ہوم گراؤنڈ پر نیوزی لینڈ کے ہاتھوں کلین سوئپ اور آسٹریلیا میں پے در پے شکستوں کی وجہ سے تنقید کا نشانہ بننے والے کپتان روہت شرما نے ٹیسٹ کرکٹ سے ریٹائرمنٹ لینے کا فیصلہ کرلیا۔

بھارتی میڈیا کی رپورٹس کے مطابق روہت شرما آسٹریلیا کیخلاف سیریز کے آخری میچ سڈنی ٹیسٹ میں ریٹائرمنٹ کا اعلان کریں گے، اس وقت ٹیسٹ سیریز میں آسٹریلیا کو 1-2 سے برتری حاصل ہے جبکہ بارش کے باعث ایک ٹیسٹ میچ ڈرا ہوا تھا۔

بھارتی کرکٹ بورڈ (بی سی سی آئی) حکام اور سلیکٹرز کو بھی اس بارے میں علم ہے، روہت شرما اپنی ریٹائرمنٹ کے فیصلے کو نہیں بدلیں گے۔

تاہم روہت شرما ریٹائرمنٹ کے حوالے سے اعلان کب کریں گے اسکا تاحال حتمی وقت سامنے نہیں آیا ہے لیکن سڈنی ٹیسٹ میچ کو انکے انٹرنیشنل کیرئیر کا آخری میچ تصور کیا جارہا ہے۔

دورہ آسٹریلیا کے دوران روہت شرما نے اس سیریز کے 3 ٹیسٹ میچوں کی 6 اننگز میں صرف 31 رنز بنائے ہیں۔

واضح رہے کہ روہت شرما نے اس سال جون میں ٹی20 ورلڈکپ کا فائنل جیتنے کے بعد پریزینٹیشن سیریمنی کے دوران ٹی20 فارمیٹ سے ریٹائرمنٹ کا اعلان کیا تھا تاہم وہ پاکستان میں شیڈول چیمپئینز ٹرافی کیلئے قیادت کے فرائض نبھائیں گے۔

آسٹریلوی میڈیا نے باکسنگ ڈے ٹیسٹ میچ کے آخری روز ویرات کوہلی کے بعد بھارتی ٹیم کے کپتان روہت شرما کو بھی اپنے اخبار کے فرنٹ پر جگہ دیتے ہوئے تضحیک کا نشانہ بناڈالا۔

میلبرن میں کھیلے گئے میچ میں آسٹریلیا نے بھارت کو شکست دیکر 5 میچز کی سیریز میں 1-2 کی برتری حاصل کرلی ہے، گزشتہ روز کینگروز نے ہوم گراؤنڈ پر بھارتی سورماؤں کا آسٹریلیا فتح کرنے کا غرور خاک میں ملادیا تھا۔

ویرات کوہلی اور سیم کونسٹاس کے درمیان ہونیوالی لڑائی اور مسلسل آؤٹ آف فارم بھارتی ٹیم کے کپتان روہت شرما کی بھی نیندیں حرام کردیں، کھیل کے چوتھے 10ویں اور 11ویں نمبر پر بیٹنگ کرنیوالے بیٹرز نے 61 رنز کی پارٹنرشپ قائم کی، اس دوران فیلڈرز نے کئی مس فیلڈنگ کیں جس پر روہت ناراض اور تناؤ میں نظر آئے۔

اگلے ہی روز کھیل کے پانچویں روز ویسٹرن آسٹریلیا کے اسپورٹس پیج نے کوہلی کے بعد بھارتی کپتان روہت شرما کو ٹارگٹ کیا اور انکی تصویر پر بچوں کی چُسنی لگتے ہوئے کیشپن لکھا کہ کیپٹن کرائے بےبی (یعنی روتو کپتان) کا غیر نامناسب الفاظوں کا انتخاب کیا۔

قبل ازیں سیریز کے چوتھے ٹیسٹ میچ کے پہلے روز ڈیبیو کرنیوالے آسٹریلوی اوپنر سیم کونسٹاس سے الجھ پڑے تھے جس پر انہیں تنقید کا نشانہ بنایا گیا تھا۔

 میچ کے 10ویں اوور کے اختتام پر ویرات کوہلی اور سیم کونسٹاس کے آپس میں کندھے ٹکرا گئے جس پر دونوں کے درمیان تکرار ہوئی تاہم عثمان خواجہ اور امپائرز نے بیچ بچاؤ کروا دیا۔

