سال 2019ء کی فلم ’دی ایکسیڈینٹل پرائم منسٹر‘ بھارت کے سابق وزیراعظم منموہن سنگھ کی زندگی پر بنائی گئی تھی جو رواں ماہ 26 دسمبر کو انتقال کر گئے۔

اس فلم میں منموہن سنگھ کا کردار نبھانے والے معروف اداکار انوپم کھیر اور ہدایتکار ہنسل مہتا کے درمیان لفظی جھڑپ ہوئی تھی جس کی وجہ ہنسل مہتا کا ایک صحافی کی ہاں میں ہاں ملانا تھی۔

ایک سوشل میڈیا پوسٹ میں صحافی نے کہا تھا کہ 2019 میں ریلیز ہونے والی اس فلم میں منموہن سنگھ سے متعلق سب کچھ جھوٹ دکھایا گیا تھا۔
یہ لفظی جھڑپ اس وقت شروع ہوئی جب سینئر صحافی ویر سنگھوی جنہوں نے ’دی ایکسیڈینٹل پرائم منسٹر‘ فلم کو اب تک کی ‘سب سے خراب ہندی فلم‘ قرار دیا تھا۔

یاد رہے کہ اس فلم میں انوپم کھیر نے منموہن سنگھ کا کردار ادا کیا تھا، فلم کی ہدایتکاری وجے گٹے نے کی تھی، اس میں منموہن سنگھ کا دور حکومت دکھایا گیا ہے۔

سنگھوی نے اپنے ایکس پوسٹ میں لکھا کہ ’اگرآپ کو منموہن سنگھ سے متعلق بتائے گئے جھوٹ یاد رکھنے ہیں تو آپ کو ’’دی ایکسیڈینٹل پرائم منسٹر‘‘ فلم دیکھنی چاہیے، یہ نہ صرف اب تک کی سب سے خراب ہندی فلم ہے جبکہ اس بات کی واضح مثال بھی ہے کہ میڈیا ایک اچھے انسان کی کردار کشی کس طرح کرتا ہے’۔

ہنسل مہتا نے سنگھوی کے پوسٹ کو شیئر کرتے ہوئے کیپشن میں لکھا کہ ‘100فیصد درست’، فلمساز نے منموہن سنگھ کی موت پر اظہار غم کرتے ہوئے کیپشن میں لکھا کہ ‘قوم کو ان سے معافی مانگنی چاہئے’۔

ہنسل مہتا نے اپنے پوسٹ میں یہ بھی کہا کہ ’مجھے ان سے سب سے معافی مانگنے کی ضرورت ہے، یہ پچھتاوا اب میں زندگی بھر لے کر جیوں گا، سر مجھے معاف کر دیجئے، آپ ماہر معاشیات، وزیر مالیات اور وزیر اعظم کے علاوہ ایک عظیم انسان تھے’۔

ہنسل مہتا کی یہ پوسٹ دیکھ کر انوپم کھیر کو غصہ آگیا اور انہوں نے ہنسل مہتا کو ’’منافق‘‘ کہتے ہوئے اپنے پوسٹ میں لکھا کہ ’یہاں منافق ویر سنگھوی نہیں ہیں، ان کے پاس یہ حق ہے کہ وہ فلم کو پسند یا ناپسند کریں لیکن ہنسل مہتا ’’دی ایکسیڈینٹل پرائم منسٹر‘‘ کے تخلیقی ہدایتکار تھے، وہ برطانیہ میں فلم کی شوٹنگ کے دوران موجود تھے، انہوں نے اپنے تخلیقی مشورے بھی دیے تھے اور انہوں نے اس کی فیس بھی لی ہوگی۔

انوپم کھیر نے مزید کہا کہ ‘اسی لئے ان کا ویر سنگھوی کے پوسٹ پر 100فیصد درست کہنا غلط ہے اور یہ دہرا معیار ہے’۔

