سلام آباد:(ویب ڈیسک) پاکستان کرکٹ بورڈ (پی سی بی) نے سابق کپتان مصباح الحق کو قومی کرکٹرز کے لئے لگائے جانے والے 17 روزہ کنڈیشننگ کیمپ کی نگرانی کی ذمہ داریاں سونپ دی ہیں۔ذرائع کے مطابق مصباح الحق نیشنل کرکٹ اکیڈمی کے کوچنگ اسٹاف کے ہمراہ اے لسٹ کرکٹرز کی جسمانی فٹنس کو بہتر بنانے کے لئے کام کریں گے۔اس حوالے سے بات کرتے ہوئے ڈائریکٹر پی سی بی ذاکر خان نے کہا ہے کہ پاکستان کے کامیاب ترین سابق کپتان کے تجربے سے ڈومیسٹک کرکٹ میں موجود کھلاڑیوں کے پاس فائدہ اٹھانے کا اچھا موقع ہے۔انگلینڈ میں کاو¿نٹی کرکٹ کھیلنے میں مصروف قومی ٹیم کے پانچ کھلاڑیوں نے پی سی بی کو قائداعظم ٹرافی میں شمولیت کی یقین دہانی کرائی ہے۔سینٹرل کنٹریکٹ میں شامل 19 کھلاڑیوں میں سے 14 کھلاڑیوں کو کیمپ کے لئے بلا لیا گیا ہے جبکہ آصف علی، بلال آصف، افتخار احمد ، میر حمزہ، راحت علی اور ظفر گوہر کو بھی 19 اگست کو نیشنل کرکٹ اکیڈمی میں رپورٹ کرنے کی ہدایت کر دی گئی ہے ۔ جب کہ قومی اسمبلی کے رکن اقبال محمد علی نے پاکستان کرکٹ بورڈ (پی سی بی) کے موجودہ حالات کو انتہائی بدترین قرار دیتے ہوئے کہا ہے کہ مجھے اس خبر پر شدید حیرانی ہوئی کہ مصباح الحق چیف سلیکٹر اور کوچ بیک وقت دونوں عہدوں پر کام کریں گے۔اقبال محمد علی کا کہنا تھا کہ یہ کیسے ہو سکتا ہے، پہلے وسیم خان کو برمنگھم سے لاکر بورڈ کے اہم فیصلوں میں عقل ک±ل کا درجہ دے دیا گیا، اب ٹیم کے معاملات مصباح الحق کو دینے کی بازگشت ہے۔لانڈھی (کراچی) این اے 240 سے متحدہ قومی موومنٹ (پاکستان ) کے کامیاب امیدوار اقبال محمد علی کا کہنا تھا کہ پہلے محکمہ جاتی کرکٹ ختم کر کے کرکٹرز کے ڈیتھ وارنٹ جاری کئے گئے، اب چیئرمین پی سی بی احسان مانی تو ایسا محسوس ہوتا ہے کہ نیند میں ہیں، بورڈ وسیم خان چلا رہے ہیں۔اقبال محمد علی نے مینجنگ ڈائریکٹر کو مشورہ دیا کہ جہاں وہ دیگر بہت سے کام کر رہے ہیں انہیں چاہئیے کہ قومی ٹیم کے منیجر بھی بن جائیں کیوں کہ وہ 69 سال کے طلعت علی ملک سے 21 سال چھوٹے ہیں۔اقبال محمد علی نے کہا کہ انہوں نے قومی اسمبلی کے سیشن کے دوران وزیراعظم پاکستان عمران خان سے کرکٹ کے امور پر گفتگو کرنے کی درخواست کی تھی، انہیں وزیراعظم نے یقین دلایا کہ جلد اس حوالے سے ملاقات کیلئے وقت دیا جائے گا۔انہوں نے مزید کہا کہ میں نے قائمہ کمیٹی برائے کھیل کے سربراہ آغا حسن سے کہا ہے کہ جلد اجلاس طلب کریں، ذرا وسیم خان سے پوچھیں کہ وہ آخر کرکیا رہے ہیں؟