اسلام آباد (وقا ئع نگار )یوٹیلیٹی سٹور ز یونین اور ایم ڈی یوٹیلیٹی سٹورز کے درمیان معاملات طے پا گئے ،یوٹیلیٹی سٹورز یو نین نے ہڑتا ل ختم کرنے کا اعلان کردیا ،یوٹیلیٹی سٹورز کارپوریشن کی انتظامیہ کی طرف سے ملازمین کیلئے مراعات کا اعلان۔تفصیلات کے مطابق یوٹیلٹی اسٹورز یونین کی طرف سے گزشتہ روز ملک بھر میں مطالبات کی منظوری تک یوٹیلٹی اسٹورز بند کر د ئیے گئے تھے۔صدر یوٹیلیٹی سٹور زیونین عابد محمود نے خبریں سے خصوصی گفتگو کرتے ہوئے کہا کہ جمعہ کے روز یوٹیلیٹی سٹورز ہیڈ آفس میں ان کی میٹنگ منعقد کی گئی تھی جس میں گفتگو شنید کے ساتھ ان کے تمام مطالبات تسلیم کرلئے گئے ہیں۔ان کہنا تھاکہ ہمارے پانچ مطالبات پر مشتمل ایجنڈا تھا جس میں 2017 اور 2018 کے بقایا جات تھے جن کو کلیئر کردیا گیاہے۔ڈیلی ویجز کی تنخواہوں کو 20 فیصد بڑھا دیا گیاہے۔پہلے ڈیلی ویجز کی تنخواہوں کو 15ہزار سے 17000 ہزار کرنے کا کہا گیا تھا لیکن اب تما م ڈیلی ویجزکی تنخواہوں کو 20 فیصد بڑھانے کی یقین دہانی کرائی گئی ہے۔ایک سوال کے جواب میں انہوں نے کہا کہ پہلے تنخواہیں صرف تعلیم کے معیار پر ملتی تھیں ۔بی اے پاس ورکرز کی تنخواہیں اور ایم اے پاس ورکرز کی تنخواہوں میں فرق تھا جبکہ اب تما م ملازمین کی تنخواہوں کو 20فیصد بڑھا گیا ہے۔اس کے علاوہ میٹنگ میں شہید پیکج کو بھی بحال کر دیا گیاہے۔پہلے ہمیں سالانہ انکریمنٹ نہیں مل رہے تھے جو کہ اب بحال کر دیا گیاہے۔ملازمین کو رمضان کا اعزازیہ بھی دیا جائے گا۔رمضان ریلیف پیکج کیلئے ایک ماہ کی اضافی تنخواہ بطور اعزازیہ کی بھی منظوری دی گئی ہے۔اس کے علاوہ تما م ملازمین کے لیے کرونا رسک الاونس کی بھی منظوری دی گئی ہے۔ایک سوال کے جواب میں ان کا کہنا تھاکہ شہید ہونے والے ورکر کیلئے شہداءپیکج کی بھی منظوری دی گئی ہے جس کی وجہ سے شہید ہونے والے ورکر کے گھر والوں کو شہید کی تنخواہ و دیگر مراعات دئے جائینگے۔انہوں نے کہا کہ ہمارے یوٹیلیٹی سٹورز انتظامیہ سے مطالبا ت جائز تھے اور ہم جائز مطالبات کے حق میں کھڑے ہوئے ہیں اور اپنے ورکرز کے لیے آواز بلند کی ہے ۔ہمارا مقصد افراتفری پھیلانا نہیں تھا اور نہ ہی اس مشکل گھڑی میں عوام کو سستی اشیاءسے محروم کرنا تھا ۔بلکہ کیوں یوٹیلیٹی سٹورز کے بھی بہت سارے ورکرز انتہائی غریب ہیں اور ان کی تنخواہیں بہت کم ہیں ایسے حالات میں گزارا بہت مشکل ہوتاہے ۔ہمیں بھی عوام کی مشکلات کا خیال ہے اور ہم خود اس مشکل گھڑی میں یوٹیلیٹی سٹورز انتظامیہ کے ساتھ کھڑے ہیں اور عوام کی خدمت کے لیے حاضر ہیں۔انہوں نے کہا ہم چئیرمین یوٹیلیٹی سٹورز اور ایم ڈی عمر لودھی صاحب اور تما م اعلی حکام کے مشکور ہیں جنہوں نے ہمارے جائز مطالبات کو تسلیم کیا اور یوٹیلیٹی سٹورز کے ورکرز کو ان حق ادا کیا ہے۔