واقعہ کے بعد ویرات کوہلی کو تنبیہ کرتے ہوئے میچ فیس کا صرف 20 فیصد جرمانہ اور ایک ڈیمیرٹ پوائنٹ دیا گیا تھا۔

واقعے کے وائرل ہونے کے بعد دی ویسٹ آسٹریلیا نامی اخبار نے ‘مسخرہ کوہلی’ کی ہیڈلائن درج کی، جس پر بھارتی سپورٹرز اور فینز بھڑک اُٹھے تھے۔

بعدازاں اخبار نے اگلے روز اپنے 19 سالہ کرکٹر سیم کونسٹاس کی تصویر لگائی اور فوٹو کے کیشپن پر نامناسب الفاظ کا انتخاب کیا، ویرات آئی ایم یور فادر (یعنی کوہلی میں تمہارا باپ ہوں)۔

دوسری جانب میلبرن آمد کیساتھ ہی ویرات کوہلی ایئرپورٹ پر صحافی سے بھی الجھ پڑے تھے۔

پاکستان سپر لیگ (پی ایس ایل) ڈرافٹ کے غیرملکی کرکٹرز کی ابتدائی فہرست تیار کرلی گئی۔

تفصیلات کے مطابق پی ایس ایل 10 سے قبل پلیئرز ڈرافٹ کا انعقاد 11 جنوری کو گوادر میں ہوگا، پی سی بی نے غیرملکی کرکٹرز کی ابتدائی فہرست تیار کرلی ہے، جس میں ردوبدل بھی ممکن ہے، حکام کو آسٹریلوی اسٹار ڈیوڈ وارنر، اسٹیو اسمتھ اور کیوی کرکٹر کین ولیمسن سے شرکت کی تصدیق کا انتظار ہے البتہ ان کے نام فہرست میں شامل ہیں۔

اسی طرح کرس ووکس اور جونی بیئراسٹو کی شمولیت انگلش بورڈ کے این او سی سے مشروط ہوگی۔ بھارت کے سوا دیگر تمام ٹیسٹ ممالک کے کرکٹرز ڈرافٹ میں شریک ہیں، اسٹار کرکٹرز کو لیگ کی تاریخ میں سب سے زیادہ معاوضہ دیا جائے گا۔

ابتدائی فہرست کے مطابق پلاٹینم کیٹیگری میں ڈیوڈ وارنر، شان ایبٹ، اسٹیون اسمتھ، مستفیض الرحمان، ڈیرل مچل، کین ولیمسن، کرس ووکس، جیسن روئے، جونی بیئراسٹو، ٹام کرن، ٹام کوہلرکیڈمور شامل ہیں، شکیب الحسن، کوشل مینڈس اور ڈیوڈ ویلی ڈائمنڈ میں موجود ہیں، عثمان خواجہ اور لیوری ایوانز گولڈ میں آ گئے، محمد نبی اور تنویر سانگھا ڈائمنڈ میں شامل ہیں۔

