پاکستان اسٹاک ایکسچینج میں آج پھر شاندار تیزی دیکھی جا رہی ہے، جس کے نتیجے میں انڈیکس نئی تاریخی سطح پر پہنچ گیا۔
جمعرات کے روز بازار حصص میں کاروبار کا آغاز 932 پوائنٹس کی زبردست تیزی کے ساتھ ہوا، جس کے نتیجے میں کے ایس ای 100 انڈیکس بڑھ کر ایک لاکھ 37 ہزار 312 پوائنٹس کی سطح پر آ گیا۔
بعد ازاں مارکیٹ میں تیزی کا رجحان غالب رہا اور سرمایہ کاروں کا اعتماد بحال ہونے کا مظہر مجموعی طور پر 1728 پوائنٹس کی بڑی تیزی کے ساتھ ہوا، جس کے بعد 100 انڈیکس ایک لاکھ 38 ہزار 108 پوائنٹس کی نئی بلند ترین سطح کو چھو گیا۔
واضح رہے کہ گزشتہ کاروباری ہفتے کا اختتام بھی پی ایس ایکس میں نئے ریکارڈز کے ساتھ ہوا تھا جب کہ رواں ہفتے بھی اسٹاک مارکیٹ میں ریکارڈ ساز تیزی جاری ہے، جس کے نتیجے میں کارباری سودے عروج پر ہیں۔