لاہور(مانیٹرنگ ڈیسک) شہریوں کا رات گئے سڑکوں پر گشت‘ لاک ڈاﺅن کے حکومتی احکامات ہوا میں اڑا دیئے۔ رپورٹر خبریں شعیب بھٹی نے کہا کہ لاک ڈاﺅن میں نرمی دکھائی دے رہی ہے۔ شہریوں کو سڑکوں پر نکلنے سے نہیں روکا جارہا ۔ ناکوں پر کوئی پوچھ گچھ نہیں ہورہی لاہور پولیس کا موقف ہے کہ ابھی تک ایک لاکھ 80 ہزار افراد کی تلاشی لی گئی۔2022ءکیخلاف ایف آئی درج70 ہزار کی نقل وحرکت پر پابندی‘ ہزاروں کی تعداد میں موٹرسائیکل رکشے پکڑے گئے۔ ملتان سے مکرم خان نے کہا شہری لاک ڈاﺅن کو سنجیدہ نہیں لے رہی۔ رات گئے گھروں سے نکل رہے ہیں۔ لودھراں سے امین چودھری نے کہا کہ ٹریفک پولیس والے ناکہ لگا کر گپ شپ میں مصروف اور بڑی تعداد میں ٹریفک جاری ہے۔ موٹرسائیکلوں پر تین تین افراد بیٹھے جبکہ چنگ چی پر دس سے بارہ افراد بیٹھے نظر آتے ہیں۔ لاک ڈاﺅن والی کوئی صورتحال نظر نہیںآرہی۔

اسلام آباد(آن لائن)چینی کمپنی کی جانب سے پاکستان میں کووِڈ 19 کی ویکسین کے ممکنہ ٹرائل کی پیشکش پر حکومت نے مزید معلومات طلب کرلیں۔وزیراعظم کے معاونِ خصوصی برائے صحت ڈاکٹر ظفر مرزا نے اس بات کی تصدیق کی کہ ایک چینی کمپنی نے ویکسین کے ممکنہ ٹرائلز کے لیے پاکستان سے رابطہ کیا تھا۔سماجی روابط کی ویب وسائٹ ٹوئٹر پر اپنے پیغام میں انہوں نے کہا کہ ہم نے اس حوالے سے مزید معلومات فراہم کرنے کا کہا ہے۔ان کا کہنا تھا کہ ہم ٹرائلز سے متعلق کوئی فیصلہ کرنے سے قبل سیفٹی، ایتھکس، ریگولیشن اور فزیبیلیٹی کے تناظر میں فراہم کردہ معلومات کا متعلقہ ماہرین کے ذریعے جائزہ لیں گے۔پاکستان میں کووِڈ 19 کے مریضوں پر ویکسین کے ٹرائلز کے حوالے سے انہوں نے کہا ابھی اس حوالے سے ’کچھ بھی کہنا قبل از وقت ہے‘۔خیال رہے کہ چین کی ایک بڑی دوا ساز کمپنی نے قومی ادارہ صحت (این ا?ئی ایچ) اسلام ا?باد کو کووِڈ 19 کے لیے تیار کردہ ویکسین کا پاکستان میں کلینکل ٹرائل کرنے کی دعوت دی تھی۔

