لاہور ڈیولپمنٹ اتھارٹی (ایل ڈی اے) غیرقانونی کمرشل عمارتوں کے خلاف کارروائی کرتے ہوئے 142ملاک کو سربمہرکر دیا۔

ترجمان ایل ڈی اے کے مطابق محکمے کے ڈی جی طاہر فاروق کی ہدایات پر ایل ڈی اے ٹیموں کی مختلف علاقوں میں کارروائیاں کیں اور 142املاک سربمہر مسمار کر دیں۔

بیان میں کہا گیا کہ ایل ڈی اے ٹیموں نے گلبرگ،جوہر ٹاؤن، علامہ اقبال ٹاؤن،شادمان، گلشن راوی، یو بی ڈی کینال روڈکے اطراف میں کارروائیاں کیں، ایل ڈی اے ٹیموں نے گلبرگ میں 18جوہر ٹاؤن میں 57،علامہ اقبال ٹاؤن میں 39املاک سربمہر کر دیں۔

اس کے علاوہ   شادمان،گلشن راوی،مین یو بی ڈی کینال روڈ کے اطراف میں 28املاک سیل کر دیں۔ سیل کی گئی املاک میں نجی سکول،ریستوران، ہوٹل، گیسٹ ہاؤس، سیلون، فوڈ پوائنٹس، دکانیں، دفاتر،سٹور ودیگر شامل ہیں، آپریشن سے پہلے ان املاک کو متعدد نوٹسز دیئے گئے تھے۔

بیان کے مطابق آپریشن چیف ٹاؤن پلانرون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا، غیرقانونی کمرشل عمارتوں، کمرشل فیس نادہندگان کے خلاف بلاامتیاز کارروائیاں جاری ہیں۔

لاہور ہائیکورٹ راولپنڈی بینچ نے نے ریٹائرڈ اسکوارڈن لیڈر گمشدگی کیس میں آر پی او کو 3 روز میں مغوی کو بازیاب کروانے کا حکم دے دیا۔

عدالت میں بینک روڈ صدر سے گاڑی سمیت لاپتا ہونے والے ریٹائرڈ اسکوارڈن لیڈرسعد رفیق  کی بازیابی کے لیئے دائر درخواست  کی سماعت لاہور ہائیکورٹ راولپنڈی بینچ کے جسٹس صداقت علی خان نے کی۔  درخواست میں آئی جی پنجاب۔ سیکرٹری وزارت داخلہ سیکرٹری وزارت دفاع ۔حکومت پنجاب اورآر پی او راولپنڈی کو فریق بنایا گیا۔ درخواست لاپتا ریٹائرڈ اسکورڈرن لیڈر سعد رفیق کی اہلیہ انعم حسن نے دائر کی تھی۔

سیکرٹری داخلہ کی جانب سےرپورٹ لاہور ہائیکورٹ راولپنڈی بینچ میں پیش کی گئی۔ سیکریٹری داخلہ نے بتایا کہ قانون نافذ کرنے والے کسی بھی ادارے کے پاس سعد رفیق کے بارے ریکارڈ نہیں نہ ہی علم ہے۔ اے اے جی پاکستان طالب عباسی،اے اے جی پنجاب محمد عمران اور ایس ایچ او کینٹ لقمان بھی عدالت میں پیش ہوئے۔ تفتیشی افسر عمر صدیق نے کیس کی پیش رفت سے متعلق عدالت میں رپورٹ پیش کی۔

رپورٹ کے مطابق مبینہ مغوی قانون نافذ کرنے والے اداروں کی تحویل میں نہیں ہے۔ معاملہ گھریلو اور ذاتی نوعیت کا ہوسکتا ہے۔  عدالت نے ملزمان کے خلاف ایف آئی آر درج کرنے کا حکم دیتے ہوئے درخواست نمٹا دی۔

سال (2025) جنوری کے پہلے ہفتے کے دوران صوبہ سندھ سمیت ملک کے مغربی اور بالائی علاقوں میں تیز ہواؤں اور گرج چمک کے ساتھ بارش اور پہاڑوں پر شدید برفباری کی پیشگوئی کی گئی ہے۔

محکمہ موسمیات کا کہنا ہے کہ بارش کا سب بننے والی مغربی ہوائیں یکم جنوری ( شام رات) سے ملک کے مغربی علاقوں میں داخل ہوں گی، یہ ہوائیں  06 جنوری، 2025 تک بالائی علاقوں پے موجود رہیں گی۔

