لاہور، اسلام آباد (کورٹ رپورٹر، آئی این پی) سپریم کورٹ نے جعلی بینک اکاﺅنٹس سے متعلق کیس کا عبوری حکم نامہ جاری کر تے ہوئے تمام بینک ٹرانزیکشنز کی مانیٹرنگ کا حکم اور جے آئی ٹی رپورٹ میں ذکر کردہ تمام عمارات اور جائیدادوں کی خرید و فروخت، براہ راست یا بلا واسطہ مالی فوائد والی پراپرٹیز کی خرید و فروخت پر بھی پابندی عائد کردی ہے ۔ تفصیلات کے مطابق سپریم کورٹ نے جعلی بینک اکاﺅنٹس سے متعلق کیس کا عبوری حکم نامہ جاری کر دیا۔ عدالت عظمیٰ نے اپنے عبوری حکم میں تمام جعلی بینک اکا ﺅ نٹس کا ریکارڈ قبضے میں لے کر عدالت میں پیش کرنے کا حکم دیا ہے جب کہ عدالت نے ایسے تمام بینک اکاﺅنٹس منجمد کرنے کے بھی احکامات دیے ہیں جن کی جے آئی ٹی رپورٹ میں نشاندہی کی گئی ہے۔ عبوری حکم کے مطابق عدالت نے اکاﺅنٹس کی تمام بینک ٹرانزیکشنز کی مانیٹرنگ کا حکم بھی دیا ہے۔ اس کے علاوہ جے آئی ٹی رپورٹ میں ذکر کردہ تمام عمارات اور جائیدادوں کی خرید و فروخت، براہ راست یا بلا واسطہ مالی فوائد والی پراپرٹیز کی خرید و فروخت پر بھی پابندی عائد کردی گئی ہے۔ دوسری جانب سپریم کورٹ میں جعلی بینک اکانٹس کیس کی سماعت 31دسمبر کو ہوگی۔ چیف جسٹس پاکستان کی سربراہی میں 2رکنی بینچ سماعت کرے گا اور اس سلسلے میں اٹارنی جنرل سمیت دیگر فریقین کو نوٹسز جاری کردیے گئے ہیں۔ سپریم کورٹ آف پاکستان نے جعلی بینک اکاو¿نٹس سے متعلق عبوری حکم نامہ جاری کردیا، عدالت نے تمام بینک اکاو¿نٹس کا ریکارڈ تحویل میں لے کر پیش کرنے کا حکم دیدیا۔ عدالت نے جے آئی ٹی رپورٹ میں شامل تمام بینک اکاو¿نٹس بھی منجمد کردیئے اوراکاو¿نٹس کی تمام بینک ٹرانزیکشنزکی مانیٹرنگ کا بھی حکم دیدیا۔ سپریم کورٹ آف پاکستان نے جے آئی ٹی رپورٹ میں شامل عمارات اور جائیدادوں کی خریدوفروخت پر پابندی عائد کردی، اس کے علاوہ اوپل 225، پارک لین پار تھینون سمیت تمام جائیدادوں کی خریدوفروخت پر پابندی عائد کردی، عدالت نے براہ راست یا بالواسطہ مالی فوائد پر جائیدادوں کی خریدوفروخت پر پابندی لگا دی۔ میگا منی لانڈرنگ اور جعلی اکاﺅنٹس کیس میں ملزمان عبدالغنی مجید اورانور مجید نے اپنے آپ کو معصوم قرار دیتے ہوئے جے آئی ٹی رپورٹ مسترد کرنے کی استدعا کردی۔ تفصیلات کے مطابق میگا منی لانڈرنگ اورجعلی اکاﺅنٹس کیس میں ملوث ملزمان عبدالغنی مجید اور انورمجید نے جواب سپریم کورٹ میں جمع کروادیا جس میں انہوں نے اپنے آپ کومعصوم قراردیتے ہوئے جے آئی ٹی رپورٹ مسترد کرنے کی استدعا کردی ہے۔ جواب میں کہا گیا کہ جے آئی ٹی کے پاس کوئی بنیاد نہیں کہ وہ معاملہ نیب کوارسال کرنے کی سفارش کرتی، جے آئی ٹی کی کسی بھی سفارش کی منظوری دینا بنیادی حقوق کی خلاف ورزی ہوگی، جے آئی ٹی کی ایگزیکٹو سمری اور حتمی رپورٹ کے 4 والیم فراہم کیے گئے، کن 924 لوگوں کے بیان ریکارڈ کیے گئے نہ نام فراہم نہیں کیے گئے جب کہ جس ریکارڈ کا جائزہ لیا گیا وہ بھی فراہم نہیں کیا گیا۔ جواب میں مزید کہا گیا کہ ان حالات میں جے آئی ٹی رپورٹ پرمفصل جواب دینے سے قاصر ہیں، رپورٹ کے ساتھ کوئی مواد یا دستاویزات نہیں جو الزامات کی تائید کرے جب کہ جے آئی ٹی رپورٹ میں لگائے گئے ہرالزام میں معصوم ہیں۔