لاہور (خصوصی رپورٹر) وزیراعلیٰ پنجاب سردار عثمان بزدار نے کہاہے کہ پاکستان کی بنیادوں کو کرپشن کے ” کرونا وائرس“ نے کھوکھلا کیا۔ کرونا کے ساتھ کرپشن کا خاتمہ ہماری حکومت کا سرفہرست ایجنڈا ہے۔عوام کے تعاون سے کرونا پر بھی قابو پائیں گے اورکرپشن پر بھی ۔ماضی کی حکومتوںکی کرپشن کا خمیازہ عوام بھگتنا پڑا- عوام بنیادی سہولتوں سے محروم رہے اورکرپشن کرنے والے عیش کرتے رہے ۔اپوزیشن جماعتوں کے پاس کرونا سے نمٹنے کا نہےں بلکہ کرپشن بچانے کا اےجنڈا ہے -ایک بیان میں وزیراعلیٰ عثمان بزدار نے کہاکہ کرونا وباءکے باعث دنیا کی سیاست بدل گئی،بد قسمتی سے پاکستانی اپوزیشن کا منفی رویہ نہیں بدلا- اپوزیشن جماعتوں کی جانب سے اہم ترین مسئلے پر سیاست چمکانے کی منفی کوشش بری طرح ناکام ہوئی ہے اور مایوس اپوزیشن نے کروناجیسے اہم قومی مسئلے پر عوام کو مایوس کیا ہے۔ 22 کروڑ عوام اپوزیشن جماعتوں کے دوغلے چہرے پہچان چکے ہیں۔ وزیراعظم عمران خان کی قیادت میں کرونا کی روک تھام کے لئے فیصلے اجتماعی بصیرت اور مشترکہ طورپر کئے گئے ہیں اور حکومت کے بروقت اور دور اندیش اقدامات سے اب تک کرونا کا پھیلاﺅماہرین کے خدشات سے کم رہا ہے-کرونا کی وجہ سے پےدا ہونے والی صورتحال پر پوری نظر ہے اور پنجاب حکومت نے کرونا وائرس سے نمٹنے کےلئے موثر اقدامات کئے اور وقت ضائع کئے بغیر محکمہ صحت کوفنڈزجاری کیے گئے لیکن افسوس کی بات ہے کہ اپوزیشن جماعتیں کرونا وائرس جیسے قومی مسئلے پر بھی پوائنٹ سکورنگ کررہی ہیں۔یہ وقت پوائنٹ سکورنگ کا نہیں بلکہ اتحاد کاہے ۔ عوام کی زندگیوں کے مسئلے پر سیاست چمکانے کی کوشش قابل مذمت ہے- خالی بیان بازی کرنے والے عام آدمی کا دکھ درد کیا جانیں۔زبانی جمع خرچ سے عوام کا ساتھ دیا جاسکتا ہے نہ عوام آپ کے ساتھ کھڑی ہو سکتی ہے۔ انہوںنے کہاکہ تحریک انصاف کی قیادت موجودہ حالات میں عوام کے ساتھ کھڑی ہے اورکھڑی رہے گی۔ پراپیگنڈہ کرنے والے جان لیں کہ عوام کی خدمت کھوکھلے دعوﺅں سے نہیں ہوتی۔ وزیراعظم عمران خان کی قیادت میں کرونا وباءپر قابو پانے کے لئے پرعزم ہےں۔انہوںنے کہاکہ سماجی فاصلے قائم رکھنے کی پالیسی پر عملدرآمد کرنے میں ہی تحفظ اور حفاظت ہے-عوام گھروں مےں رہےں گے تو کروناوائرس کا پھےلاو¿ کم سے کم ہوگا۔ وزےراعلیٰ عثمان بزدارسے وزیراعلیٰ آفس میں صنعت سے وابستہ شخصیات نے ملاقات کی- صنعت سے وابستہ شخصیات نے وزیراعلیٰ عثمان بزدار کو کروناسے متعلقہ ضروری سامان کا عطیہ دیا-وزیراعلیٰ عثمان بزدار نے مشکل گھڑی میں ضروری سامان کاعطیہ دینے پر شخصیات کا شکریہ ادا کیا اور کہاکہ آزمائش کے وقت متاثرہ لوگوں کی مددکا جذبہ قابل ستائش ہے۔