سونے کی قیمت میں ایک بار پھر زبردست اضافہ دیکھا گیا جس کے نتیجے میں سونے کی فی تولہ قیمت ملکی تاریخ کی بلند ترین سطح 3 لاکھ 8 ہزار روپے پرجاپہنچی ہے ۔
عالمی بلین مارکیٹ میں سونا 34 ڈالر کے نمایاں اضافے سے 2944 ڈالر فی اونس کا ہوگیا۔
بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 3 ہزار 800 روپے کے بڑے اضافے سے 3 لاکھ 8 ہزار روپے کی نئی بلند ترین سطح پر پہنچ گئی ہے ۔
اسی طرح دس گرام سونے کی قیمت 3 ہزار 258 روپے کے اضافے سے پہلی بار 2 لاکھ 64 ہزار 60 روپے ہوگئی ہے۔
یاد رہے کہ منگل کو سونے کی فی تولہ قیمت ایک ہزار روپے کے اضافے سے 3لاکھ 4ہزار 200روپے ہوگئی۔
واضح رہے کہ جمعہ کو پاکستان میں سونے کی فی تولہ قیمت 3 لاکھ 6 ہزار 200 روپے کی بلند ترین سطح پر پہنچ گئی تھی۔
دوسری جانب چاندی کی فی تولہ قیمت 90 روپے کے اضافے سے 3 ہزار 440 روپے ہوگئی ۔
