مشہور اداکارہ ملائکہ اروڑا حال ہی میں والد کے انتقال کے بعد دوبارہ اپنے کام میں مشغول ہوگئی ہیں۔ 

انہوں نے والد کی وفات کے بعد کچھ وقت کے لئے وقفہ لیا اور اپنی فیملی کے ساتھ وقت گزارا اور اپنی 49 ویں سالگرہ بھی انہوں نے سادگی سے منائی۔

اب ملائکہ اپنے مختلف پروجیکٹس پر کام کر رہی ہیں، جن میں مختلف برانڈز کے اشتہارات، ڈانس رئیلٹی شو کی جج بننا، اور ایک اسٹارٹ اپ شو میں بطور بزنس انویسٹر شامل ہونا بھی شامل ہیں۔

اداکارہ  نے اپنی زندگی میں کئی مشکل حالات کا سامنا کیا، جیسے طلاق، آن لائن تنقید، اور حالیہ ذاتی نقصان۔ انہوں نے اپنے والد کی یاد میں ایک خاص پروجیکٹ پر کام کرنے کا اعلان بھی کیا ہے۔ ۔

ملائکہ کا کہنا ہے کہ ’’یہی میرے والد چاہتے تھے کہ میں آگے بڑھوں اور زندگی میں مثبت رہوں۔‘‘

بالی ووڈ کے معروف ہدایتکار دھرمیش درشن نے حالیہ گفتگو میں شاہ رخ خان کے ساتھ اپنے تعلقات اور ان کی پیشکشوں کے بارے میں انکشافات کیے ہیں۔ 

دھرمیش درشن نے بتایا کہ شاہ رخ خان نے انہیں دو بار فلموں کی پیشکش کی تھی، مگر انہوں نے اپنی اصولوں کے باعث قبول نہیں کیں۔

انہوں نے کہا، “2004 میں کریم مورانی ایک فلم بنانا چاہتے تھے جس میں شاہ رخ خان کو لینا تھا، مگر میں ‘بےوفا’ میں مصروف تھا۔ اسی طرح، شاہ رخ نے اپنی پروڈکشن کمپنی ریڈ چلیز کے تحت بھی ایک فلم کی پیشکش کی، مگر میں نے اصولی طور پر اسے رد کر دیا۔”

دھرمیش درشن نے شاہ رخ خان کی تعریف کرتے ہوئے کہا، “وہ حقیقی اور عظیم فنکار ہیں اور اپنے ہر کامیابی کے مستحق ہیں۔ ایک سچے اسٹار ہونے کے ساتھ ساتھ ان میں کلاس اور سخاوت بھی ہے۔”

انہوں نے مزید کہا کہ “جب بھی ہم ملتے ہیں، وہ ہمیشہ میرا احترام کرتے ہیں اور وہ کبھی ناراض نہیں ہوتے کہ میں ان کی پیشکش قبول نہیں کر پایا۔ یہ یقیناً میرا نقصان ہے کہ میں ان کے ساتھ کام نہیں کر سکا۔”

بالی ووڈ کے معروف اداکار آر مادھون اور نیل نیتن مکیش کی فلم ’’حساب برابر‘‘ کا ورلڈ پریمیئر 26 نومبر 2024 کو 55ویں انٹرنیشنل فلم فیسٹیول آف انڈیا (IFFI) میں ہوگا۔ 

جیو اسٹوڈیوز اور ایس پی سینیکورپ کی پیشکش، اس فلم کی کہانی ایک عام ریلوے ٹکٹ چیکر رادھے موہن شرما (آر مادھون) کے گرد گھومتی ہے، جو اپنی بینک اکاؤنٹ میں ایک معمولی سی بے ضابطگی کو پکڑتا ہے، جو بعد میں ایک بڑے مالیاتی فراڈ کا انکشاف بن جاتی ہے۔

نیل نیتن مکیش فلم میں مکی مہتا نامی بینکر کا کردار ادا کر رہے ہیں جو اس فراڈ میں ملوث ہے۔ جیسے جیسے رادھے کو دھوکہ دہی کے سسٹم کا سامنا ہوتا ہے، اسے اپنی ذاتی زندگی کے مسائل کا بھی سامنا کرنا پڑتا ہے۔

کرتی کلہاری بھی اہم کردار میں نظر آئیں گی، اور فلم میں انصاف، ایمانداری اور حق و باطل کے موضوعات کو اجاگر کیا گیا ہے۔

