±مقبوضہ کشمیر (ویب ڈیسک)پاکستان نے بھارت کی جانب سے مقبوضہ جموں و کشمیر کی صورت حال معمول کے مطابق بحال دکھانے کی کوششوں کو مسترد کرتے ہوئے کہا کہ مقبوضہ وادی بدستور دنیا کی سب سے بڑی جیل بنی ہوئی ہے۔دفترخارجہ سے جاری بیان کے مطابق ‘پاکستان نے بھارتی قومی سلامتی کونسل کے مشیر کی حالیہ بریفنگ سمیت مقبوضہ جموں و کشمیر کی صورت حال کو معمول کے مطابق دکھانے کے جھوٹے تاثر اور بھارتی کوششوں کو مسترد کردیا ہے’۔ترجمان دفتر خارجہ کے بیان میں کہا گیا ہے کہ ‘مقبوضہ جموں و کشمیر بدستور دنیا کا سب سے بڑا قید خانہ بنا ہوا ہے جہاں 5 اگست کو یک طرفہ اور غیر قانونی اقدام کے بعد بھارتی فورسز کی بھاری تعداد کو تعینات کردیا گیا ہے’۔بھارتی اقدامات کے حوالے سے دفتر خارجہ کا کہنا تھا کہ ‘اس کا مقصد مقبوضہ جموں و کشمیر کی عالمی طور پر تسلیم شدہ متنازع حیثیت کو ختم کرنا اور اس کی جغرافیائی ڈھانچے کو تبدیل کرنا ہے’۔بیان میں کہا گیا ہے کہ ‘بھارتی دعووں کے باوجود کرفیو جاری ہے، کشمیری قیادت بالخصوص حریت قیادت بدستور نظر بند یا گرفتار ہیں’۔دفتر خارجہ کا کہنا تھا کہ ‘عالمی میڈیا اور انسانی حقوق کی تنظیمیں بدستور انسانی تذلیل کو نمایاں کرری ہیں آوازیں اٹھارہی ہیں، بے گناہ کشمیریوں کی گرفتاری، بھارتی فورسز کی جانب سے سیکڑوں نوجوانوں کا اغوا، مواصلاتی رابطے منقطع کرنے اور میڈیا کی آزادی کو صلب کیا گیا ہے’۔مقبوضہ کشمیر کی صورت حال پر ان کا کہنا تھا کہ ‘دکانیں بدستور بند ہیں، کشمیری مساجد میں نماز نہیں پڑھ پارہے ہیں اس کے علاوہ غذائی اجناس کی شدید قلت سمیت بچوں کی خوراک اور ضروری ادویات کی کمی کی بھی مصدقہ اطلاعات ہیں’۔بھارتی دعووں کو مسترد کرتے ہوئے دفترخارجہ کا کہنا ہے کہ ‘قابض فورسز معصوم کشمیریوں کے خلاف ظالمانہ کارروائی کررہی ہیں ہیں اور پیلٹ گنز کا استعمال جاری ہے اور بھارت اس بات کی وضاحت دینے میں ناکام ہوا ہے کہ کشمیری اپنے پیاروں کے ساتھ رابطے کرنے میں کیوں ناکام ہیں اور 5 اگست 2019 سے 80 لاکھ سے زائد کشمیریوں کا رابطہ غیر انسانی انداز میں دیگر دنیا سے منقطع ہے’۔ترجمان دفترخارجہ نے اپنے بیان میں زور دیتے ہوئے کہا کہ ‘عالمی برادری اور ایمنسٹی انٹرنیشنل سمیت انسان حقوق کی تنظمیں بھارت کے معمول کے حالات کے دعووں سمیت بھارت کے اپوزیشن رہنماو¿ں کو مقبوضہ جموں و کشمیر کے دورے سے روکنے کے معاملے پر سوال کرے’۔ان کا کہنا تھا کہ ‘بھارتی حکومت مقبوضہ جموں و کشمیر سے آنے والے اطلاعات کو مکمل طور پر جابرانہ اور آمرانہ طرز قابو کررہی ہے، سچ کو دھندلا کر اور حقائق کو مسخ کر کے اپنے بیانیے کو آگے بڑھانے کی کوشش کررہی ہے حالانکہ زمینی صورت حال یکسر مختلف ہے جس کی عالمی میڈیا کی رپورٹ سے مسلسل تصدیق ہورہی ہے’۔