یورپ میں اسکینڈینیویا کے ممالک کو سردی کی شدید لہر نے جکڑ رکھا ہے۔ انتہائی سردی اور برفانی طوفانوں نے سفر مشکل بنادیا ہے۔ بچوں کے لیے اسکول جانا بھی دوبھر ہوگیا ہے۔ متعدد ممالک میں سیلاب نے لوگوں کی مشکلات میں مزید اضافہ کردیا۔ اب تک دو ہلاکتوں کی اطلاع ملی ہے۔

ہالینڈ میں ایک 75 سالہ شخص تیز ہوائوں کے باعث اپنی بائسیکل سے گر کر ہلاک ہوگیا۔

ڈنمارک، سوئیڈن اور خطے کے دیگر ممالک میں درجہ حرارت منفی 40 سینٹی گریڈ سے بھی نیچے جاچکا ہے۔

سوئیڈش لیپ لینڈ میں کوک جوک ایرنجارکا کے علاقے میں درجہ حرارت منفی 43 سینٹی گریڈ سے بھی نیچے رہا ہے۔ یہ پچیس سال میں سوئیڈن کا جنوری کے دوران کم ترین درجہ حرارت ہے۔

شدید سردی اور برفانی طوفانوں کے باعث پورے خطے میں سفر انتہائی مشکل ہوگیا ہے۔ کروڑوں افراد گھر تک محدود ہوکر رہ گئے ہیں۔ بہت سے مقامات پر ٹرین اور فیری سروس معطل کرنا پڑی ہے۔ اسکینڈینیویا میں بیشتر اسکول بند کردیئے گئے ہیں۔

ڈنمارک، سوئیڈن اور دیگر ممالک میں لوگوں سے کہا گیا ہے کہ بلا ضرورت سفر نہ کریں۔

سائبیریا اور آرکٹک ریجن سے آنے والی سردی کی شدید لہر نے مغربی یورپ کو بھی گرفت میں لے رکھا ہے۔ دارالحکومت ماسکو اور چند دوسرے علاقوں میں درجہ حرارت منفی 30 سینٹی گریڈ تک گرچکا ہے۔

مغربی روس کے مختلف شہروں کی انتظامیہ نے لوگوں سے کہا ہے کہ نقل و حرکت محدود رکھیں اور صحت کا خاص خیال رکھیں۔

مغربی انگلینڈ میں ایک شخص اس وقت ہلاک ہوا جب ایک درخت اس کی کار پر آ گرا۔ یہ حادثہ گلوسٹر شائر کے قصبے کیمبل میں رونما ہوا۔

مغربی یورپ میں سمندری طوفان ’سیاران‘ کی تباہی، 12 افراد ہلاک

انگلینڈ، آئر لینڈ اور ہالینڈ کے بہت سے علاقوں میں شدید سردی اور سیلاب کے کے باعث بجلی کی فراہمی بھی متاثر ہوئی ہے۔ لوگوں کو سفر میں مشکلات پیش آرہی ہیں، املاک کو نقصان پہنچا ہے۔ انگلینڈ اور ویلز میں سیلاب کی 300 سے زیادہ وارننگز جاری کی گئی ہیں۔

فرانس میں بھی شدید سردی کے دوران سیلاب سے معمولاتِ زندگی بری طرح متاثر ہوئے ہیں۔ زیر آب آنے والے علاقوں سے لوگوں کو نکالنے کا عمل جاری ہے۔ بہت مقامات پر سیلابی ریلو کا رخ موڑنا پڑا ہے۔

سعودی حکومت نے ملکی آجروں کے لیے غیر ملکیوں کا ورک ویزا منسوخ کرنا مزید آسان بنادیا ہے۔

حال ہی میں کیے گئے اقدامات کے تحت غیر ملکی ورکرز کے اخراج اور ان کی دوبارہ انٹری کو کنٹرول کرنا مزید سہل ہوگیا ہے۔

سعودی جنرل ڈائریکٹوریٹ آف پاسپورٹس نے اب آجروں کو الیکٹرانک گورنمنٹ سسٹم کے ابشر پلیٹ فارم کے ذریعے غیر ملکی ورکرز کے ویزا منسوخ کرنے کی سہولت فراہم کردی ہے۔ ویزا منسوخ کرنے کا یہ آن لائن عمل آجر کے اکائونٹ سے منسلک ہے تاکہ ویزا کی تنسیخ تیزی سے ممکن ہو۔

یاد رہے کہ ورکرز ویزا کے حصول کے لیے ادا کی جانے والی حکومت واپس نہیں کرتی۔

اخراج یا دوبارہ داخلے کے لیے پاسپورٹ کم از کم 90 دن کے لیے کارآمد ہونا چاہیے اور حتمی اخراج کے لیے کم از کم 60 دن تک کارآمد ہونا چاہیے۔

ایگزٹ یا ری انٹری ویزا کو حتمی ایگزٹ ویزا میں تبدیل کرنا صرف سعودی عرب کی حدود میں ممکن ہے۔

