قومی ٹیم کے وائٹ بال فارمیٹ کے کپتان بابراعظم بنگلادیش کیخلاف پریکٹس سیشن میں ایک مرتبہ مشکلات کا شکار دیکھائی دینے لگے۔
ٹی20 ورلڈکپ میں ناقص پرفارمنس اور مسلسل خراب فارم نے بابراعظم کو پیچھا نہ چھوڑا، بنگلادیش کیخلاف 2 ٹیسٹ میچز کی سیریز سے قبل وائٹ بال فارمیٹ کے کپتان نیٹ پریکٹس سیشن کے دوران مشکلات کا شکار رہے۔
سوشل میڈیا پر ایک ویڈیو وائرل ہورہی ہے جس میں دیکھا جاسکتا ہے کہ فاسٹ بولر خرم شہزاد مڈل آرڈر بیٹر کو گیند کروارہے ہیں جبکہ انہیں ایک بال پر گیند بولڈ بھی کردیا۔
نیٹ میں بلے بازی کرتے ہوئے بابراعظم کو بالر کی اِن سوئنگ بال مشکل میں دیکھا گیا جو انکے پیٹ کے نچلے حصے پر لگی اور وہ کچھ دیر بیٹھ گئے۔
سال 2022 سے بابراعظم ٹیسٹ فارمیٹ میں مسلسل مشکلات کا شکار رہے ہیں جبکہ دورہ آسٹریلیا کے ٹیسٹ میچز میں انہوں نے محض 20.60 کی اوسط سے رنز بنائے تھے جبکہ کینگروز کیخلاف 41 انکا بہترین اسکور تھا۔
واضح رہے کہ بنگلادیش کیخلاف سیریز کا پہلا ٹیسٹ 21 اگست سے راولپنڈی جبکہ دوسرا ٹیسٹ 30 اگست کو کراچی کے نیشنل اسٹیڈیم میں کھیلا جائے گا۔