انوپم کھیر نے کہا کہ وہ سنگھوی کی رائے سے خوش نہیں ہیں لیکن وہ یہ مانتے ہیں کہ کوئی بھی فنکار خراب اور غیر متعلقہ کام کرسکتا ہے۔

انہوں نے کہا کہ ہنسل مہتا اب بڑے ہوجائیں میرے پاس اب بھی ہماری تمام تصاویر اور ویڈیوز ہیں جو ہم نے ساتھ میں لی تھیں، انہوں نے ہنسل مہتا کے پرانے پوسٹ کو کھوج نکالا جس میں انہوں نے فلم میں انوپم کھیر، گٹے اور کھنہ کے کام کو سراہا تھا۔

یاد رہے کہ ہنسل مہتا فلم میں بطور مہمان اداکار نظر آئے تھے، انہوں نے اڑیسہ کے 14ویں وزیر اعلیٰ نوین پٹنایک کا کردار ادا کیا تھا، انہوں نے اس پوسٹ کا جواب دیتے ہوئے لکھا کہ ’وہ ہمیشہ اپنی غلطیوں کو قبول کرنے کیلئے تیار رہتے ہیں’۔

فلمساز نے انوپم کھیر سے معافی مانگتے ہوئے کہا کہ ’وہ کسی مناسب وقت پر انوپم کھیر کے ساتھ اس مسئلے پر بات چیت کریں گے’۔

ہنسل مہتا نے مزید لکھا کہ میری طرف سےآپ کو محبت بھرا پیغام، جب بھی آپ کی خواہش ہو ہم بات کریں گے اور اس مسئلے کوحل کریں گے، میں نہیں چاہتا کہ اس بات کو زیادہ طول دیا جائے یا ہم اس پر اپنا وقت صرف کریں۔

بھارتی گلوکار میکا سنگھ نے فلمی نقاد کے آر کے ساتھ کپل شرما اور ہنی سنگھ کے ساتھ تنازع پر کھل کر بات کی ہے۔

ایک حالیہ انٹرویو میں میکا سنگھ نے کے آر کے کے ساتھ اپنے تنازع اور اس کے پیچھے موجود وجوہات بیان کیں۔ انہوں نے بتایا کہ میں ایک بار ریپر ہنی سنگھ، وویک اوبرائے اور کپل شرکا کو فلمی نقاد کے گھر لے کر گیا تاکہ تنازع حل ہوجائے۔

میکا سنگھ نے KRK کے بارے میں بات کرتے ہوئے کہا ’’وہ میرے بیٹے کی طرح ہے۔ وہ بہت پیارا انسان ہے۔ وہ کسی زمانے میں میرے اسٹوڈیو کے بہت قریب رہتا تھا۔ میں اکثر اس کے پاس جاتا تھا، بعض اوقات بغیر بتائے بھی میں ان کے گھر چائے پینے جایا کرتا تھا۔ میں اسے ’’بھائی‘‘ کہتا تھا۔ تو وہ جانتا تھا کہ میں پاگل آدمی ہوں۔ اس کی مجھ سے دوستی ہو گئی۔

گلوکار کے مطابق ’کے آر کے تمام ہیروز کو برا بھلا کہتا تھا۔ ان میں سے کچھ میرے پاس آتے اور مجھے کہتے ‘اسکو سمجھاؤ’ تو میں ثالث بن کر مسئلے کو حل کرواتا تھا۔

کے آر کے کے ساتھ ہنی سنگھ کی ملاقات کیسے ہوئی اور ہنی نے بظاہر اپنے بال کیسے کھینچے، اس کے بارے میں بتاتے ہوئے میکا نے بتایا کہ ’ریپر ہنی کو شاید یہ یاد نہ ہو لیکن کے آر کے نے ہنی کے بارے میں کچھ کہا تھا، جس پر وہ بہت پریشان تھا اور مجھ سے رابطہ کر کے اُس نے کہا کہ ’پاجی یہ ایسا ایسا بولتا ہے‘۔