فلم کے بارے میں بات کرتے ہوئے، آر مادھون نے کہا، ’’حساب برابر صرف کرپشن کے خلاف جنگ نہیں، بلکہ ذاتی کمزوریوں سے نبرد آزما ہونے کا سفر بھی ہے۔‘‘ فلم کے ڈائریکٹر اشونی دھیر نے کہا، ’’یہ ایک سنسنی خیز فلم ہے جو عام آدمی کی جنگ کو اجاگر کرتی ہے اور ناظرین کو تفریح کے ساتھ ایک پیغام بھی دیتی ہے۔‘‘

بھارتی جاسوسی سیریز ’سائیٹیڈل ہنی بنی‘ نے پرائم ویڈیو پر ریلیز ہوتے ہی دنیا بھر میں مقبولیت کے جھنڈے گاڑ دیے۔ 

راج اینڈ ڈی کے کی ہدایت کاری میں بنائی گئی اس سیریز میں ورون دھون اور سمنتھا مرکزی کردار نبھا رہے ہیں۔ سیریز نے ریلیز کے پہلے ویک اینڈ میں ہی 200 ممالک میں شائقین کی توجہ حاصل کی اور 150 سے زائد ممالک میں ٹاپ 10 فہرست میں شامل رہی۔

پرائم ویڈیو انٹرنیشنل اوریجنلز کے سربراہ جیمز فیریل کا کہنا ہے کہ ویب سیریز کی کامیابی سے یہ ثابت ہوتا ہے کہ غیر انگریزی زبانوں کے مقامی مواد کو بھی عالمی سطح پر پسند کیا جا رہا ہے۔

سیریز کے بھارتی اوریجنلز کے سربراہ نکھل مدھوکھ نے بتایا کہ مقامی کہانیاں عالمی ناظرین کے دلوں پر راج کر رہی ہیں۔

برطانوی مصنفہ سمانتھا ہاروی نے اپنے مختصر ناول “آربیٹل” کے لیے معروف بکر پرائز جیت لیا۔

یہ ناول انٹرنیشنل اسپیس اسٹیشن پر موجود چھ خلابازوں کی کہانی بیان کرتا ہے جو زمین کو دیکھتے ہوئے زندگی، خواہشات، ماحولیات اور نقصان پر غور کرتے ہیں۔

50 ہزار پاؤنڈ انعام جیتنے والی یہ کتاب صرف 136 صفحات پر مشتمل ہے اور خلا میں ترتیب دی گئی پہلی بکر ایوارڈ یافتہ کہانی ہے۔

سمانتھا ہاروی نے اپنی کامیابی کے بعد کہا، “میں نے یہ جیتنے کی امید نہیں کی تھی۔” اپنی تقریر میں انہوں نے اس ایوارڈ کو ان تمام لوگوں کے نام کیا جو زمین، انسانیت، زندگی کے وقار، اور امن کے لیے آواز اٹھاتے ہیں۔

ججوں کے صدر ایڈمنڈ ڈی وال نے کہا، “یہ ایک زخمی دنیا کی کہانی ہے، جسے سمانتھا نے منفرد اور گہری نظر سے بیان کیا۔”

یہ ناول ہاروی کا پانچواں کام ہے، جو ان کی پہلی کتاب “دی وائلڈرنیس” کے 15 سال بعد شائع ہوا۔

ابھیشیک بچن نے اپنی نئی فلم ’آئی وانٹ ٹو ٹاک‘ کے میوزک لانچ کے موقع پر جسمانی تبدیلی اور کردار کی تیاری کے بارے میں دلچسپ باتیں کیں۔ 

فلم کے پوسٹر پر اپنے اضافی وزن کو دیکھتے ہوئے انہوں نے مزاحیہ انداز میں کہا، “اب میں اس حالت میں نہیں ہوں، مگر یہ تجربہ بہت کچھ سکھانے والا تھا۔”

ابھیشیک نے فلم کے کردار کے لیے وزن بڑھانے کے بارے میں گفتگو کرتے ہوئے کہا کہ یہ ایک چیلنج تھا اور عمر کے ساتھ وزن کم کرنا واقعی مشکل ہوجاتا ہے۔

انہوں نے شوجیت سرکار کا شکریہ ادا کیا کہ انہوں نے انہیں ایک مختلف کردار آزمانے کا موقع دیا، جس نے انہیں اپنی روزمرہ کی زندگی کے معمولات سے باہر نکالنے میں مدد دی۔

’آئی وانٹ ٹو ٹاک‘ کو شوجیت سرکار نے ڈائریکٹ کیا ہے اور اسے 22 نومبر 2024 کو سینما گھروں میں ریلیز کیا جائے گا۔ فلم میں ابھیشیک کے ساتھ جانی لیور بھی اہم کردار میں نظر آئیں گے۔