اقبال محمد علی نے سابق ٹیسٹ کرکٹرز راشد لطیف ، معین خان اور جلال الدین سے سوال کیا کہ آخر ان کی اکیڈمی کر کیا رہی ہے، کیا اکیڈمی میں صرف پیسے بنائے جا رہے ہیں؟ لگتا تو ایسا ہی ہے کیوں کہ ایشیا کپ انڈر 19 کیلئے منتخب ٹیم میں کراچی کے ایک لڑکے کا نہ ہونا ہمارے لیے شرم کا مقام ہے۔اقبال محمد علی نے بتایا کہ انہوں نے ڈائریکٹر انٹرنیشنل کرکٹ پی سی بی ذاکر خان سے فون پر گفتگو کی ہے کہ لگتا ہے جونیئر چیف سلیکٹر سلیم جعفر کی 56 سال کی عمر میں بینائی کمزور ہوگئی ہے تب ہی انہیں کراچی کا ایک لڑکا بھی نظر نہیں آیا۔
“

لاہور: (ویب ڈیسک)پاکستان ہاکی فیڈریشن نے کلیم اللہ اور ناصر علی کو بھی سلیکشن کمیٹی میں شامل کرنے کا فیصلہ کیا ہے۔پاکستان ہاکی فیڈریشن نے سلیکشن کمیٹی میں توسیع کا فیصلہ کیا ہے۔ کلیم اللہ اور ناصر علی کی شمولیت سے سلیکٹرز کی تعداد 4 سے بڑھ کر 6 ہوجائے گی۔ 1986 میں کھیل کو خیرباد کہنے والے کلیم اللہ نے پہلی بار فیڈریشن میں کسی عہدے کے لیے کام کرنے پر رضامندی ظاہرکی ہے۔ بہاولپور سے تعلق رکھنے والے معروف فارورڈ کو 176 میچوں میں 97 گول کرنے کا اعزاز حاصل ہے۔ کلیم اللہ نے 1984 کے لاس اینجلس اولمپکس کے فائنل کے اضافی وقت میں فیصلہ کن گول کرکے پاکستان کو سونے کا تمغہ دلانے میں اہم کردار اداکیا۔ وہ 1982 کے ورلڈ کپ اور ایشین گیمز کے فائنل میں بھی گول کرکے پاکستان کو کامیابی دلاچکے ہیں۔ ملک کے لیے شاندار خدمات پر 1984 میں انہیں پرائیڈ آف پرفارمنس ایوارڈ سے نوازا گیا۔سیالکوٹ میں پیدا ہونے والے سابق کپتان ناصرعلی نے 1981 سے 1988 تک ملک کی نمائندگی کی، فل بیک کی پوزیشن پر کھیلتے ہوئے 150 میچوں میں 19 گول اپنے نام کے آگے درج کروائے۔ ناصر علی اس سے پہلے ویمن ٹیم کے ساتھ کوچنگ کی ذمہ داری نبھا چکے ہیں اور اس دوران ان کا ایک اسکینڈل بھی سامنے آیا تھا۔نیشنل ہاکی چیمپئن شپ سے پہلے پی ایچ ایف نے منظور جونیئر کی سربراہی میں ایاز محمود، وسیم فیروز اور خالد حمید پر مشتمل سلیکشن کمیٹی کا اعلان کیاتھا۔ ذرائع کے مطابق جونیئر کھلاڑیوں کی تلاش کے لیے ستمبر،اکتوبر میں ملک بھر میں ٹرائلز لینے کا پلان ہے جس کے لیے سلیکٹرز کی تعداد میں اضافے کا فیصلہ کیا گیا ہے۔