ڈرافٹ میں شامل دیگر کھلاڑیوں کے نام درج ذیل ہیں

بینجمن وارشس،محمود اللہ، ڈین فوکس کرافٹ،کوربن بوش، جارج لینڈے، نیندرے برجر، انجیلو میتھیوز، اوشکا فرنانڈو، ڈسون شناکا، ڈینوتھ ویلالاگے، پاتھم نسانکا، محمد وسیم، ڈیوڈ پائن، ڈیوڈ مالان، برینڈن کنگ، بلیسنگ موزاربانی، جوشوا برائون، نکھل چوہدری، حسن محمود، رشاد حسین، تنظیم حسن ثاقب، تسکین احمد، توحید ہریدوئے، مارک ایڈائر، پال اسٹرلنگ، گیرہارڈ ایرسمس، بین لیسٹر،جانسن چارلس، ایون جانز، جیڈوین جارج پیٹرز، ہانو ولجوئن، میگہل پریٹوریس، پیٹر ولیم ایڈرائن مولڈر، روبن اینڈریو ہرمین، ٹیمبا باووما، تھامس فلپ کبیر، ٹرسن لس، ایڈم روسنگٹن،برینڈن میک مولن، جیمز فولر، ریان برل، حشمت اللہ شاہدی، بائرز سوینپوئل، ڈیرل ڈوپاولین، دولت زدران، دائود احمد زئی، فریدون دائود زئی، گلبدیب نائب، ابراہیم زدران، محمد شہزاد، نجیب اللہ زدران، ظہیر خان پکتین، الیکس روز، جیمز بیزلی، پیٹرک ڈولے، لٹن داس، مہدی حسن، ناہید رانا، نجم الحسین شانتو، رپون مونڈل، سومیہ سرکار، تیج الاسلام، آرون جونسن، اینڈریو بلبرائن، کرٹس کیمپھر، لورکن ٹکر، روس ایڈائر، تھامس ڈریکا، بریٹ ہیمپٹن، چیڈ بوئس، کول میکونچی، میکس چھو، مائیکل ری، ٹام بروس، جنید دائود، جونیئر ڈالا، اسیتھا فرنانڈو،چمندو وکرماسنگھے، دلشان مدھوشنکا،دنیش چندیمل، دوشان ہیمنتھا،بینی ہوویل، کرس سول، جارج گارٹن، جیک جاروس، مارک واٹ،ناتھن سوٹر، روس ویٹلی، ویلم اسمیڈ، آرون جونز، الیک ایتھنزی، عامر جینگو، گوتاکیش موتی،جیڈیا بلیڈز، جیول اینڈریو، جوہان جیریما، جوشوا بشپ، جوشوا جیمز، کدیم الینی، کیسی کارٹی، کھاری پیری، مارک دیال، میکیل گوویا، میکیل لوئس، اوڈین اسمتھ، ڈیون مائرز، نکولس ویلچ، امیر حمزہ ہوتک، اعجاز احمد زئی، شاہد اللہ کمال، وحید اللہ زدران، یاما عرب، ضیا الرحمان اکبر، جوشوا وین ہیرڈین، بیری میک کارتھی، ڈیو کھنال،کونر ایسٹر ہویزین، جورڈن ہیرمین، ٹی شیپو موریکی، وقار اللہ اسحاق،بیجمن میننٹی، بلیک میک ڈونلڈ، کیمرون میک کلور، ہیری ڈکسن، جیکسن اسمتھ، جیمزسیمور، جوشوا کین، میکنزی ہاروے،میکس برتھیسل، مائیکل پیری، روانتھاکیلپوتھا، سیموئل ہیزلیٹ، اسٹیون میکگفن، تھامس روجرز، تھورنٹن ہنری، عفیف حسین،الیس الاسلام، جاکر علی، قمر الاسلام، انعم الحق،صابر رحمان، شریف الاسلام،محمد سیف الدین، مکید الاسلام،نسوم احمد، نظم الاسلام، رونی تعلقدار، رویل میاح، سیف حسن، شمیم حسین، شاہد الاسلام، تنزید حسن، ہرش ٹھاکر، کیرو شرما، اعجاز خان، بابر حیات، احسن خان،احسن نواز،ہارون ارشد، گرانٹ اسٹورٹ،سید زین عباس نقوی،ورندیپ سنگھ، ارجن سعود، آصف شیخ، میکس او ڈوڈ، موسیٰ احمد، پال وین میکرین، رولف وین ڈرمرو، تیجا ندامونرو، ویوین کنگما، ڈیل فلپس، ڈین کلیور، جیڈن لینوکس، کیٹن کلارک،محمد عباس، نک کیلی، پیٹر ینگ ہسبنڈ، عاقب الیاس، بلال خان، مہران خان، محمد عمران،حمزہ خان، بمانی زینزی،ا یشن بنڈارا،کاسن رجیتھا، لاہیرو ادارا ایگالگاماگے، جمامیاگی، عاکف راجہ، آریان لکرا، آصف خان، باسل حمید، ایتھن ڈی سوزا، حضرت لقمان، خزیما بن تنویر،محمد اکاشا طاہر، محمد فاروق،محمد عمیر خان، راہول چوپڑا، شاہد اقبال بھٹہ،سید محمد حیدر شاہ،جیک ٹیلر، تزیم علی، اکرشت گومل، علی شیخ، جوشوا ٹرومپ، میتھیو ٹرومپ، مختار احمد، نعمان انور، اسٹیفن وگ، اسٹیون ٹیلر، سشانت مودانی، ضیا شہزاد، ابھیجے مان سنگھ، اکیم اگسٹی، اکیم جورڈن، چندرپال ہیم راج، کولین آرکیبالڈ، جومل وریکن،جورڈن جانسن، جونیئر سنکلیئر، کریما گور، کیون سنکلیئر، کیولون اینڈرسن، کرک میکنزی، میتھیو نندو، ناتھن اینڈورڈ، ریوالڈو کلارک، روماریو روچ، شیرون لوئس، شیڈریک ڈسکارٹ، شیمار بروکس، شیلڈن کوٹریل، ذیشان موتارا، سولومون میر، تناکا چیونگا،تنانشے موچوایا، ٹینوٹینڈا مپوسا۔