پاکستانی قوم نے ہمیشہ مصیبت میں گھرے بہن بھائیوں کی دل کھول کر مدد کی ہے- یہ وقت دکھی انسانیت کی بے لوث خدمت کا ہے- سب کو یکجا ہو کر کرونا وبا کے لئے کام کرنا ہے-انہوںنے کہاکہ آج پاکستان کی دھرتی ہم سب سے یکجہتی اور بھائی چارے کا تقاضا کررہی ہے-گھر میں رہناسب سے بہترین آپشن ہے- شہریوں سے اپیل ہے کہ وہ بلاضرورت باہر نہ نکلیں- انہوںنے کہاکہ پنجاب حکومت کرونا وباءکی صورتحال سے متاثرہ لوگوں کے ساتھ کھڑی ہے ۔ امداد ی سرگرمیوں کی خود نگرانی کررہاہوں۔مشکل کی گھڑی میں دکھی انسانیت کیلئے جذبہ خیر سے حوصلے بڑھتے ہیں۔انہوںنے کہاکہ دین اسلام بھی آزمائش کی گھڑی میں متاثرہ بہن بھائیوں کی مدد کا درس دیتا ہے۔ رمضان المبارک میں شہریوں کو مزید محتاط رہنے کی ضرورت ہے-شہری احتیاطی تدابیر پر عمل کر کے اپنی اور دوسروں کی زندگیوںکا تحفظ یقینی بنائیں -وزیراعلیٰ عثمان بزدار سے ملاقات کرنے والوں میں نمر(NIMIR) انڈسٹریل کیمیکلز لمیٹڈ کے چیف ایگزیکٹو آفیسر ظفر محمود، ڈائریکٹر خالدممتاز قاضی اور ظل (ZIL ) لمیٹڈ کے شبیر حسین شامل تھے- وزیراعلیٰ عثمان بزدارنے رمضان المبارک کی آمد پر قوم کومبارکباد دی ہے- وزیراعلیٰ عثمان بزدار نے کہا کہ رمضان المبارک رحمتوں اور برکتوں والا مہینہ ہے- رمضان المبارک محبت،ایثار اور باہمی اتفاق و اتحاد کا پیغام لےکر آتا ہے۔ کرونا وباءکے پیش نظر ذاتی اختلافات بھلا کر پاک وطن کی خاطر سب کو ملکر کام کرنا ہے- وطن پاک ہم سے سماجی فاصلے قائم رکھنے کا تقاضا کررہاہے-انہوںنے کہاکہ کرونا کا پھیلاﺅروکنے کے لئے شہری رمضان المبارک کے دوران گھر میںعبادات کو ترجیح دیں-میں خود بھی گھر میں نماز پنجگانہ اور نماز تراویح ادا کروں گا-رمضان المبارک کے بابرکت مہینے میںقوم اللہ تعالیٰ کے حضور سجدہ ریز ہو کر توبہ استغفاراورکرونا وباءکے خاتمے کے لئے خلوص نیت سے دعا کرے-

راولپنڈی(اے پی پی)آرمی چیف جنرل قمر جاوید باجوہ نے پاک فوج کے کمانڈرز کو ہدایات جاری کی ہیں کہ وہ سرحد اور اندرونی سلامتی کی ذمہ داریوں پر خصوصی نظر رکھیں۔پاک فوج کے شعبہ تعلقات عامہ(آئی ایس پی آر) کے سربراہ میجرل جنرل باجر افتخار نے بتایا ہے کہ آرمی چیف نے یہ ہدایات اپنے زیر صدارت ہونے والی پرنسپل سٹاف افسران کی سپیشل کانفرنس میں دیں۔پاک فوج کے ترجمان کے مطابق آرمی چیف جنرل قمر جاوید باجوہ نے ہدایات جاری کی ہیں کہ بارڈر پر تعیناتی اور سیکیورٹی ٹاسک میں اٹھائے گئے اقدامات کے تسلسل کو جاری رکھا جائے۔ اس کے علاوہ فوج کی روٹین اور ٹریننگ کو بھی جہاں تک ہو سکے جاری رکھا جائے۔