لاہور: (ویب دیسک)بابر اعظم ٹیسٹ کرکٹ میں اپنی کارکردگی بہتر بنانے کیلیے فکرمند ہیں، ان کا کہنا ہے کہ محدود اوورز کے میچز کا ریکارڈ تو اطمینان بخش ہے البتہ میں طویل فارمیٹ میں بھی ملک کیلیے رنز بنانا چاہتا ہوں۔ٹی ٹوئنٹی بلاسٹ میں خوب رنز بنانے والے بابر اعظم نے اپنی کاو¿نٹی سمرسٹ کی ویب سائٹ کو انٹرویو میں کہاکہ میں محدود اوورز کی کرکٹ میں پاکستان کیلیے اچھی کارکردگی دکھانے میں کامیاب رہا ہوں، میرا ریکارڈ بھی اطمینان بخش ہے تاہم اب ٹیسٹ کرکٹ میں اہلیت منوانا چاہتا ہوں،میری کوشش ہوگی کہ ا?ئندہ میچز میں اپنی اننگز کو طول دیتے ہوئے ملک کیلیے زیادہ سے زیادہ رنز بناو¿ں۔انھوں نے کہا کہ میں نے ہمیشہ پاکستانی فتوحات میں اہم کردار ادا کرنے کی کوشش کی،میں چاہتا ہوں کہ اپنے کیریئر کے دوران تینوں فارمیٹ کی کرکٹ میں تسلسل کے ساتھ اچھی کارکردگی کا مظاہرہ کروںبابر اعظم نے کہاکہ انگلینڈ میں کھیلنے کا تجربہ شاندار رہا، انگلش سرزمین پر پاکستان ٹیم کے ساتھ کھیلتے ہوئے رنز بنانے میں کامیاب ہوا، ورلڈکپ میں اچھی کارکردگی دکھانے کا خواب بھی پورا ہوا، کنڈیشنز سے ہم ا?ہنگ ہونے کی وجہ سے ٹی ٹوئنٹی بلاسٹ میں بھی فارم برقرار رہی،کاو¿نٹی کا کوچنگ اسٹاف اور مینجمنٹ بڑی سپورٹ کررہی ہے۔ میں اس بات پر بھی خوش ہوں کہ سمرسٹ کے عوام کی توقعات پر پورا اترنے میں کامیاب رہا۔ایک سوال پر انھوں نے کہا کہ مجھے12سال کی عمر تک کرکٹ کا کوئی شوق نہیں تھا، اس کے بعد گلی محلے میں کھیلنا شروع کیا، والد نے ایک کلب کی جانب سے کھیلنے کی حوصلہ افزائی کی،انڈر15سے انڈر 23اور ”اے“ ٹیم میں جگہ بنائی، میں خوش قسمت ہوں کہ ایک سال بعد ہی گرین شرٹ زیب تن کرنے کا موقع مل گیا اور اچھی کارکردگی بھی دکھانے میں کامیاب ہوا۔

لاہور(ویب ڈیسک) پی سی بی نے کرپشن کیس میں سزایافتہ کرکٹر شرجیل خان کو ری ہیب پروگرام ترتیب دینے کے لیے آئندہ ہفتے لاہور طلب کرلیا۔شرجیل خان کی پی ایس ایل 2 کے دوران اسپاٹ فکسنگ کیس میں ڈھائی سالہ پابندی 10 اگست کو ختم ہو چکی، اب انھیں غلطی کا اعتراف کرنا ہے،اس کے ساتھ مختلف لیکچرز بھی دینا ہوں گے، اس دوران وہ نوجوان کرکٹرزکو کرپشن سے دور رہنے کی تلقین کرتے ہوئے نقصانات سے آگاہ کریں گے، وہ ایسا کرنے پر ہی دوبارہ کرکٹ کھیلنے کے اہل بن سکتے ہیں، پہلے مرحلے میں شرجیل کی لیگل اور اینٹی کرپشن ڈپارٹمنٹ کے عہدیداروں سے ملاقات میں ری ہیب پروگرام کا طریقہ کارطے کیا جائیگا۔شرجیل کے وکیل شیغان اعجاز کے مطابق کرکٹر پیر یا منگل کو پی سی بی حکام سے ملاقات کریں گے،کوشش ہوگی کہ جلد از جلد ری ہیب پروگرام مکمل ہوتاکہ ان کی کرکٹ میں واپسی کویقینی بنایا جاسکے۔