لاہور(ویب ڈیسک) وزیراعلیٰ پنجاب شہبازشریف کا کہنا ہے کہ امریکا کی طرف سے آج ہم پر طعنے اور زہر آلود تیر برسائے جارہے ہیں جو جرنیلوں، سیاستدانوں سمیت ہر ایک کے لیے لمحہ فکریہ ہے۔لاہور میں سیف سٹی پراجیکٹ کی تقریب سے خطاب کرتے ہوئے شہبازشریف نے کہا کہ 70 سال گزر گئے، آج ہم پر طعنے اور زہر آلود تیر برسائے جارہے ہیں جو جرنیلوں، سیاستدانوں سمیت ہر ایک کے لیے لمحہ فکریہ ہے، اس سے بہتر تو عزت کی موت ہے، امریکی صدر کا بیان قومی وقار کے مناف اور عزت نفس مجروح کرنے کے مترادف ہے۔انہوں نے کہا کہ اس سے بڑا اور کوئی لمحہ نہیں آیا جب اتنی دیدہ دلیری سے آپ کے وقار کا تیا پانچا کیا گیا، قصور ہمارا اپنا ہے، 33 ارب ڈالر کی طرح بھیک کے پیچھے رہے، اس کے اوپر اپنی عزت کا سودا کرتے رہے لیکن آج بھی ہوش کے ناخن لیں، ہمیں امریکا یا کسی اور ملک سے کوئی لڑائی نہیں لڑنی، امریکا بہت بڑی طاقت ہے، ہمیں عزت و وقار کے ساتھ مشاورت کے ساتھ فیصلہ کرنا چاہیے، امریکا سے کہیں آپ سے عزت کے ساتھ معاملات کریں گے، آپ کے پیسے، امداد اور قرض نہیں چاہیے۔وزیراعلیٰ پنجاب کا کہنا تھا کہ روکھی سوکھی کھالیں گے، کشکول اور مانگے تانگے کی زندگی میں عزت نہیں ملتی، اسٹیک ہولڈرز مل کر مشاورت سے فیصلہ کریں اور ایسی امداد سے توبہ کرلیں، اس سے چھٹکارا حاصل کرلیں جس پر صبح شام طعنہ زنی ہو، اس چیز کا سامنا کرنا آسان نہیں، ہمیں شرمندہ کیا جائے ہماری بے توقیری کی جائے۔شہبازشریف نے مزید کہا کہ فیصلہ اشرافیہ نے کرنا ہے، عوام نے کبھی پاو¿نڈز اور ڈالرز نہیں دیکھے، عوام محنت کرکے خون پسینہ گراکر مشکل سے رزق حلال کماتے ہیں، ہمیں سوچ سمجھ کر قوت ارادی کے ساتھ جواب دینا ہوگا، امریکا سے کہیں آپ نے جو پیسے لیے اس کا حساب لیں۔انہوں نے کہا کہ ہمیں اپنے آپ اور اس نظام سے جنگ کرنا ہے، اس نظام کو دفن کرنا ہے جس نے اس مقام پر پہنچایا جس میں ہم پر دن رات طعنہ زنی ہورہی ہے، ہمارے بزرگوں نے خون بہا کر ملک اس لیے نہیں بنایا کہ 70 سال بعد جو اٹھے پگڑی اچھال دے اور دشنام طرازی کرے۔وزیراعلیٰ پنجاب کا کہنا تھا کہ پچھلے چار سالوں میں ہزاروں میگاواٹ بجلی کے منصوبے جو سی پیک سے ہٹ کر قائم کیے گئے وہ حکومت پاکستان نے اپنی جیب سے لگائے، ماضی کی 70 سالہ تاریخ میں پانچ سو میگاواٹ کا منصوبہ لگانے کے لیے ہم کشکول لے کر چل پڑتے تھے۔شہبازشریف نے کہا کہ ہمیں فخر ہونا چاہیے کہ ایک دھمکی آئی اور چین ہمارے ساتھ کھڑا تھا۔

اسلام آباد (خصوصی رپورٹ) ملک کے کارپوریٹ سیکٹر کے پاس پڑے عوام کے اربوں روپے کے لا وارث کھاتوں پر حکومتی کنٹرول کی راہ میں نجی شعبہ رکاوٹ بن گیا اور 31دسمبر2017ءکی ڈیڈ لائن گزرنے کے باوجود نجی شعبے نے ان بھاری مالیت کے اکاﺅنٹس کی حکومت کو کوئی تفصیل فراہم نہیں کی جس کے باعث اب یہ ڈیڈ لائن 31مارچ 2018 ءتک بڑھا دی گئی ہے۔ معلوم ہوا ہے کہ ایس ای سی پی نے پاکستان میں سٹاک بروکروں، سٹاک ایکسچینج، نان بینکنگ فنانس کمپنیوں اور انشورنس کمپنیوں کو لاوارث کھاتوں کی معلومات فراہم کرنے کیلئے 31دسمبر2017ءکی ڈیڈ لائن دی تھی اور انہیں ہدایت کی تھی کہ وہ ان اکاﺅنٹس ہولڈرز کے نام، اکاﺅنٹس میں پڑی رقم، حصص اور سرٹیفکیٹ کے بارے میں ایس ای سی پی کو معلومات فراہم کریں۔
