھپ چکی ہے کہ میں نے کانوں کو ہاتھ لگا کر وزارت سے توبہ کی ہے کیونکہ ہمارے ملک میں فیصلے پارلیمنٹ کی بجائے کہیں اور سے ڈکٹیٹ کئے جاتے ہیں جس کا وزیراعظم کو بھی اختیار نہیں ہوتا۔ لہٰذا می ںبے ”لگام اور بے رقاب“ سواری پر چڑھنے کو تیار نہیں ہو۔ لہٰذا میں سیاسی کارکن کے طور پر ہی کردار ادا کرتا رہوں گا۔ان خیالات کا اظہار انہوں نے چینل ۵ کے پروگرام ”ضیا شاہد کے ساتھ“ میں گفتگو کرتے ہوئے کیا۔ معروف صحافی و تجزیہ کار ضیا شاہد نے کہا ہے کہ وزیراعظم نے مولانا فضل الرحمن سےے بلوچستان اسمبلی کے بارے گفتگو کی ہے کیونکہ بلوچستان اسمبلی میں جے یو آئی (ف) کے کافی ارکان ہیں۔ لین وہ وہاں اپوزیشن میں ہیں۔ اس وجہ سے وزیراعظم نے یقینا انہیں اعتماد میں لیا ہو گا۔ سرفراز بگٹی نے ہمارے پروگرام میں خود کہا تھا کہ اگلا وزیراعلیٰ ہماری پارٹی ہی سے ہو گا لیکن میں نہیں ہوں گا۔ کوئی سینئر رکن ہو گا۔ میرے خیال میں سنیارٹی کے اعتبار سے صالح محمد بھوتانی سب سے آگے ہیں۔ کیونکہ اکبر بگٹی کے ساتھ یہ وزیر رہ چکے ہیں اور خاندانی اعتبار سے وہ اختر مینگل اور عطاءاللہ مینگل سے تعلق رکھتے ہیں یہ سنجیدہ مزاج اور متحمل انسان ہیں۔ کہا جا رہا ہے کہ موجودہ وزیراعلیٰ کو تبدیل کر کے انہیں لگا دیا جائے گا لگتا ہے کہ ثناءاللہ زہری حکومت چلنا اب مشکل ہے۔ چین یہ چاہتا ہے کہ لوگ ڈاکٹر سے رشتہ توڑ کر چین کی کرنسی سے رشتہ جوڑ لیں؟ میاں شہباز شریف کچھ عرصہ سے زیادہ ہی خوش لباس ہو گئے ہیں اور ہیٹ وغیرہ بھی زیادہ استعمال کرنے لگے ہیں۔ بانکے ترچھے نوجوان دکھائی دیتے ہیں ان کے لباس پر عمران خان کو شکایت ہو تو ہو۔ لوگوں کو ہر گز اس پر اعتراض نہیں ہے۔ شریف برادران سعودی عرب گئے تھے۔ اس کی گتھی ابھی تک نہیں سلجھی۔ لوگ مختلف اارا دے رہے ہیں۔ کوئی این آر او کا ذکر کر رہا ہے کوئی کہہ رہا ہے۔ شہبازشریف خود کو اوکے کروانے سعودی عرب گئے تھے۔ بقول پرویز رشید صاحب آج بھی فیصلے کہیں اور سے کئے جا رہے ہیں۔ شاہد خاقان عباسی صاحب کی وزارت عظمیٰ کے بارے بھی ان کا یہی خیال ہے لہٰذا میں ایسی سیٹ لینے کو تیار نہیں ہوں۔ جو میرے قابو میں ہی نہ ہو یہ تو انہوں نے بہت بڑا انکشاف کر رہا ہے۔2018ءکے الیکشن میں اگر مسلم لیگ (ن) دوبارہ جیت جاتی ہے۔ تو سوال یہ ہے کہ پرویز رشید صاحب کے تحفظات یہ ہیں کہ دو تہائی اکثریت کے باوجود ہے آپ یہاں حکومت نہیں کر پاتے تو اس پر اور گفتگو ہونی چاہئے۔ آصف زرداری صاحب کو مبارک ہوو ان کے گھر میں ایک کی بجائے دو، دو مقرر ہو گئے ہیں۔ باپ اور بیٹے نے ایک ہی دن میں دو شہروں کو بھگتا دیا۔ ہم بھٹو صاحب کے بہت معترف ہیں لیکن ان کے دور میں ہم نے اتنے چھتر کھائے ہوئے ہیں قیدیں، اخبارات کی بندش، جیلیں۔ ایف ایس ایف کے ذریعے جے رحیم کی مرمت بھی دیکھی ہے۔ حنیف رامے سے لے کر خورشید حسن میر تک معراج محمد خان کا حال بھی دیکھا مصطفی کھر کو تو نکالتے ہوئے بھی دیکھا بھٹو صاحب، قائداعظم کے بعد واحد لیڈر تھے جن کے لئے عوام اس طرح نکلتے تھے۔ لیکن جب انہیں قوت ملی۔ وہ آةستہ آہستہ ان کے کارنامے کھل گئے۔ اور ان کی مقبولیت کم سے کم ہوتی گئی۔پاکستان میں میڈیا کو محمد خان جونیجو کے دور میں سب سے زیادہ آزادی ملی انہوں نے پہلی تقریر میں مینار پاکستان پر کہا جناب صیاءالحق اس مارشل لا کو چلتا کریں ہم جمہوریت کو لانا چاہتے ہیں۔ بھٹو کا اپنا مقام ہے۔ ان سے اچھا مقرر، فارن منسٹر، عالم اسلام کو اکٹھا کرنے والا، پاکستان کا ایٹمی پروگرام مرتب کرنے والا اور کوئی نہیں تھا۔وہ پاکستان سے باہر بہت اچھے تھے نامعلوم پاکستان کے اندر انہیں کیا ہوا۔جوتا انہوں نے پکڑا ہوتا تھا اور اپنے ساتھیوں تک کی پٹائی لگاتے رہے۔ اعتزاز احسن اور شیخ رشید کے مطابق 9 جنوری کو ایک بڑا دھماکا ہونے والا ہے طاہر القادری کے گھر تو آٹھ تاریخ کو اجلاس ہونا ہے۔ معلوم نہیں 9 کی ڈیڈ لائن کیوں دے رہے ہیں۔ یقینا طاہر القادری کے اجلاس میں کوئی نہ کوئی بڑا فیصلہ ہونے والا ہے۔ سابق وزیرداخلہ بلوچستان سرفراز بگٹی نے کہا ہے کہ 9 جنوری کو اجلاس ہو گا۔ جس میں یہ موشن، ٹیبل ہو گی۔ اس کے بعد سپیکر کی مرضی ہے کہ وہ 3 دنوں میں اجلاس بلا کر ووٹنگ کروا دے یا 7 دنوں میں اگر معاملہ 7 دنوں تک بھی جاتا ہے کہ 15 یا 16 کو نئے وزیراعلیٰ کیلئے ووٹنگ ہو جائے گی۔ ہمارے گروپ نے ابھی نئی وزیراعلیٰ کا نام فائنل نہیں کیا ہے۔ ہمارے ہاں کئی سینئر ساتتھی موجود ہیں۔ نواب چنگیز مری، جان جمالی، میر عبدالقدوس بزنجو اور بھی دیگر ساتھی ہیں۔ ہمیں جلدی نہیں۔ مشاورت کے بعد حتمی فیصلہ کریں گے۔ مسلم لیگ (ن) کے ارکان کی تعداد 20 ہے جس میں سے 14 سے زائد ہمارے ساتھ ہیں۔ ظاہر ہے انہیں ہمارا ساتھ دینا چاہئے۔ بلوچستان کی سیاست دوسرے صوبوں سے ذرا ہٹ کے ہے۔ فرض کریں کہ سینٹ کا الیکشن اس لئے نہ ہونے دیا جائے کہ نوازشریف کو اکثریت نہیں دینی ہے۔ تو ہمارے لئے بہتر یہ تھا کہ ہم اپنی مرضی کے ارکان کھڑے کر دیتے کیونکہ بیلٹنگ سیکرٹ ہونی تھی۔ سابق وزیرخزانہ ڈاکٹر سلمان شاہ نے کہا ہے۔ چین اور پاکستان کے درمیان کافی عرصہ سے یہ گفتگو چل رہی تھی کہ ڈالر کی بجائے ”ین“ میں تجارت کی جائے۔ تا کہ سرمایہ کاری کو فروغ دینے کے سلسلے میں ”ین“ کو ترجیح دی جائے۔ سی پیک ایک بہت بڑا منصوبہ ہے۔ اس پر ڈالر میں سرمایہ کاری کرنے کا نہ تو چین کو فائدہ ہے نہ پاکستان کو۔ چین اس وقت دنیا کی بہت بڑی اکنامی ہے۔ امریکہ کے بعد یہ دوسرے نمبر پر آ چکی ہے۔ تجارت کے معاملات امریکہ کی نسبت چین کے زیادہ تر چین چاہئے گا کہ دنیا کے دیگر ممالک بھی ”ین“ میں تجارت کریں تا کہ باقی دنیا کو بھی ڈالر سے نجات مل جائے۔ اس طرح امریکی اجارہ داری بھی کم ہو گی۔

لاہور (مانیٹرنگ ڈیسک) میاں نواز شریف 1997میں دوسری بار وزیراعظم منتخب ہوئے اور انہوں نے 28 مئی 1998 کو ایٹمی دھماکے کرکے پاکستان کو ایٹمی قوت بنا کر سیاست میں بڑا نام کمایا لیکن ان کی حکومت اپنی مدت پوری نہ کر سکی اور مشرف نے 1999 میں اقتدار پر قبضہ کر لیا ۔معروف صحافی و کالم نگار جاوید چوہدری نے اپنے کالم میں لکھاہے کہ میاں نواز شریف نے 28مئی 1998کو ایٹمی دھماکے کیے پاکستان کو دھماکوں کے دوران بل کلنٹن اور شاہ عبداللہ دونوں کی حمایت حاصل تھی بل کلنٹن نے پاکستان کو قانونی طور پر دھماکوں سے روکنے کی کوشش کی لیکن انھیں ذاتی طور پر کہا میں آپ کی مجبوری سمجھتا ہوں یہ ذاتی تھپکی پاکستان کو ایٹمی طاقت بنا گئی شہزادہ عبداللہ نے ایٹمی دھماکوں کے بعد پاکستان کا کھل کر ساتھ دیا یہ پاکستان کو تین سال تک مفت پٹرول بھی دیتے رہے اور مالی امداد بھی جنرل مشرف نے1999 میں حکومت پر قبضہ کر لیا بل کلنٹن اور شہزادہ عبداللہ دونوں نواز شریف کے ساتھ کھڑے ہو گئے۔میاں نواز شریف نے جنرل پرویز مشرف کے ساتھ معاہدہ کیا اور یہ 10دسمبر 2000کو خاندان سمیت جدہ شفٹ ہو گئے شہزادہ عبداللہ نے سعودی عرب میں آٹ آف دی وے شریف فیملی کی مدد کی قیام کے لیے سرور پیلس دیا اسٹیل مل کے لیے مفت زمین دی اور لندن میں کاروبار کے لیے سرمایہ فراہم کیا شریف فیملی نے شہزادہ عبداللہ کی مدد سے سعودی عرب کی سب سے بڑی اسٹیل مل لگائی اور یہ چند ماہ میں ارب پتی ہو گئے میاں نواز شریف جدہ میں بیٹھ کر لندن میں پراپرٹی کا کاروبار بھی کرنے لگے یہ انٹرنیٹ اور ٹیلی فون پر سودا کرتے رقم سعودی عرب سے بھجواتے پراپرٹی خریدتے مرمت کراتے اور دوبارہ فروخت کر دیتےحسن نواز جدہ سے لندن شفٹ ہوئے تو پراپرٹی کا کاروبار انھوں نے سنبھال لیا شاہ فہد یکم اگست 2005کو انتقال کر گئے جس کے بعد شہزادہ عبداللہ باقاعدہ بادشاہ بن گئے۔