بالی وڈ اداکارہ پریتی زنٹا نے سلمان خان سے ڈینٹنگ کے سوال پر ایسا جواب دیا کہ صارف کی بولتی بند کرادی۔
اداکارہ پریتی زنٹا نے سال 1998 میں فلم ’دل سے‘ سے بالی وڈ کی دنیا میں قدم رکھا جس کے بعد متعدد فلموں میں اپنی شاندار اداکاری سے بھارتی فلم نگری میں خاص پہچان بنا لی۔
ان کی مشہور فلموں میں ’سولجر‘، ‘چپکے چپکے‘ ، ’دل ہے تمہارا‘ ، ’کل ہو نہ ہو‘ اور ’کبھی الوداع نہ کہنا‘ شامل ہیں جسے کئی سال گزرنے کے بعد آج بھی مداح انکے کردار کو فراموش نہ کرسکے۔
گزشتہ روز 27 دسمبر کو سلمان خان نے اپنی 59ویں سالگرہ منائی، اور اس خاص دن کی مناسبت سے انہیں لاکھوں فینز اور شوبز شخصیات کی جانب سے ڈھیروں مبارکباد موصول ہوئیں۔
ایسے میں اداکارہ پریتی زنٹا نے بھی سلمان خان کو انکی سالگرہ کے موقع پر خاص وش کیا۔
مائیکرو بلاگنگ سائٹ ایکس پر اداکارہ نے سلمان خان کیساتھ ماضی کی چند تصاویر شیئر کیں جسکے ساتھ منسلک کیپشن میں اداکارہ نے برتھ ڈے بوائے کو سالگرہ کی مبارکباد دی۔
اداکارہ نے کیپشن میں لکھا کہ،’سالگرہ مبارک ہو سلمان خان، صرف یہ کہنا چاہتی ہوں کہ میں تمہیں سب سے زیادہ پیار کرتی ہوں۔ باقی تم سے بات کر کے کہوں گی ….. اور ہاں، ہمیں مزید تصاویر لینے کی ضرورت ہے ورنہ میں یہی پرانی تصاویر پوسٹ کرتی رہوں گی!’۔
اداکارہ کی پوسٹ کو جہاں کئی صارفین نے پسند کیا وہیں ایک صارف نے حیران کن سوال کرڈالا۔صارف نے اداکارہ سے سوال پوچھا کہ،’کیا آپ دونوں نے کبھی ایک دوسرے کو ڈیٹ کیا؟’
جسکے جواب میں اداکارہ کا کہنا تھا کہ،’بالکل نہیں! وہ میرے خاندان کی طرح ہیں اور میرے قریبی دوست بھی، اور میرے شوہر کے دوست بھی ہیں .. اگر آپ سوچ رہے تھے تو ۔ سوری! مذاق کے بغیر رہ نہیں سکی‘۔
ایک اور صارف نے سوال کیا کہ ،’میرا ماننا ہے کہ یش جی کے ساتھ بالی وڈ رومانس کا دور ختم ہو گیا، کیا آج کے دور میں ہمیں کوئی اچھی بالی وڈ رومانس فلم دیکھنے کو مل سکتی ہے؟’
جسکے جواب میں اداکارہ نے لکھا کہ،’میں بھی یہی سوچ رہی تھی۔ امید ہے کہ کوئی اچھی کہانی اور نئے خیالات کسی ایسے شخص سے آئیں گے جس کا دل صحیح جگہ پر ہو۔ میں بھی آپ کی طرح انتظار کر رہی ہوں۔’
لگے ہاتھوں ایک اور ایکس صارف نے سوال کیا کہ،’آپ مصروف دن کے بعد خود کو کس طرح آرام دیتی ہیں؟’
اسکے جواب میں اداکارہ نے بتایا کہ،’جب آپ کے 3 سال کے جڑواں بچے ہوں، تو آرام کا کوئی وقت نہیں ہوتا۔ میں کوشش کرتی ہوں کہ جتنا ممکن ہو بچوں کے ساتھ موجود رہوں تاکہ جب کام کے لیے سفر کروں یا شوٹنگ پر جاؤں، تو زیادہ کمی محسوس نہ کروں۔’
یاد رہے کہ اداکارہ پریتی زنٹا سال 2016 میں گوڈینف کے ساتھ رشتہ ازدواج میں منسلک ہوئیں اور امریکہ چلی گئیں، بعدازاں اس جوڑے نے 2021 میں سروگیسی کے ذریعے جڑواں بچوں جیا اور جئے کا استقبال کیا۔
علاوہ ازیں سلمان خان کیساتھ انکے پراجیکٹس کی بات کریں تو پریتی زنٹا اور سلمان خان نے کئی فلموں میں ایک ساتھ کام کیا ہے، جس میں ’ہر دل جو پیار کرے گا’، چوری چوری چپکے چپکے’، ’دل نے جسے اپنا کہا’، ’جانِ من’ اور ’ہیروز’ شامل ہیں۔
جبکہ پریتی زنٹا ایک طویل وقفے کے بعد اداکاری میں واپسی کے لیے تیار ہیں، اور ان کی نئی فلم ’لاہور 1947’ ہے، جس کی ہدایتکاری راج کمار سنتوشی کر رہے ہیں۔ یہ پروجیکٹ پریتی کے کیریئر میں ایک اہم سنگ میل ثابت ہوگا، کیونکہ وہ کئی سالوں بعد سلور اسکرین پر واپس آ رہی ہیں۔