لاوارٹ اکاﺅنٹس

کراچی (خصوصی رپورٹ) امریکی صدر ڈونلڈ ٹرمپ نے فلوریڈا میں سال نو کا جشن منانے کے ساتھ جب پاکستان کے خلاف ٹوئٹ کی تو اس وقت امریکی صحافیوں کو اپنے ملک کیلئے سب سے بڑا خطرہ شمالی کوریا نظر آ رہا تھا جس کے صدر نے اعلان کیا ہے کہ ایٹمی ہتھیاروں کا بٹن ہر وقت ان کی ڈیسک پر رہتا ہے اور وہ امریکہ پر میزائل داغ سکتے ہیں۔ لیکن شمالی کوریا سے لاحق خطرے کے حوالے سے سوال پر ٹرمپ نے مختصر جواب دیا۔ ہم دیکھیں گے اور پھر چلے گئے۔ پاکستان کے برعکس شمالی کوریا کا خطرہ ہی یکم جنوری کو امریکی اخبارات کی شہ سرخی تھا، لیکن اس کے باوجود امریکی صدر کا سخت ترین بیان پیانگ یانگ کی بجائے پاکستان کے خلاف آیا اور ساتھ ہی انہوں نے ایران میں جاری مظاہروں کی حمایت کی۔ ان کی ٹویٹس کے کچھ ہی دیر بعد امریک نائب صدر مائیک پینس نے ٹویٹر پر کہا کہ جب تک ڈونلڈ ٹرمپ امریکہ کے صدر اور میں نائب صدر ہوں امریکہ ماضی کی شرمناک غلطیاں نہیں دہرائے گا۔ امریکہ، بھارت ، جاپان اورآسٹریلیا کے درمیان پچھلے دس برس سے ایک چار افریقی اتحاد پر بات چیت ہو رہی ہے جس کے تحت ان چاروں ممالک کی بحری افواج ملک پر بحرہند اور بحرالکاہل کو کنٹرول کریں گی اور اس کا واحد مقصد خطے میں چین کی بڑھتی ہوئی طاقت کا مقابلہ کرنا ہے۔ اگر دنیا کے نقشے پر دیکھا جائے تو مین لینڈ امریکہ، الاسکا، آسٹریلیا، جاپان اور بھارت پانچ ایسے نقطے بنتے ہیں جن کے درمیان تقریباً پورا بحرالکاہل، بحرہند اور چائنہسی آ جاتا ہے اور یوں چین کی بحری ناکہ بندی مکمل ہ وجاتی ہے۔ چین کی جانب سے اس منصوبے پر کام تیز ہونے کے ساتھ ہی گزشتہ دو مہینوں سے امریکہ ، بھارت آسٹریلیا جاپان کے چار افریقی اتحاد پرمذاکرات نئے سرے سے شروع ہوئے ہیں۔ موجودہ صف بندی میں پاکستان واضح طور پر چین کے ساتھ ہے۔ روس بھی امریکہ کے بجائے چین کی صف میں کھڑا ہے اور روس کے ساتھ قریبی تعلقات اوراپنے پالیسیوں کی وجہ ایران کی موجودہ حکومت کیلئے بھی امریکہ کے ساتھ کھڑا ہونا ممکن نہیں۔ امریکہ اس امید کو ترک کر چکا ہے کہ وہ پاکستان اور بھارت کی امداد بند کردی جائے گی اس کمے لیے بھارت ترجیح ہے۔ نئی گریٹ گیم میں امریکی صدر ڈونلڈ ٹرمپ کی اصل دھمکی یہ نہیں کہ پاکستان کی امداد بند کر دی جائے گی بلکہ یہ امداد پہلے ہی بہت کم ہو چکی ہے ۔ حقیقت تو یہ ہے کہ امداد مکمل بند کر دی گئی تو امریکہ کا پاکستان پر تھوڑا بہت اثر بھی ختم ہو جائے گا۔ اسلام آباد میں پہلے ہی ذرائع کئی دن سے یہ اطلاعات دے رہے ہیں کہ سابق وزیراعظم نواز شریف کے دورہ سعودی عرب کا تعلق ان کے سیاسی مستقبل پر کسی سودے بازی سے نہیں، بلکہ پاکستان میں استحکام برقرار رکھنے کی کوششوں سے ہے۔ اسی طرح ایران میں حکومت تبدیل ہوئی تو مغرب کے حامی نئے صدر کے ذریعے ایران امریکی کیمپ میں واپس چلا جائے گا اور چین کا گھیرا مکمل ہو جائے گا۔