ڈی جی آئی ایس پی آر کا کہنا تھا کہ اس کیساتھ ساتھ آرمی چیف نے یہ ہدایات بھی جاری کیں کہ رمضان کے دوران عوام کی سہولت کو مدنظر رکھتے ہوئے سول اداروں کیساتھ مل کر تمام دستیاب وسائل بروئے کار لائے جائیں تاکہ عوام کی مشکلات کا ازالہ ہو سکے اور وہ اس ماہ مقدس کے دوران ہر قسم کے فکر سے بالاتر رہ سکیں۔ان کا کہنا تھا کہ کانفرنس کے شرکا نے ان حالات میں بھی لائن آف کنٹرول پر بھارتی جارحیت اور انڈین ملٹری لیڈرشپ کے غیر ذمہ دارانہ بیانات کا سخت نوٹس لیا۔پاک فوج کے ترجمان میجر جنرل بابر افتخار نے کہا ہے کہ کورونا وائرس کے حوالے سے آئندہ 15 روز بہت اہم ہیں لہذا عوام گھروں میں رہیں اور اسے ہی عبادت گاہ بنا لیں۔ بھارت نے جان بوجھ کر ایل او سی پر آبادیوں کو نشانہ بنایا اور سیز فائر خلاف ورزیوں میں بھارت نے بھاری آرٹلری کا استعمال کیا۔آر ایس ایس کے انتہا پسندوں نے تمام عالمی قوانین کو پامال کیا، بھارت نے عالمی قوانین کو پامال کر کے ثابت کیا کہ بھارت ہندوتوا اور دہشتگردی کو فروغ دے رہا ہے۔بھارت کی کشمیر میں لگائی گئی نفرت کی آگ پورے بھارت میں پھیل چکی ہے، بھارت کی حالیہ الزام تراشی کا مطلب اپنی غلط پالیسیوں سے ہوئے بلنڈر سے عالمی توجہ ہٹانا ہے، موجودہ صورتحال میں بھی بھارت آر ایس ایس کے ایجنڈے پر عمل پیرا ہے۔بھارت اپنے داخلی معاملات سے دنیا کی توجہ ہٹانا چاہتا ہے، وبا کو اسلام سے جوڑنے کی مذموم بھارتی کوشش کی پوری دنیا نے مذمت کی۔ چین نے پاکستان کی مدد کر کے اچھے دوست ہونے کا ثبوت دیا، آج بھی چین سے 2 جہاز امدادی سامان اور ڈاکٹرز کی ٹیم لے کر پاکستان پہنچا ہے، چائنیز ڈاکٹرز 2 ماہ تک پاکستان میں قیام کریں گے، چین کی اس مدد کو قدر کی نگاہ سے دیکھتے ہیں۔ا تمام فرنٹ لائن ڈاکٹرز اور پیرا میڈکس کو خراج تحسین پیش کرتا ہوں، علمائے کرام اور میڈیا کا بھی شکریہ ادا کرتا ہوں، علمائے کرام کا کردار قابل تعریف رہا اور میڈیا نے کورونا سے متعلق آگہی میں شاندار کردار ادا کیا، موجودہ صورت حال میں عوام گھروں کو عبادت گاہ بنائیں۔جمعہ کے روز ڈی جی آئی ایس پی آر میجر جنرل بابر افتخار نے نیوز کانفرنس کرتے ہوئے کہا آرمی چیف کی سربراہی میں کانفرنس ہوئی، افواج پاکستان نے بھارتی فوجی قیادت کے اشتعال انگیز بیانات کا سخت نوٹس لیا، بھارتی فوجی قیادت کے بیان اندرونی ناکامیوں پر مایوسی ظاہر کرتے ہیں، بھارت نے جان بوجھ کر ایل او سی پر آبادیوں کو نشانہ بنایا، اب تک بھارت نے 850 بار جنگ بندی معاہدے کی خلاف ورزی کی، 26 فروری سے اب تک 456 بار بھارت نے ایل او سی کی خلاف ورزی کی، بھارت نے بھاری اسلحے کا استعمال کیا۔ میجر جنرل بابر افتخار کا کہنا تھا مقبوضہ کشمیر میں لگائی گئی نفرت کی آگ پورے بھارت میں پھیل چکی، دنیا میں سب سے کم کورونا کیسز آزاد کشمیر میں ہیں، بھارتی قیادت نے میڈیا سے مل کر جھوٹے پروپیگنڈے کی ناکام کوشش کی، بھارت نے عالمی قوانین پامال کر کے ثابت کیا کہ وہ ہندوتوا کو فروغ دے رہا ہے، آر ایس ایس کے انتہا پسندوں نے تمام عالمی قوانین کو پامال کیا۔ انہوں نے کہا آرمی چیف کی سربراہی میں کانفرنس میں انسداد کورونا کے اقدامات زیر غور آئے، آرمی چیف نے کہا فوج کی تربیت و دیگر امور جاری رکھے جائیں، سول اداروں سے ملکر تمام اقدامات بروئے کار لائے جائیں۔ ڈی جی آئی ایس پی آر نے کہا ایئر فورس اور نیوی بھی قومی کاوش میں بھرپور کردار ادا کر رہے ہیں، چین کی مدد کو بڑی قدر کی نگاہ سے دیکھتے ہیں، آج بھی چین سے امدادی سامان اور ڈاکٹرز کی ٹیم پہنچی ہے، چین نے ہر شعبہ میں تعاون کر کے اسٹریٹجک اتحادی ہونے کا ثبوت دیا۔ انہوں نے کہا 17 پروازوں کے ذریعے 64 ٹن سامان مختلف علاقوں میں پہنچایا گیا، لاکھوں مستحقین کو راشن پہنچانے کا سلسلہ جاری ہے، ملکی پہیہ چلانے کیلئے شب و روز کام کرنیوالوں کو خراج تحسین پیش کرتے ہیں، موجودہ صورتحال میں میڈیا کو بھی سراہتے ہیں۔ میجر جنرل بابر افتخار نے مزید کہا اگلے 15 دن نہایت اہم ہیں، بھرپور احتیاط کی کوشش کریں، اپنے گھروں کو عبادت گاہ بنائیں، تفتان، طورخم، چمن میں قرنطینہ سینٹر قائم کر دیئے گئے، وسائل کو یوسی سطح تک لے کر جانا ہے، پلاننگ کرلی، کورونا کے باعث جزوی اور مخصوص علاقوں میں لاک ڈاو¿ن ہوگا، پاکستان آرمی کی 5 لیبارٹریز قومی ادارہ صحت کے تعاون سے کام کر رہی ہیں، علما، طبی عملہ، سکیورٹی و دیگر اداروں اور میڈیا کی خدمات پر خراج تحسین پیش کرتے ہیں۔،ترجمان پاک فوج میجر جنرل بابر افتخار نے میڈیا بریفنگ میں بتایا کہ پاکستان آرمی کی جانب سے کرونا ڈیوٹی پر IS الاو¿نس نہ لینے کا فیصلہ کیا گیا ہے یہ رقم کرونا وائرس سے حکومت متاثرہ افراد پر خرچ کر سکے، آرمی میڈیکل کور کی استعداد بڑھانے کے لئے Reservists کو طلب کر لیا گیا۔ آرمی چیف نے رمضان المبارک میں سول اداروں کے ساتھ مل کر تمام وسائل بروئے کار لانے کی ہدایت کی۔ دعا ہے رمضان کی برکت سے پاکستان اور دنیا کو کورونا سے نجات ملے ۔ بھارت نے آزاد کشمیر میں کورونا کے حوالے سے جھوٹی خبر پھیلانے کی کوشش کی، بھارتی فوجی قیادت کے حالیہ بیان اندرونی ناکامیوں پر مایوسی ظاہر کرتے ہیں۔