راولپنڈی (این این آئی‘ مانیٹرنگ ڈیسک) چیف آف آرمی سٹاف جنرل قمر جاوید باجوہ سے بلوچستان کے وزیر اعلیٰ جام کمال خان نے ملاقات کی، ملاقات میں صوبے کی سیکیورٹی صورتحال پر تبادلہ خیال کیا گیا۔ ہفتہ کو آئی ایس پی آر کی جانب سے جاری بیان کے مطابق آرمی چیف جنرل قمر جاوید باجوہ سے وزیراعلیٰ بلوچستان جام کمال نے ملاقات کی جس میں صوبے کی سیکیورٹی صورتحال پر بات چیت کی گئی جبکہ وزیراعلیٰ بلوچستان نے خوشحال پروگرام کے تحت سماجی، اقتصادی اور ترقیاتی منصوبوں پر عملدرآمد کےلئے سیکیورٹی کے سازگار ماحول میں بہتری پر پاک آرمی کی کوششوں کو سراہا۔ اس موقع پر گفتگو کرتے ہوئے چیف آف آرمی سٹاف جنرل قمر جاوید باجوہ نے کہا کہ پاک فوج بلوچستان کی سیکیورٹی صورتحال برقرار رکھنے پر بھرپور توجہ دے رہی ہے۔ انہوں نے کہا کہ بلوچستان کی سیکیورٹی پاک فوج کی اولین ترجیح ہے، پاکستان کی خوشحالی بلوچستان کے امن واستحکام اور خوشحالی سے جڑی ہے۔ انہوں نے کہا کہ پاک افغان سرحد پر خاردار تاروں سے اور پاک ایران سرحد پر سیکیورٹی تعاون سے صوبے میں سیکیورٹی کی صورتحال مزید بہتر ہوگی۔

اسلام آباد ( ملک منظور احمد) وفاقی وزیراطلاعات و نشریات فواد چودھری نے کہا ہے کہ موجودہ حکومت نے پرنٹ میڈیا کیلئے ایڈورٹائزنگ بجٹ میں خاطر خواہ اضافہ کرنے کا فیصلہ کیا ہے نیوز پرنٹ پر عائد پانچ فیصد ڈیوٹی کوختم کر دیا گیا ہے اخباری انڈسٹری کو درپیش مشکلات کا ازالہ کیا جائیگا موجودہ حکومت آزادی صحافت پر مکمل یقین رکھتی ہے۔ وفاقی حکومت نے صوبائی حکومتوں کو بھی یہ ہدایت کی ہے کہ ایڈورٹائزنگ بجٹ میں اضافہ کیا جائے۔ یہ بات انہوں نے چیف ایڈیٹر خبریں ضیا شاہد کیساتھ وزارت اطلاعات اور نشریات میں ملاقات کے دوران کہی اس موقع پر روزنامہ 92نیوز کے گروپ ایڈیٹر ارشاد احمد عارف بھی موجود تھے۔ چیف ایڈیٹر خبریں ضیاشاہد نے وزیر اطلاعات و نشریات فواد چودھری کی توجہ اخباری صنعت کودرپیش مشکلات کی طرف دلائی اورانہیں بتایا کہ حکومت کی طرف سے اخبارات کواشتہارات جاری نہ کرنے اور بروقت ادائیگیاں نہ ہونے کی وجہ سے اس وقت اخباری انڈسٹری کو بے پناہ مالی مسائل کا سامنا ہے۔ وزیراطلاعات نے چیف ایڈیٹر خبریں کو یقین دہانی کرائی کہ موجودہ حکومت بلاشبہ کفایت شعاری اورغیر ضروری اخراجات کم کرنے کی پالیسی پر گامزن ہے تاہم حکومت نے ایڈورٹائزنگ بجٹ میں کوئی کمی نہیں کی ہے بلکہ اس مد میں سالانہ بجٹ میں اضافہ کیا گیا ہے۔ حکومت اخباری انڈسٹری کے مفادات کا تحفظ کرے گی انہوں نے یقین دہانی کرائی کہ آزادی صحافت پر کوئی قدغن نہیں لگائی جائیگی ہم مکمل طور پر اخباری انڈسٹری کیساتھ ہیں جس پر ضیا شاہد اورارشاد احمد عارف نے وزیر اطلاعات کا شکریہ ادا کیا۔ چیف ایڈیٹر خبریں ضیا شاہد نے اس موقع پر کہا کہ ہم پاکستان کے ساتھ کھڑے ہیں پی ٹی آئی کی حکومت ملک کی ترقی اورخوشحالی کیلئے جو بھی اقدامات کریں گے اس کی ہم حمایت کریں گے۔

کراچی (مانیٹرنگ ڈیسک) پیپلزپارٹی رہنماءسعید غنی نے سندھ حکومت کی کوششوں پر پھٹ پڑے، کہتے ہیں کہ سندھ کے عوام اپنے مینڈیٹ کی حفاظت کرنا جانتے ہیں، گیدڑ اور گدھ صوبے کو فتح کرنے کے خواب نہ دیکھیں۔ جعلی بینک اکاو¿نٹس کیس سے متعلق جے آئی ٹی رپورٹ میں پارٹی قائدین کے نام آنے پر جیالے رہنماء آگ بگولہ ہیں، وزیر بلدیات سندھ سعید غنی نے جے آئی ٹی رپورٹ علیمہ خان کو ریسکیو کرنے کی کوشش قرار دیا۔ سیاسی مخالفین کو تنقید کا نشانہ بناتے ہوئے کہا بھٹو شہید کے دشمنوں پر بلاول بھٹو زرداری کا خوف طاری ہوچکا ہے۔ بولے کہ گیدڑ اور گدھ صوبے کو فتح کرنے کے خواب نہ دیکھیں۔ وہ کہتے ہیں کہ فیاض الحسن چوہان دانتوں کی نمائش کرنے آتے ہیں۔ سعید غنی نے شیخ رشید کو سیاسی بھکاری تک قرار دے دیا۔پیپلزپارٹی کی اعلیٰ قیادت کے نام ایگزٹ کنٹرول لسٹ میں شامل ہونے کے بعد پی ٹی آئی نے سندھ حکومت گرانے کا اعلان کیا تھا جس کیلئے پی پی مخالفین سے رابطوں کا آغاز کردیا گیا جبکہ اتحادیوں کو بھی اعتماد میں لینے کی کوششیں جاری ہیں۔

لاہور، اسلام آباد، کراچی (نمائندگان خبریں) وزیر اعظم عمران خان نے سندھ حکومت کی تبدیلی کا ٹاسک وزیر اطلاعات و نشریات فواد چوہدری کو دے دیا ہے۔تفصیلات کے مطابق جے آئی ٹی رپورٹ نے جہاں پیپلز پارٹی کے لیے مسائل کا پہاڑ کھڑا کر دیا ہے وہیں سندھ حکومت کا وجود بھی خطرے سے دوچار ہوچکا ہے۔جے آئی ٹی کی رپورٹ نے آصف زرداری ، فریال تالپور، بلاول بھٹو، مراد علی شاہ اور پیپلز پارٹی کے بڑے رہنماﺅں کے لیے مسائل کھڑے کر دئیے ہیں۔اس رپورٹ میں سندھ کے وزیر اعلیٰ سید مراد علی شاہ کو بھی جعلی اکاونٹس میں ملوث قرار دیا گیا ہے۔دوسری جانب وفاقی حکومت نے سندھ میں تبدیلی کے لیے کوششیں شروع کر دی ہیں۔سندھ میں تبدیلی کا ٹاسک وفاقی وزیر اطلاعات و نشریات فواد چوہدری کو مل چکا ہے۔اس سلسلے میں وفاقی وزیر اطلاعات فواد چوہدری نے وزیر اعظم عمران خان سے خصوصی ملاقات کی۔دوسری جانب تحریک انصاف سندھ کے رہنماوں نے بھی اس مقصد کے لیے کمر کس لی ہے۔تحریک انصاف کے رہنماوں نے فیصلہ کیا ہے کہ وہ اس مقصد کے لیے پیپلز پارٹی کے ناراض رہنماوں سے بھی رابطہ کرے گی۔دوسری جانب پیپلز پارٹی نے بھی سندھ میں اپنی حکومت بچانے کے لیے ہاتھ پاﺅں مارنا شروع کر دئیے ہیں۔ وزےر اعظم کے معاون خصوصی افتخار درانی نے کہا ہے کہ حالات کے پےش نظر سندھ مےں قےادت کی تبدےلی ناگزےر ہوچکی ہے۔ وزےر اعلیٰ سندھ مراد علی شاہ پر کرپشن کے الزامات ہےں انہوں نے بطور وزےر خزانہ سہولت کارکا کردار اداکےا۔ افتخار درانی نے کہا کہ وزےر اعلیٰ سندھ مراد علی شاہ پر کرپشن کے الزامات ہےں۔ ہمےں اےسے وزےر اعلیٰ کی ضرورت ہے جس پر کوئی انکوائری نہ ہورہی ہو ۔ سندھ کی قےادت کے اومنی گروپ کے ساتھ تعلقات کا انکشاف ہوگےا ہے۔ جے آئی ٹی رپورٹ مےں وزےر اعلیٰ سندھ پر سہولت کاری کے شواہد ملے ہےں۔ مراد علی شاہ نے بطور وزےر خزانہ سہولت کار کا کردار کےسے ادا کےا؟ حالات کے پےش نظر سندھ مےں قےادت کی تبدےلی کے سوا کوئی چارہ دکھائی نہیں دیتا۔ پےپلز پارٹی کو ےہ سوچنا چاہےے کہ حکومت کےسے چلانا ہے۔ جمہورےت اےک عمل ہے اور احتساب اس کا حصہ ہے۔ احتساب کا عمل جمہورےت کو مستحکم کرتا ہے۔ انہوں نے کہا کہ ےہ بتاےا جائے کہ پےسہ جمع کرائے بغےر سمٹ بےنک کےسے بن گےا ۔ نےشنل بےنک سے پےسے کےسے لئے گئے حکومت سندھ ےہ تمام سہولےات لےنے کےلئے استعمال کی گئی ۔ ان تمام باتوں کا جواب رپورٹ کی صورت مےں سپرےم کورٹ مےں دےنا ہوگا اور سپرےم کورٹ کا جے آئی ٹی سے متعلق فےصلہ سب کو قبول کرنا ہوگا۔ اسمبلی میں پی ٹی آئی اور جی ڈی اے اراکین کا اہم اجلاس ہوا جس میں تحریک عدم اعتماد لانے سے متعلق تبادلہ خیال کیا گیا۔ صوبائی حکومت گرانے کیلئے اپوزیشن جماعتوں کا پہلا ہنگامی اجلاس ہوا جس میں پی ٹی آئی اور گرینڈ ڈیموکریٹک الائنس کے اراکین شریک ہوئے۔ ذرائع کے مطابق سندھ اسمبلی میں قائد حزب اختلاف فردوس شمیم نقوی کی زیر صدارت ہونے والے اجلاس میں تحریک عدم اعتماد لانے کی تیاری سے متعلق تبادلہ خیال کیا گیا حکومت ہٹانے کیلئے اقدامات پر غور ہوا۔ پی ٹی آئی رہنما کے مطابق 20سے 22پی پی ایم پی ایز ان کے رابطے میں ہیں۔ ان کا کہنا تھا آصف زرداری کی ممکنہ گرفتاری کے بعد پی پی کے کئی دھڑے بن سکتے ہیں۔ پیپلز پارٹی میں فارورڈ بلاک بننے کی بھی بات ہو رہی ہے۔اس حوالے سے پہلے وفاقی وزیر فیصل واڈا نے پیپلز پارٹی میں فارورڈ بلاک بننے کی بات کی جس کے بعد شیخ رشید نے بھی یہ اعلان کیا اور اب عامر لیاقت بھی میدان میں آگئے۔مائیکرو بلاگنگ ویب سائٹ ٹوئٹر پر عامر لیاقت نے بتا یا ہے کہ پیپلز پارٹی میں فارورڈ بلاک آخری مراحل میں … 19 اراکین “نامراد “سے نجات پاکر “بامراد” ہونا چاہتے ہیں۔ای سی ایل میں نام ہونے کے حوالے سے ان کا کہنا تھا کہ ای سی ایل میں عمران خان اور پی ٹی آئی کے رہنماوں کا نام ڈالنے کی درخواست دینے والے اپنی فکر کریں ، آپ کو ملک سے بھاگنے کی عادت ہے ، عمران خان اور اس کے کھلاڑیوں کو نہیں! نام بھگوڑوں کے ڈالے جاتے ہیں ہم تو ریس کے گھوڑے ہیں، آﺅ ریس لگالو!!!۔