بھارتی اداکارہ شویتا تیواری نے ایک انٹرویو میں اپنی بیٹی پلک تیواری اور سیف علی خان کے بیٹے ابراہیم علی خان کے افیئر کی افواہوں پر لب کشائی کی ہے۔ 

پلک تیواری اور ابراہیم علی خان کے تعلقات کی خبریں کچھ عرصے سے گردش میں ہیں تاہم پلک کی ماں شویتا تیواری نے پہلی بار اس حوالے سے کوئی بات کی ہے۔

اداکارہ شویتا تیواری نے ٹی وی انڈسٹری میں جہاں مشکل لیکن شاندار سفر طے کیا ہے وہیں ایک سنگل ماں کی حیثیت سے اپنی بیٹی پلک تیواری کی تربیت میں بھی انھیں مشکلات کا سامنا کرنا پڑا۔

اداکارہ کو اپنے شوبز کیریئر کی ابتدا سے ہی افواہوں اور ٹرولنگ کا سامنا رہا۔ یہی وجہ ہے کہ شویتا ایک ماں کے طور پر اپنی بیٹی کو ٹرول کرتے ہوئے دیکھ کر خوفزدہ ہوجاتی ہیں۔

ایک خصوصی گفتگو کے دوران شویتا نے پلک تیواری کے تعلقات اور ڈیٹنگ کی افواہوں کے بارے میں بات کرتے ہوئے کہا کہ یہ افواہیں سننے کو ملتی ہیں کہ میری بیٹی ہر تیسرے آدمی کو ڈیٹ کررہی ہے، اور میں ہر سال شادی کررہی ہوں۔

پلک کے معاشقوں کی افواہوں پر بات کرتے ہوئے شویتا کا کہنا تھا کہ ’’افواہیں اب مجھے پریشان نہیں کرتیں۔ ان تمام برسوں میں، میں نے محسوس کیا ہے کہ لوگوں کی یادداشت صرف چار گھنٹے تک رہتی ہے، اس کے بعد وہ خبر بھول جاتے ہیں۔ تو پھر پریشان کیوں ہوا جائے؟‘‘

شویتا نے ہنستے ہوئے کہا کہ افواہوں کے مطابق تو میں پہلے ہی تین بار شادی کرچکی ہوں۔ یہ باتیں اب مجھ پر اثر انداز نہیں ہوتیں۔ یہ باتیں تب اثر کرتی تھیں جب سوشل میڈیا نہیں تھا اور کچھ صحافی آپ کے بارے میں اچھی باتیں لکھنا پسند نہیں کرتے تھے، کیونکہ اداکارہ کے بارے میں منفی خبریں ہی بکتی ہیں۔ اس دور سے نمٹنے کے بعد ان باتوں کا اب مجھ پر اثر نہیں ہوتا۔

شویتا نے سوشل میڈیا پر ٹرولنگ کے حوالے سے کہا کہ میرے دور میں سوشل میڈیا اتنا نہیں تھا، اس لیے میں نہیں جانتی تھی کہ ٹرولنگ سے کیسے نمٹنا ہے، لیکن میری بیٹی نے سب سے پہلے یہ سیکھا کہ ٹرولنگ سے کیسے نمٹا جائے۔ میں نے پلک کو انھیں ہینڈل کرتے ہوئے دیکھا اور میں نے اس سے سیکھا ہے۔‘‘

میکا سنگھ ایک مشہور گلوکار اور میوزک پروڈیوسر ہیں لیکن کووڈ 19 کی عالمی وبا سے ٹھیک پہلے وہ ایک سیریز کے پروڈیوسر بھی بن گئے تھے۔

میکا نے ‘ڈینجرس’ کے نام سے ایک ویب سیریز تیار کی تھی جس میں بپاشا باسو اور کرن سنگھ گروور نے اداکاری کی تھی۔

ایک نئے انٹرویو میں گلوکار نے کہا کہ فلم کی شوٹنگ کا تجربہ ‘خوفناک’ تھا اور اسٹار جوڑے نے شوٹنگ کے دوران ‘بہت ڈرامہ رچایا’۔

یوٹیوب چینل ‘کڑک’ پر بات کرتے ہوئے گلوکار نے کہا کہ وہ شروع میں کرن وہ بجٹ سے باہر نہیں گئے لیکن میکا سنگھ کے مطابق ان کے ساتھ کام کرنے کا ‘تجربہ خوفناک تھا’۔

