چیئرمین پیپلزپارٹی بلاول بھٹو زرداری کا کہنا ہے کہ ایک دوسرے کو غدار کہہ کر ملک کیسے چلایا جاسکتا ہے ہمیں نفرت اور تقسیم کی سیاست کا خاتمہ کرنا ہوگا۔

حیدر آباد میں ورکرز کنونشن سے خطاب کرتے ہوئے پیپلزپارٹی کے چیئرمین بلاول بھٹو کا کہنا تھا کہ اپنی ثقافت کا فروغ ہمارے لئے ضروری ہے،دنیا کے ساتھ چلنے کیلئے اپنی ثقافت کو اجاگر کرنا ہوگا، ہر صوبے کو اپنی ثقافت اور تاریخ کو اون کرنا ہوگا۔

بلاول بھٹو کا کہنا تھا کہ ہم نے پاکستان کو ایک جدید ملک بنانا ہے، نوجوانوں کے ہاتھ سے اسلحہ لے کر قلم دینا ہوگا، دانشور اور نوجوان جاگ جائے تو ملک کا راستہ کوئی نہیں روک سکتا، 2024 میں پاکستان کو اصلاحات کی ضرورت ہے۔

چیئرمین پیپلزپارٹی نے کہا کہ ہماری بدقسمتی ہے کہ بڑے بڑے لیڈرز کو قتل کردیاگیا، ہمیں نفرت اور تقسیم کی سیاست کا خاتمہ کرنا ہوگا، ایک دوسرے کو غدار کہہ کر ملک کو کیسے چلایا جا سکتا ہے، ہر پاکستانی محب وطن پاکستانی ہے، اختلاف رائے رکھنا سب کاحق ہے، ذاتی دشمنی نہیں ہونی چاہئے، کچھ لوگ ہم میں نفرت اور تقسیم چاہتے ہیں، ہمیں مل کر تمام خطرات کا مقابلہ کرناہوگا۔

بلاول بھٹو کا کہنا تھا کہ ماحولیاتی آلودگی سے سیاچن کی برف پگھل جائے گی، برف پگھلی تو پہلےسیلاب آئے گا اور پھر پیاس سے لوگ مریں گے، ہمیں اپنے مستقبل کی تیاری پہلے سے کرنی ہوگی، عوام میں آگاہی کیلئے مہم چلانی ہوگی، سندھ کے سیلاب متاثرین کے لئے گھروں کی تعمیر کا سلسلہ جاری ہے۔

صدر مملکت ڈاکٹر عارف اور ان کے ایرانی ہم منصب ابراہیم رئیسی کے درمیان تیلیفونک رابطہ ہوا ہے۔

عارف علوی اوران کے ایرانی ہم منصب ابراہیم رئیسی نے غزہ میں جاری قتل عام اور انسانیت کے خلاف جرائم کے خاتمے کے لیے اسلامی ممالک کی جانب سے مربوط کوششوں کی ضرورت پر زور دیا۔

ایرانی صدر کے ساتھ ٹیلی فون پر گفتگو کے دوران ارف علوی نے غزہ سمیت مقبوضہ فلسطین میں جاری اسرائیلی جارحیت اور قبضے کے نتیجے میں پیدا ہونے والی سنگین صورتحال پر گہری تشویش کا اظہار کیا۔

صدر علوی نے جموں و کشمیر کے تنازع پر اصولی مؤقف اور فلسطینی نصب العین کی حمایت پر ایرانی قیادت کو سراہا۔ ٹیلیفونک گفتگو میں دونوں رہنماوں نے باہمی اقتصادی تعاون پر بھی تبادلہ خیال کیا۔

مسلم لیگ ن کے رہنما اور سابق وفاقی وزیر خواجہ آصف کا کہنا ہے کہ تحریک انصاف 8 فروری کو عوامی عدالت میں جانے سے گھبرا رہی ہے، اور مظلومیت کی کہانی بیچنے کی کوشش کررہی ہے، ہو سکتا ہے کہ الیکشن کمیشن تاریخ کے بجائےشیڈول تبدیل کردے، اور کاغذات جمع کرانے کی تاریخ میں بھی توسیع ہوسکتی ہے۔

آج نیوز کے پروگرام ”فیصلہ آپ کا“ میں بات کرتے ہوئے ن لیگ کے سینئر رہنما خواجہ آصف کا کہنا تھا کہ کل اپنے کاغذات نامزدگی جمع کراؤں گا، ہو سکتا ہے کہ الیکشن کمیشن تاریخ کے بجائےشیڈول تبدیل کردے، اور کاغذات جمع کرانے کی تاریخ میں بھی توسیع ہوسکتی ہے، انتخابات میں عوام کیلئے سازگار ماحول بنانا ہوگا، طاقت کا سر چشمہ پاکستانی عوام ہیں، ان کو حق رائے دہی استعمال کرنے کی اجازت ہونی چاہئے۔

