ممبئی: بالی وڈ اداکارہ خوشی کپور نے نئی مرسیڈیز بینز لگژری کار خرید لی جس کی قمیت ڈھائی کروڑ ہے۔

ایک انسٹاگرام اکاؤنٹ نے لگژری ایس یو وی کی ایک ویڈیو سوشل میڈیا پلیٹ فارم پر شیئر کی جس میں خوشی کپور کی خریداری کے بارے میں اعلان بھی کیا گیا۔

اداکارہ نے جس شاہانہ گاڑی میں سرمایہ کاری کی ہے، اس کے بارے میں کہا جاتا ہے کہ یہ دو ایڈیشنز میں دستیاب ہے اور توقع ہے کہ یہ مرسڈیز جی کلاس کیٹیگری میں اعلیٰ درجہ کی ماڈلز میں سے ایک ہے۔

مرسڈیز بینز جی کلاس 400 ڈی ایک پانچ نشستوں والی کار ہے جس میں متعدد خصوصیات ہیں جیسے ملٹی فنکشن اسٹیئرنگ وہیل، پاور ایڈجسٹ ایبل ایکسٹریئر ریئر ویو مرر، ٹچ اسکرین، آٹومیٹک کلائمیٹ کنٹرول، اینٹی لاک بریکنگ سسٹم (ABS)، الائے وہیلز، بشمول۔ دوسرے یہ 2925cc انجن سے چلتا ہے جو آٹومیٹک ٹرانسمیشن کے ساتھ دستیاب ہے۔

ممبئی: عالمی شہرت یافتہ بھارتی گلوکار، میوزک ڈائریکٹر و گیت نگار اے آر رحمان ساتویں مرتبہ نیشنل ایوارڈ برائے موسیقی جیتنے میں کامیاب ہوگئے۔

بھارتی میڈیا کے مطابق گزشتہ روز 16 اگست کو 2022ء میں ریلیز ہونے والی بھارتی فلموں کے لیے 70ویں نیشنل ایوارڈز کا اعلان ہوا۔

70ویں نیشنل فلم ایوارڈز کے فاتحین میں آسکر ایوارڈ یافتہ بھارتی گلوکار اے آر رحمان کا نام بھی شامل ہے، اُنہیں نیشنل فلم ایوارڈز میں بہترین میوزک ڈائریکٹر (بیک گراؤنڈ اسکور) کے ایوارڈ سے نوازا گیا ہے۔

اے آر رحمان کو منی رتنم کی تامل فلم ‘پونیئن سیلوان پارٹ 1′ کے لیے موسیقی کی ہدایتکاری کرنے پر ایوارڈ دیا گیا ہے، یہ فلم سال 2022 میں سُپر ہٹ ثابت ہوئی تھی۔

رپورٹ میں بتایا گیا کہ ساتواں نیشل فلم ایوارڈ جیتنے کے بعد اے آر رحمان بھارت میں سب سے زیادہ مرتبہ یہ ایوارڈ جیتنے والے پہلے میوزک ڈائریکٹر بن گئے ہیں۔

بھارتی میڈیا کی رپورٹ میں بتایا گیا کہ اس فہرست میں دوسرے نمبر پر ایسگنانی الیاراجہ ہیں، جنہوں نے موسیقی کے شعبے میں پانچ بار نیشنل ایوارڈز اپنے نام کیے۔

ممبئی: بالی ووڈ کی معروف اداکارہ شردھا کپور اور اداکار راج کمار راؤ کی نئی ہارر کامیڈی فلم ’استری 2‘ نے باکس آفس پر دھوم مچاتے ہوئے نیا ریکارڈ اپنے نام کرلیا۔

شردھا کپور 15 اگست کو ریلیز ہونے والی اپنی نئی فلم ‘استری 2′ میں اپنے کردار ‘استری’ کی وجہ سے فلمی دُنیا میں چھا گئی ہیں، اداکارہ جہاں اپنے منفرد کردار کی بدولت مداحوں کی تعریفیں سمیٹ رہی ہیں تو وہیں اُن کی اور راج کمار راؤ کی اس فلم نے باکس آفس پر دھماکے دار اوپننگ کرکے سب کو حیران کردیا ہے۔

بھارتی میڈیا کے مطابق فلم ‘استری 2′ نے اپنی کامیاب اسٹوری لائن، ہارر اور کامیڈی کے تڑکے کی بدولت ریلیز کے صرف دو دن میں بھارتی باکس آفس پر 100 کروڑ سے زائد کا بزنس کرلیا ہے۔

رپورٹ میں بتایا گیا کہ شردھا کپور اور راج کمار راؤ کی فلم نے ریلیز کے پہلے دن 76.5 کروڑ بھارتی روپے جبکہ دوسرے دن 30 کروڑ بھارتی روپے کمائے، اس طرح ‘استری 2′ نے صرف دو دن میں 106.5 کروڑ کا ریکارڈ توڑ بزنس کیا۔

بالی ووڈ فلموں کے تجزیہ نگاروں نے پیشگوئی کی ہے کہ فلم ‘استری 2′ ہفتے اور اتوار یعنی آج اور کل مزید کمائی کرکے باکس آفس پر گزشتہ تمام ریکارڈز توڑتے ہوئے ایک نیا ریکارڈ قائم کرے گی۔