یہ بتاتے ہوئے کہ تجربہ کس طرح خراب تھا میکا نے شیئر کیا کہ میں 50 افراد کی ٹیم کو ایک ماہ کے طویل شیڈول کے لیے لندن لے گیا، تاہم اسے دو ماہ تک بڑھا دیا گیا۔

ان کے مطابق اس دورے پر کرن اور بپاشا نے بہت ڈرامہ رچایا، وہ ایک شادی شدہ جوڑا ہے اس لیے میں نے ان کے لیے ایک کمرہ بک کروایا لیکن ان کا کہنا تھا کہ ‘نہیں، ہمیں اپنے الگ الگ کمرے کی ضرورت ہے، مجھے ان کی منطق سمجھ نہیں آئی، اس کے بعد انہوں نے دوسرے ہوٹل میں منتقل ہونے کا مطالبہ کیا جو ہم نے پورا کیا’۔

میکا نے کہا کہ اگرچہ اداکاروں نے جس معاہدے پر دستخط کیے تھے اس میں بوسہ لینے کا سین بھی شامل تھا لیکن انہوں نے شوٹنگ کے دن ایسا کرنے سے انکار کر دیا۔

گلوکار کا کہنا تھا کہ ‘اگرچہ وہ میاں بیوی ہیں پھر بھی کسنگ سین پر انہوں نے ڈرامہ رچایا، یہ اسٹارز دھرما پروڈکشن اور یش راج فلمز جیسے بڑے پروڈیوسرز کے قدموں پر گر جاتے ہیں اور چھوٹے سے چھوٹے کرداروں کے لیے بھی ان کی تعریف کرتے رہتے ہیں لیکن جب چھوٹے پروڈیوسرز کی بات آتی ہے تو ان کا رویہ بدل جاتا ہے، کیا ہم بھی پیسے خرچ نہیں کرتے؟

میکا نے بتایا کہ انہیں سلمان خان اور اکشے کمار جیسے اسٹارز نے مشورہ دیا تھا کہ وہ پروڈیوسر نہ بنیں اور اپنا پیسہ ضائع نہ کریں، لیکن وہ ڈٹے رہے۔

خیال رہے کہ ڈینجرس کو اگست 2020 میں ایم ایکس پلیئر پر ریلیز کیا گیا تھا اور اسے ملا جلا ردِ رمل ملا تھا تاہم ایک سیزن کے بعد اسے منسوخ کر دیا گیا۔

دوسری جانب بپاشا باسو اور کرن گروور کی ملاقات 2015 کی ہارر فلم الون کے سیٹ پر ہوئی تھی اور وہ اگلے ہی سال شادی کے بندھن میں بندھ گئے تھے۔

12 نومبر 2022 کو، انہوں نے اپنی بیٹی دیوی باسو سنگھ گروور کا استقبال کیا، کرن آخری بار فضائی ایکشنر فلم ‘فائٹر’ میں ایک معاون کردار میں نظر آئے تھے جبکہ بپاشا کا آخری آن اسکرین کام ‘ڈینجرس’ تھی۔

پاکستانی اداکار و گلوکار محسن عباس حیدر نے اپنے والد کے انتقال کے سبب پہنچنے والے غم کے اثرات کے بارے میں بتادیا۔

‘سیانی’ ، ‘مقابل’ ، ‘میری گُڑیا’ ، ‘دل تنہا تنہا’ جیسے ڈراموں میں بہترین اداکاری کے جوہر دکھانے والے اداکارہ محسن عباس حیدر نے فلموں میں بھی کام کیا اور اپنے فن کا لوہا منوایا۔

وہ فلم ‘نامعلوم افراد’ کے پہلے اور دوسرے دونوں پارٹس میں جاوید شیخ اور فہد مصطفیٰ کے ساتھ بہترین اداکاری کے جوہر دکھاتے نظر آئے۔

محسن عباس حیدر نے 19 دسمبر کو فوٹو اینڈ ویڈیو شیئرنگ ایپ انسٹاگرام کا رخ کر کے فینز کو ایک ایسی خبر دی ہے جو انکی زندگی میں آئے نئے غم کی وجہ تھی۔

محسن عباس حیدر نے انسٹاگرام پوسٹ پر اپنے والد کے انتقال کی خبر شیئر کرتے ہوئے لکھا کہ ‘میرے والد کا انتقال ہو گیا ہے، اناللہ واناالیہ راجعون’۔

