لاہور: (ویب ڈیسک) سابق وزیر داخلہ اور ن لیگی رہنما احسن اقبال نے کہا ہے کہ صلاح الدین کی گرفتاری اور گھر کا پتہ چلنے کے بعد اہلخانہ سے رابطہ نہ کرنا مجرمانہ غفلت ہے۔ لیڈی کا نسٹیبل کو تھپڑ مارا گیا، حکومت اسے بھی تحفظ فراہم نہ کر سکی۔ ایک سال کی حکمرانی میں ملک دس سال پیچھے چلا گیا۔ حکمرانوں نے بند گلی میں ملک کھڑا کر دیا ہے جس سے نکلنے کا راستہ 2020 میں شفاف انتخابات ہے۔ مولانا فضل الرحمن کے لانگ مارچ میں شمولیت کا فیصلہ اے پی سی میں کیا جائیگا۔صلاح الدین کی ہلاکت، لیڈی کانسٹیبل کو تھپڑ، احسن اقبال نے حکومت پر کڑی تنقید کی۔ سابق وزیر داخلہ احسن اقبال موضع گورالی میں رحیم یار خان پولیس کے مبینہ تشدد سے جاں بحق صلاح الدین کے گھر پہنچے اور والد افضال احمد سے تعزیت کی۔میڈیا سے بات کرتے ہوئے احسن اقبال نے کہا کہ اس واقعے نے پورے پاکستان کو جھنجھوڑ کر رکھ دیا ہے۔ صلاح الدین کی گرفتاری کے بعد گھر کا پتہ چلنے کے بعد اہلخانہ سے رابطہ نہ کرنا مجرمانہ غفلت ہے، ذمہ داروں کو کیفر کردار تک پہنچایا جا ئے۔احسن اقبال نے کہا جس لیڈی کانسٹیبل کو تھپڑ مارا گیا، حکومت اسے بھی تحفظ فراہم نہ کر سکی۔ قانون اور انتظامیہ مکمل طور پر فیل ہو چکی ہے۔انہوں نے کہا چیف جسٹس پاکستان صلاح الدین اور لیڈی کا نسٹیبل کے واقعات کا از خود نوٹس لیں۔احسن اقبال نے کہا ایک سال کی حکمرانی میں ملک دس سال پیچھے چلا گیا، اناڑیوں سے بربادی ہو سکتی ہے ملک نہیں چلائے جا سکتے۔

راولپنڈی: (ویب ڈیسک) پولیس تھانوں میں تشدد کی فوٹیجز لیک ہونے کے بعد راولپنڈی پولیس نے تھانوں میں سائلین کے موبائل فون ساتھ لانے پر پابندی عائد کر دی، صرف ایس ایچ او اور محرر ہی جدید فون استعمال کر سکیں گے۔سٹی پولیس افسر راولپنڈی کی جانب سے جاری مراسلہ میں کہا گیا ہے کہ راولپنڈی کے تمام تھانوں میں آنے والے سائلین کے موبائل فونز گیٹ پر ہی جمع کر لیے جائیں اور تھانے کے اندر ایس ایچ او اور محرر کے سوا کوئی بھی دوسرا اہلکار جدید موبائل فون استعمال کرنے کا مجاز نہیں ہو گا۔مراسلے میں اہلکاروں کو یہ بھی ہدایت کی گئی ہے کہ کسی کو غیر قانونی طور پر تھانے میں حراست میں نہ رکھا جائے اور کسی پر بھی تشدد نہ کیا جائے۔

اسلام آباد(ویب ڈیسک)وزیراعظم عمران خان نے کہا ہے کہ شکست کا خوف ہو تو کچھ بھی حاصل نہیں کیا جا سکتا۔تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے ٹوئٹ میں سابق امریکی صدر تھیوڈ ورروزو یلیٹ کے اقوال کو شیئر کرتے ہوئے کہا کہ اگر شکست یا تنقید کا خوف ہو تو کچھ بھی حاصل نہیں کیا جا سکتا ہے، پاکستان کے نوجوانوں کیلئے یہ بہترین نصیحت ہے۔

اسلام آباد( ویب ڈیسک): 9 محرم الحرام کے مرکزی جلوس اسلام آباد، کراچی، لاہور، پشاور، کوئٹہ، راولپنڈی اور ملتان سمیت دیگر شہروں سے برا?ٓد ہورہے ہیں۔ اس ضمن میں سیکیورٹی کے خصوصی انتظامات کیے گئے ہیں اور اس بات کو یقینی بنایا گیا ہے کہ جلوس و مجالس عزا کے دوران کسی بھی قسم کا کوئی ناخوشگوار واقعہ رونما نہ ہو۔مجالس کے اطراف اور جلوس کی گزرگاہوں پہ اسکاو¿ٹس بچے اپنی ذمہ داریاں انجام دے رہے ہیں اور شرکائے جلوس کو مخصوص راستوں سے گزرنے میں رہنمائی بھی مہیا کررہے ہیں۔حضرت محمد مصطفیٰ کے نواسے حضرت امام حسین ? اور ان کے ساتھیوں کی کربلا کے میدان میں دی جانے والی لازوال قربانیوں کو خراج عقیدت پیش کرنے کے لیے شہدائے کربلا کی سیرت و کردار پر علمائے کرام، ذاکرین، مشائخ عظام اور مفتیان کرام روشنی ڈال رہے ہیں۔ شہروں میں آج کی مناسبت سے جگہ جگہ سبیلیں لگائی گئی ہیں جہاں ٹھنڈے مشروبات و ٹھنڈے پانی کی فراہمی یقینی بنائی جارہی ہے۔ عزاداران کے لیے نذر نیاز کا سلسلہ بھی جاری ہے۔

اسلام آ با د (ویب ڈیسک)جمعیت علماء اسلام نے حکومت کے خاتمے تک اسلام آباد میں دھرنا دینے کا اعلان کیاہے جس کے لئے ملک گیر تیاریوں کا سلسلہ جاری ہے، جمعیت کی مجلسِ عاملہ کی جانب سے صوبہ بھر میں کارکنوں اور عوام کو منظم و متحرک کرنے کے لیے دوروں کا سلسلہ مکمل کرلیاگیا ہے،دھرنے کے انتظامات کے لیے مختلف کمیٹیاں بھی قائم کی گئی ہیں۔

اسلا م ا ٓ با د (ویب ڈیسک)وفاقی دارالحکومت اسلام آباد سمیت مختلف علاقوں میں زلزلے کے جھٹکے محسوس کیے گئے۔ خیبرپختونخوا اور آزاد کشمیر کے علاقوں میں بھی زلزلے کے جھٹکے محسوس کیے گئے۔ مانسہرہ اور نکیال سمیت قریبی علاقوں میں بھی زلزلے کے جھٹکے محسوس کیے گئے۔زلزلہ پیما مرکز کے مطابق ریکٹر اسکیل پر زلزلے کی شدت 5 تھی اور گہرائی 12 کلو میٹر تھی جب کہ اس کا مرکز کشمیر اور بھارت کا سرحدی علاقہ تھا۔زلزلے کے باعث رہائشی کلمہ طیبہ کا ورد کرتے ہوئے گھروں سے باہر نکل آے اور لوگوں میں خوف و ہراس پھیل گیا تاہم ز لزلے کے نتیجے میں کسی جانی و مالی نقصان کی اطلاع نہیں ملی۔