کراچی: (ویب ڈیسک) ڈالر ایک مرتبہ پھر تاریخ کی بلند ترین سطح پر پہنچ گیا، سٹاک ایکس چینج میں 425 پوائنٹس کا اضافہ ہوا ہے۔
کاروباری ہفتے کے تیسرے روز ڈالر 77 پیسے مہنگا ہو کر 186 روپے کی سطح پر پہنچ گیا، دوسری جانب سٹاک مارکیٹ میں آج مثبت رجحان دیکھا گیا، 425 پوائنٹس اضافے سے 100 انڈیکس 44 ہزار 354 پوائنٹس کی سطح پر ٹریڈ ہوا۔
واضح رہے کہ گذشتہ روز بھی ڈالر کی اونچی اڑان دیکھنے میں آئی، ایک روپے 14 پیسے اضافے سے انٹر بینک میں روپے کے مقابلے میں ڈالر کی قیمت 184 روپے 9 پیسے سے بڑھ کر 185 روپے 23 پیسے ہو گئی تھی۔
ڈالر تاریخ کی بلند ترین سطح پر، سٹاک ایکس چینج میں 425 پوائنٹس کا اضافہ