میجر جنرل بابر افتخار نے کہا کہ خدشہ ہے کہ آنے والے دنوں میں کورونا مریضوں کی تعداد بڑھ سکتی ہے، پاک فوج کے تمام دستیاب وسائل اس وبا سے نمٹنے کیلئے استعمال ہو رہے ہیں، پاک فوج نے انٹرنل سیکیورٹی الاو¿نس نہ لینے کا فیصلہ کیا ہے، لاکھوں مستحق افراد کو راشن پہنچانے کا سلسلہ جاری ہے، پاکستان آرمی کی 5 لیبارٹریز قومی ادارہ صحت کے تعاون سے کام کررہی ہیں، تافتان ،طورخم اور چمن میں قرنطینہ اور آئسولیشن سہولتیں قائم کر دی ہیں، ہمیں اپنے وسائل اور کوششوں کو یونین کونسل سطح تک لے کر جانا ہے جس کے لئے منصوبہ بندی کرلی ہے۔

لاہور (جنرل رپورٹر، لیڈی رپورٹر) فوڈ پانڈا اور روڈ رنر کے دفتر پر فوڈ اتھارٹی کا چھاپہ۔ انسپکشن ٹیم نے ڈیلیوری بوائز کی سیکننگ کی اور تھرمل گن سے ٹمپریچر بھی چیک کیا۔ غیرتسلی بخش صفائی ستھرائی کے باعث فوڈ اتھارٹی کی آخری وارننگ۔ حکام کے مطابق دوسری حتمی رپورٹ آنے کے بعد ان کی ایپس بند کی جائیں گی۔ خبریں اور چینل ۵ کی خبر پر چیئر مین فوڈ اتھارٹی عمر تنویر بٹ نے ایکشن لیتے ہوئے فوڈ پانڈا اور روڈ رنر کے خلاف تحقیقات کے لیے کمیٹی قائم کر دی ہے ۔گزشتہ روز پنجاب فوڈ اتھارٹی کی ٹیم نے فوڈ پانڈا کے دفتر پر چھاپہ ما ر کر کرونا وائرس کے پھیلاﺅ کی احتیاطی تدابیر کے حوالے سے غیر تسلی بخش قرار دیا گیا ۔ فوڈ پانڈا اور روڈ رنر انتظامیہ کو وارننگ دینے کے ساتھ ساتھ ماسک اور دستانے بھی فراہم کیے۔ پنجاب فوڈ اتھارٹی کا کہنا ہے کہ کرونا وائرس کے پھیلاﺅکے حوالے سے کسی بھی قسم کی کوتاہی برداشت نہیں کی جائے گی اگر ایسا کیا گیا تو فوڈ پانڈا اور روڈ رنر کے خلاف قانون کے مطابق کارروائی کی جائے گی۔ ڈی جی پنجاب فوڈ اتھارٹی عمر تنویر بٹ کا کہنا ہے کہ ان کمپنیوں کی ایپ بند کرانے کا فیصلہ تحقیقات مکمل ہونے کے بعد کیا جائے گا۔ ایک سوال کے جواب میں ترجمان فوڈ اتھارٹی کا کہنا تھا کہ اگر یہ بات ثابت ہوئی کہ فوڈ پانڈا اور روڈ رنر سوسائٹی میں کرونا پھیلانے کے ذمہ دار ہیں تو فوری طور پر پی ٹی اے کو ان کی ایپس بند کرانے کی درخواست دے دی جائے گی جس کے بعد ان کی نیٹ سے ایپس بند ہو جائیں گی اور یہ مزید کاروبار نہیں کر سکیں گی۔واضح رہے کہ چیف سیکرٹری پنجاب نے بھی فوڈ پانڈا اور روڈ رنرڈیلیوری بوائز کی جانب سے برتی جانے والی غفلت پر نوٹس لیتے ہوئے پنجاب فوڈ اتھارٹی سے رپورٹ طلب کی تھی جس کے بعد پنجاب فوڈ اتھارٹی کی جانب سے فوڈ پانڈا اور روڈ رنر کے دفاتر پر چھاپے مارنے کا سلسلہ جاری ہے ۔