محسن عباس حیدر نے چند روز قبل ایک اور پوسٹ انسٹاگرام پر شیئر کی جو انکے خود کے لکھے گئے اشعار تھے اور والد کی وفات کے گہرے غم کو بیان کر رہے تھے۔

لکھے گئے اشعار یہ ہیں

مجھے لگا تھا کہ سہہ لوں گا کچھ بھی ماں کے بعد

مگر میں سہہ نہ سکا اپنے باپ کا جانا

بہت کٹھن ہے یہ محسنؔ سے لاڈلے کے لئے

منافقوں کے نگر میں یتیم ہو جانا

اب سوشل میڈیا پر محسن عباس حیدر کی ایک فیس بُک پوسٹ زیرِ گردش ہے جس میں وہ والد کے انتقال کے پڑنے والے گہرے اثر کے بارے میں بتایا۔

فیس بُک پوسٹ میں محسن عباس نے لکھا کہ ‘باپ کے بعد میں بڑا نہیں، بوڑھا ہو گیا ہوں’۔

محسن عباس حیدر کے گزشتہ دو ہفتوں سے شیئر کیے جانے والے غم میں ڈوبے پوسٹس انکے فینز کو کافی پریشان کرتے دکھ رہے ہیں اور کمنٹس سیکشن میں بھی فینز انکے لیے دعا کرتے دکھ رہے ہیں۔

لیجنڈری گلوکارہ آشا بھوسلے نے  اپنے کانسرٹ میں کرن اوجلہ کے مقبول گانے ’توبہ توبہ‘ کو اپنی منفرد آواز اور انداز میں پیش کر کے سامعین کے دل موہ لیے۔

گانا ’توبہ تو بہ‘ فلم ’بیڈ نیوز‘ کا ہےجس میں وکی کوشل اور ترپتی دمری نے مرکزی کردار ادا کیے تھے۔

 آشا جی نے نہ صرف گانا گایا بلکہ وکی کوشل کے مشہور ڈانس اسٹیپس کو بھی اپنی پرفارمنس میں شامل کیا، جس نے کانسرٹ کے شرکاء کو خوب محظوظ کیا۔

انسٹاگرام پر وائرل ہونے والی ویڈیو میں دیکھا جا سکتا ہے کہ آشا بھوسلے نے نہایت دلکش انداز میں ’توبہ توبہ‘ گایا اور سامعین کو حیرت زدہ کر دیا۔

 ویڈیو کے ساتھ ایک پوسٹ میں لکھا گیا کہ ’کیا سرپرائز ہے، آشا بھوسلے گانا گاتے اور وکی کوشل کے اسٹیپس کو میچ کرتے ہوئے، یہ ویڈیو انٹرنیٹ پر آج سب سے بہترین چیز ہے۔‘

گلوکار کرن اوجلا نے بھی اس ویڈیو پر ردعمل دیا اور اپنی انسٹاگرام اسٹوریز میں لکھا کہ ’آشا بھوسلے موسیقی کی زندہ دیوی نے توبہ  توبہ گایا… ایک ایسا گانا جسے ایک گاؤں کے چھوٹے سے بچے نے لکھا، جس کا موسیقی کا کوئی بیک گراؤنڈ نہیں تھا اور نہ ہی ساز بجانے کا علم۔‘

انہوں نے مزید لکھا کہ ’یہ گانا نہ صرف مداحوں بلکہ موسیقی کے فنکاروں میں بھی بے پناہ مقبول ہوا، لیکن یہ لمحہ واقعی ایک تاریخی موقع ہے، جسے میں کبھی نہیں بھول سکوں گا۔ میں بے حد شکر گزار ہوں اور یہ لمحہ مجھے مزید ایسی دھنیں تخلیق کرنے کی ترغیب دیتا ہے۔‘

’توبہ توبہ‘ فلم ‘بیڈ نیوز‘ کا ایک مشہور گانا ہے، جس کی موسیقی اور بول کرن اوجلہ نے تخلیق کیے تھے۔ وکی کوشل کے منفرد ڈانس اسٹیپس اور ترپتی دمری کی دلکشی نے گانے کو ایک الگ پہچان دی۔

یہ گانا یوٹیوب اور انسٹاگرام رِیلز میں بھی خوب چھایا رہا اور معروف شخصیات نے بھی اسکا استعمال کرتے ہوئے اپنی ویڈیوز جاری کی تھیں۔