ڈالر 1 روپیہ 58 پیسے مہنگا، سٹاک مارکیٹ میں مندی

لاہور: (ویب ڈیسک) انٹر بینک میں ڈالر 1 روپیہ 58 پیسے مہنگا جبکہ سٹاک مارکیٹ میں آج مندی کا رجحان رہا۔
انٹر بینک میں ڈالر 1 روپیہ 58 پیسے مہنگا ہونے کے بعد 261 روپے 50 پیسے پر بند ہوا جبکہ اوپن مارکیٹ میں ڈالر 50 پیسے مہنگا ہو کر 266 روپے 50 پیسے کا ہو گیا۔
سٹاک مارکیٹ میں آج مندی کا رجحان رہا، 100 انڈیکس میں 274 پوائنٹس کمی ہو گئی، کاروباری دن کے اختتام پر 100 انڈیکس 40510 روپے پر بند ہوا۔
آج مارکیٹ میں کاروباری دن کے آغاز پر ہنڈرڈ انڈیکس میں اضافہ ہوا جو زیادہ دیر برقرار نہ رہ سکا، مارکیٹ میں 6 کروڑ 87 لاکھ 68 ہزار 929 شیئرز کے سودے ہوئے، مارکیٹ میں ٹوٹل 5 ارب 9 کروڑ 47 لاکھ 57 ہزار 497 روپے کا کاروبار ہوا۔