بھارتی حکومت کے الزامات کے حوالے سے ان کا کہنا تھا کہ ‘حال ہی میں بھارت نے ایک جھوٹی اور من گھڑت خبر جاری کرنے کی کوشش کی تھی اس کے علاوہ 4 ستمبر 2019 کو بھارتی فوج کے بیان میں کشمیریوں کی شہادت کے بعد پاکستان پر الزام عائد کیا گیا تھا جبکہ بھارتی قومی سلامتی کونسل مقبوضہ کشمیر میں ہونے والی ہلاکتوں پر بھی جواز پیش کرنے کی کوشش کررہی ہے’۔ترجمان دفتر خارجہ کا کہنا تھا کہ ‘بھارتی فوج سچ کو تبدیل کرتے ہوئے دو پاکستانیوں محمد عظیم اور خلیل احمد کو کو انتہاپسند ظاہر کرنے کی کوشش کی حالانکہ انہوں نے 21 اگست 2019 کو غلطی سے ایل او سی عبور کی تھی’۔ان کا کہنا تھا کہ ‘بوجود اس کے کہ یہ معاملہ 27 اگست 2019 کو دونوں جانب کی ملیٹری ہاٹ لائن رابطے میں زیر بحث آیا تھا جہاں بھارتی حکام نے اعتراف کیا تھا کہ وہ غلطی سے سرحد پار کرنے والے شہری ہیں اور پاکستان کو آگاہ کیا تھا کہ معمول کی کارروائی ہورہی ہے جس کے بعد وہ واپس آجائیں گے’۔بھارت کی جانب سے پاکستان کے دوشہریوں کے حوالے سے جاری بیان پر دفترخارجہ کے ترجمان نے اپنے بیان میں کہا کہ ‘اس طرح کے حربے ظاہر کرتے ہیں کہ بھارت مقبوضہ کشمیر سے عالمی برادری کی توجہ ہٹانے کی کوشش کررہا ہے’۔ترجمان دفترخارجہ کا کہنا تھا کہ ‘پاکستان عالمی برادری کی توجہ مسلسل اس سنگینی طرف دلارہا ہے کہ بھارت کی جانب سے توجہ ہٹانے اور پاکستان پر الزام عائد کرنے کے لیے جھوٹی کارروائی کرسکتا ہے’۔

اسلام آباد(ویب ڈیسک) صدر مملکت ڈاکٹر عارف علوی اور وزیراعظم عمران خان سے چینی وزیر خارجہ وانگ ای نے علیحدہ علیحدہ ملاقاتیں کی ہیں۔اعلامیے کے مطابق وزیراعظم عمران خان سے چینی وزیر خارجہ سے وفد کے ہمراہ ملاقات کی جس میں باہمی دلچسپی کے امور، خطے اور عالمی صورتحال پر تبادلہ خیال کیا گیا۔اس موقع پر وزیراعظم کا کہنا تھا کہ چین کے ساتھ تعلقات پاکستان کی خارجہ پالیسی کا اہم ترین جزو ہیں۔دوران ملاقات وزیراعظم نے چینی وفد کومقبوضہ کشمیر کی سنگین صورت حال سے آگاہ گیا۔اس حوالے سے وزیراعظم کا کہنا تھا کہ مقبوضہ کشمیر میں کرفیو سے انسانی حقوق کی سنگین خلاف ورزیاں

ہورہی ہیں، مقبوضہ وادی میں جاری کرفیو اور دیگر پابندیاں فوری اٹھانے کی ضرورت ہے۔وزیراعظم عمران خان نے چین کے ساتھ خطے کے امن واستحکام کیلئے قریبی تعاون جاری رکھنے کے عزم کا اعادہ کیا۔اس موقع پر وانگ ای نے چینی صدر اور وزیراعظم کی جانب سے نیک خواہشات کا پیغام دیا اور مقبوضہ کشمیر میں یکطرفہ بھارتی اقدام کی مخالفت جاری رکھنے کے عزم اعادہ کیا۔انہوں نے کہا کہ مقبوضہ کشمیر کی صورتحال پر گہری نظر رکھے ہوئے ہیں، کشمیر کا تنازع تاریخ کا حل طلب تنازع ہے اور مسئلہ کشمیر اقوام متحدہ کی قراردادوں کے مطابق حل ہونا چاہیے۔ پاکستان اور چین کے مابین گہرے دوستانہ تعلقات ہیں: صدر مملکت۔علاوہ ازیں صدرمملکت ڈاکٹر عارف علوی سے چین کے وزیر خارجہ نے وفد کے ہمراہ ملاقات کی جس میں وزیرخارجہ شاہ محمود قریشی بھی موجود تھے۔اس موقع پر صدر مملکت کا کہنا تھا کہ پاکستان اور چین کے مابین گہرے دوستانہ تعلقات ہیں۔انہوں نے کہا کہ بھارت کی جانب سے مقبوضہ کشمیر کی خصوصی حیثیت کو بدلنے کے اقدامات غیرقانونی ہیں جو کہ مقبوضہ جموں وکشمیر کے آبادیاتی ڈھانچے کو تبدیل کرنے کی سازش ہیں۔ان کا کہنا ہے کہ لاک ڈاو¿ن کی وجہ سے مقبوضہ کشمیر میں صورت حال شدید تشویش ناک ہے، مقبوضہ وادی میں کرفیو کا خاتمہ کیا جائے۔اس موقع پر چینی وزیرخارجہ نے پرتپاک استقبال پر صدر مملکت کا شکریہ ادا کیا اور انہوں نے کہا کہ چین نے ان تمام یکطرفہ اقدامات کی مخالفت کی ہے جنہوں نے حالات کو مزید پیچیدہ کیا۔

اسلام آباد (ویب ڈیسک)اسلام آباد میں9، محرم الحرام کے جلوس کے لئے ٹریفک پلان تشکیل ،3ڈی ایس پیز17انسپکٹرز سمیت698افسران و جوان ڈیوٹی پر مامور۔ایس ایس پی ٹریفک فرخ رشیدکے مطابق آئی ٹی پی ریڈیو ایف ایم92.4خصوصی نشریات کے ذریعے صورت حال سے شہریوں کو باخبر رکھے گا،شرکائکی گاڑیوں کے لئے خصوصی پارکنگ ایریا مقرر،اس دوران ٹریفک کو متبادل راستوں پر رواں دواں رکھا جائے گا،مزید معلومات کے لئے ٹریفک ہیلپ لائن 0519261992-93اور1915سے مدد حاصل کی جا سکتی ہے۔نویں محرم الحرام کا مرکزی جلوس G-6/2امام بارگاہ سے برآمد ہو گا اور مقرر کردہ راستوں سے ہوتا ہوا مرکزی امام بارگاہ میں اختتام پذیر ہو گا،جلوس کے دوران مقرر کردہ روٹ پر فضل حق روڈ چائنہ چوک تک دونوں اطراف سے ،پوسٹ آفس سروس روڈ ،صدر روڈاقبال ہال سے میلوڈی چوک تک ،مونسپل روڈ لال مسجد سے شہدائ چوک جی پی او ،لقمان حکیم روڈ پولی کلینک سے اقبال ہال تک صبح آٹھ تا رات آٹھ بجے عام ٹریفک کے لئے مکمل بند رہے گا جبکہ شہری کلثوم پلازہ سے چاند تارا چوک تک 7thایونیو چوک ون وے استعمال کریں،کلثوم پلازہ سے چائنہ چوک تک جناح ایونیو ،7thایونیو،آبپارہ سہروردی روڈ،شہید ملت روڈمتبادل راستے کے طور پر استعمال کئے جائیں گے۔نویں محرم الحرام کا دوسرا بڑا جلوس امام بارگاہ امام موسی کاظم I-10/1سے رات 12بجے برآمد ہو گا،جو مقرر کردہ روٹ سے ہوتا ہوا وہیں اختتام پذیر ہو گا،جلوس کے دوران مقرر کردہ روٹ پر I-10مرکز سائیڈ،سی ڈی اے چوک نمبر 1، کٹاریاں پل،مین آئی جے پی روڈ پیر ودہائی سائیڈ،آئی جےیپی روڈ فیض آباد سائیڈ نزد سی ڈی اے چوک عام ٹریفککے لئے بند رہیں گے اور ا?ئی ٹین سبزی منڈی سے فیض آباد،مری روڈ،بہارہ کہو،کھنہ پلپرانا ائر پورٹ جانیوالے آئی جے پی روڈ استعمال کریں،کٹاریاں فیض آبادI-8,I-9کے رہائشی آئی جے پی روڈ پیر ودہائی روڈ بیرونی استعما ل کریں گے۔