سالِ نو کا آغاز وسطی بحر الکاہل میں واقعی جزائر پر مشتمل ملک کیریباتی اور اس کے سب سے بڑے جزیرے کیریتیماتی سے ہوا جس کے بعد نیوزی لینڈ اور پھر آسٹریلیا میں نئے سال کو شایان شان انداز سے خوش آمدید کہا جائے گا۔
دنیا میں جب میں پہلا علاقہ نئے سال کا جشن منا رہا تھا تو پاکستان میں اس وقت سہ پہر کے 3 بج رہے تھے۔
امریکا کے علاقے سمووا اور متعدد امریکی جزائر سال نو کا جشن منانے والے آخری مقامات ہوں گے۔
وقت کی اس تفریق کی وجہ انٹرنیشنل ڈیٹ لائن ہے جس کے باعث ایک ہی وقت میں اس کے دونوں اطراف دو مختلف تاریخیں ہوتی ہیں۔
یہی وجہ ہے کہ دنیا میں 39 ٹائم زونز کا استعمال کیا جا رہا ہے۔ ایک دوسرے متصل کچھ پڑوسی ممالک کے درمیان بھی 15 سے 30 منٹ کا فرق ہوتا ہے۔
پاکستانی وقت کے مطابق آج 31 دسمبر کو 6 بج کر 30 منٹ پر آسٹریلیا دوسرا ملک ہوگا جو نئے سال کا جشن منا رہا ہوگا لیکن آسٹریلیا کی ہی ریاست کوئنزلینڈ اور 6 دیگر مقامات پر آدھے گھنٹے بعد یعنی سات بجے نیا سال کا تاریخی لمحہ نمودار ہوگا۔
آسٹریلیا کے ہی شمالی علاقے 7 بج کر 30 منٹ پر نئے سال کو خوش آمدید کہیں گے۔ آسٹریلیا کے مغربی علاقوں کے باسیوں کو مزید آدھے گھنٹے یعنی 8 بجے تک نئے سال کا انتظار کرنا ہوگا۔
تقریباً 8 بجے باری آئے گی جاپان، جنوبی کوریا، روس، شمالی کوریا، انڈونیشیا وغیرہ کی۔ ان ممالک کے کچھ علاقوں میں سال نو کی آمد کا سلسلہ رات 10 بجے تک جاری رہے گا۔
میانمار اور مغربی آسٹریلیا کے آئی لینڈ میں سال نو کا آغاز ساڑھے 10 بجے ہوگا جب کہ 11 بجے بنگلادیش، قازقستان، کرغزستان، بھوٹان اور بحر ہند کے جزائر میں سال نو کا جشن منایا جائے گا۔
نیپال میں11 بج کر 15 اور 11 بج کر 30 منٹ پر بھارت، سری لنکا میں نئے سال کا آغاز ہوگا۔
اس کے بعد پاکستان میں جشن سال نو آغاز ہوگا۔ آدھے گھنٹے بعد افغانستان اور ایک بجے آذربائیجان، متحدہ عرب امارات، آرمینیا اور روس کے کچھ حصوں میں نئے سال کا آغاز ہوجائے گا۔
ایران میں نئے سال کا آغاز 1 بج کر 30 منٹ جب کہ 2 بجے روس کے دارالحکومت ماسکو، ترکیہ، سعودی عرب، عراق، ایتھوپیا، صومالیہ اور کینیا میں ہوگا۔
اسی طرح 3 بجے یونان، مصر، لبنان، روانڈا، رومانیہ اور 26 دیگر مقامات پر نیا سال شروع ہوگا۔
4 بجے باری آئے گی جرمنی، نائیجریا، الجزائر، اٹلی، بیلجیئم، مراکش، البانیہ اور فرانس کے علاقوں کی۔ 5 بجے برطانیہ، 6 بجے گرین لینڈ، برازیل، جنوبی جارجیا اور ساؤتھ سینڈوچ آئی لینڈز میں نیا سال شروع ہوگا۔
7 بجے برازیل، ارجنٹینا، چلی، یوروگوئے اور انٹار کٹیکا کے کچھ حصوں میں سال نو کا آغاز ہوگا۔ آدھے گنٹے بعد کینیڈا، وینزویلا وغیرہ میں بھی یہی مناظر ہوں گے۔
امریکا کی باری 9 بجے آئے گی۔ 10 بجے میکسیکو اور پھر 11 سے ایک بجے تک امریکا کی مختلف ریاستوں اور علاقوں میں نیا سال منایا جاتا رہے گا۔
پاکستانی تاریخ 2 جنوری بہ وقت ڈیڑھ بجے فرنچ پولی نیشیا کے آئی لینڈز میں، 2 بجے امریکی ریاست ہوائی، 3 بجے سہ پہر امریکی سمووا میں نئے سال کا آغاز ہوگا۔
دنیا میں سب سے آخر میں پاکستانی وقت کے مطابق صبح 4 بجے 2 جنوری کو امریکا کے غیر آباد جزائر بشمول بیکر آئی لینڈز اور ہاؤلینڈ میں نیا سال ہوگا۔
