اسلام آباد: (ویب ڈیسک) ملک سے ریڈی میڈ گارمنٹس کی برآمدات میں جاری مالی سال کے پہلے 8 ماہ میں گذشتہ مالی سال کی اسی مدت کے مقابلے 25 فیصد اضافہ ریکارڈ کیا گیا ہے۔
میڈیا رپورٹ کے مطابق پاکستان کے بیورو برائے شماریات اور سٹیٹ بینک کی جانب سے جاری اعدادوشمار کے مطابق جولائی سے لے کر فروری 2022 تک کی مدت میں ریڈی میڈ گارمنٹس کی برآمدات سے ملک کو 2.517 ارب ڈالر کا زرمبادلہ حاصل ہوا جو گذشتہ مالی سال کی اسی مدت میں 25 فیصد زیادہ ہے۔
گذشتہ مالی سال کی اسی مدت میں ریڈی میڈ گارمنٹس کی برآمدات سے ملک کو 2.012 ملین ڈٓالر کا زر مبادلہ حاصل ہوا تھا۔ فروری 2022 میں ریڈی میڈ گارمنٹس کی برآمدات میں گذشتہ سال فروری کے مقابلے میں 49 فیصد کی نمو ریکارڈ کی گئی۔
ریڈی میڈ گارمنٹس کی برآمدات 25 فیصد بڑھ گئیں