خواجہ آصف کا کہنا تھا کہ ہمیں اپنے تمام معاملات بات چیت سے حل کرنے چاہیئں، بلوچستان کیلئے سیاسی جماعتوں کو کردار ادا کرنا چاہئے۔

پی ٹی آئی کے سابق رہنما عثمان ڈار ان کی والدہ کی جانب سے الزامات کے حوالے سے خواجہ آصف کا کہنا تھا کہ خاتون کی جانب سے الزامات کی تردید کرچکا ہوں، الیکشن سے قبل اس طرح کےالزامات لگائے جاتے ہیں، مجھ پر جو الزامات لگائے گئے میں اس کا سوچ بھی نہیں سکتا، الزامات لگانے والےعدالت سے رجوع کریں۔

لیگی رہنما نے کہا کہ وکلاء اور بار کونسلز بہت محترم اور متعبر ہیں، پاکستانی سیاست میں وکلاء کا کردار اہم رہا ہے، یہ لوگ مجھ سے زیادہ قانون کو سمجھتے ہیں، کسی آئینی عہدے پر بیٹھے شخص کا استعفیٰ مناسب نہیں، یہ سیاسی مطالبہ ہو سکتا ہے، قانونی اور آئینی نہیں۔

خواجہ آصف کا کہنا تھا کہ الیکشن کو سازش کے تحت متنازع کیا جا رہا ہے، تحریک انصاف 8 فروری کو عوامی عدالت میں جانے سے گھبرا رہی ہے، اور مظلومیت کی کہانی بیچنے کی کوشش کررہی ہے، سابق امریکی صدر کو بغاوت کے الزام میں نااہل کر دیا گیا ہے، اب ڈونلڈ ٹرمپ اپنی سپریم کورٹ میں جا کر اپیل کریں گے، کیا 9 مئی کے واقعات کے خلاف کارروائی نہیں ہونی چاہئے، امریکا میں نااہلی ہو سکتی ہے تو یہاں کیوں نہیں۔

ن لیگ کے رہنما نے کہا کہ تحریک انصاف کے دور میں میرے خلاف آرٹیکل 6 کی کارروائی کی گئی، اور شفقت محمود نے پرانے ساتھ کا خیال نہ کیا اور پریس کانفرنس کی۔

لاہورمیں تجاوزات مافیا کے خلاف گریند آپریشن دوسرے روز بھی جاری ہے۔

نگراں وزیراعلیٰ پنجاب محسن نقوی کی ہدایت پر تجاوزات کے خلاف حکومتی مشینری حرکت میں ہے اور مختلف علاقوں میں کریک ڈاون کرکے مزید 60 افراد کو حراست میں لے لیا گیا۔

ضلعی انتظامیہ نے پولیس کے ہمراہ آپریشن میں گرفتاریوں کے علاوہ 30 دکانوں کو سیل بھی کردیا۔

ڈپٹی کمشنر لاہور رافعہ حیدر کا کہنا ہے کہ تجاوزات مافیا کو کسی صورت رعایت نہیں دی جائے گی۔

واضح رہے کہ گزشتہ روز مختلف علاقوں میں کریک ڈاون کے دوران 141 افراد کو گرفتار جب کہ 50 سے زائد پلازے اور دکانیں سیل کر دی گئی تھیں۔

جمعیت علمائے اسلام ف (جے یو آئی ف) اور پیپلز پارٹی کے درمیان خیبر پختونخوا میں سیٹ ایڈجسٹمنت کے معاملے پر مذاکرات کا دوسرا دور آج ہوگا۔

عوامی نیشنل پارٹی اور پیپلز پارٹی کے درمیان خیبر پختونخوا میں سیٹ ایڈجسمنٹ کے لیے مذاکرات کا سلسلہ جاری ہے۔

ادھر جے یو آئی کا پی پی پی کے ساتھ صوبے میں سیٹ ایٹجسٹمنٹ پر مذکرات کے لیے دوسرا دور آج سے شروع ہوگا۔

جمعیت علمائے اسلام (ف) کے اے این پی کے ساتھ مذکرات کے تین ادوار پہلے ہی مکمل ہوچکے ہیں۔

واضح رہے کہ گزشتہ دنوں پیپلز پارٹی کے وفد نے جمعیت علماء اسلام کے صوبائی سیکرٹریٹ کا رخ کیا۔ دونوں جماعتوں کے رہنماؤں نے آئندہ عام انتخابات میں سیٹ ایڈجسٹمنٹ کیلئے مذاکرات کیے۔