کراچی: پاکستان اسٹاک ایکسچینج میں مندی کے بعد آج پھر تیزی کا رجحان ہے، جس کے سبب انڈیکس95 ہزار پوائنٹس کی سطح عبور کرگیا۔
جمعرات کے روز بازار حصص میں کاروبار کا آغاز 244 پوائنٹس کی تیزی کے ساتھ ہوا، جس کے نتیجے میں کے ایس ای 100 انڈیکس بڑھ کر 95791 پوائنٹس کی سطح پر آ گیا۔
واضح رہے کہ گزشتہ روز پی ایس ایکس میں تیزی کا نیا ریکارڈ قائم ہونے کے بعد مندی چھا گئی تھی، جس کے سبب سرمایہ کاروں کے اربوں روپے ڈوب گئے تھے، تاہم آج کاروباری ہفتے کے چوتھے روز مارکیٹ پر تیزی کا رجحان غالب ہے۔
ٹریڈنگ کے دوران پی ایس ایکس میں کے ایس ای 100 انڈیکس 184 پوائنٹس کی تیزی کے ساتھ 95730 پر ٹریڈ کررہا ہے۔