سعودی جنرل ڈائریکٹوریٹ آف پاسپورٹس رہائشی اجازت ناموں (اقامہ) کے اجرا و تجدید کے علاوہ ایگزٹ، ری اینٹری اور فائنل ایگزٹ ویزا کے اجرا کے لیے ابشر پلیٹ فارم پر موجود ڈجیٹل سہولتوں سے استفادے کو فروغ دے رہا ہے۔

سعودی عرب میں حال ہی میں ویزا کے قواعد میں تبدیلیوں سے غیر ملکی باشندوں کے لیے لچک پیدا کی ہے۔ ایگزٹ اور ری انٹری ویزا کے حامل افراد اب ویزا کے کارآمد ہونے کے آخری دن تک اپنے وطن جاسکتے ہیں۔

سعودی عرب سے باہر موجود ہونے پر بھی یہ لوگ ابشر پلیٹ فارم یا مقیم پورٹل کے ذریعے متعلقہ فیس آن لائن ادا کرکے اپنا ویزا کی آن لائن توسیع کرسکتے ہیں۔

ویزا کے درخواست دینے والوں کے پاس متعلقہ دورانیے کے لیے کارآمد پاسپورٹ ہونا چاہیے اور یہ سمجھنا بھی ضروری ہے کہ ایگزٹ اور ری انٹری ویزا کو فائنل ایگزٹ ویزا میں تبدیل کرنے کے لیے متعلقہ فرد کا سعودی عرب کی حدود میں ہونا لازم ہے۔

سعودی عرب میں غیر ملکی باشندوں کی تعداد ایک کروڑ 34 لاکھ ہے جو ملک کی مجموعی آبادی کا 41.5 فیصد ہے۔ ویزا سے متعلق حالیہ اقدامات کا بنیادی مقصد غیر ملکیوں کی مشکلات دور کرنا، ویزا کی پروسیسنگ آسان بنانا اور انتظامی امور کی انجام دہی کے لیے ڈجیٹل طریقوں کو اپنانا ہے۔

روس اور یوکرائن جنگ میں بھارتی ساختہ اسلحے کے استعمال کا انکشاف ہوا ہے، جبکہ سکھ رہنماؤں کے قتل کے باعث بھارت اور امریکا کے درمیان تعلقات میں دراڑ آگئی ہے۔

مودی سرکار کی عالمی سطح پر دوغلی پالیسیاں کھل کر سامنے آگئی ہیں، بھارت کی بیک وقت روس اور یوکرائن سے تعلقات استوار کرنے کی بھونڈی کوشش بےنقاب ہوگئی ہے۔

سوشل میڈیا پر گردش کرنے والی ویڈیو میں یوکرائنی فوج کے ہاتھوں میں بھارتی ساختہ اسلحے کی موجودگی نے تہلکہ مچادیا۔

ثبوت منظرعام پر آنے کے بعد بھارت کی روس یوکرائن جنگ میں غیر جانبداری کا مؤقف جھوٹا پڑ گیا۔

ذرائع کے مطابق یوکرائن سے ملنے والے مخصوص اسلحے کی تیاری ہندوستان میں ہوتی ہے، یوکرائن ہندوستان سے ملنے والا ساختہ اسلحہ آرمینیہ کو بھی فروخت کر چکا ہے۔

تجزیہ کاروں کا کہنا ہے کہ یوکرائن جنگ میں بھارتی گولہ بارود کی فراہمی سفارتی کشیدگی کا سبب بنے گی، یوکرائن کو اسلحے کی فراہمی سے ہندوستان کے روس کے ساتھ تعلقات خراب ہوں گے۔

دوسری جانب عرب خبر رساں ادارے الجزیرہ کا کہنا ہے کہ سکھ رہنماؤں کے قتل کی سازش بے نقاب ہونے پر بھارت اور امریکا کے درمیان تعلقات میں کشیدگی بڑھ گئی ہے۔

گزشتہ سال جون میں سکھ رہنما ہردیپ سنگھ نجار کو بھارت نے کینیڈا کی سر زمین پر قتل کروایا تھا، جبکہ سکھ رہنما گرپتونت سنگھ پنوں کو قتل کرنے کی بھارتی سازش کو امریکا نے بے نقاب کیا تھا۔

امریکی خبر رساں ادارے ”فنانشل ٹائمز“ کے مطابق مودی سرکار نے سازش بے نقاب ہونے پر تعلقات خراب ہونے کا اعتراف کر لیا۔

کشیدہ حالات کے باعث امریکی صدر جو بائیڈن نے ہندوستان کے یوم جمہوریہ کا دعوت نامہ بھی ٹھکرا دیا۔

بائیڈن کے نئی دہلی آنے سے انکار پر مودی سرکار نے کواڈ گروپ کا اجلاس ملتوی کردیا۔

امریکی ادارہ برائے مذہبی آزادی نے بھارت کو تشویش ناک ملک میں شامل کرنے کا مطالبہ کیا ہے، جبکہ دونوں ممالک میں ٹیکنالوجی کی منتقلی اور دفاعی معاہدوں پر پیش رفت سست پڑ گئی ہے۔