میکا کے مطابق آیوشمان کھرانہ، کپل شرما بھی KRK سے بہت ناراض تھے۔ تو میں نے ہنی سے کہا، ہم اس کے پاس جائیں گے، دبئی میں اس سے ملیں گے، اور بات کریں گے، ہم ایسا کام کریں گے جیسے ہم دونوں نشے میں ہوں۔ ’’وہ ہمیں گالی دے گا لیکن تم اس کے ساتھ جو چاہو کرو، اگلے دن KRK نے ہمیں بتایا کہ ہم نے اس کے ساتھ بہت برا سلوک کیا۔ اور میں نے اسے بتایا کہ مجھے کچھ یاد نہیں کیونکہ ہم نشے میں تھے۔ بظاہر ہم نے اس کے بال کھینچے تھے‘‘۔

میکا نے کپل شرما کی کے آر کے کے سے ملاقات کے بارے میں بتایا اور کہا کہ اب آ رہے ہیں کپل پاجی کی طرف، یہ 2012-2013 کے آس پاس کی بات ہے۔ وہ کے آر کے سے بہت ناراض تھے۔ جب اسے معلوم ہوا کہ کے آر کے میرا پڑوسی ہے تو کپل نے اسے مارنا چاہا، وہ چاہتا تھا کہ میں اس رات اسے اس کے گھر لے جاؤں اور اس کی پٹائی کروں۔ میں نے اس سے درخواست کی کہ وہ ایسا نہ کرے۔

اپنی بات جاری رکھتے ہوئے میکا سنگھ نے کہا کہ بہرحال، ہم صبح 4-5 بجے کے قریب اس کے پاس گئے، وہ گھر نہیں تھا، اس کا عملہ باہر آیا، اور میں نے کپل کو بتایا کہ یہ وہی ہے جس پر کامیڈین نے اُس کے گھر کے شیشے توڑے اور ہنگامہ آرائی کی تھی۔

راحت فتح علی خان ایک انتہائی مقبول پاکستانی کلاسیکی گلوکار ہیں جن کے دنیا بھر میں لاکھوں مداح ہیں، انہوں نے اپنے مشہور گانوں، قوالیوں اور ڈرامہ OSTs کے ذریعے بھرپور بین الاقوامی شہرت حاصل کی۔

وہ واحد پاکستانی گلوکار ہیں جن کے گانوں کو ایک ارب سے زائد ویوز حاصل ہوچکے ہیں، ان کا مقبول گانا ‘ضروری تھا’ پہلا پاکستانی گانا ہے جسے یوٹیوب پر ایک ارب سے زائد مرتبہ دیکھا گیا۔

راحت فتح علی خان کے فیس بک فالوورز کی تعداد بھی 8 ملین سے زائد ہے، انکے چاہنے والوں میں کئی مشہور بین الاقوامی شخصیات بھی شامل ہیں جن کی جانب سے انہیں بھرپور عزت ملتی ہے۔

حال ہی میں راحت فتح علی خان کی ایک دلچسپ ویڈیو ان کے آفیشل انسٹاگرام اکاؤنٹ پر شیئر کی گئی جس میں انہیں بھارتی کرکٹ ٹیم کے سابق کپتان اور مایہ ناز بلے باز مہندر سنگھ دھونی کے ساتھ بات چیت کرتے دیکھا جا سکتا ہے۔

ویڈیو میں دیکھا جا سکتا ہے کہ راحت فتح علی خان ایم ایس دھونی اور دیگر دوستوں سے بات چیت میں مصروف ہیں جبکہ ایم ایس دھونی ان کی جانب دیکھ رہے ہیں۔

راحت فتح علی خان نے اپنی پوسٹ کے کیپشن میں لکھا کہ ‘دنیا میں آج تک پیدا ہونے والے سب سے بہترین کھلاڑیوں میں سے ایک’، ساتھ ہی انہوں نے پاک-بھارت دوستی کا علامتی نشان بھی بنایا۔