بیان کے مطابق یکم جنوری (رات) سے 06 جنوری 2025 کے دوران گفت باستان دیامیر، استور، غذر، اسکردو، ہنزہ، گلات کا مجھے، شکر، کشمیر (دیوی تعلیم، منظر آباد، پونچھ بنیان ، باغ ، حویلی، سدھنوتی کو تلی، بھمبر میر پور) میں تیز ہواؤں اور گرج چمک کے ساتھ وقفے وقفے سے بارش اور شدید برفباری کا امکان ہے۔

محکمہ موسمیات کے مطابق یکم سے 05 جنوری 2025 کے دوران چترال، دیر، سوات، شانگلہ، کوہستان روانسر در ایبٹ آباد، میری پور بونیر ، پاچول، مجمتعد، تغییر ، اور کزئی، کرم، وزیرستان، پشاور ، چار معده، نوشہرہ، صوابی، بنوں، کرک اور کو بات میں تیز ہواؤں اور گرج چمک کے ساتھ وقفے وقفے سے بارش اور پہاڑوں پر شدید برفباری کا امکان ہے۔

اس میں کہا گیا کہ 01 (رات) سے 06 جنوری 2025 کے دوران مربی اور گلیات میں وقفے وقفے سے تیز ہواؤں اور گرج چمک کے ساتھ بارش اور شدید برفباری کا امکان ہے۔

محکمہ موسمیات نے کہا کہ 02  سے 06 جنوری 202 کے دوران اسلام آباد، پو ٹھو ہار ریین، سرگودھار میانوالی، بھکر ، خوشاب، حافظ آباد، گوجرانوالہ، منڈی بہاؤالدین میں بارش کا امکان ہے، گجرات، سیالکوٹ نارووال لاہور، شیخوپورہ، فیصل آباد، جھنگ اورٹوبہ یہ ایک سکھ میں تیز ہواؤں اور گرج چمک کے ساتھ وقفے وقفے سے بارش کا امکان ہے۔

محکمہ موسمیات کے مطابق 02  سے 05 جنوری  کے دوران ملتان، ڈیرہ غازی خان، لیہ ، مظفر گڑھ، تونسہ شریف، خانیوال ساہیوال، با کشتن اوکاڑو اور بہاد انگر میں بھی تیز ہواؤں اور گرج چمک کے ساتھ ملکی بارش کی توقع ہے۔

اس کے علاوہ زیارت، چین، پشین، قلعہ عبدالله، قلعہ سیف اللہ، چاقی، نوشکی، قلات، خضدار، ہرنائی، ژوب اور موسیٰ خیل میں وقفے وقفے سے تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

محکمہ موسمیات نے پیش گوئی کی کہ 03 جنوری اور 04 جوری  کو بالائی سندھ میں تیز ہواؤں اور گرج چمک کے ساتھ ہلکی بارش کا امکان ہے۔

جاری بیان میں کہا گیا کہ 02 جنوری سے 06 جنوری کے دوران شدید برفباری کے باعث مری، گلیات ، ناران کاخان ودیر، سوات کوہستان رمانسهره ای بلد آباد، شالکه استور، ہنزور اسکرو در وادی نیلم ، بانی ہو مجھ ، حویلی میں ٹریفک کی روانی متاثر ہونے کا امکان ہے۔

محکمہ موسمیات کے مطابق کشمیر، گلگت بلستان، تغییر بافتو کتوں کے پہاڑی علاقوں، مری اور گلیات میں لینڈ سلا میلہ تک برفانی تودے گرنے کا خدشہ ہے، اس سلسلے میں بارش اور پر بمباری کے دوران سیاحوں کو محتاط رہتے اور غیر ضروری سفر سے اجتناب کرنے کی ہدایت کی گئی ہے۔

بیان کے مطابق بارش بنجاب اور خیبر پختو نخوا کے بارانی علاقوں میں فصلوں کے لیے فائدہ مند صحبت ہو گی، بارشوں کے بعد ملک کے بیشتر علاقے شدید سردی کی اور کی لپیٹ میں آنے کا امکان ہے۔

پاکستان تحریک انصاف کی رہنما کنول شوذب  کے خلاف درج مقدمات کی تفصیلات فراہمی کی درخواست نمٹا دی گئی۔

پی ٹی آئی رہنما کنول شوذب کے خلاف درج مقدمات کی تفصیلات فراہمی کی درخواست پر  اسلام آباد ہائی کورٹ میں سماعت ہوئی۔

