کراچی(ویب ڈیسک) شہر قائد کے علاقے پرانی سبزی منڈی سکھیا گراو¿نڈ میں پولیس نے کارروائی کے دوران سال نو پر دہشت گردی کا بڑا منصوبہ ناکام بنادیا۔ کراچی کے علاقے پرانی سبزی منڈی میں سکھیا گراو¿نڈ میں قائم منشیات کے اڈے پر پولیس کے چھاپے کے دوران ملزمان نے پولیس پر فائرنگ کردی، پولیس ٹیم کی جوابی فائرنگ کے نتیجے میں ملزمان نے دستی بم سے حملہ کیا اور فرار ہوگئے تاہم کوئی جانی نقصان نہیں ہوا، واقعے کے بعد پولیس کی بھاری نفری نے سکھیا گراو¿نڈ کے اطراف کے علاقے کو گھرے میں لے کر آپریشن شروع کردیا۔پولیس کو سرچ آپریشن کے دوران جائے وقوع سے 2 دستی بم اور ایک بارود سے بھری موٹر سائیکل ملی، موٹر سائیکل میں ریموٹ کنٹرول ڈیوائس نصب تھی جسے بم ڈسپوزل اسکواڈ کے عملے نے ناکارہ بنادیا جب کہ جائے وقوعے سے 7 مشتبہ افراد کو بھی حراست میں لیا گیا ہے جن سے تفتیش جاری ہے۔ڈی آئی جی ایسٹ کا کہنا ہے کہ موٹر سائیکل میں 8 سے 10 کلو بارود موجود تھا، پولیس کے مطابق برآمد کیے جانے والے دونوں بم روسی ساختہ ہیں جب کہ دہشت گردوں نے سال نو کے موقع پر دہشت گردی کا منصوبہ بنایا تھا۔دوسری جانب بارود سے بھری موٹر سائیکل کے مالک کا پتہ چل گیا، موٹر سائیکل گزشتہ شام ہی پی آئی بی کے علاقے سے چوری ہوئی تھی۔ موٹر سائیکل مالک نے رات 8 بجے پی ا?ئی بی تھانے میں موٹر سائیکل چوری ہونے کی رپورٹ درج کرائی تھی۔تفتیشی حکام کے مطابق موٹر سائیکل تیار کرنے والے گروہ کا تعلق مفتی شاکر گروپ سےلگتاہے، مفتی شاکر گروپ چوہدری اسلم اور انسپیکٹر شفیق تنولی پر خودکش حملوں میں ملوث تھا، موقع سے ملنے والے شواہد سے اس گروپ کے تانے بانے جیل میں مل رہے ہیں۔تفتیشی حکام کا کہنا ہے کہ موقع سے 3 دستی بم بھی ملے تھے، جب کہ موٹر سائیکل کے ساتھ ڈیٹونیٹر اور ایک دستی بم بھی لگایا گیا تھا، موٹر سائیکل کے ساتھ بوتل میں آدھا لیٹر پیٹرول ڈال کر ٹنکی کے نیچے لٹکا دی تھی جب کہ موٹر سائیکل کی ٹنکی میں 7 کلو بارود نٹ بولٹ کے ساتھ بھرا ہوا تھا۔

لاہور (ویب ڈیسک)چیف جسٹس پاکستان جسٹس ثاقب نثار نے کہا ہے کہ بھارت کیوں ہمارا پانی چوری کر رہا ہے؟ اسے پاکستان کا پانی چوری نہیں کرنے دیں گے۔سپریم کورٹ لاہور رجسٹری میں دریائے راوی اور عباسیہ لنک کینال سے پانی چوری سے متعلق درخواست پر سماعت ہوئی۔سماعت کے دوران چیف جسٹس نے ریمارکس دئیے کہ کیا دریائے راوی سے بھارت کے پانی چوری سے متعلق پنجاب حکومت کو علم ہے؟جسٹس ثاقب نثار نے کہا کہ اگر پنجاب حکومت کو علم ہے تو کیا اقدامات کیے گئے ہیں؟چیف جسٹس پاکستان نے قرار دیا کہ عباسیہ لنک کینال سے غریب کسانوں کا پانی چوری نہیں کرنے دیں گے، غریب مزارعوں کا پانی چوری کرنا ان کا خون چوسنے کے مترادف ہے۔انہوں نے حکم دیا کہ پانی چوری کرنے والوں کے خلاف پولیس کے ساتھ مل کر آپریشن کیا جائے، کسی کا استحصال نہیں کرنے دیں گے۔جسٹس ثاقب نثار کا کہنا تھا کہ پانی چوری کرنے والوں کے خلاف مقدمات درج کریں۔چیف جسٹس نے سیکرٹری اریگیشن پنجاب علی مرتضیٰ کو مخاطب کرتے ہوئے کہا کہ اقتدار میں موجود لوگوں کو بتا دیں، یہ میری ان کو تنبیہ ہے۔سپریم کورٹ نے سیکرٹری اریگیشن سے 4 جنوری کو عملدرآمد رپورٹ بھی طلب کرلی۔

اسلام آباد (ویب ڈیسک)وفاقی وزراءاور گورنر سندھ عمران اسماعیل کے بعد وزیراعظم عمران خان نے بھی سندھ کی صورت حال پر تشویش کا اظہار کر دیا ہے۔وزیراعظم عمران خان نے گرینڈ ڈیمو کریٹک الائنس کے رکن سندھ اسمبلی علی گوہر مہر سے ٹیلی فون پر بات چیت کی جس میں انہوں نے سندھ کی صورت حال پر تشویش کا اظہار کیا۔پی ٹی آئی سندھ کے ترجمان نے ٹیلی فونک رابطے کی تصدیق کرتے ہوئے کہا وزیراعظم عمران خان نے علی گوہر مہر کی جانب سے صوبے کے دورے کی دعوت قبول کرلی اور وہ جلد سندھ کا دورہ کریں گے اورسندھ کی اہم سیاسی شخصیات سے ملاقاتیں بھی کریں گے۔دوسری جانب وفاقی وزیر اطلاعات فواد چوہدری نے گورنر سندھ عمران اسماعیل سے رابطہ کر کے جے آئی ٹی رپورٹ کی روشنی میں ممکنہ کارروائیوں اور سندھ کی سیاسی صورتِ حال پر بات چیت کی۔فواد چوہدری کل سندھ کا دورہ کریں گے جس میں ان کی تحریک انصاف اور جی ڈی اے رہنماو¿ں سے ملاقاتیں متوقع ہیں۔وزیراعظم کے معاون خصوصی افتخار درانی نے بھی میڈیا سے گفتگو میں کہا کہ سندھ میں قیادت کی تبدیلی ناگزیر ہو چکی ہے۔انہوں نے کہا کہ سندھ میں ایسا وزیراعلیٰ ہونا چاہیے جو زیر تفتیش نہ ہو۔سندھ میں گورنر راج سے متعلق سوال پر افتخار درانی کا کہنا تھا کہ پیپلز پارٹی کو خود سوچنا چاہیے کہ حکومت کیسے چلانی ہے۔ان کا کہنا تھا کہ جے آئی ٹی رپورٹ میں وزیر اعلیٰ سندھ پر اومنی گروپ کی سہولت کاری کے شواہد موجود ہیں۔انہوں نے مزید کہا کہ مراد علی شاہ نے بطور وزیر اعلیٰ اور وزیر خزانہ زرداری گروپ کی سہولت کاری کی۔افتخار درانی کا کہنا تھا کہ سپریم کورٹ کا جے آئی ٹی سے متعلق فیصلہ سب کو قبول کرنا ہو گا۔