مداحوں کیجانب سے ان دونوں کی تصاویر دیکھ کر خوب مسرت کا اظہار کیا جارہا ہے جنکا کہنا ہے کہ 2 لیجنڈز کو ایک ساتھ دیکھ کر خوشگوار حیرت ہوئی۔

1999 کی ریلیز “بیوی نمبر 1” میں سشمتا سین اور سلمان خان نے پہلی بار ایک ساتھ کام کیا، اس پسندیدہ آن اسکرین جوڑی نے بعد میں “تم کو نہ بھول پائیں گے” اور “میں نے پیار کیوں کیا” جیسی فلموں میں بھی کام کیا، تاہم سشمتا کا کہنا ہے کہ سلمان خان ان کے خوابوں کےشہزادے رہے ہیں۔

انہوں نے حال ہی میں انکشاف کیا کہ وہ سلمان خان کی فلم “میں نے پیار کیا” سے ہی ان کی مداح رہی ہیں۔

سشمتا سین نے ایک حالیہ ایونٹ میں اپنی سلمان خان سے انسیت پر بات کی، انہوں نے انکشاف کیا کہ وہ اپنی جیب خرچ کا تمام پیسہ ان کے پوسٹرز خریدنے میں خرچ کر دیتی تھیں، جنہیں وہ بہت مقدس سمجھتی تھیں۔

سشمتا نے مزاحیہ انداز میں اعتراف کیا کہ میرے والدین نے ہمیشہ کہا کہ اگر ہوم ورک وقت پر مکمل نہ کیا تو ہم یہ پوسٹرز ہٹا دیں گے، اس لیے میں ہمیشہ اپنا ہوم ورک وقت پر مکمل کرتی تھی کیونکہ یہ پوسٹرز میرے لیے بہت خاص تھے، میں اس شخص سے محبت کرتی تھی۔

سشمتا سین نے ایک دلچسپ بات بتائی کہ فلم “میں نے پیار کیوں کیا” کے تصور کا آغاز کیسے ہوا، جس میں انہوں نے سلمان خان اور کترینہ کیف کے ساتھ کام کیا۔

اداکارہ کے مطابق انہوں نے سلمان کو اپنی نوجوانی کی جنونیت کے بارے میں بتایا تھا کہ کیسے وہ ان کے پوسٹرز کے ذریعے اپنے والدین کی مزاحیہ دھمکیوں سے متعلق کہانیاں سناتی تھیں۔

سلمان نے سشمتا سے پوچھا کہ ان کی پسندیدہ فلم کون سی تھی، اور انہوں نے جواب دیا “میں نے پیار کیا”، اس کے بعد سلمان نے ہدایتکار ڈیوڈ دھون سے کہا کہ وہ “میں نے پیار کیوں کیا” سشمتا سین کے ساتھ بنائیں۔

سشمتا سین نے ایک اور واقعے کا ذکر کیا جو ان کے سلمان خان کے بارے میں مثبت خیالات کو مزید بڑھا دیتا ہے، ہدایتکار ڈیوڈ دھون نے سشمتا کو ہدایت دی کہ وہ سیٹ پر ہیلز نہ پہنیں کیونکہ وہ سلمان سے لمبی نظر آئیں گی۔

جب سشمتا سین فلیٹ جوتے پہن کر آئیں تو سلمان نے ان کے لباس کی تعریف کی لیکن پوچھا کہ وہ “چپل” کیوں پہن کر آئیں ہیں، سشمتا نے فوراً سلمان کو بتایا کہ انہیں ہدایت دی گئی تھیں، یہ سن کر سلمان ہنس پڑے اور کہا کہ ‘تم اپنی ہائٹ سنبھالو، میں اپنی ہائٹ سنبھال لوں گا’۔

یہ واقعہ سشمتا کو بہت متاثر کر گیا جو پہلے ہی سلمان کی بڑی مداح تھیں، سشمتا نے کہا کہ وہ سلمان کو بہت ترقی پسند سوچ رکھنے والا انسان سمجھتی ہیں اور یہ بات انہیں ہمیشہ پسند رہی ہے۔