دوران سماعت ڈی ایس پی لیگل ساجد چیمہ نے عدالتی حکم پر کنول شوذب کے خلاف درج مقدمات کی تفصیلات جمع کرائی، جمع کرائی گئی رپورٹ  کے مطابق  کنول شوذب پر اسلام آباد کی حدود میں 5 مقدمات درج ہیں۔

اسلام آباد ہائی کورٹ کی جسٹس ثمن رفعت امتیاز نے مقدمات کی تفصیلات فراہم کرنے پر  درخواست نمٹا دی۔

نیوایئر نائٹ پر سپلائی کے لیے لائی گئی شراب کی بڑی کھیپ پکڑی گئی۔

پولیس کے مطابق ماڈل ٹاؤن کچہری  پارکنگ سے شراب کی بڑی کھیپ برآمد  ہوئی۔ خفیہ اطلاع پر نصیر آباد پولیس نے کارروائی کی، جس میں پارکنگ کے احاطے میں موجود شخص اشرف سے مجموعی طور پر 140 بوتلیں شراب برآمد ہوئی۔

ملزم نے اعتراف کیا ہے کہ وہ نیو ایئر نائٹ پر کچہری سمیت دیگر جگہوں پر سپلائی کے لیے شراب کی کھیپ لایا تھا۔ پولیس نے مقدمہ درج کرکے تفتیش شروع کردی ہے۔

دریں اثنا ایڈیشنل آئی جی ٹریفک پنجاب نے نیو ائیر نائٹ کے موقع پر ٹریفک پلان کے حوالے سے خصوصی احکامات جاری کیے ہیں، جس میں کہا گیا ہے کہ پلان کے مطابق گنجائش سے زیادہ گاڑیاں داخل نہ ہونے دیں۔  نیو ائیر نائٹ کے موقع پراہم شاہراہوں پراضافی ٹریفک اہلکار تعینات کیے جائیں۔

خاتون کو نازیبا وڈیوز اور تصاویر کے ذریعے آن لائن ہراساں اور بلیک میل کرنے والے ملزم کو گرفتار کرلیا گیا۔

ایف آئی اے سائبر کرائم سرکل راولپنڈی نے ایک کارروائی میں سوشل میڈیا کے ذریعے خاتون شہری کو آن لائن جنسی ہراسانی اور بلیک میلنگ میں ملوث ملزم کو گرفتار کرلیا۔

ملزم مغیث ہمایوں کو جدید ٹیکنالوجی کے استعمال سے  ٹریس کرکے چھاپا مار کارروائی میں راولپنڈی سے گرفتار کیا گیا۔ ملزم نے خاتون شہری کی نازیبا وڈیوز اور تصاویر بنائیں اور ان کی بنیاد پر متاثرہ خاتون کو بلیک میل کرنے میں ملوث پایا گیا ۔

گرفتار کیے گئے ملزم سے برآمد موبائل فون ضبط کر لیا گیا، جس سے مذکورہ سوشل میڈیا اکاؤنٹس اور دیگر شواہد بھی برآمد کر لیے گئے۔ ملزم متاثرہ خاتون کی قابلِ اعتراض تصاویر اور وڈیوز متاثرہ کے خاندان کے افراد کو بھی بھیجنے میں بھی ملوث پایا گیا  ۔

ایف آئی اے سائبر کرائم سرکل نے ملزم کو گرفتار کرکے تفتیش شروع کردی ہے۔

ایف آئی اے امیگریشن نے کراچی ائیرپورٹ پر کارروائی کرتے ہوئے جعلی دستاویزات پر سفر کرنے والے کو گرفتار کرلیا۔

ترجمان ایف آئی اے کے مطابق گرفتار مسافر کی شناخت عبد القادر کے نام سے ہوئی۔ ملزم متحدہ عرب امارات جا رہا تھا۔ امیگریشن کلئیرنس کے دوران مسافر کو مشکوک پایا گیا۔

ترجمان نے مزید بتایا کہ ملزم کے پاس موجود وزٹ ویزہ ٹیمپرڈ شدہ تھا۔ ملزم کے ویزہ کیٹگری میں ٹیمپرنگ کی گئی تھی۔ ابتدائی تفتیش کے مطابق ضیاء الدین اور نیہال نامی ایجنٹ نے ملزم کے ویزہ کیٹگری میں ٹیمپرنگ کی۔ ملزم کو ایجنٹوں کی نشاندہی اور مزید تفتیش کے لیے انسدادِ انسانی سمگلنگ سرکل کراچی منتقل کر دیا گیا ہے۔