سرائے مغل میں چوروں اور ڈاکوؤں نے دھند اور اسموگ کا فائدہ اٹھاتے ہوئے شہریوں کو لوٹ لیا۔

تفصیلات کے مطابق دھند اور اسموگ میں ڈاکو اور چور گینگ بھی سرگرم ہوگئے سرائے مغل میں نامعلوم ڈاکوؤں گن پوائنٹ پر شہریوں کو لوٹ کر لاکھوں روپے نقدی اور موبائل فون لے کر فرار ہوگئے۔

پولیس کے مطابق نامعلوم ڈاکوؤں نے سرائے مغل قبرستان کے قریب شہریوں کو لوٹا ہے، اسموگ اور دھند کے باعث موٹر سائیکل آہستہ چلائی جاتی ہے موٹر سائیکل پر سوار شہری دھند کے باعث آہستہ آہستہ جارہے تھے کہ سرائے مغل قبرستان کے قریب ڈاکوؤں سامنے آگئے اور موٹر سائیکل کو روک کر گن پوائنٹ پر شہریوں کو لوٹ لیا۔

پولیس نے تھانہ سرائے مغل میں مقدمہ درج کر کے کارروائی کا آغاز کر دیا۔

پاکستان تحریک انصاف کے رہنما علی محمد خان نے کہا ہے کہ بانی پی ٹی آئی نے 24 نومبر کیلئے قوم کو پیغام دیا ہے کہ آگے آزادی ہے، یہ پر امن انقلاب ہوگا۔

اڈیالہ جیل کے باہر میڈیا سے گفتگو کرتے ہوئے علی محمد خان نے کہا کہ 24 نومبر کو احتجاج کیلئے اسلام اباد میں جگہ کا تعین لیڈرشپ کرے گی، پورا پاکستان تیار ہے، بانی پی ٹی ائی نے کہا ہے کہ یہ پرامن انقلاب ہوگا۔

انہوں نے کہا کہ ہمارا احتجاج مینڈیٹ کی واپسی، 26 ویں ترمیم کے خلاف اور گرفتار پی ٹی ائی کارکنان کی رہائی کیلئے ہوگا، پرامن مارچ صرف اسلام آباد کی طرف ہوگا جس میں ملک بھر سے لوگ آئیں گے۔

انہوں نے کہا کہ بانی پی ٹی آئی پر کیس ہے کہ وہ قوم کے بچوں کو مفت تعلیم کیوں دے رہے ہیں، کیا بانی پی ٹی آئی ٹرسٹ کے پیسے لے گا؟، توشہ خانہ کیس میں وکیل نے اعتراف کیا کہ بانی پی ٹی ائی کو حق دفاع سے محروم کیا گیا۔ نیب وکیل نے مانا کہ سرکاری گواہ پر وکلا صفائی کو جرح کا موقع نہیں دیا گیا۔

انہوں نے کہا کہ جس شخص نے گواہی دی کیا اس نے کبھی ہار دیکھا بھی تھا؟۔ جس طرح توشہ خانہ کیس اڑا اسی طرح یہ 190 ملین پاؤنڈ ریفرنس بھی اڑے گا، قوم نے کبھی بانی پی ٹی ائی کو مایوس نہیں کیا، کوئی ایسا موقع نہیں آیا کہ اس قوم نے بانی پی ٹی آئی کو پیٹھ دکھائی ہو، 2018 میں ہم دو تہائی اکثریت سے جیتے تھے، ہم 2013 میں بھی الیکشن جیتے تھے۔

علی محمد خان نے کہا کہ عمران خان نے ڈیڑھ ماہ قبل کہا تھا جب اللہ چاہے گا تو یہ مجھے ایک دن اندر نہیں رکھ سکتے، بانی پی ٹی ائی کو یہ زیادہ دیر اندر نہیں رکھ سکتے۔

انہوں نے کہا کہ ان کو لانے والوں سے پوچھتا ہوں کہ کب تک شہباز شریف کا سیاسی جنازہ اپنے کندھوں پر اٹھائیں گے اور ان سیاسی مردوں سے منسلک رہیں گے؟، قوم کے دلوں میں آپ کی واپسی کا ایک ہی راستہ ہے جب کپتان کہے گا قوم آپ سے دوبارہ باہم شیر و شکر ہوگی۔

بانی پاکستان تحریک انصاف عمران خان کی اہلیہ بشری بی بی نے کہا ہے کہ  میرا سیاست میں آنے کا کوئی ارادہ نہیں، عمران خان کا پیغام ہے کہ 24 نومبر کو پوری تیاری کے ساتھ نکلنا ہے۔ 

 پشاورمیں پاکستان تحریک انصاف کے اجلاس میں پہلی بار بشریٰ بی بی نے خطاب کیا۔ اپنے خطاب میں انہوں نے کہا کہ  میرا سیاست میں آنے کا کوئی ارادہ نہیں، میں صرف عمران خان کا پیغام پہنچانے کے لیے آج آئی ہوں۔

بشری بی بی نے کہا کہ عمران خان کا سیاسی پیغام ورکرز تک پہنچانا مشکل ہے، عمران خان کا پیغام ہے کہ 24 نومبر کو پوری تیاری کے ساتھ نکلنا ہے۔

انہوں نے کہا کہ  خدشہ ہے 24 نومبر سے پہلے مجھے گرفتار کیا جائے گا، میں نے پارٹی کی قیادت نہیں کرنی، پارٹی لیڈر عمران خان ہے۔

بشری بی بی نے پردے میں رہتے ہوئے خطاب کیا اور ان کے خطاب کے وقت شرکاء کو موبائل فون بند کرنے کی ہدایات کردی گئی تھی۔